წიგ­ნი, სა­ხელ­წო­დე­ბით „დის­კრი­მი­ნა­ცია, გენ­დე­რუ­ლი უთ­ან­ას­წო­რო­ბა და უსაფრთხოების რის­კე­ბი ჟურ­ნა­ლის­ტი­კა­ში“, რომ­ლის მომ­ზა­დე­ბა­შიც თსუ-ის სო­ცი­ალ­ურ და პო­ლი­ტი­კურ მეც­ნი­ერ­ებ­ათა ფა­კულ­ტე­ტის პრო­ფე­სო­რი მა­რი­ამ გერ­სა­მია, ას­ოც­ირ­ებ­ული პრო­ფე­სო­რი მაია ტო­რა­ძე და მა­გის­ტრან­ტი ლი­ანა მარ­ქა­რი­ანი მო­ნა­წი­ლე­ობ­დნენ, წამ­ყვან­მა სა­ერ­თა­შო­რი­სო აკ­ად­ემი­ურ­მა გა­მომ­ცემ­ლო­ბამ IGI Global-მა გა­მოს­ცა. გა­მომ­ცემ­ლო­ბის მთა­ვა­რი მი­ზა­ნია ახ­ალი და სა­ინ­ტე­რე­სო მკვლევ­რე­ბის აღ­მო­ჩე­ნა მთელ მსოფ­ლი­ოში, რაც აძ­ლი­ერ­ებს და აფ­არ­თო­ებს კვლე­ვით და სა­მეც­ნი­ერო სა­ზო­გა­დო­ებ­ას. 30–წლი­ანი გა­მოც­დი­ლე­ბის შე­დე­გად, გა­მომ­ცემ­ლო­ბამ და­იმ­სა­ხუ­რა თა­ვი­სი ად­გი­ლი მა­ღალ ინ­დექ­სი­რე­ბად ჟურ­ნა­ლებ­ში და InfoSci® მო­ნა­ცემ­თა ბა­ზებ­ში.

მა­სა­ჩუ­სეტ­სის ტექ­ნო­ლო­გი­ურ ინ­სტი­ტუტ­თან (MIT), ჰარ­ვარ­დის უნ­ივ­ერ­სი­ტეტ­თან, სტენ­ფორ­დის უნ­ივ­ერ­სი­ტეტ­თან, კემ­ბრი­ჯის უნ­ივ­ერ­სი­ტეტ­თან, ოქ­სფორ­დის უნ­ივ­ერ­სი­ტეტ­თან, ცინ­გუ­ას უნ­ივ­ერ­სი­ტეტ­სა და ავ­სტრა­ლი­ის ერ­ოვ­ნულ უნ­ივ­ერ­სი­ტეტ­თან მჭიდ­რო თა­ნამ­შრომ­ლო­ბით IGI Global-ი მო­იც­ავს 350-ზე მეტ თე­მას და მუ­შობს 11 ძი­რი­თა­დი მი­მარ­თუ­ლე­ბით, რო­მელ­თა­გან ერთ-ერ­თი გახ­ლავთ ქალ­თა დის­კრი­მი­ნა­ცია. სწო­რედ ამ თე­მის აქ­ტუ­ალ­ობ­იდ­ან გა­მომ­დი­ნა­რე, მომ­ზად­და ახ­ალი დამ­ხმა­რე სა­ხელ­მძღვა­ნე­ლო, რომ­ლის ერთ-ერ­თი ქვე­თა­ვი — „The voice of women and challenges of gender equality in Georgian media“ — სო­ცი­ალ­ურ და პო­ლი­ტი­კურ მეც­ნი­ერ­ებ­ათა ფა­კულ­ტე­ტის ინ­ტერ­დის­ციპ­ლი­ნუ­რი მი­მარ­თუ­ლე­ბის პრო­ფე­სორ­მა მა­რი­ამ გერ­სა­მი­ამ, ჟურ­ნა­ლის­ტი­კი­სა და მა­სობ­რი­ვი კო­მუ­ნი­კა­ცი­ებ­ის მი­მარ­თუ­ლე­ბის ას­ოც­ირ­ებ­ულ­მა პრო­ფე­სორ­მა მაია ტო­რა­ძემ და მე­დი­აფ­სი­ქო­ლო­გი­ისა და კო­მუ­ნი­კა­ცი­ებ­ის სა­მა­გის­ტრო პროგ­რა­მის სტუ­დენ­ტმა ლი­ანა მარ­ქა­რი­ან­მა მო­ამ­ზა­დეს.

