შედეგები

,,უმაღლესი   განათლების   შესახებ’’   საქართველოს კანონის  23-ე  მუხლის პირველი პუნქტის, 24-ე მუხლის პირველი პუნქტის ,,ზ’’ ქვეპუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი და მე-3 ნაწილების, 53-ე მუხლის მე-3 ნაწილის, 54-ე მუხლის პირველი ნაწილის, 55-ე მუხლის, 56-ე მუხლის მე-2 და მე-3 ნაწილების, 57-ე მუხლის,  63-ე  მუხლის, საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული საჯარო სამართლის იურიდიული პირის - ივანე ჯავახიშვილის სახელობის  თბილისის  სახელმწიფო  უნივერსიტეტის  წესდების მე-15 მუხლის პირველი პუნქტის, მე-16 მუხლის პირველი პუნქტის „ნ“, ,,ო“ ,,პ“ ქვეპუნქტების და თსუ ილია ვეკუას სახელობის გამოყენებითი მათემატიკის ინსტიტუტის დირექტორის გიორგი ჯაიანის 2020 წლის 11 დეკემბრის N21474/10 კორესპონდენციის საფუძველზე,

ვბრძანებ:

1. შევიდეს ცვლილება ,,სსიპ - ივანე ჯავახიშვილის სახელობის თბილისის სახელმწიფო უნივერსიტეტის სტრუქტურულ ერთეულებში მატერიალურად პასუხისმგებელი პირების დანიშვნის შესახებ” ადმინისტრაციის ხელმძღვანელის 2018 წლის 24 ოქტომბრის N283/02-01 ბრძანებაში და აღნიშნული ბრძანებით  დამტკიცებული    დანართი  N1-ის  52-ე მუხლის პირველი პუნქტის ,,ა“ ქვეპუნქტი ჩამოყალიბდეს შემდეგი სახით:

,,ა) ბაკურ გულუა - დირექტორის მოადგილე - ილია ვეკუას სახელობის გამოყენებითი მათემატიკის ინსტიტუტში არსებულ მატერიალურ რესურსებზე პასუხისმგებელი პირი.“.

2. ბრძანების უნივერსიტეტის ოფიციალურ ვებგვერდზე განთავსება დაევალოს საინფორმაციო ტექნოლოგიების დეპარტამენტს.

3. ბრძანება ძალაში შედის გამოცემისთანავე.

ადმინისტრაციის ხელმძღვანელი  ლაშა საღინაძე

18 დეკემბერს, პარასკევს, 16:00 საათზე, ზუმის პლატფორმაზე გაიმართება  შოთა რუსთაველის ეროვნული სამეცნიერო ფონდის მიერ დაფინანსებული პროექტის  „იოანეს სახარების ძველი ქართული თარგმანის კრიტიკული ტექსტის გამოსაცემად მომზადება“   (FR 17-170) შედეგების პრეზენტაცია (პროექტის სამეცნიერო  ხელმძღვანელი პროფესორი დარეჯან თვალთვაძე).

ზუმის მისამართი: 

Join Zoom Meeting

https://zoom.us/j/8316265029?pwd=Z3R6dWRseUdGYzBsbWRGV0krL1UzQT09

Meeting ID: 831 626 5029

Passcode: 1234

 

წარმოგიდგენთ პროგრამის „სახელმწიფო სტიპენდია სტუდენტებს“ კონკურსის საბოლოო შედეგებს. თსუ რექტორის ბრძანების თანახმად, ჰუმანიტარულ მეცნიერებათა ფაკულტეტზე სტიპენდია გამოეყოფა 134 სტუდენტს. 

კონკურსში " სახელმწიფო სტიპენდიები სტუდენტებს “ –  თსუ ეკონომიკისა და ბიზნესის ფაკულტეტის გამარჯვებულ სტუდენტთა სავარაუდო სია (იხ დანართი)

დაინტერესებულ პირთა აპელაციების მიღება იწარმოებს 2020 წლის  16 დეკემბრის 12:00 სთ-მდე, LMS.TSU.GE-ის მეშვეობით.

გთხოვთ, სავარაუდო სიაში მყოფმა კანდიდატებმა 16 დეკემბრის 14:00 საათამდე გამოაგზავნოთ პირადობის მოწმობის/პასპორტის ასლი (შეიძლება ფოტოასლიც) და საბანკო რეკვიზიტი საქართველოს ბანკიდან, პირადი სტუდენტური ანგარიშის ნომრის მითითებით შემდეგ მეილზე: akaki.mikaberidze@tsu.ge

 

საბანკო რეკვიზიტის ჩამოტვირთვა ელექტორნულად PDF დოკუმენტის სახით შეგიძლიათ საქართველოს ბანკის ინტერნეტბანკიდან (მობაილბანკით აღნიშნული დოკუმენტის მიღება შეუძლებელია), ასევე შეგიძლიათ მობილური ტელეფონის ინტერნეტ-ბრაუზერიდან შეხვიდეთ თქვენს ინტერნეტ ბანკში.

 

გთხოვთ, დაუყოვნებლივ გვაცნობოთ თუ მოთხოვნილი დოკუმენტების წარმოდგენასთან დაკავშირებით არის რაიმე სახის შეფერხება.

 

შეკითხვების არსებობის შემთხვვევაში გთხოვთ დაგვიკავშირდეთ: 577799740

 

 

გისურვებთ წარმატებას!

 

სსიპ-ივანე ჯავახიშვილის სახელობის თბილისის სახელმწიფო უნივერსიტეტი

ეკონომიკისა და ბიზნესის ფაკულტეტი

დეკანის ბრძანება

№25/29-01

11.12.2020წ.

ქ. თბილისი

„სსიპ - ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტზე „სსიპ - ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტებისათვის პროგრამის „სახელმწიფო სტიპენდიები სტუდენტებს“ ფარგლებში სტიპენდიების მინიჭების საფაკულტეტო წესისა“ და სტიპენდიით დაფინანსებისათვის შესარჩევ კანდიდატთა შეფასების განმახორციელებელი მუდმივმოქმედი შესარჩევი კომისიის დამტკიცების შესახებ” დეკანის 2019 წლის 26 ივნისის №31/29–01 ბრძანებაში ცვლილების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლის, საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული საჯარო სამართლის იურიდიული პირის - ივანე ჯავახიშვილის სახელობის თბილისის სახელმწიფო უნივერსიტეტის წესდების 21-ე მუხლის მე-6 პუნქტის საფუძველზე,

ვბრძანებ:

1. შევიდეს ცვლილება ეკონომიკისა და ბიზნესის ფაკულტეტის დეკანის 2019 წლის 26 ივნისის №31/29–01 ბრძანებაში და ბრძანებით დამტკიცებული „სსიპ - ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტებისათვის პროგრამის „სახელმწიფო სტიპენდიები სტუდენტებს“ ფარგლებში სტიპენდიების მინიჭების საფაკულტეტო წესის“ მე-2 დანართი ჩამოყალიბდეს დანართის შესაბამისად;

2. ამ ბრძანების გაცნობა დაინტერესებული პირებისა და შესაბამისი სტრუქტურული ერთეულებისათვის დაევალოს ფაკულტეტის კანცელარიას.

3. წინამდებარე ბრძანების ფაკულტეტის ოფიციალურ ვებგვერდზე განთავსება დაევალოს ფაკულტეტის საზოგადოებასთან ურთიერთობის სამსახურს.

4. ბრძანება ძალაშია ხელმოწერისთანავე.

ფაკულტეტის დეკანი     პროფესორი                 გიორგი ღაღანიძე

 

თსუ იურიდიული ფაკულტეტის ბაკალავრიატის საგანმანათლებლო პროგრამის იმ  სტუდენტთა  დაზუსტებული სია, რომლებმაც მოიპოვეს გამარჯვება  პროგრამაში  –  ,,სახელმწიფო სტიპენდიები სტუდენტებს“.

 

 თსუ რექტორის 09.12.2020  წლის N242/01-01 ბრძანების საფუძველზე სტიპენდიით დასაფინანსებელი სტუდენტების რაოდენობა განისაზღვრა 109 სტუდენტით (მიღებულია 257 განაცხადი).

 

ვინაიდან,  დასაფინანსებელთა სიაში ბოლო პოზიციაზე გამოიკვეთა ერთნაირი მონაცემების მქონე ორი ან მეტი კანდიდატი, შერჩევის პროცესში უპირატესობა ენიჭება იმ კანდიდატს, რომელსაც აქვს უფრო მაღალი  GPA.

 

დამატებითი ინფორმაციისათვის დაუკავშირდით იურიდიული ფაკულტეტის სასწავლო პროცესის მართვის სამსახურის უფროსს, ქბ-ნ შორენა წენგუაშვილს ტელეფონის ნომერზე 577943878; 

გისურვებთ წარმატებებს! 

