ივანე ჯავახიშვილის სახელობის თბილისის სახელწიფო უნივერსიეტის ჰუმანიტარულ მეცნიერებათა ფაკულტეტი 2021 წლის 27-29 მაისს ატარებს საერთაშორისო სამეცნიერო კონფერენციას "1921 წლის ისტორიულ-კულტურული მოვლენები: ხედვა საუკუნის შემდეგ"

კონფერენცია ეძღვნება ჭაბუა ამირეჯიბის დაბადებიდან 100 წლის იუბილეს

საერთაშორისო სამეცნიერო კონფერენციის მიზანია, ინტერდისციპლინურ კონტექსტში წარმოაჩინოს 1921 წლის მოვლენები, დამოუკიდებლობის დაკარგვისა და ოკუპაციის ისტორიული, ლიტერატურული,  კულტურული, პოლიტიკური, ეთნოლოგიური და სხვა ასპექტები.

1921 წელს საქართველოს დემოკრატიული რესპუბლიკის (1918-1921) ძალისმიერი დამხობის შემდეგ ქვეყანაში საბჭოთა რეჟიმი დამყარდა, რომელმაც ტოტალიტარული სახელმწიფოს, საბჭოთა კავშირის, შემადგენლობაში შეიყვანა ქვეყანა. საქართველოს დამოუკიდებლობისთვის ბრძოლას შეეწირნენ თბილისის უნივერსიტეტის სტუდენტებიც. კომუნისტური ტირანიის დამყარებას მოჰყვა საქართველოს დემოკრატიული რესპუბლიკის მთავრობის ემიგრაცია ევროპაში, საქართველოში კი წინააღმდეგობის კერების წარმოშობა, ქართველ ინტელექტუალთა, პატრიოტ მოქალაქეთა პროტესტი, მათი რეპრესიები და მასობრივი ტერორი.

1921 წელი მრავალმხრივ მნიშვნელოვანი თარიღია საქართველოს ისტორიისთვის. ამ პერიოდის მოვლენებმა ასახვა პოვა ქვეყნის ცხოვრების სხვადასხვა სფეროში. ეს არის ტრაგიკული წელი, რომელმაც მნიშვნელოვნად განაპირობა საქართველოს ისტორიაში სხვა მოვლენებიც. 1921 წელი საქართველოსთვის არის საბჭოთა ეპოქის დასაწყისი. ეპოქისა, რომელსაც სჭირდება ახლებური გააზრება თანამედროვე გადასახედიდან და თანამედროვე ინტერდისციპლინური ანალიზი. აღნიშნული განსაკუთრებულ დატვირთვას იძენს ამ ტრაგიკული მოვლენიდან 100 წლის შემდეგ როგორც ეპოქის, ისე მისი ცალკეული ასპექტების შეფასების პერსპექტივისათვის.

კონფერენცია ეძღვნება ქართველი მწერლის, ჭაბუა ამირეჯიბის (1921-2013), დაბადებიდან 100 წლის იუბილეს. ჭაბუა ამირეჯიბის ცხოვრება და შემოქმედება დიდად არის განპირობებული მისი ანტისაბჭოთა მოღვაწეობითა და საბჭოთა იდეოლოგიის წინააღმდეგ ბრძოლით. 1943 წელს იგი დააპატიმრეს შეიარაღებული აჯანყების ბრალდებით. სხვადასხვა დროს მისჯილი ჰქონდა დახვრეტა, 25-წლიანი პატიმრობა, განაჩენის გამოტანას თვე-ნახევარი ელოდა სიკვდილმისჯილთა საკანში. პატიმრობის დროს სამჯერ გაიქცა და სასჯელი გაუორმაგეს, მონაწილეობდა პოლიტპატიმართა აჯანყებებში. 16-წლიანი პატიმრობისა და გადასახლების შემდეგ, 1960 წლიდან, ჭაბუა ამირეჯიბი ლიტერატურულ მოღვაწეობას იწყებს. 1972 წელს გამოქვეყნებულმა რომანმა „დათა თუთაშხია“ მწერალს საყოველთაო აღიარება მოუტანა. რომანი თარგმნილია მრავალ ენაზე, რუსული თარგმანი კი ავტორისეულია. გადაღებულია მრავალსერიანი ფილმი „დათა თუთაშხია“. ჭაბუა ამირეჯიბის მეორე რომანი „გორა მბორგალი“ (1995) აღწერს საბჭოთა ეპოქას, გულაგს, მისი მთავარი პერსონაჟი მიიჩნევა ავტორის ალტერ ეგოდ. კონფერენციის ფარგლებში დაგეგმილია მრგვალი მაგიდა თემაზე: „ჭაბუა ამირეჯიბი 100 - საბჭოთა ეპოქა ლიტერატურასა და კინოში“.

საერთაშორისო სამეცნიერო კონფერენციაში მონაწილეობის მისაღებად ვიწვევთ ჰუმანიტარული და მომიჯნავე დარგების წარმომადგენლებს: ისტორიკოსებს, ფილოლოგებს, პოლიტოლოგებს, სოციოლოგებს, კულტუროლოგებს, ეთნოლოგებს, ხელოვნებათმცოდნეებს და სხვ.
კონფერენციის ორგანიზატორია ივანე ჯავახიშვილის სახეობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტი.