„უმაღლესი განათლების შესახებ“ საქართველოს კანონის 22-ე მუხლის პირველი პუნქტის, საქართველოს ზოგადი ადმინისტრაციული კოდექსის 52-ე მუხლის პირველი და მე-2 ნაწილების, 53-ე მუხლის მე-3 ნაწილის, 54-ე მუხლის პირველი ნაწილის, 55-ე მუხლის პირველი და მე-2 ნაწილების, 56–ე მუხლის მე-2 და მე-3 ნაწილების, 63-ე მუხლის, საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუნქტის „ა“, „ბ“, „ო“ და „პ“ ქვეპუნქტების, მე-9 პუნქტის საფუძველზე,

ვბრძანებ:

1. შევიდეს ცვლილება „სსიპ – ივანე ჯავახიშვილის სახელობის თბილისის სახელმწიფო უნივერსიტეტში 2020-2021 სასწავლო წლის სასწავლო პროცესის ვადების განსაზღვრის შესახებ“ რექტორის 2020 წლის 13 ივლისის N132/01-01 ბრძანების პირველ პუნქტში:

ა) „ბ“ ქვეპუნქტი ჩამოყალიბდეს შემდეგი რედაქციით:
„ბ) შემოდგომის სემესტრი (ჰუმანიტარულ მეცნიერებათა ფაკულტეტის გარდა): ბ.ა) ადმინისტრაციული რეგისტრაცია - 7 აგვისტო - 20 სექტემბერი;
ბ.ბ) აკადემიური რეგისტრაცია - 7-20 სექტემბერი;
ბ.გ) სააუდიტორიო მეცადინეობები - 14 სექტემბერი - 18 ოქტომბერი (სრულად დისტანციურად),    
19 ოქტომბერი - 27 ნოემბერი (პრაქტიკული     და ლაბორატორიული მეცადინეობები არადისტანციურ რეჟიმში, ხოლო სასაწავლო პროცესის სხვა კომპონენტები დისტანციურად)“; 28 ნოემბერი - 26 დეკემბერი (მედიცინის საგანმანათლებლო პროგრამის პრაქტიკული/ლაბორატორიული/კლინიკური კომპონენტები შესაძლებელია წარიმართოს  არადისტანციურ რეჟიმში, სხვა შემთხვევაში სრულად დისტანციურად);
ბ.დ) საგამოცდო პერიოდი - 18 იანვარი - 10 თებერვალი (დასკვნითი გამოცდები);
16-22 თებერვალი (დამატებითი გამოცდები);
ბ.ე) არდადეგები - 27 დეკემბერი – 17 იანვარი; 23 -28 თებერვალი.“ 
ბ) „ბ1“ ქვეპუნქტი ჩამოყალიბდეს შემდეგი რედაქციით:
„ბ1) შემოდგომის სემესტრი (ჰუმანიტარულ მეცნიერებათა ფაკულტეტი): 
ბ1.ა) ადმინისტრაციული რეგისტრაცია - 7 აგვისტო - 20 სექტემბერი;
ბ1.ბ) აკადემიური რეგისტრაცია - 7-20 სექტემბერი;
ბ1.გ) სააუდიტორიო მეცადინეობები - 21 სექტემბერი - 18 ოქტომბერი (სრულად დისტანციურად), 19 ოქტომბერი - 27 ნოემბერი (პრაქტიკული და ლაბორატორიული მეცადინეობები არადისტანციურ რეჟიმში, ხოლო სასაწავლო პროცესის სხვა კომპონენტები დისტანციურად), 28 ნოემბერი - 2 იანვარი (სრულად დისტანციურად)“;
ბ1.დ) საგამოცდო პერიოდი - 18 იანვარი - 10 თებერვალი (დასკვნითი გამოცდები),
16-22 თებერვალი (დამატებითი გამოცდები);
ბ1.ე) არდადეგები - 3  – 17 იანვარი; 23-28 თებერვალი.“ გ) „გ1“ ქვეპუნქტი ჩამოყალიბდეს შემდეგი რედაქციით:
„გ1) ქართულ ენაში მომზადების საგანმანათლებლო პროგრამა:

გ1.ა. პირველსემესტრელთა რეგისტრაცია:
გ1.ბ.  ადმინისტრაციული  რეგისტრაცია  და  ხელშეკრულების  გაფორმება  -  3-9 სექტემბერი;
გ1.გ. აკადემიური რეგისტრაცია - 10-14 სექტემბერი. გ1.დ. შემოდგომის სემესტრი:
გ1.ე. ადმინისტრაციული რეგისტრაცია - 7 აგვისტო - 21 სექტემბერი; გ1.ვ. აკადემიური რეგისტრაცია - 14 - 21 სექტემბერი;
გ1.ზ. სააუდიტორიო მეცადინეობები - 21 სექტემბერი - 18 ოქტომბერი (სრულად დისტანციურად),    19     ოქტომბერი - 27 ნოემბერი (პრაქტიკული და ლაბორატორიული მეცადინეობები არადისტანციურ რეჟიმში, ხოლო სასაწავლო პროცესის სხვა კომპონენტები დისტანციურ რეჟიმში), 28 ნოემბერი - 2 იანვარი (სრულად დისტანციურად)“.
გ1.თ. საგამოცდო პერიოდი - 18 იანვარი - 10 თებერვალი (დასკვნითი გამოცდები),16-22 თებერვალი (დამატებითი გამოცდები);
გ1.ი. არდადეგები - 3 - 17 იანვარი; 23-28 თებერვალი.“ 
დ) „ე“ ქვეპუნქტი ჩამოყალიბდეს შემდეგი რედაქციით: 
ე) შემოდგომის სემესტრი:
ე.ა) ადმინისტრაციული რეგისტრაცია - 7 აგვისტო - 21 სექტემბერი; 
ე.ბ) აკადემიური რეგისტრაცია - 14 - 21 სექტემბერი;
ე.გ) სააუდიტორიო მეცადინეობები - 21 სექტემბერი - 18 ოქტომბერი (სრულად დისტანციურად), 19 ოქტომბერი - 27 ნოემბერი (პრაქტიკული და ლაბორატორიული მეცადინეობები არადისტანციურ რეჟიმში, ხოლო სასაწავლო პროცესის სხვა კომპონენტები დისტანციურ რეჟიმში), 28 ნოემბერი - 2 იანვარი (მედიცინის საგანმანათლებლო პროგრამის პრაქტიკული/ლაბორატორიული/კლინიკური კომპონენტები შესაძლებელია წარიმართოს      არადისტანციურ რეჟიმში, სხვა შემთხვევაში სრულად დისტანციურად)“.
ე.დ) საგამოცდო პერიოდი - 18 იანვარი - 10 თებერვალი (დასკვნითი გამოცდები),
16 - 22 თებერვალი (დამატებითი გამოცდები);
ე.ე) არდადეგები - 3 - 17 იანვარი; 23-28 თებერვალი.

2.  ბრძანების  უნივერსიტეტის  ოფიციალურ  ვებგვერდზე  განთავსება  დაევალოს უნივერსიტეტის საინფორმაციო ტექნოლოგიების დეპარტამენტს.
3.  დაევალოს  კანცელარიას,  ბრძანება  განათავსოს  ყველასათვის  ხელმისაწვდომ ადგილზე და გადასცეს შესაბამის სტრუქტურულ ერთეულებს.
4. ბრძანება ძალაშია გამოცემისთანავე.

რექტორი გიორგი შარვაშიძე 
 

 

სსიპ-ივანე ჯავახიშვილის სახელობის თბილისის სახელმწიფო უნივერსიტეტი

ეკონომიკისა და ბიზნესის ფაკულტეტი

დეკანის ბრძანება

№25/29-01

11.12.2020წ.

ქ. თბილისი

„სსიპ - ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტზე „სსიპ - ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტებისათვის პროგრამის „სახელმწიფო სტიპენდიები სტუდენტებს“ ფარგლებში სტიპენდიების მინიჭების საფაკულტეტო წესისა“ და სტიპენდიით დაფინანსებისათვის შესარჩევ კანდიდატთა შეფასების განმახორციელებელი მუდმივმოქმედი შესარჩევი კომისიის დამტკიცების შესახებ” დეკანის 2019 წლის 26 ივნისის №31/29–01 ბრძანებაში ცვლილების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლის, საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული საჯარო სამართლის იურიდიული პირის - ივანე ჯავახიშვილის სახელობის თბილისის სახელმწიფო უნივერსიტეტის წესდების 21-ე მუხლის მე-6 პუნქტის საფუძველზე,

ვბრძანებ:

1. შევიდეს ცვლილება ეკონომიკისა და ბიზნესის ფაკულტეტის დეკანის 2019 წლის 26 ივნისის №31/29–01 ბრძანებაში და ბრძანებით დამტკიცებული „სსიპ - ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტებისათვის პროგრამის „სახელმწიფო სტიპენდიები სტუდენტებს“ ფარგლებში სტიპენდიების მინიჭების საფაკულტეტო წესის“ მე-2 დანართი ჩამოყალიბდეს დანართის შესაბამისად;

2. ამ ბრძანების გაცნობა დაინტერესებული პირებისა და შესაბამისი სტრუქტურული ერთეულებისათვის დაევალოს ფაკულტეტის კანცელარიას.

3. წინამდებარე ბრძანების ფაკულტეტის ოფიციალურ ვებგვერდზე განთავსება დაევალოს ფაკულტეტის საზოგადოებასთან ურთიერთობის სამსახურს.

4. ბრძანება ძალაშია ხელმოწერისთანავე.

ფაკულტეტის დეკანი     პროფესორი                 გიორგი ღაღანიძე

 

,,უმაღლესი    განათლების   შესახებ”    საქართველოს   კანონის   22-ე   მუხლის    პირველი პუნქტის, საქართველოს ზოგადი  ადმინისტრაციული კოდექსის  51-ე მუხლის  პირველი ნაწილის,  52-ე მუხლის  პირველი და მე-3 ნაწილების,  53-ე მუხლის  მე-3 ნაწილის,  54-ე მუხლის   პირველი ნაწილის,  55-ე მუხლის,   56-ე მუხლის   მე-2 და  მე-3 ნაწილების,  57-ე და  63-ე  მუხლების,    საქართველოს  განათლებისა   და   მეცნიერების    მინისტრის   2013 წლის    11    სექტემბრის    №135/ნ    ბრძანებით    დამტკიცებული    საჯარო    სამართლის იურიდიული პირის – ივანე ჯავახიშვილის სახელობის თბილისის  სახელმწიფო უნივერსიტეტის წესდების მე-14 მუხლის პირველი პუნქტის, ამავე მუხლის მე-8 პუნქტის „ა“, „ო“ და „პ“ ქვეპუნქტების, მე-9   პუნქტის,  საქართველოს განათლების,   მეცნიერების, კულტურისა  და   სპორტის მინისტრის 2020 წლის 30 იანვრის N124 ბრძანებისა და საფინანსო დეპარტამენტის  უფროსის 2020 წლის 04 დეკემბრის  №21136/10, საფუძველზე,

ვ ბ რ ძ ა ნ ე ბ:

1. შევიდეს ცვლილება ,,პროგრამის ,,სახელმწიფო სტიპენდიები სტუდენტებს” ფარგლებში სსიპ - ივანე ჯავახიშვილის სახელობის თბილისის სახელმწიფო უნივერსიტეტის ბაკალავრიატის ან/და დიპლომირებული მედიკოსის/სტომატოლოგის საგანმანათლებლო პროგრამაზე ერთიანი ეროვნული გამოცდებით ჩარიცხულ სტუდენტთა ფინანსური წახალისებისათვის  კანდიდატთა შერჩევის კრიტერიუმების დადგენისა და ფაკულტეტებზე  სახელმწიფო  სტიპენდიით  დასაფინანსებელი  სტუდენტების რაოდენობის განსაზღვრის შესახებ” რექტორის 2020 წლის 09 დეკემბრის N242/01-01 ბრძანებაში და ბრძანების მე-4 პუნქტი ჩამოყალიბდეს შემდეგი რედაქციით:

,,4. ფაკულტეტებმა  დასაფინანსებელ სტუდენტთა სია  პირადობის  მოწმობის ასლისა და ანგარიშის  ნომრის  ამონაწერით  საქართველოს ბანკიდან (ელექტრონული ვერსია excel ფორმატი) წარმოადგინონ საფინანსო დეპარტამენტში 2020   წლის 16 დეკემბრის  ჩათვლით“.

2. დაევალოს კანცელარიას ბრძანების ყველასათვის ხელმისაწვდომ ადგილზე განთავსება.
3. დაევალოს საინფორმაციო ტექნოლოგიების დეპარტამენტს ბრძანების უნივერსიტეტის ოფიციალურ ვებ გვერდზე განთავსება.
4. ბრძანება ძალაში შედის გამოცემისთანავე.

რექტორი გიორგი შარვაშიძე

სახელმწიფო სტიპენდიები სტუდენტებს!

პროგრამის „სახელმწიფო სტიპენდიები სტუდენტებს“ ფარგლებში ფსიქოლოგიისა და განათლების მეცნიერებათა ფაკულტეტზე ბაკალავრიატის საგანმანათლებლო პროგრამებზე ჩარიცხული სტუდენტების სახელმწიფო სტიპენდიით დაფინანსების კონკურსის შედეგები.

 

ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის ფილოსოფიის ს/ს ინსტიტუტი და ანთიმოზ ივერიელის სახ. ფილოსოფიისა და თეოლოგიის სამეცნიერო-კვლევითი ცენტრი გიწვევთ სტუდენტთა ვორკშოფზე: „ანთიმოზ ივერიელი-ქრისტიანული ეთიკის საბაზისო კონცეპტები “

 

ვორკშოფი მომზადდა შოთა რუსთაველის ეროვნული სამეცნიერო ფონდის მიერ ფუნდამენტურ საგრანტო კონკურსში გამარჯვებული პროექტის: „ანთიმოზ ივერიელი-ევროპული სააზროვნო სივრცის ნაწილი“ (# FR-19-7625) ფარგლებში. ვორკშოფის მუშაობში მონაწილეობას მიიღებენ თსუ და თბილისის სასულიერო აკადემიის სტუდენტები. 

ღონისძიებას დაესწრება პროექტის უცხოელი კონსულტანტი ფილოსოფიის დოქტორი, პროფესორი ვიორელ ვიზურეანუ.

 

ვორკშოფი ჩატარდება 15 დეკემბერს 17 საათზე ზუმის პლატფორმაზე, პერსონალური ID: 7132438344,  კოდი: 7777.

ვორკშოფის პროგრამა

გაცნობებთ, რომ ივანე ჯავახიშვილის სახელობის თბილისის სახელმწიფო უნივერსიტეტსა და სადაზღვევო კომპანია ,,იმედი L“-ს (მისამართი ქ. თბილისი ანნა პოლიტკოვსკაიას ქ. N9) შორის გაფორმებული ხელშეკრულების ფარგლებში თსუ საშტატო განრიგით გათვალისწინებული აკადემიური და ადმინისტრაციულ-დამხმარე პერსონალი, მრჩეველთა საბჭოს წევრები, თსუ ემერიტუსები 2021 წლის პირველი იანვრიდან 31 დეკემბრის ჩათვლით ისარგებლებენ ჯანმრთელობის დაზღვევით. მომსახურების (საბაზისო პაკეტი) საფასურის (49,48 ლარი) ანაზღაურება ხორციელდება თსუ ბიუჯეტიდან. თანამშრომლებს საშუალება ეძლევათ, გაიუმჯობესონ მომსახურება (პირადი განცხადების საფუძველზე) სათანადო თანხის (20 ლარი) დამატებით (გაუმჯობესებული პაკეტი - 49.48+20 ლარი). აღნიშნული თანხა დაიქვითება ხელფასიდან.

 

შტატგარეშე თანამშრომლებს, ასევე დამოუკიდებელი სამეცნიერო-კვლევითი ინსტიტუტების და ეროვნული სამეცნიერო ბიბლიოთეკის პერსონალს შეუძლიათ ისარგებლონ კომპანიის მომსახურებით (საბაზისო ან გაუმჯობესებული პაკეტით), რისი თანხაც (შესაბამისად 49,48ლარი, 69.48 ლარი) დაიქვითება ხელფასიდან.

 

უნივერსიტეტის თანამშრომლებს (როგორც საშტატო თანამდებობაზე დასაქმებულებს, ასევე შტატგარეშე თანამშრომლებს) საშუალება ეძლევათ, დააზღვიონ ოჯახის წევრები (მეუღლე და შვილები ასაკის შეუზღუდავად, მშობლები და და-ძმა 65 წლამდე), ამ შემთხვევაშიც შესაბამის თანხას იხდის მსურველი - თსუ თანამშრომელი. ამასთან თანამშრომელი არ არის შეზღუდული თავისთვის და ოჯახის წევრებისთვის განსხვავებული პაკეტების არჩევაში. გარდა ამისა, შემოთავაზებულია საოჯახო პაკეტი (მეუღლე და 18 წლამდე ასაკის შვილები). 4 ან მეტ წევრიანი ოჯახის დაზღვევის საფასური შეადგენს 49.48×3=148,44 ლარს საბაზისო პაკეტის არჩევისას, ხოლო 69,48×3=208,44 ლარს გაუმჯობესებული პაკეტის არჩევის შემთხვევაში.

 

ჩამოთვლილი მომსახურების მისაღებად განცხადებები მიიღება თსუ კანცელარიაში 2020 წლის 10 დეკემბრიდან 2021 წლის 22 თებერვლამდე (2020 წლის 10 დეკემბრიდან 22 დეკემბრამდე შემოსული განცხადებები დაკმაყოფილდება 2021 წლის პირველი იანვრიდან, 2020 წლის 22 დეკემბრიდან 2021 წლის 22 იანვრამდე შემოსული განცხადებები დაკმაყოფილდება პირველი თებერვლიდან, ხოლო 2021 წლის 22 იანვრიდან 2021 წლის 22 თებერვლამდე შემოსული განცხადებები დაკმაყოფილდება პირველი მარტიდან).

 

აღსანიშნავია, რომ იმ თანამშრომლებს, რომლებსაც 2020 წელს დაზღვეული ჰყავდათ ოჯახის წევრები და კვლავ აპირებენ მათ დაზღვევას, აღარ ევალებათ პირადობის მოწმობების და ნათესაობის დამადასტურებელი დოკუმენტების წარმოდგენა, ხოლო მათ, ვისაც 2020 წელს არ ჰყავდა დაზღვეული ოჯახის წევრები და წელს აპირებს მათ დაზღვევას, განცხადებასთან ერთად უნდა წარმოადგინონ ოჯახის წევრების პირადობის მოწმობების და ნათესაობის დამადასტურებელი დოკუმენტების (მეუღლის დაზღვევის შემთხვევაში ქორწინების ან ჯვრისწერის მოწმობა, შვილის დაზღვევის შემთხვევაში - შვილის დაბადების მოწმობა, მშობლების დაზღვევის შემთხვევაში - საკუთარი დაბადების მოწმობა ხოლო დემამიშვილის დაზღვევის შემთხვევაში, საკუთარი და დის/ძმის დაბადების მოწმობები) ასლები.

 

დაზღვეულებს მოემსახურებიან ოჯახის ექიმები ევექსის კლინიკებში (იხ. დანართი პროვაიდერების ჩამონათვალი) ასევე თსუ მე-8 და მე10 კორპუსებში. მომსახურების მისაღებად დაზღვეულებმა უნდა დარეკონ ცხელ ხაზზე - 2-922222.