კონფერენცია ჩატარდება დისტანციურ ფორმატში

კონფერენციის სამუშაო ენები: ქართული, ინგლისური

მნიშვნელოვანი თარიღები:
თეზისების მიღება 20. 01. 2021 – 10. 04. 2021
მიღებული თეზისების რეცენზირება - 20. 03. 2021 – 15. 04. 2021
ინფორმაცია მონაწილეობის შესახებ - 20. 04. 2021
სტატიების გაგზავნა - 20. 08. 2021
განაცხადის ფორმა:
მომხსენებლის სახელი, გვარი;
ორგანიზაცია;
აკადემიური ხარისხი;
ტელეფონი (მობილური), ელექტრონული ფოსტის მისამართი

თეზისების გაფორმების წესი:
თეზისები მიიღება ქართველი ავტორებისთვის ქართულ და ინგლისურ ენებზე.
უცხოელი ავტორებისთვის - ინგლისურ ენაზე.
თეზისების მოცულობა 300-500 სიტყვა თითოეულ ენაზე.
ორივე ენაზე შრიფტი – Sylfaen. შრიფტის ზომა – 11, ინტერვალი – 1;

მოსაკრებელი
საერთაშორისო სამეცნიერო კონფერენციაში მონაწილეობა უფასოა.
განაცხადები მიიღება ელექტრონულ ფოსტაზე: 1921conference@tsu.ge

საკონტაქტო პირი:
ნინო პოპიაშვილი, ფილოლოგიის დოქტორი, თსუ ჰუმანიტარულ მეცნიერებათა ფაკულტეტის სამეცნიერო კვლევებისა და განვითარების სამსახურის წამყვანი სპეციალისტი

დაგეგმილა მოხსენებების კრებულის გამოცემა.

2021 წლის 3-4 ივლისს ივანე ჯავახიშვილის სახელობის თბილისის სახელმწიფო უნივერსიტეტი და პაატა გუგუშვილის სახელობის ეკონომიკის ინსტიტუტი ატარებს პროფესორ ალფრედ კურატაშვილის დაბადებიდან მე-80 წლისთავისადმი მიძღვნილ საერთაშორისო სამეცნიერო კონფერენციას  „XXI საუკუნის ეკონომიკური, სოციალური, ეკოლოგიური და ტექნოლოგიური გამოწვევები“.

          გთხოვთ, იხილოთ ბმული ფაილი.

თსუ ჰუმანიტარულ მეცნიერებათა ფაკულტეტის პროფესორმა დარეჯან გარდავაძემ კიდევ ერთი თანამედროვე არაბი ავტორის, ამჯერად სირიელი რომანისტის ხალიდ ხალიფას ახალი რომანი „სიკვდილი მძიმე შრომაა“ თარგმნა, რომლის წაკითხვასაც ქართველი მკითხველი უახლოეს მომავალში შეძლებს.

ახალი რომანი, რომელზეც თსუ პროფესორი დაახლოებით ერთი წლის განმავლობაში მუშაობდა და რომლის ავტორმა ხალიდ ხალიფამაც 2019 წელს ამერიკული National Book Award ლიტერატურული ჯილდოს თარგმნილი ლიტერატურის ნომინაციაში გაიმარჯვა, სირიის დღევანდელობას ერთი ოჯახის ისტორიით მხატვრულად ასახავს.

ხალიდ ხალიფას რომანის თარგმანის გარდა კი, დარეჯან გარდავაძე არის ისეთი მნიშვნელოვანი და საინტერესო წიგნების მთარგმნელი, როგორიცაა ღასან ქანაფანის „კაცები მზეში“ და „ჰაიფაში დაბრუნება“, იბრაჰიმ ალ-ქუნის „ქვიდან ნაჟური სისხლი“ და „ოქროს ქვიშა“, იმან ჰუმაიდან იუნესის „ასო „ბ“ სიტყვებში: „ბინა“, „ბეირუთი“, მომავალი ერთი წლის განმავლობაში კი თსუ პროფესორი  ქართველ მკითხველს იმან ჰუმაიდან იუნესის კიდევ ერთი საინტერესო რომანის ქართულ თარგმანს შესთავაზებს.

„ჩემი სტუდენტებისთვის, პირველ რიგში, ტექსტებზე მუშაობა არის მნიშვნელოვანი, ამიტომ მათ უნდა ჰქონდეთ აკადემიური თარგმანები. ამ აკადემიური თარგმანების გზით კი, სტუდენტამდე უნდა მივიდეს თანამედროვე არაბული სალიტერატურო პროცესი,“ - აღნიშნავს თსუ პროფესორი.

დარეჯან გარდავაძე თსუ ჰუმანიტარულ მეცნიერებათა ფაკულტეტის არაბისტიკის კათედრის პროფესორია, რომელიც არაბულმა ლიტერატურამ ჯერ კიდევ სტუდენტობის პერიოდში გაიტაცა, მაშინ როცა 90-იან წლებში, თბილისის სახელმწიფო უნივერსიტეტიდან სტაჟირებით ერთი წლის განმავლობაში სირიის დედაქალაქ დამასკოში სწავლობდა.

ივანე ჯავახიშვილის სახელობის თბილისის სახელმწიფო უნივერსიტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტი აგრძელებს საკონფერენციო განაცხადების მიღებას საერთაშორისო ონლაინ კონფერენციისთვის „ანტიკური და ბიზანტიური სამყარო ინტერდისციპლინური კვლევების შუქზე“, რომელიც ჩატარდება 2021 წლის 22-24 სექტემბერს (კონფერენციის ჩატარება დაგეგმილი იყო 2020 წლის სექტემბერში, მაგრამ გადაიდო და ფორმატი შეიცვალა კოვიდ 19 პანდემიის გამო).

საერთაშორისო კონფერენცია ეძღვნება ცნობილი კლასიკოსის, ბიზანტინისტისა და პაპიროლოგის, გრიგოლ წერეთლის 150 წლის იუბილეს  და კლასიკური ფილოლოგიის კათედრის დაარსების 100 წლისთავს.

კონფერენციის ფარგლებში იმუშავებს შემდეგი სექციები:
(i) კლასიკური სიძველეთმცოდნეობისა და ბიზანტინისტიკის აქტუალური პრობლემები;
(ii) ანტიკური და ბიზანტიური სამყარო და თანამედროვეობა;
(iii) ანტიკური და ბიზანტიური სამყარო და საქართველო;
(iv) ციფრული ტექნოლოგიები კლასიკურ სიძველეთმცოდნეობასა და ბიზანტინისტიკაში.