 

P.S. დამატებითი ინფორმაციისთვის იხილეთ ხელშეკრულება (დანართი) ან მიმართეთ პერსონალის მართვის დეპარტამენტის მთავარ სპეციალისტს ია ბაღაშვილს (2 25 04 84; 577 588 205)-- 

„უმაღლესი განათლების შესახებ" საქართველოს კანონის 22-ე მუხლის პირველი პუნქტის, 32-ე მუხლის მე-2 პუნქტის, 34-ე მუხლის პირველი და მე-2 პუნქტების, 35-ე მუხლის მე-3 პუნქტის, საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული სსიპ - ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის,   მე-8   პუნქტის „ა", „ბ" და „პ" ქვეპუნქტების, 28-ე მუხლის, 29-ე მუხლის მე-3 პუნქტის, ივანე ჯავახიშვილის სახელობის თბილისის სახელმწიფო უნივერსიტეტის აკადემიური საბჭოს 2014 წლის 22 დეკემბრის  N118 დადგენილების - „სსიპ - ივანე ჯავახიშვილის სახელობის თბილისის სახელმწიფო უნივერსიტეტის აკადემიური პერსონალის სამსახურში მიღებისა და კონკურსის ჩატარების ერთიანი წესის შესახებ" (დამტკიცებულია თსუ წარმომადგენლობითი საბჭოს მიერ, ოქმი N10 29.12. 2014წ), თსუ აკადემიური საბჭოს   2018 წლის 30 აპრილის  №113 დადგენილების - „სსიპ   – ივანე ჯავახიშვილის სახელობის თბილისის სახელმწიფო უნივერსიტეტის აკადემიური პერსონალის (პროფესორი, ასოცირებული პროფესორი, ასისტენტ-პროფესორი, ასისტენტი) აფილირების წესისა და პირობების დამტკიცების შესახებ“ (დამტკიცებულია თსუ წარმომადგენლობითი საბჭოს მიერ, ოქმი №4 14.05.2018წ), „სსიპ - ივანე ჯავახიშვილის სახელობის თბილისის სახელმწიფო უნივერსიტეტის ერთიანი საშტატო  განრიგის  დამტკიცების  შესახებ“ თსუ  რექტორისა  და  ადმინისტრაციის ხელმძღვანელის 2020 წლის 19 ნოემბრის №19/04 ერთობლივი ბრძანების, ზუსტ და საბუნებისმეტყველო მეცნიერებათა ფაკულტეტის დეკანის რამაზ ხომერიკის 2020 წლის 9 დეკემბრის  N21345/28 წერილის საფუძველზე,

ვ ბ რ ძ ა ნ ე ბ:

 
1.    გამოცხადდეს კონკურსი ივანე ჯავახიშვილის სახელობის თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტზე ასისტენტ- პროფესორების სამსახურში მისაღებად;
2.    უნივერსიტეტის   ასისტენტ-პროფესორად   4   (ოთხი)   წლის   ვადით   შეიძლება არჩეულ იქნეს დოქტორის ან მასთან გათანაბრებული აკადემიური ხარისხის მქონე პირი;
3.   კონკურსი გამოცხადდეს 2020 წლის 16 დეკემბერს, საკონკურსო დოკუმენტაციის წარმოდგენის ვადა განისაზღვროს 2021 წლის 18 იანვრიდან 2021 წლის 22 იანვრის ჩათვლით. საკონკურსო კომისიის შემაჯამებელი ოქმი თსუ აკადემიურ საბჭოს გადაეცეს არაუგვიანეს 2021 წლის 20 თებერვლისა.
4.    კონკურსი     გამოცხადდეს     ზუსტ     და     საბუნებისმეტყველო     მეცნიერებათა ფაკულტეტის    ასისტენტ-      პროფესორების      აკადემიური      თანამდებობის დასაკავებლად:

მათემატიკის დეპარტამენტი კათედრა: მათემატიკური ანალიზი
ასისტენტ პროფესორი - 1 საშტატო ერთეული  (კატეგორია ,,ა’’)

კათედრა: ალბათობის თეორია და მათემატიკური სტატისტიკა ასისტენტ პროფესორი - 1 საშტატო ერთეული (კატეგორია ,,ბ’’)

5.   ასისტენტ-პროფესორის თანამდებობაზე ასარჩევმა კანდიდატმა უნდა წარმოადგინოს:
ა)  განცხადება  საკონკურსო  კომისიის  სახელზე  (დადგენილი   ფორმის მიხედვით); 
ბ)   კონკურსანტის   ანკეტა,   შევსებული   დადგენილი   ფორმის   მიხედვით   (ანკეტა წარმოდგენილი  უნდა  იყოს  როგორც  ნაბეჭდი,  ისე  ელექტრონული  (CD)  სახით, (ფაილის ფორმატი – Word და PDF ფაილების სახით);
გ)  პირადობის მოწმობის ასლი;
დ) ცნობა ნასამართლობის შესახებ (,,უმაღლესი განათლების შესახებ“ 32-ე მუხლის  მე-2 პუნქტის თანახმად, უმაღლეს საგანმანათლებლო დაწესებულებაში არ შეიძლება დასაქმდეს „სქესობრივი თავისუფლებისა და ხელშეუხებლობის წინააღმდეგ მიმართულ დანაშაულთან ბრძოლის შესახებ“ საქართველოს კანონით გათვალისწინებული სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისთვის ნასამართლევი პირი ან/და პირი, რომელსაც იმავე კანონის საფუძველზე სასამართლომ ჩამოართვა საგანმანათლებლო დაწესებულებაში საქმიანობის უფლება).
ე) შესაბამისი აკადემიური ხარისხის დამადასტურებელი დოკუმენტის (დოკუმენტების) ასლი (უცხო ქვეყანაში მიღებული განათლების ან/და სამეცნიერო ხარისხის აღიარების კანონმდებლობით დადგენილი წესით გაცემული დოკუმენტი, ასეთის არსებობის შემთხვევაში);
ვ) სამსახურებრივი გამოცდილების ამსახველი კანონმდებლობით დადგენილი წესით გაცემული დოკუმენტი (ცნობა /შრომის წიგნაკის ასლი და სხვა);
ზ) შესაფასებლად წარმოდგენილი ერთი გამოქვეყნებული სამეცნიერო ნაშრომი;
თ) სამოტივაციო წერილი;

6.   საკონკურსო დოკუმენტების მიღება იწარმოებს 2021 წლის 18 იანვრიდან 2021 წლის 22 იანვრის ჩათვლით 11⁰⁰-დან 16⁰⁰ საათამდე, ზუსტ და საბუნებისმეტყველო მეცნიერებათა ფაკულტეტის საკონკურსო დოკუმენტაციის მიმღებ აპარატში, თბილისი ი. ჭავჭავაძის გამზ.  N3 (II კორპუსი) ოთახი N110;
7. ასისტენტ-პროფესორის  თანამდებობაზე  ასარჩევი კანდიდატი, კონკურსში მონაწილეობის მიღების მიზნით, ვალდებულია გაეცნოს თსუ აკადემიური საბჭოს N113/2018 დადგენილების დანართი 1-ის მე-3 მუხლის მე-3 პუნქტის მოთხოვნებს, წერილობით გამოხატოს თანხმობა მხოლოდ   ივანე   ჯავახიშვილის   სახელობის თბილისის სახელმწიფო უნივერსიტეტთან აფილირების შესახებ (რაც ძალაში შევა მის მიერ შესაბამისი აკადემიური თანამდებობის დაკავებისთანავე) და დაადასტუროს ინფორმაცია იმის შესახებ, რომ არ გააჩნია ძალაში მყოფი ანალოგიური ხასიათის დოკუმენტი (ხელშეკრულება, შეთანხმება ან სხვ.) სხვა უმაღლეს საგანმანათლებლო დაწესებულებასთან.
8. ბრძანება გამოქვეყნდეს გაზეთში "თბილისის უნივერსიტეტი";
9. ბრძანების უნივერსიტეტის ოფიციალურ ვებ-გვერდზე განთავსება დაევალოს საინფორმაციო ტექნოლოგიების დეპარტამენტს;
10. წინამდებარე ბრძანება კანონმდებლობით დადგენილი წესით გადაეცეს  შესაბამის სტრუქტურულ ერთეულებს (საფინანსო დეპარტამენტი, პერსონალის მართვის დეპარტამენტი, შიდა აუდიტის სამსახური, ზუსტ და საბუნებისმეტყველო მეცნიერებათა ფაკულტეტი).
11. ბრძანება ძალაშია გამოცემისთანავე.

რექტორი გიორგი შარვაშიძე

ივანე ჯავახიშვილის სახელობის თბილისის სახელმწიფო უნივერსიტეტის

ფსიქოლოგიისა და განათლების მეცნიერებათა ფაკულტეტის

საბჭოს სხდომის

ოქმი N 4

4.04.2020

დღის წესრიგი:

1.ფაკულტეტის კონცეფცია ელექტრონული სწავლების კომპონენტების გამოყენებასთან დაკავშირებით;

2. პროგრამებით გათვალისწინებული პრაქტიკის შეფასების საკითხი;

3. სამაგისტრო შრომების შესრულებისა და დაცვის ვადები;

4. შემოდგომის კურსდამთავრებულების წარდგინება;

სხვა:

საბჭოს სხდომა ჩატარდა ზუმის აპლიკაციის გამოყენებით.