თითოეულ მომხსენებელს დაეთმობა ნახევარი საათი (მოხსენება - 20 წთ., დისკუსია - 10 წთ.).
კონფერენციის სამუშაო ენები: ინგლისური, გერმანული, ფრანგული, ახალი ბერძნული და ქართული.

მოხსენების თეზისების მიღების ბოლო ვადა: 30 მარტი, 2021.
მოხსენების თეზისები (არა უმეტეს 250 სიტყვისა) წარმოდგენილი უნდა იყოს კონფერენციის ერთ-ერთ სამუშაო ენაზე (ქართულ თეზისებს თან უნდა ახლდეს მათი უცხოენოვანი თარგმანი კონფერენციის თეზისებში დასაბეჭდად). თეზისებთან ერთად წარმოდგენილ უნდა იქნას ინფორმაცია მომხსენებლის შესახებ: სახელი და გვარი, დაწესებულება და თანამდებობა, საკონტაქტო ინფორმაცია (ტელეფონი და ელ.ფოსტა).

საკონფერენციო თეზისები, გთხოვთ, გაგზავნოთ შემდეგ მისამართზე: g.tsereteli150@gmail.com. მოხსენებათა შერჩევა დასრულდება 2021 წლის 30 აპრილს.
კონფერენციაში მონაწილეობა უფასოა.

კონფერენციის პროგრამა გამოქვეყნდება 2021 წლის ივლისში.

კონფერენციის მასალები ფარული რეცენზირების წარმატებით გავლის შემთხვევაში დაიბეჭდება საერთაშორისო სამეცნიერო ჟურნალ „ფაზისში“, რომელიც ინდექსირებულია ERIH PLUS-ის მიერ (Phasis. Greek and Roman Studies, Institute of Cassical, Byzantine and Modern Greek Studies, Ivane Javakhishvili Tbilisi State University). დასაბეჭდად მოხსენების წარდგენის ბოლო ვადა: 30 დეკემბერი, 2021.

დამატებითი ინფორმაციისთვის შეგიძლიათ მიმართოთ კონფერენციის საორგანიზაციო კომიტეტს: g.tsereteli150@gmail.com.

ეს წიგნი ბოლო 15 წლის განმავლობაში ელექტრონული სტატიების კრებულია. ისინი ეძღვნება პოსტკომუნისტური საქართველოს XXI საუკუნის პოლიტიკურ და ეკონომიკურ პრობლემებს. საქართველოსთვის, სსრკ-ს დაშლამდეგ და განსაკუთრებით მისი არსებობის ბოლო წლებში, პრიორიტეტი იყო ევროატლანტიკური ორიენტაცია. საქართველოს განვითარების ევროპული გზა არ ყოფილა მარტივი. პოსტკომუნისტურ საქართველოში ევროპული სახელმწიფოს ჩამოყალიბება დაკავშირებულია მრავალ რთულ ამოცანასთან, რომელთა გადაწყვეტასაც უდიდესი მნიშვნელობა აქვს ამქვეყნის მომავლისთვის. 2014 წლის 27 ივნისს ბრიუსელში ხელი მოეწერა ევროკავშირსა და საქართველოს შორის ასოცირების ხელშეკრულებას. ხელშეკრულებამ საქართველოს ევროკავშირში ინტეგრაციის ახალი შესაძლებლობები გაუხსნა. ამავდროულად, საქართველოს ჯერ კიდევ სჭირდება ბევრი სამუშაოს შესრულება ევროკავშირთან რეალური დაახლოებისთვის და ეს მოითხოვს მრავალი წლის შრომას.

წიგნის დასაწყისშივე და უკანა გარეკანზე წიგნს და მის ავტორს მაღალ შეფასებებს აძლევენ ცნობილი ეკონომისტები და პოლიტილოგები:

-კოლუმბიის უნივერსიტეტის პროფესორი ჯეფრი საქსი;

-ვაშინგტონის და სტოკჰოლმის ცენტრალური აზიის და კავკასიის ერთობლივი ინსტიტუტის დირექტორი ფრედერიკ სტარი;

-ჯორჯთაუნის უნივერსიტეტის პროფესორი ანდერს ასლუნდი;

-აშშ-ის მეცნიერების და ტექნოლოგიების პოლიტიკის ინსტიტუტის მთავარი მკვლევარი კეის კრეინი;

-აშშ-ის მსოფლიო პოლიტიკის ინსტიტუტის პროფესორი პოლ გობლი;

-ედინბურგში ჰერიოტ-ვათ უნივერისტეტის ემერიტუს პროფესორი პოლ ჰეა;

-მაუნთ ჰოლიოკის კოლეჯის პროფესორი სტივენ ჯონსი;

-ოქსფორდის უნივერსიტეტის პროფესორი ნეილ მაკფარლეინი;

-ჰარვარდის უნივერსიტეტის მკვლევარი თომას საიმონსი;

-გაეროს განვითარების პროგრამის უფროსი ეკონომისტი ბენ სლეი.

წიგნის ნახვა და შეძენა შესაძლებელია ამაზონის პლატფორმაზე:

https://www.amazon.com/gp/product/1663207623?ref=em_1p_0_im&ref_=pe_2313400_565753830

,,უმაღლესი განათლების შესახებ“ საქართველოს კანონის 22-ე მუხლის პირველი პუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52- ე მუხლის პირველი ნაწილის, 53-ე მუხლის პირველი მესამე ნაწილის, 54-ე მუხლის პირველი ნაწილის, 58-ე მუხლის პირველი ნაწილის, საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუნქტის "ა", "ბ" "ო" და "პ" ქვეპუნქტების, მე-9 პუნქტის, სსიპ - განათლების მართვის საინფორმაციო სისტემის უფროსის 2020 წლის 10 ივლისის „2020-2021 სასწავლო წლის შემოდგომის სემესტრში, უმაღლესი საგანმანათლებლო დაწესებულების სტუდენტების ერთი დაწესებულებიდან სხვა დაწესებულებაში გადასვლის (მობილობის) პროცესის ადმინისტრირებასთან დაკავშირებული ვადების განსაზღვრის შესახებ“ N1.1/69 ბრძანების, ზუსტ და საბუნებისმეტყველო მეცნიერებათა ფაკულტეტის დეკანის 2021 წლის 11 იანვრის N56/28, ეკონომიკისა და ბიზნესის ფაკულტეტის დეკანის 2020 წლის 30 დეკემბრის N22830/29, ეკონომიკის საერთაშორისო სკოლის დირექტორის 2021 წლის 7 იანვრის N21192/29, მედიცინის ფაკულტეტის დეკანის 2021 წლის 15 იანვრის N63/32, სოციალურ და პოლიტიკურ მეცნიერებათა ფაკულტეტის დეკანის 2021 წლის 19 იანვრის N247/30, ფსიქოლოგიისა და განათლების მეცნიერებათა ფაკულტეტის დეკანის 2021 წლის 20 იანვრის N315/26 და სსიპ - განათლების მართვის საინფორმაციო სისტემის 2020 წლის 25 დეკემბრის N24605/10-02 წერილების საფუძველზე,

ვბრძანებ:

1. განისაზღვროს სსიპ – ივანე ჯავახიშვილის სახელობის თბილისის სახელმწიფო უნივერსიტეტის საგანმანათლებლო პროგრამებზე 2020-2021 სასწავლო წლის გაზაფხულის სემესტრში    მობილობისათვის     ვაკანტური     ადგილები     წინამდებარე     ბრძანებაზე თანდართული დანართების შესაბამისად:

1.1. ზუსტ და საბუნებისმეტყველო მეცნიერებათა ფაკულტეტი (დანართი N1);
1.2. სოციალურ და პოლიტიკურ მეცნიერებათა ფაკულტეტი (დანართი N2);
1.3. ეკონომიკისა და ბიზნესის ფაკულტეტი (დანართი N3);
1.4. მედიცინის ფაკულტეტი  (დანართი N4);
1.5. ფსიქოლოგიისა და განათლების მეცნიერებათა ფაკულტეტი  (დანართი N5).

2. ბრძანების  უნივერსიტეტის ოფიციალურ ვებგვერდზე განთავსება დაევალოს უნივერსიტეტის საინფორმაციო ტექნოლოგიების დეპარტამენტს;
3. ბრძანების ყველასათვის ხელმისაწვდომ ადგილზე განთავსებისა და შესაბამისი სტრუქტურული ერთეულებისათვის გადაცემის უზრუნველყოფა დაევალოს უნივერსიტეტის კანცელარიას;
4. ბრძანება ძალაშია გამოქვეყნებისთანავე.

გიორგი შარვაშიძე რექტორი
 

Ivane Javakhishvili Tbilisi State University (Tbilisi, Georgia)

in cooperation with 

University of Iowa (Usa)

Babeș-Bolyai University, Cluj Napoca (România)

Yerevan State Medical University After M. Heratsi (Armenia)

Nicolae Testemitanu State University of Medicine And Pharmacy (Republic Of Moldova)

 Organize 4th International Online Conference on Non-Communicable Diseases

“Injury and Violence Prevention - Global Perspectives”

21-22 June 2021

Traumatic injuries and violence are a leading cause of death and disability for all ages, and there is great opportunity to reduce this individual and social burden. This event will provide an occasion to discuss Violence and Injury Prevention (VIP) issues not only from national but also from international perspectives and to reflect on how different institutions from different sectors can collaborate for future improvement in the VIP and society benefit. Symposium and Workshops may be of interest to anyone with responsibilities and interest in VIP. Symposium and workshops will provide an opportunity for physicians, public health professionals, researchers, academics, students, managers and other stakeholders to advance their knowledge and skills in Injury and violence prevention.

CALL FOR PRESENTATIONS:

Topics:

• Injury prevention
• Violence prevention
• Road traffic safety
• Child safety
• Older adult falls
• Occupational safety and injury
• Acute care for trauma
• Trauma care system
• Injury Surveillance
• Programs to reduce injury and violence
• Sector collaborations and system-based approaches

Types of presentation:

The following possibilities are available:

• Oral presentations. 60-minute sessions with 8 minutes per speaker including discussion.
• Poster presentation.

Abstract submission is open from 1 February 2021 to 1 May 2021. All submitted abstracts will be peer-reviewed by the International Scientific Committee. Authors will be notified of the acceptance of abstract(s) 20 May 2021. Abstracts will be peer-reviewed and published in a conference proceeding. Abstracts received after the deadline will not be considered.

Email-address for the abstract submission and all correspondence:  icreate.conference@tsu.ge  

Instructions

Abstracts should be in English, prepared in Microsoft Word: font – Times New Roman; font size- 12; line spacing - 1,5; dimensions: paragraph - 10 mm; Fields: upper, lower and left – 2,50 mm, right – 2,0 mm; the length of the abstract text should be between 350-400 words.    

Title of abstract (capital letters, Bold, central position), the name and the surname of the author(s), position, affiliation details: department, Institution, country (central position).

Please note that tables and graphs are not accepted.

Sample for abstract design

TITLE

Authors

Affiliation

INTRODUCTION:

AIMS:

METHODS:

RESULTS:

DISCUSSION/CONCLUSION:

Keywords: 3-5 words

Contact information:

Nino Chkhaberidze (PhD student) Tel: + 995 591 93 33 44; E-mail: nino.chkhaberidze6896@med.tsu.edu.ge

Additional information (program, time and place, access, etc.) will be announced on 1 June 2021.