სხდომას ესწრებოდნენ:

საბჭოს თავჯდომარე: პროფესორი თამარ გაგოშიძე

ფაკულტეტის საბჭოს  წევრები :

ფსიქოლოგიის სასწავლო-სამეცნიერო დეპარტამენტი:

პროფესორები:

კუტალაძე იამზე, ნადარეიშვილი ვახტანგ, სურმანიძე ლალი

ასოცირებული პროფესორები: 

აბაშიძე თამარ, არუთინოვა ლუიზა, დესპოტაშვილი მედეა, მამუკაძე შორენა, მარწყვიშვილი ხათუნა, მელიქიშვილი მანანა, მესტვირიშვილი მაია, ფირცხალავა ეკატერინე,  ხეჩუაშვილი ლილი, ირინე ჟვანია.

ასისტენტ პროფესორები:

ჩხიკვიშვილი ლია, თეონა ლოდია

განათლების მეცნიერებათა სასწავლო-სამეცნიერო დეპარტამენტი:

პროფესორი: 

ქეთევან ჭკუასელი

ასოცირებული პროფესორი : 

პეტრიაშვილი იზაბელა, რუსუდან სანაძე, ზაქარია ქიტიაშვილი

სტუდენტთა თვითმმართველობის წარმომადგენლები:

ქეთევან ცანავა, მარინე ბორჩაშვილი

ფაკულტეტის საბჭოს სხდომას ესწრებოდა 22 წევრი

მოისმინეს:

1.ხარისხის უზრუნველყოფის სამსახურის უფროსის ასოცირებული პროფესორის მანანა მელიქიშვილის მოხსენება ახალი კორონავირუსით გამოწვეული ვითარების პირობებში ფაკულტეტის კონცეფციის შესახებ კურიკულუმში ელექტრონული სწავლების კომპონენტების გამოყენების შესახებ. მან აღნიშნა, რომ კონცეფციის პროექტი წინასწარ დაეგზავნა საბჭოს და საბჭოს წევრებისგან მიღებულ იქნა უკუკავშირი. ფსიქოლოგიისა და განათლების მეცნიერებების დეპარტამენტის პროფესორმა წარმოადგინეს თავიანთი შენიშვნები.

აზრი გამოთქვეს:

ასოც. პროფესორებმა ზ. ქიტიაშვილმა, რ. სანაძემ, თ.აბაშიძემ. მათ აღნიშნეს, რომ  სემინარის ჩატარებისას პედაგოგს მეტი თავისუფლება უნდა მიეცეს - სინქრონულ თუ ასინქრონულ რეჟიმში ჩაატარებს. ამისათვის ტექსტში უნდა ხაზგასმული იყოს არჩევანის შესაძლებლობა. კერძოდ ტექსტი:  „ სემინარის ფორმატი შეიცვლება და დაიყოფა სინქრონულ და ასინქრონულ კომპონენტებად. ასინქრონულ რეჟიმში სტუდენტების გამოკითხვის ეკვივალენტი იქნება მუდლის პლატფორმაზე დავალებების შესრულება, რის საფუძველზეც  მოხდება სტუდენ ტის დასწრება-აქტივობის შეფასება. სინქრონულ რეჟიმში სემინარზე დრო დაეთმობა ძირითადად სტუდენტების შეკითხვებზე პასუხს, განმარტებებს და დისკუსიას, შესაბამისად, ონლაინ რეჟიმში შესაბამისად, დასაშვებია, რომ ონლაინ რეჟიმში სემინარის ხანგრძლივობა საკონტაქტო დროით გათვალისწინებული დროის  ნახევარს წარმოადგენდეს“ შეიცვალოს შემდეგი ფორმულირებით:

„სემინარის ფორმატი შესაძლებელია იყოს ასინქრონულ და/ან სინქრონულ რეჟიმში.

ა. ასინქრონულ რეჟიმში: სტუდენტების გამოკითხვის ეკვივალენტი იქნება მუდლის

პლატფორმაზე დავალებების შესრულება, რის საფუძველზეც  მოხდება სტუდენტის

დასწრება/აქტივობის შეფასება. ამ შემთხვევაში სინქრონულ რეჟიმში სემინარზე დრო

დაეთმობა ძირითადად სტუდენტების შეკითხვებზე პასუხს, განმარტებებს და

დისკუსიას. შესაბამისად, თუ ონლაინ რეჟიმში სტუდენტთა გამოკითხვა არ წარმოებს,

დასაშვებია, სემინარის ხანგრძლივობა საკონტაქტო დროით გათვალისწინებული

დროის  ნახევარს წარმოადგენდეს.

ბ. სინქრონულ რეჟიმში: პროფესორ-მასწავლებლის არჩევანისა და ტექნიკური

შესაძლებლობის ფარგლებში სტუდენტი შეფასდება ზეპირი გამოკითხვის ფორმით

ონლიან რეჟიმში, ხოლო მათი შეფასება დაფიქსირდება LMS-ის ჟურნალში.“

ასოც. პროფესორმა ზ. ქიტიაშვილმა შესთვაზა საბჭოს კენჭისყრა ამ საკითხზე.

საბჭოს მდივანმა დააყენა კენჭისყრაზე დოკუმენტის აღნიშნული ტექსტის შეცვლა შემოთავაზებული ვარიანტით.

მომხრე:22

წინააღმდეგი: 0

თავი შეიკავა: 0.

დაადგინეს: შეიცვალოს მე-3 მუხლში წარმოდგენილი ტექსტი სემინარის ფორმატის შესახებ მისი შემოთავაზებული ვარიანტით.

ასოც. პროფესორმა მ. მელიქიშვილმა აღნიშნა, რომ დოკუმენტის მე-6 მუხლში - შეფასება -მოცემულია შეფასების ცვლილების ორი პუნქტი- ა. და ბ. კერძოდ, ა. პუნქტით ფინალურ გამოცდას დაემატება შუალედური გამოცდებისთვის განკუთვნილი ქულები, ხოლო ბ. პუნქტის მიხედვით შეიძლება შიეცვალოს შუალედური გამოცდის ჩატარების წესი- ჩანაცვლდეს პრეზენტაციით, ესეთი, „ქეისის“ გარჩევით. ამ პუნქტში ასევე აღნიშნულია, რომ ფონალური გამოცდების ქულა შეიძლება შეიცვალოს და ვარირებდეს 40-დან 70-მდე. მ. მელიქიშვილმა საბჭოს წევრებს აუხსნა, რომ რაც უფრო მინიმალური ცვლილება იქნება უკვე დამტკიცებულ ქულებში, სწავლის პროცესის მართვის სამსახურისა და საინფორმაციო ტექნოლოგიების სამსახურისთვის უფრო ადვილი იქნება ამ ცვლილების განხორციელება. ამიტომ მისი შემოთავაზებაა, ამოღებულ იქნას ა. პუნქტი და დარჩეს მხოლოდ ბ. პუნქტი. ფაკულტეტზე განხორციელდეს შუალედური გამოცდები, შესაძლებელია შეიცვალოს ფორმატი, მაგრამ დარჩეს სილაბუსების შესაბამისი ქულები. ასევე ამოღებულ იქნას ფრაზა იმის შესახებ, რომ ფინალური გამოცდის ქულები შეიძლება შეიცვალოს და ვარირებდეს 40-დან 70 ქულამდე. მან საბჭოს შესთავაზა ბ. პუნქტის ახალი ფორმულირება:

„სილაბუსებში არსებული შეფასების ისეთი კომპონენტები, როგორიცაა ესე,

პრეზენტაცია, საშინაო დავალება  და ა.შ. შესრულდება moodl-ის (გამონაკლის

შემთხვევაში LMS-ის) გამოყენებით და შეფასდება ახალი შეფასების შესაბამისად,

რომელიც განთავსდება Moodl-ის პლატფორმაზე და გაიგზავნება ფაკულტეტის

და თსუ-ს ხარისხის უზრუნველყოფის სამსახურში.

არსებული მდგომარეობის გახანგრძლივების შემთხვევაში, შუალედური

გამოცდა/გამოცდები ჩანაცვლდება შემდეგნაირად: 

ფინალურ   გამოცდისთვის განკუთვნილი ქულები დარჩება უცვლელი;

შუალედური გამოცდის ქულები ჩანაცვლდება ახალი დავალებებით:

პრეზენტაცია, ესე, ქეისი, საშინაო დავალება ან ნებისმიერი სხვა სახის წერითი

დავალებით.“

საბჭოს მდივანმა კენჭისყრაზე დააყენა აღნიშნული ფორმულირება და ა. პუნქტის ამოღების საკითხი.

მომხრე:22

წინააღმდეგი: 0

თავი შეიკავა: 0.

საბჭოს მდივანმა, ი.ჟვანიამ კენჭისყრაზე დააყენა კორონავირუსის თავიდან აცილების მიზნით შექმნილი ვითარების გამო ფაკულტეტის სწავლების სტრატეგიის დოკუმენტის საბოლოო ვარიანტი.

მომხრე:22

წინააღმდეგი: 0

თავი შეიკავა: 0.

დაადგინეს: დამტკიცდეს „ფსიქოლოგიისა და განათლების მეცნიერებათა ფაკულტეტის სწავლების სტრატეგია კორონავირუსის თავიდან აცილების მიზნით შექმნილი ვითარების გამო“ და გამოქვეყნდეს ფაკულტეტის ვებ გვერდზე.