„უმაღლესი განათლების შესახებ“ საქართველოს კანონის 22-ე მუხლის პირველი პუნქტის, საქართველოს ზოგადი ადმინისტრაციული კოდექსის 52-ე მუხლის პირველი და მე-2 ნაწილების, 53-ე მუხლის მე-3 ნაწილის, 54-ე მუხლის პირველი ნაწილის, 55-ე მუხლის პირველი და მე-2 ნაწილების, 56–ე მუხლის მე-2 და მე-3 ნაწილების, 63-ე მუხლის, საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუნქტის "ა”, "ბ”, "ო” და "პ” ქვეპუნქტებისა და მე-9 პუნქტის საფუძველზე,

ვ ბ რ ძ ა ნ ე ბ:

1.შევიდეს შემდეგი ცვლილება და დამატება „სსიპ - ივანე ჯავახიშვილის სახელობის თბილისის  სახელმწიფო უნივერსიტეტში საგანმანათლებლო ერთეულიდან/პროგრამიდან სხვა საგანმანათლებლო ერთეულზე/პროგრამაზე გადასვლის წესის" დამტკიცების შესახებ“ რექტორის 2013 წლის 12 აგვისტოს №94/01-01 ბრძანების პირველი პუნქტით დამტკიცებულ „სსიპ-ივანე ჯავახიშვილის სახელობის თბილისის სახელმწიფო უნივერსიტეტში საგანმანათლებლო ერთეულიდან/პროგრამიდან სხვა საგანმანათლებლო ერთეულზე/პროგრამაზე გადასვლის წესში” (შემდგომში - ”წესი”):

ა) წესის პირველი მუხლი ჩამოყალიბდეს შემდეგი რედაქციით: “მუხლი 1. რეგულირების სფერო
1. სსიპ - ივანე ჯავახიშვილის სახელობის თბილისის სახელმწიფო უნივერსიტეტის (შემდგომში - “თსუ“) საგანმანათლებლო ერთეულიდან/პროგრამიდან სხვა საგანმანათლებლო ერთეულზე/პროგრამაზე გადასვლის წესი (შემდგომში – ,,წესი”) არეგულირებს  სტუდენტის  ერთი  საგანმანათლებლო  ერთეულიდან/პროგრამიდან  სხვა

საგანმანათლებლო ერთეულზე/პროგრამაზე (შემდგომში – ,,შიდა მობილობა”) გადასვლის პროცედურას.
2. საგანმანათლებლო პროგრამის აკრედიტაციაზე უარის თქმის ან აკრედიტაციის გაუქმების შემთხვევაში ან დაწესებულების მიერ საგანმანათლებლო პროგრამის გაუქმების შემთხვევაში, რიგგარეშე შიდა მობილობის პროცედურა წარიმართება შიდა მობილობის წესების შესაბამისად, გარდა ამავე წესით დადგენილი გამონაკლისებისა.”;

ბ) წესს, მე-4 მუხლის მე-4 პუნქტის შემდგომ დაემატოს შემდეგი შინაარსის მე-5 პუნქტი:

“5. ამავე მუხლის მე-4 პუნქტით დადგენილი შეზღუდვა არ ვრცელდება რიგგარეშე შიდა მობილობაში მონაწილე სტუდენტზე.”

2. ბრძანების უნივერსიტეტის ოფიციალურ ვებგვერდზე განთავსება  დაევალოს უნივერსიტეტის საინფორმაციო ტექნოლოგიების დეპარტამენტს;
3. ბრძანების  ყველასათვის ხელმისაწვდომ ადგილზე განთავსებისა და შესაბამისი სტრუქტურული ერთეულებისათვის გადაცემის უზრუნველყოფა დაევალოს უნივერსიტეტის კანცელარიას;
4. ბრძანება ძალაშია გამოცემისთანავე.

რექტორი    გიორგი შარვაშიძე 

,,უმაღლესი განათლების შესახებ” საქართველოს კანონის 23-ე მუხლის პირველი პუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი ნაწილის, 54–ე მუხლის პირველის ნაწილის, 57-ე მუხლის, ,,საჯარო სამართლის იურიდიული პირის − iვანე ჯავახიშვილის სახელობის თბილისის სახელმწიფო უნივერსიტეტის წესდების დამტკიცების თაობაზე’’ საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული  სსიპ - ივანე ჯავახიშვილის სახელობის თბილისის სახელმწიფო უნივერსიტეტის წესდების მე-15 მუხლის პირველი პუნქტის, მე-16 მუხლის პირველი პუნქტის ,,ნ’’ ქვეპუნქტისა და სსიპ – ივანე ჯავახიშვილის სახელობის თბილისის სახელმწიფო უნივერსიტეტის უწყვეტი განათლების ცენტრის უფროსის 2021 წლის  16 იანვრის  N103/10 წერილის  საფუძველზე,

ვ ბ რ ძ ა ნ ე ბ:

1. სსიპ - ივანე ჯავახიშვილის სახელობის თბილისის სახელმწიფო უნივერსიტეტის უწყვეტი განათლების  ცენტრის აბიტურიენტთა მოსამზადებელ განყოფილებაში მაგისტრანტობის კანდიდატებისათვის საერთო სამაგისტრო გამოცდაში მომზადებისთვის (სრული კურსის მოცულობა 56 საათი), მომზადების საფასური განისაზღვროს შემდეგნაირად, კერძოდ:
ა) სრული კურსის ხანგრძლივობა - 56 საათი;   სრული   კურსის     მომზადების   საფასური განისაზღვროს 650 ლარის ოდენობით (56 საათი);
ბ) ვერბალური კომპონენტის (ანალიტიკური წერა, წაკითხულის გააზრება, ლოგიკური მსჯელობა) მომზადების საფასური განისაზღვროს 325 ლარის ოდენობით (28 საათი);
გ) რაოდენობრივი   კომპონენტის   (რაოდენობრივი   მსჯელობა)   მომზადების   საფასური განისაზღვროს 325 ლარის ოდენობით (28 საათი);
2. სსიპ - ივანე ჯავახიშვილის სახელობის თბილისის სახელმწიფო უნივერსიტეტის უწყვეტი განათლების  ცენტრის აბიტურიენტთა მოსამზადებელ განყოფილებაში მაგისტრანტობის კანდიდატებისათვის საერთო სამაგისტრო გამოცდაში მომზადებისთვის, მომზადების საფასურის გადახდისას დადგინდეს  შეღავათები სსიპ - ივანე ჯავახიშვილის სახელობის თბილისის სახელმწიფო უნივერსიტეტის პერსონალისთვის, პერსონალის შვილებისთვის, თსუ-ის სტუდენტებისა და თსუ-ის კურსდამთავრებულთათვის შემდეგი ოდენობით, კერძოდ:

ა)კურსის  ხანგრძლივობა  -  56  საათი;  სრული  კურსის  არჩევის  შემთხვევაში  მომზადების საფასური განისაზღვროს 350 ლარის ოდენობით (56 საათი);
ბ) ვერბალური კომპონენტის (ანალიტიკური წერა, წაკითხულის გააზრება, ლოგიკური მსჯელობა) მომზადების საფასური განისაზღვროს 175 ლარის ოდენობით (28 საათი);
გ) რაოდენობრივი   კომპონენტის   (რაოდენობრივი   მსჯელობა)   მომზადების   საფასური განისაზღვროს 175 ლარის ოდენობით (28 საათი);
3. მაგისტრანტობის კანდიდატის მიერ საერთო სამაგისტრო გამოცდაში მომზადებისთვის გადასახდელი თანხა უნდა დაიფაროს მოსამზადებელი კურსის დაწყებამდე დადგენილ ვადაში, თსუ-სა და   მაგისტრანტობის კანდიდატს   შორის დადებული ხელშეკრულების შესაბამისად;
4. გადასახდელი    თანხის    დადგენილ    ვადებში    გადაუხდელობის    შემთხვევაში მაგისტრანტობის კანდიდატს თანხის დასაფარად გაეგზავნოს შეტყობინება/გაფრთხილება და    დამატებითი     გადახდის  ვადა  განესაზღვროს  დადგენილი  გადახდის  ვადიდან არაუგვიანეს ორი (2) კვირის განმავლობაში. დამატებით დადგენილი   ორ (2) კვირიანი ვადის ამოწურვის შემდგომ, სწავლის საფასურის გადაუხდელობის   შემთხვევაში მაგისტრანტობის   კანდიდატი   ამოირიცხება  საერთო სამაგისტრო
გამოცდისთვის  მოსამზადებელი  კურსიდან  და  შეწყდება  თსუ-სა  და    მაგისტრანტობის კანდიდატს  შორის დადებული ხელშეკრულება;
5. უწყვეტი  განათლების  ცენტრის  აბიტურიენტთა  მოსამზადებელ  განყოფილებაში მაგისტრანტობის კანდიდატებისათვის საერთო სამაგისტრო გამოცდაში მომზადებისთვის, მასწავლებელთა ანაზღაურება განისაზღვროს 1 საათი – 20    ლარის ოდენობით (საშემოსავლო გადასახადისა და საპენსიო ანარიცხის   ჩათვლით);
6. დაევალოს    უნივერსიტეტის    კანცელარიას    წინამდებარე    ბრძანების    გაცნობა დაინტერესებული პირებისათვის;
7. დაევალოს საინფორმაციო ტექნოლოგიების დეპარტამენტს ბრძანების განთავსება უნივერსიტეტის ოფიციალურ ვებგვერდზე;
8.   ბრძანება ძალაში შედის გამოცემისთანავე.

ადმინისტრაციის ხელმძღვანელი    ლაშა საღინაძე

განაცხადების მიღების ბოლო ვადა: 2021 წლის 15 თებერვლის 17:00 საათამდე.

დაინტერესების შემთხვევაში, გთხოვთ ეწვიოთ ვებ-გვერდს, ასევე იხილოთ დანართი 1.

„გეოლოგებს ერთი გამონათქვამი გვაქვს: ადამიანი მთაში უნდა გამოსცადოვო. არ არსებობს გეოლოგიური ექსპედიცია, სადაც გეოლოგს ჩვეულებრივ პირობებში უწევს ყოფნა. ყოველთვის ექსტრემალური გარემოა, სადაც ადამიანები ერთმანეთის გატანას სწავლობენ. სწორედ ესაა, რაც ყველაზე მეტად მომწონს გეოლოგიაში, ამ ადამიანებთან და ბუნებასთან ურთიერთობა,“ - თსუ ალექსანდრე ჯანელიძის სახელობის გეოლოგიის ინსტიტუტის ახალგაზრდა მეცნიერი გიორგი ბერიძე დღეს გეოლოგიური კვლევების კომპლექსური ლაბორატორიის ხელმძღვანელია. მთიან რეგიონში ჯერ კიდევ ბავშვობაში ნანახი სამთო გეოლოგიური ექსპედიციები და ბრჭყვიალა და ფერადი ქვები მისი ცხოვრების მთავარ გატაცებად იქცა. მან მხოლოდ წლების მერე აღმოაჩინა, რომ ამ ქვებს თავისი გეოლოგიური სახელი და ისტორია აქვთ. ამჯერად მისი მთავარი მიზანი ახალი კვლევების საფუძველზე სრულყოფილი ანალიტიკური ბაზის შექმნაა, რომელიც, როგორც გამოცდილ, ისე დამწყებ გეოლოგებს და მკვლევრებს სამეცნიერო საქმიანობაში დაეხმარება.

გიორგი ბერიძე ზემო აჭარაში დაიბადა. მამა და მის გარშემომყოფი ადამიანები ინჟინრები და მშენებლები იყვნენ, სწორედ ამიტომ, ბავშვობაში გიორგიც ინჟინრობაზე ოცნებობდა. თუმცა, მოგვიანებით, მის სოფელში ცნობილი გეოლოგების სტუმრობამ და ფერადი ქვებით გატაცებამ გეოლოგობა გადააწყვეტინა. ქვეყანაში 90-იან წლებში შექმნილი სოციალურ-ეკონომიკური მდგომარეობის გამო იმ პერიოდში გეოლოგიის მიმართულება დიდი პოპულარობით არ გამოირჩეოდა, თუმცა არჩეული პროფესიის მიმართ სიყვარულმა, შრომისმოყვარეობამ და კარგმა გარემოცვამ გიორგი გამორჩეულ გეოლოგად მალევე აქცია.

„თავდაპირველად მინდოდა საინჟინრო და სამშენებლო გეოლოგიის მიმართულებით მემუშავა. თუმცა, 2007 წელს სამთო პრაქტიკაზე ყოფნის დროს, ჩემმა ლექტორმა ოთარ დიდაურმა შემატყო, რომ, როგორც აჭარაში გაზრდილ ბავშვს, მთებზე ძრომიალი მომწონდა და სირთულეებს არ ვუშინდებოდი, ამიტომ შემომთავაზა გეოლოგიის ინსტიტუტში მუშაობა. ასე ვთქვათ, რადიკალურად შეცვალა ჩემი მიმართულება და დღეს გრანიტების და მეტამორფული ქანების სპეციალისტად ვმუშაობ,“ - აღნიშნავს ახალგაზრდა მეცნიერი.

გიორგი ბერიძე გეოლოგიის ინსტიტუტში 2008 წელს უმცროს ლაბორანტად მივიდა და მას შემდეგ, წლების გასვლასთან ერთად ყველა სამეცნიერო საფეხური ნელ-ნელა გაიარა. პარალელურად კი აქტიურად იყო დაკავებული სწავლის პროცესით. ჯერ ბაკალავრის ხარისხი მიიღო, შემდეგ მაგისტრის, უკვე 2016 წელს კი სადოქტორო დისერტაციაც დაიცვა, რასაც მალევე გეოლოგიის ინსტიტუტში უფროსი მეცნიერ-თანამშრომლის პოზიცია და გეოლოგიური კვლევების კომპლექსური ლაბორატორიის ხელმძღვანელობა მოჰყვა.

„გეოლოგიური კვლევების კომპლექსური ლაბორატორია 2017 წელს ჩამოყალიბდა და ასე ვთქვათ, გეოლოგიის ინსტიტუტის სამეცნიერო პერსონალის უკან ვდგავართ ჩვენ. ექსპედიციიდან მოსული მასალა ჩვენს ხელში გადის. ვცდილობთ მაქსიმალურად სწრაფად დავამუშაოთ ეს მასალა და მივაწოდოთ მეცნიერებს, რომლებიც ამ ყველაფერს კვლევებში, სტატიებში, მონოგრაფიებში ასახავენ. ამით საერთაშორისო ასპარეზზე გადის არა მხოლოდ ჩვენი ინსტიტუტი, არამედ ჩვენი სამეცნიერო კვლევითი დარგიც,“ - ამბობს გიორგი ბერიძე.

ახალგაზრდა მეცნიერი თავის ყველაზე დიდ წარმატებად გეოლოგიის ინსტიტუტში მოხვედრას თვლის და მიაჩნია, რომ ყველა სხვა წარმატება სწორედ ამ ინსტიტუტმა განაპირობა. მისი სამომავლო გეგმებიც ინსტიტუტის და, შესაბამისად, გეოლოგიის დარგის კიდევ უფრო გაძლიერებასა და განვითარებას უკავშირდება. სწორედ ამ მიზნით, აქტიურად არის ჩართული გეოლოგიის ინსტიტუტში 4 ახალი ლაბორატორიის აღჭურვის პროცესში, პარალელურად კი, სხვებთან ერთად ისეთი ანალიტიკური ბაზის შექმნაზე მუშაობს, რომელიც საქართველოში არსებული ყველა სახელმწიფო უნივერსიტეტის გეოლოგიის მიმართულების სტუდენტებსა და მკვლევრებს სამეცნიერი კვლევების კუთხით საუკეთესო შედეგების მიღებაში დაეხმარება.

„2015 წლიდან დავიწყეთ ზრუნვა შევქმნათ ისეთი ანალიტიკური ბაზა, რომელიც საუკეთესო კვლევების ჩატარებას შეუწყობს ხელს. საუკეთესო შედეგები მაღალრეიტინგულ ჟურნალებში გამოქვეყნებულ სტატიებში, მონოგრაფიებში აისახება, რაც გზას გაგვიხსნის უფრო მჭიდრო ურთიერთობა დავამყაროთ საზღვარგარეთ მოღვაწე ქართველ და უცხოელ კოლეგებთან და კიდევ ერთი ნაბიჯით წავიწიოთ წინ. დღეს ჩემი ყველაზე დიდი მიზანი სწორედ ეს არის,“ - ასე ასრულებს საუბარს ახალგაზრდა უკვე წარმატებული მეცნიერი გიორგი ბერიძე.

განაცხადების მიღების ბოლო ვადა: 2021 წლის 15 თებერვლის 17:00 საათამდე.