2. ხარისხის უზრუნველყოფის სამსახურის უფროსმა, ასოცირებულმა პროფესორმა მანანა მელიქიშვილმა საბჭოს მოახსენა, რომ პანდემიით გამოწვეული ვითარების გამო სათანადოდ ვერ შესრულდება პროგრამების პრაქტიკის კომპონენტი და საჭიროა მის მოდიფიკაციაზე მსჯელობა. ეს საკითხი ეხება საბაკალავრო პროგრამებს: ოკუპაციური თერაპია და მასწავლებლის ინტეგრირებული პროგრამა, ასევე პედაგოგიკის მაინორის პროგრამისა და მილევად რეჟიმში არსებული დაწყებითი მასწავლებლის მოსამზადებელი პროგრამის სტუდენტებს, რაც საკმაოდ დიდი რაოდენობაა. მან აღნიშნა, რომ ახალი რეგულაციის პირობებში სემესტრის დასრულებამდე შესაძლებელია შემჭიდროვებული გრაფიკით ოკუპაციური თერაპიის კურიკულუმში პრაქტიკული კურსების საათების ანაზღაურება, ხოლო მანამდე, დისტანციურ რეჟიმში კი თეორიული ნაწილის შესწავლა. რაც შეეხება მასწავლებლის მოსამზადებელ პროგრამებს, აუცილებელია პრობლემის ისე გადაჭრა, რომ სტუდენტები არ დაზარალდნენ და პრაქტიკული ჩვევების ათვისება მოახერხონ.

აზრი გამოთქვეს:

ასოცირებულმა პროფესორმა ზაქარია ქიტიაშვილმა, პროფესორმა ქეთევან ჭკუასელმა. მათ აღნიშნეს, რომ  პროგრამებში ყველა სტუდენტს ევალება უნდა შეასრულოს პრაქტიკული კურსი, რადგან ძალიან მნიშვნელოვანია რეალურ სიტუაციაში პროფესიული ჩვევების დაუფლება.  ამისათვის ერთადერთი გამოსავალია, ეთხოვოს განათლების სამინისტროს ონლაინ გაკვეთილებზე სტუდენტების დასწრების უფლება და დისტანციური სუპერვიზია აკადემიური პერსონალისა და მასწავლებლის მხრიდან. განათლების სხვადასხვა პროგრამების შესაბამისი სტუდენტების სიას გადასცემენ დეკანს, რომელიც ადმინისტრაციას სთხოვს შუამდგომლობას განათლების სამინისტროსთან.

კენჭი უყარეს წინადადებას:

ეთხოვოს საქართველოს განათლების, მეცნიერების, კულტურის და სპორტის სამინისტროს განათლების პროგრამების სტუდენტები დაუშვან თიმსის აპლიკაციის საშუალებით ონლაინ გაკვეთილებზე.

ოკუპაციური თერაპიის სტუდენტებმა ონლაინ გაიარონ პრაქტიკის თეორიული ნაწილი და კარანტინის მოხსნის შემდეგ პრაქტიკული ნაწილი შეასრულონ შესაბამის ცენტრებში.

მომხრე: 22

წინააღდმეგი: 0

თავი შეიკავა: 0

დაადგინეს:

ეთხოვოს საქართველოს განათლების, მეცნიერების, კულტურის და სპორტის სამინისტროს მასწავლებლის ინტეგრირებული პროგრამის, პედაგოგიკის მაინორის პროგრამისა და მილევადი რეჟიმის დაწყებითი განათლების მასწავლებლის მოსამზადებელი პროგრამის სტუდენტების დაშვება ონლაინ გაკვეთილებზე.

ოკუპაციური თერაპიის საბაკალავრო პროგრამის სტუდენტებმა პრაქტიკით გათვალისწინებული თეორიული საკითხები გაიარონ და კარანტინის დასრულების შემდეგ კი ადგილზე ცენტრებში ჩაუტარდეთ პრაქტიკა.

3. დეკანის მოადგილემ სასწავლო დარგში, ასოცირებულმა პროფესორმა ხათუნა მარწყვიშვილმა საბჭოს მოახსენა სამაგისტრო დაცვებისა და წინასწარი დაცვების ვადების ორგანიზების თაობაზე. მან აღნიშნა, რომ მაგისტრანტების ნაწილი მოახერხებს დაცვას სემესტრის ბოლოს, ხოლო ნაწილზე ფაკულტეტის საბჭოს აქვს უკვე მიღებული გადაწყვეტილება, რომ შექმნილი პანდემიური ვითარებიდან გამომდინარე შესაძლებელია დაიცვან სექტემბერში. მან შესთავაზა საბჭოს სამაგისტრო შრომების წინასწარი დაცვის ვადად გამოცხადდეს 17-27 ივნისი, ხოლო დაცვის ვადად კი 17-27 ივლისი.

საბჭომ კენჭი უყარა წინადადებას:

მომხრე: 22

წინააღდმეგი: 0

თავი შეიკავა: 0

დაადგინეს:

სამაგისტრო ნაშრომების წინასწარი დაცვების ვადად გამოცხადდეს 2020 წლის 17-27 ივნისი;

სამაგისტრო ნაშრომების დაცვის ვადად გამოცხადდეს 2020 წლის 17-27 ივლისი.

4. საბჭოს მდივანმა, ასოც.პროფ. ი. ჟვანიამ წარმოადგინა ფაკულტეტის კურსდამთავრებული სტუდენტები, ვისაც მიენიჭა კვალიფიკაცია.

I. მიენიჭოთ სოციალური მეცნიერებების ბაკალავრის აკადემიური ხარისხი ფსიქოლოგიაში და მიეცეთ შესაბამისი დიპლომი 2019/2020 სასწავლო წლის შემოდგომის სემესტრის კურსდამთავრებულებს:

სწავლების ძირითადი დარგი: ფსიქოლოგია

დიპლომი ჩვეულებრივი:

1. აბაზაშვილი მაკა
2. გერსამია მარიამ
3. გოგავა ნინო
4. დემეტრაშვილი სალომე
5. დოლიძე სალომე
6. ვარდიაშვილი თეონა
7. თათარაშვილი დარეჯან
8. კაბულოვი ანა
9. კენკიშვილი ანი
10. კვიცარიძე ლიკა
11. მაისურაძე მარიამ
12. ნემსაძე ლუკა
13. ნემსიწვერიძე ენდი
14. რუხაძე ბარბარე
15. საღინაძე თამარი
16. სახელაშვილი თამარი
17. სიჩანინ ნადეჟდა
18. ტუსნიაშვილი სალომე
19. შაფაქიძე ანა
20. შოშიაშვილი გიორგი
21. ცისკაძე მარიამ
22. ჭუმბურიძე ნინო

საბჭომ კენჭი უყარა წარდგინებას:

მომხრე: 22

წინააღდმეგი: 0

თავი შეიკავა: 0

II. მიენიჭოთ განათლების ბაკალავრის აკადემიური ხარისხი და მიეცეთ შესაბამისი დიპლომი 2019/2020 სასწავლო წლის შემოდგომის სემესტრის კურსდამთავრებულებს:

სწავლების ძირითადი დარგი - მასწავლებლის განათლება

ქვედარგი - დაწყებითი განათლების პედაგოგიკა

დიპლომი ჩვეულებრივი:

1. ატახალილოვა გიულტან
2. გამრეკელაშვილი ლონდა

საბჭომ კენჭი უყარა წარდგინებას:

მომხრე: 22

წინააღდმეგი: 0

თავი შეიკავა: 0

III. მიენიჭოთ ფსიქოლოგიის მაგისტრის აკადემიური ხარისხი და მიეცეთ შესაბამისი დიპლომი  2020 წლის შემდეგ კურსდამთავრებულებს:

სამაგისტრო პროგრამა: ,,განათლების ფსიქოლოგია და კვლევა"

დიპლომი ჩვეულებრივი:

1. ზურაბაშვილი მარიამ

საბჭომ კენჭი უყარა წარდგინებას:

მომხრე: 22

წინააღდმეგი: 0

თავი შეიკავა: 0

IV. მიენიჭოთ განათლების მეცნიერებების მაგისტრის  აკადემიური ხარისხი და   მიეცეთ შესაბამისი დიპლომი  2020 წლის შემდეგ კურსდამთავრებულებს:

სწავლების ძირითადი დარგი - განათლების მეცნიერებები

დიპლომი წარჩინების:

1. ძაგნიძე სალომე
2. სამჭკუაშვილი ლიკა
3. წურწუმია ნინო

დიპლომი ჩვეულებრივი:

1. მრელაშვილი დალი

საბჭომ კენჭი უყარა წარდგინებას:

მომხრე: 22

წინააღდმეგი: 0

თავი შეიკავა: 0

V. შევიდეს შესწორება ფაკულტეტის საბჭოს 2019 წლის 21 აგვისტოს გადაწყვეტილებაში (ოქმი N7)  და პუნქტი დ) ჩამოყალიბდეს შემდეგნაირად:

დ) განათლების ბაკალავრის აკადემიური ხარისხი

სწავლების ძირითადი დარგი - მასწავლებლის განათლება

ქვედარგი - დაწყებითი განათლების პედაგოგიკა:

დიპლომი წარჩინებით:

1. ქამუშაძე ნინო
2. ქობულაძე გურანდა

დიპლომი ჩვეულებრივი:

1. აკოპიან მარიანნა
2. ალიევა ზარიფა
3. გალოიან ასტხიკ
4. გაჯიევა ხეირანსა
5. დარგალი სამირა
6. ისმაილოვა ვუსალე
7. მენაბდიშვილი ნათია
8. მნდლიან მარინე
9. ომარაშვილი მარიამი
10. სულეიმანოვა ზოხრა
11. უმბათოვი ამინ
12. ჩახოიან კატია
13. ჯაღაცპანიან ოფელია
14. ჰასანოვა სონა

საბჭომ კენჭი უყარა წარდგინებას:

მომხრე: 22

წინააღდმეგი: 0

თავი შეიკავა: 0

დაადგინეს:

დამტკიცდეს ფსიქოლოგიისა და განათლების მეცნიერებების კურსდამთავრებულების კვალიფიკაციის მინიჭების წარდგინება და წარედგინოს რექტორს.