დაინტერესების შემთხვევაში, გთხოვთ ეწვიოთ ვებ-გვერდს, ასევე იხილოთ დანართი 1.

საზაფხულო სკოლა ხორციელდება პროექტ NorGePart-ის ფარგლებში DIKU-ს ფინანსური მხარდაჭერით. 

განაცხადების მიღების ბოლო ვადა: 2021 წლის 15 თებერვლის 17:00 საათამდე.

დაინტერესების შემთხვევაში, გთხოვთ იხილოთ დანართი 1. 

უცხო ენის მოქმედი საერთაშორისო სერტიფიკატების არქონის შემთხვევაში (აღებული უკანასკნელი 2 წლის მანძილზე, B2 დონე), თსუ-ის მიერ ადმინისტრირებულ გაცვლით პროგრამებში (ERASMUS+ ICM, Bilateral Exchange Programs, MEVLANA და სხვ.) მონაწილეობის მსურველი სტუდენტები უნდა დარეგისტრირდნენ უცხო ენის ინსტიტუციურ ტესტირებაზე. 

რეგისტრაცია უნდა განხორციელდეს გაცვლითი პროგრამების მართვის პორტალის mobility.tsu.ge საშუალებით.

რეგისტრაციის ვადები: 2021 წლის 22 იანვრიდან  26 თებერვლის 18 საათის ჩათვლით!

იხილეთ მეტი

საქართველოს ზოგადი ადმინისტრაციული კოდექსის 52-ე მუხლის პირველი და მე-2 ნაწილების, 53-ე მუხლის პირველი და მესამე ნაწილების, 54-ე მუხლის პირველი ნაწილის, 55-ე მუხლის, 56-ე მუხლის მე-2 ნაწილის, 57-ე მუხლის, „უმაღლესი განათლების შესახებ“ საქართველოს კანონის 33-ე მუხლის პირველი პუნქტის, საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული „საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების” მე–8 მუხლის პირველი პუნქტის „ც“ ქვეპუნქტის, უნივერსიტეტის აკადემიური საბჭოს 2014 წლის 14 ივლისის №73/2014 დადგენილებით დამტკიცებული აკადემიური საბჭოს რეგლამენტის მე-5 მუხლის პირველი პუნქტის „ჰ¹“ ქვეპუნქტის, „სსიპ – ივანე ჯავახიშვილის სახელობის თბილისის სახელმწიფო უნივერსიტეტის აკადემიური პერსონალის სამსახურში მიღებისა და კონკურსის ჩატარების ერთიანი წესის შესახებ“ აკადემიური საბჭოს 2014 წლის 22 დეკემბრის №118/2014 დადგენილების, თსუ-ს რექტორის 2020 წლის 17 დეკემბრის №249/01-01, №250/01-01 ბრძანებების და უნივერსიტეტის აკადემიური საბჭოს 2021 წლის 18 იანვრის №1 სხდომის ოქმის  საფუძველზე,

აკადემიური საბჭო ადგენს:

1. დამტკიცდეს სსიპ - ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის პროფესორებისა და ასოცირებული პროფესორის  აკადემიური თანამდებობების დასაკავებლად შესარჩევი საკონკურსო და საკონკურსო-სააპელაციო კომისიები შემდეგი შემადგენლობებით:

საკონკურსო კომისია:

ა) თამარ ზარანდია - თსუ-ს იურიდიული ფაკულტეტის ასოცირებული პროფესორი (კომისიის თავმჯდომარე);
ბ) მაია კოპალეიშვილი - თსუ-ს იურიდიული ფაკულტეტის პროფესორი (კომისიის თავმჯდომარის მოადგილე);
გ) გიორგი ჩაკვეტაძე - თსუ-ს იურიდიული ფაკულტეტის ასისტენტი (კომისიის მდივანი);
დ) ირინე ქურდაძე - თსუ-ს იურიდიული ფაკულტეტის პროფესორი;
ე) მაია ივანიძე -  თსუ-ს იურიდიული ფაკულტეტის პროფესორი;
ვ) მაკა ძამუკაშვილი - თსუ-ს იურიდიული ფაკულტეტის ასისტენტ-პროფესორი;

საკონკურსო-სააპელაციო კომისია:
 

ა) ირაკლი ბურდული - თსუ-ს იურიდიული ფაკულტეტის პროფესორი (კომისიის თავმჯდომარე);
ბ) ლაშა ბრეგვაძე - თსუ-ს იურიდიული ფაკულტეტის პროფესორი (კომისიის თავმჯდომარის მოადგილე);
გ) ლავრენტი მაღლაკელიძე - თსუ-ს იურიდიული ფაკულტეტის ასოცირებული პროფესორი (კომისიის მდივანი);
დ) კობა ყალიჩავა -  თსუ-ს იურიდიული ფაკულტეტის ასოცირებული პროფესორი; 
ე) ეკა სირაძე - თსუ-ს იურიდიული ფაკულტეტის ასოცირებული პროფესორი.

2. დადგენილების ყველასათვის ხელმისაწვდომ ადგილზე განთავსება დაევალოს თსუ-ს კანცელარიას.
3. წინამდებარე დადგენილება დაინტერესებული პირის მიერ შეიძლება გასაჩივრდეს კანონმდებლობით დადგენილი წესით ძალაში შესვლის დღიდან 1 თვის ვადაში ქ. თბილისის საქალაქო სასამართლოში (მისამართი: ქ. თბილისი, დავით აღმაშენებლის ხეივანი, მე–12 კილომეტრი, №6).
4. დადგენილება ძალაში შედის საჯაროდ გამოცხადებისთანავე.

გიორგი  შარვაშიძე
რექტორი
აკადემიური საბჭოს თავმჯდომარე

იხილეთ ოქმი

იხილეთ ოქმი

იხილეთ ოქმი

იხილეთ ოქმი

იხილეთ ოქმი