 

საბჭოს თავმჯდომარე: პროფესორი თამარ გაგოშიძე

საბჭოს მდივანი: ასოცირებული პროფესორი ირინე ჟვანია

 

  

     

გა­იც­ან­ით ლა­რა შუკ­ვა­ნი — თბი­ლი­სის სა­ხელ­მწი­ფო უნ­ივ­ერ­სი­ტე­ტის ჰუ­მა­ნი­ტა­რულ მეც­ნი­ერ­ებ­ათა ფა­კულ­ტე­ტის ქარ­თუ­ლი ფი­ლო­ლო­გი­ის სპე­ცი­ალ­ობ­ის სტუ­დენ­ტი, მი­სი ლექ­სე­ბი რამ­დენ­ჯერ­მე უკ­ვე გა­მოქ­ვეყ­ნდა სხვა­დას­ხვა ონ­ლა­ინ პლატ­ფორ­მა­ზე. ღრმა ემ­ოცი­ებ­ით და­სუ­რა­თე­ბუ­ლი პო­ეზი­ის ავ­ტო­რი ბავ­შვო­ბა­ზე, სტუ­დენ­ტო­ბა­სა და სა­კუ­თარ შე­მოქ­მე­დე­ბა­ზე გვე­სა­უბ­რე­ბა... ვე­ცა­დეთ, გაგ­ვე­გო — რო­გორ და­იბ­ადა რით­მი, თა­ვი­სე­ბუ­რი მე­ლო­დია და ფერ­წე­რუ­ლი ელ­ემ­ენ­ტე­ბი ლა­რა შუკ­ვა­ნის პო­ეზი­აში.

 

რო­გორ გა­იხ­სე­ნებ­დით ბავ­შვო­ბას? რა გა­რე­მო­ში იზ­რდე­ბო­დით? ამ ყვე­ლა­ფერ­მა რამ­დე­ნად მო­ახ­დი­ნა თქვენს პო­ეზი­აზე გავ­ლე­ნა?

 

ბავ­შვო­ბა­ში რა­ღაც პე­რი­ოდი (ორი­ოდე წე­ლი) სვა­ნეთ­ში გა­ვა­ტა­რე. მარ­თა­ლია, ეს იმ­დე­ნად ად­რე იყო, რომ ჩემს მეხ­სი­ერ­ებ­აში ზუს­ტი ან­აბ­ეჭ­დი არ და­უტ­ოვ­ებია და თა­ნაც მას შემ­დეგ სულ სხვა გა­რე­მო­ში გა­ვი­ზარ­დე (აღ­მო­სავ­ლეთ­ში, ქვე­მო ქარ­თლში და­ვამ­თავ­რე სკო­ლაც), მაგ­რამ თვი­თონ ამ „საწყის­მა“, ვფიქ­რობ, ბევ­რი რამ გან­საზღვრა ჩემს ხა­სი­ათ­სა და მსოფ­ლაღ­ქმა­ში, რაც, მეტ­წი­ლად, ჩემს ლექ­სებ­შიც გა­მო­იხ­ატ­ება.

 

რა­ტომ და­იწყეთ წე­რა? რა­ტომ აირ­ჩი­ეთ პო­ეზია და არა — პრო­ზა?

 

ეს შე­კითხვა, თა­ვი­სი ბუ­ნე­ბით, ჩემ­თვის ახ­ლა უკ­ვე არ­აბ­უნ­ებ­რი­ვია, მაგ­რამ შე­მიძ­ლია გი­პა­სუ­ხოთ, რომ გა­მო­უთ­ქმე­ლი აზ­რე­ბის, სიტყვე­ბი­სა და იმ მეხ­სი­ერ­ებ­ის­თვის, რო­მე­ლიც რა­ღაც სიმ­ძაფ­რით ილ­ექ­ება ჩვენ­ში, პო­ეზია კარ­გი ყა­ლი­ბია. უფ­რო სწო­რად, ჩემს შემ­თხვე­ვა­ში ასე აღ­მოჩ­ნდა. რაც შე­ეხ­ება პო­ეზი­ისა და პრო­ზის მი­მარ­თე­ბას, უბ­რა­ლოდ ვფიქ­რობ, რომ ჩემს პრო­ზა­ში უფ­რო მე­ტი მა­ინც პო­ეზია იქ­ნე­ბო­და, რაც თა­ვის­თა­ვად ის­ევ პო­ეზი­ას­თან მაბ­რუ­ნებს.

 

წერთ სი­ცოცხლი­სა და სიკ­ვდი­ლის კავ­შირ­ზე, მათ შო­რის არ­სე­ბულ ზღვარ­ზე...

 

სიკ­ვდილ­ზე ვწერ იმ­დე­ნად, რამ­დე­ნა­დაც ამ­აზე გან­წყო­ბა და სიმ­ბო­ლო­ები მეტყვე­ლე­ბენ ჩემს ნა­წერ­ში. ამ­ას, ალ­ბათ, ის გა­ნა­პი­რო­ბებს, რომ ხსოვ­ნის ძაფ­ზე გა­მობ­მუ­ლი ად­ამი­ანი ვარ და ბავ­შვო­ბი­დან ვგრძნობ ერ­თგვარ სი­ახ­ლო­ვეს მიღ­მი­ერ­თან.

 

შე­იძ­ლე­ბა ით­ქვას, რომ ყო­ფი­ერ­ებ­ას აღ­იქ­ვამთ ბუ­ნე­ბას­თან ერ­თი­ან­ობ­ის კონ­ტექ­სტში და შემ­დეგ იყ­ენ­ებთ თქვენს პო­ეზი­აში, რო­გორც მხატ­ვრულ გა­მომ­სახ­ვე­ლო­ბით სა­შუ­ალ­ებ­ას?

 

ნა­ნახს, მეხ­სი­ერ­ებ­აში აღ­ბეჭ­დილს, იქ­ნე­ბა ეს ხსოვ­ნა, სი­ხა­რუ­ლი, ნოს­ტალ­გია თუ სხვა რო­მე­ლი­მე გულ­წრფე­ლი გან­ცდა, წე­რის დროს, რა საკ­ვირ­ვე­ლია, ვერ და­აშ­ოშ­მი­ნებ. არ ვი­ცი, რამ­დე­ნად ვა­კავ­ში­რებ ამ ყვე­ლა­ფერს ბუ­ნე­ბას­თან (ფორ­მის თვალ­საზ­რი­სით), თუმ­ცა ხში­რად მა­ინც გა­მომ­სახ­ვე­ლო­ბით სა­შუ­ალ­ებ­ად იქ­ცე­ვა ხოლ­მე ლექ­სებ­ში.

 

ვი­ცი, რომ მუ­სი­კას­თან გან­სა­კუთ­რე­ბუ­ლი და­მო­კი­დე­ბუ­ლე­ბა გაქ­ვთ...

 

სი­ამ­ოვ­ნე­ბა­ზე მე­ტად, მუ­სი­კა ჩემ­თვის სა­კუ­თარ თავ­ზე დაკ­ვირ­ვე­ბას, რა­ღა­ცის შეხ­სე­ნე­ბას, ძი­ებ­ას გუ­ლის­ხმობს, მაგ­რამ ეს­ეც თა­ვი­სე­ბუ­რად სა­სი­ამ­ოვ­ნოა. ჩე­მი მუ­სი­კა­ლუ­რი გე­მოვ­ნე­ბა საკ­მა­ოდ გან­საზღვრუ­ლია და ყვე­ლა­ფერს ნამ­დვი­ლად ვერ ვუს­მენ.

 

რას ფიქ­რობთ, რო­მე­ლი უფ­რო უკ­ეთ გა­მო­ხა­ტავს ად­ამი­ან­ის ემ­ოცი­ებს — მუ­სი­კა თუ სიტყვა?

 

მუ­სი­კა თუ სიტყვა? — სი­ცოცხლი­სუ­ნა­რი­ანი შე­კითხვაა. მე ამ შემ­თხვე­ვა­შიც აღ­ქმას ვა­ნი­ჭებ უპ­ირ­ატ­ეს­ობ­ას და ვფიქ­რობ — გა­მო­ხა­ტულ ემ­ოცი­ას სმე­ნა უკ­ეთ ირ­ეკ­ლავს, ვიდ­რე კითხვა.

 

რა­ტომ აირ­ჩი­ეთ ქარ­თუ­ლი ფი­ლო­ლო­გია და რას გეგ­მავთ სა­მო­მავ­ლოდ?

 

უნ­ივ­ერ­სი­ტეტ­ში ფი­ლო­ლო­გი­ის არ­ჩე­ვა და სწავ­ლის სურ­ვი­ლი (მი­უხ­ედ­ავ­ად იმ­ისა, აღ­მოჩ­ნდა თუ არა ეს იგ­ივე, რა­საც ვფიქ­რობ­დი), გა­ნა­პი­რო­ბა ჩემ­მა და­მო­კი­დე­ბუ­ლე­ბამ სიტყვას­თან. სიტყვა ყო­ველ­თვის ძა­ლი­ან სა­ინ­ტე­რე­სო დაკ­ვირ­ვე­ბის სა­გა­ნი იყო ჩემ­თვის (თა­ნაც, მე ორ მშობ­ლი­ურ ენ­აზე ვმეტყვე­ლებ­დი (თუ შე­იძ­ლე­ბა, ასე ით­ქვას) — ქარ­თუ­ლად და სვა­ნუ­რად, მომ­წონ­და ამ სიტყვე­ბის და­კავ­ში­რე­ბა და მათ შო­რის რა­ღაც მსგავ­სე­ბა-გან­სხვა­ვე­ბის შემ­ჩნე­ვა). მახ­სოვს, ბავ­შვო­ბა­ში სულ­ხან-სა­ბას იგ­ავ-არ­აკ­ებ­ის გაც­ნო­ბი­სას გან­სა­კუთ­რე­ბუ­ლი შთა­ბეჭ­დი­ლე­ბა სწო­რედ „ენ­ით და­კო­დილ­მა“ და­მი­ტო­ვა.

 

სა­მო­მავ­ლო გეგ­მე­ბი მოქ­მე­დე­ბას გუ­ლის­ხმობს და ვიდ­რე არ იმ­ოქ­მე­დებ, სა­უბ­არი არ­აფ­ერს ნიშ­ნავს.

 

 

* * *

ლა­რა შუკ­ვა­ნის ლექ­სე­ბი

 

 

„მინ­დვრებ­ში დაღ­ლი­ლი ფიფ­ქე­ბი მოც­ვი­ვა...“

 

თვალ­სა­წი­ერი ნიშ­ნავს ბევრ რა­მეს:

ფე­რე­ბის გან­ზო­მი­ლე­ბებს,

საგ­ნე­ბის თვით­მყო­ფა­დო­ბას,

დრო­ის სხვა­დას­ხვა რით­მა­სა და

ბგე­რა­თა ათ­ას­გვარ გა­და­ნა­წი­ლე­ბა­საც კი.

ნიშ­ნავს სიმ­ჭიდ­რო­ვეს ხედ­ვის სა­მიზ­ნეს­თან,

სა­პოვ­ნე­ლი სა­მიზ­ნე­ებ­ის ძებ­ნას

და არ­სე­ბულ­თან თვა­ლუწ­ვდე­ნელ სი­შო­რეს.

 

პრო­ვინ­ცი­ული პე­რი­ფე­რი­ებ­იდ­ან ქა­ლა­ქის

ნა­თე­ბე­ბი პრი­მი­ტი­ულ ხედ­ვას

აღ­ვი­ძე­ბენ — იქ, სადღაც,

არ­ის პა­რა­ლე­ლი ჩვენს

ძილ­სა და ღვი­ძილს შო­რის.

იქ, სა­დაც მამ­ლის ყი­ვი­ლი მხო­ლოდ

ბავ­შვო­ბის­დრო­ინ­დე­ლი მსუ­ბუ­ქი მო­გო­ნე­ბაა,

ხო­ლო ნაწ­ვი­მა­რი მინ­დვრის შფოთ­ვა

ქა­რი­ან ამ­ინ­დში — მო­საწყე­ნი ფილ­მის ნა­რა­ტივს იმე­ორ­ებს.

 

მზე ერ­თად დგე­ბა ფან­ჯრებს შო­რის

და ძი­ლის აპ­კში,

გა­ხე­ლი­ლი თვა­ლე­ბი­დან ცვი­ვა ყვი­თე­ლი ქვი­შა,

გა­მომ­წვა­რი ბა­ლა­ხის და აზ­ელ­ილი

ყო­ველ­დღი­ურ­ობ­ის ლე­ში.

სახ­ლის თვა­ლი­დან, ფან­ჯრე­ბი­დან,

თი­ვის მომ­წვა­ნო დღე­სას­წა­ული

პირ­ველ­ქმნი­ლი სიმ­შვი­დით ერ­წყმის

კაჭ­კა­ჭის ენ­ას — გა­უგ­ებ­არს, მაგ­რამ მშობ­ლი­ურს.

ყვა­ვი­ლე­ბი ივ­იწყე­ბენ სუნ­თქვას.

ხე­ები მი­ტო­ვე­ბულ ქა­ლებს ჰგვა­ნან.

სოფ­ლის თავ­სარ­თი ბო­ლო­სარ­თის შებ­რუ­ნე­ბაა.

 

 

პუ­რი და წყა­ლი

 

გა­მი­ფერ­დდა და შე­მო­მა­ღამ­და.

მარ­ცვლებს შო­რის ად­ენ­ილ კვამ­ლს ვა­ტან

პურ­საც და წყალ­საც,

სვე­ლი მი­წა სა­იდ­ან მომ­ყვა?

სა­იდ­ან არ­ის?

ხე­ლებს თი­თე­ბი ხომ არ სცვი­ვათ,

ძვლებს აბ­რე­შუ­მად ქცე­ვა მხო­ლოდ ენ­ამ არ­გუ­ნოს,

თვა­ლებს ორ­მო­ში დაც­ვე­ნი­ლი

ფოთ­ლე­ბით ავ­სებს ეს შე­მოდ­გო­მა.

მე კი ის­ევ

გა­მი­ფერ­დდა და შე­მო­მა­ღამ­და...

 

მეჩ­ვე­ნე­ბა, რომ შე­ნი აბ­ები ობს იკ­იდ­ებს,

ბავ­შვო­ბის ში­შებს რომ აქ­ვთ ფე­რი, აი, ის­ეთს.

გთხოვ, არ მოკ­ვდე და ნუ მო­მიკ­ლავ

ჩემს სა­დარ­დე­ბელს.

ქა­რი ფან­ჯრის­კენ გა­დახ­რილ ცას ჰგავს,

მე კი ნაწ­ვი­მარ დი­ლებს ვამ­სგავ­სებ

შენს მო­ნატ­რე­ბას.

დე­და, ნუ­თუ მხო­ლოდ

ამ­ის­თვის ღვი­ვის ის მწვა­ნე რტო

ჩემს სა­სუ­ლე­ში?

მაშ, ეს ნი­ავი რი­ღას­თვის და ან წყა­ლი რი­სად?

დე­და, ჩემს ფიქ­რებს

იმ ყავ­ლგა­სუ­ლი ში­შის­ფე­რი აქ­ვთ,

ობ­ის­ფე­რი, რო­მე­ლიც გვახ­სოვს

მე და შენ, სხვას კი —

არა ვფიქ­რობ, არა მგო­ნია...

 

ესა­უბ­რა ნა­ტო ობ­ოლ­აძე

სია არ არის საბოლოო და სტუდენტების მომართვის საფუძველზე (ხელახალი განხილვის შემთხვევაში) შესაძლოა შეიცვალოს!

1. თსუ რექტორის 09.12.2020  წლის N242/01-01 ბრძანების საფუძველზე სტიპენდიით დასაფინანსებელი სტუდენტების რაოდენობა განისაზღვრა 109 სტუდენტით (მიღებულია 251 განაცხადი).
 2. იმ შემთხვევაში, თუ დასაფინანსებელთა სიაში ბოლო პოზიციაზე გამოიკვეთა ერთნაირი მონაცემების მქონე ორი ან მეტი კანდიდატი, შერჩევის პროცესში უპირატესობა ენიჭება იმ კანდიდატს, რომელსაც აქვს უფრო მაღალი  GPA.
პრეტენზიის არსებობის შემთხვევაში, 14 დეკემბრის 14 საათამდე დაუკავშირდით იურიდიული ფაკულტეტის სასწავლო პროცესის მართვის სამსახურის უფროსს, ქბ-ნ შორენა წენგუაშვილს ტელეფონის ნომერზე 577943878; 
იმ შემთხვევაში, თუ კომისიის მიერ არ იქნა პრეტენზია მიღებული, საკითხს განიხილავს იურიდიული ფაკულტეტის დეკანი, პროფესორი თამარ ზარანდია. განაცხადი უნდა გამოიგზავნოს  lms.tsu.ge ბაზის გრაფიდან ,,მისწერე დეკანს“.
 

გისურვებთ წარმატებებს! 

 

წარმოგიდგენთ პროგრამის „სახელმწიფო სტიპენდია სტუდენტებს“ კონკურსის პირველად შედეგებს. თსუ რექტორის ბრძანების თანახმად, ჰუმანიტარულ მეცნიერებათა ფაკულტეტზე სტიპენდია გამოეყოფა 134 სტუდენტს. თანაბარი ქულების შემთხვევაში, კომისიის გადაწყვეტილებით, უპირატესობა მიენიჭა იმ სტუდენტებს, ვისაც სემესტრული GPA უფრო მაღალი ჰქონდა (ამ პუნქტშიც თანაბარი მონაცემების შემთხვევაში უპირატესობა მიენიჭა მათ, ვისაც საერთო GPA ჰქონდა უფრო მაღალი). ბრძანების თანახმად, კონკურსიდან მოიხსნენ სტუდენტები, რომლებსაც წინა სემესტრში შესრულებული ჰქონდათ 30 კრედიტზე ნაკლები.

აპელაციების შემოტანა იგივე ელფოსტაზე შესაძლებელია 14 დეკემბრის 16:00 საათამდე.