„შე­მო­თა­ვა­ზე­ბა ერთ-ერ­თი სა­ერ­თა­შო­რი­სო კონ­ფე­რენ­ცი­ის დროს მი­ვი­ღეთ. მე და ას­ოც­ირ­ებ­ულ­მა პრო­ფე­სორ­მა მაია ტო­რა­ძემ მო­ვამ­ზა­დეთ კვლე­ვა, რო­მე­ლიც მე­დი­ის და კო­მუ­ნი­კა­ცი­ის სფე­რო­ში ყვე­ლა­ზე პრეს­ტი­ჟულ კონ­ფე­რენ­ცი­აზე – „International Association for Media and Communication Research“ (IAMCR 2019) – თსუ–ს სო­ცი­ალ­ურ და პო­ლი­ტი­კურ მეც­ნი­ერ­ებ­ათა ფა­კულ­ტე­ტის ხელ­შეწყო­ბით წარ­ვად­გი­ნეთ. ამ­გვარ კონ­ფე­რენ­ცი­ებ­ზე სა­კუ­თა­რი ნაშ­რო­მის წარ­დგე­ნას ის ბე­ნე­ფი­ტიც აქ­ვს, რომ მეც­ნი­ერ­ებს ეძ­ლე­ვათ შე­საძ­ლებ­ლო­ბა, გა­იც­ნონ კო­ლე­გე­ბი და ასე სა­მო­მავ­ლო სა­ერ­თა­შო­რი­სო თა­ნამ­შრომ­ლო­ბის პერ­სპექ­ტი­ვე­ბიც ჩნდე­ბა. კონ­ფე­რენ­ცი­აზე სექ­ცი­ის ხელ­მძღვა­ნელ­მა, სა­დია ჯა­მილ­მა, მა­ლე­ვე შე­მოგ­ვთა­ვა­ზა, გვე­მუ­შა­ვა წიგ­ნზე სა­ინ­ტე­რე­სო ჯგუფ­თან ერ­თად.

სა­მუ­შაო საკ­მა­ოდ მო­ცუ­ლო­ბი­თი იყო და გან­სა­კუთ­რე­ბით მინ­და გა­მოვ­ყო თსუ-ს სო­ცი­ალ­ურ და პო­ლი­ტი­კურ მეც­ნი­ერ­ებ­ათა ფა­კულ­ტე­ტის მე­დი­აფ­სი­ქო­ლო­გი­ის და კო­მუ­ნი­კა­ცი­ებ­ის ინ­გლი­სუ­რე­ნო­ვა­ნი სა­მა­გის­ტრო პროგ­რა­მის სტუ­დენ­ტის ლი­ანა მარ­ქა­რი­ან­ის ჩარ­თუ­ლო­ბა“, – აღ­ნიშ­ნა პრო­ფე­სორ­მა მა­რი­ამ გერ­სა­მი­ამ.

ავ­ტორ­თა ჯგუფ­მა შე­მო­თა­ვა­ზე­ბი­დან რამ­დე­ნი­მე თვე­ში მო­ამ­ზა­და ნაშ­რო­მი. მა­თი თქმით, კვლე­ვა დააინტერესებს რო­გორც მე­დი­ის, ას­ევე გენ­დე­რის და ფსი­ქო­ლო­გი­ის მკვლე­ვა­რებს. ის ად­გენს იმ სტე­რე­ოტ­იპ­ებს, რო­მე­ლიც მე­დია ორ­გა­ნი­ზა­ცი­ებ­ში იკ­ვე­თე­ბა და პა­სუხს სცემს და­მა­ტე­ბით კითხვებს: რა სო­ცი­ოკ­ულ­ტუ­რუ­ლი კონ­ტექ­სტი და სა­ბა­ზი­სო ფსი­ქო­ლო­გი­ური მოთხოვ­ნი­ლე­ბე­ბი არ­ის ქა­ლე­ბის­თვის ჟურ­ნა­ლის­ტი­კის პრო­ფე­სი­ად არ­ჩე­ვის მო­ტი­ვა­ტო­რი? რო­გო­რია ქა­ლე­ბის პო­ზი­ცი­ონ­ირ­ება მე­დი­აში და მათ მი­ერ გა­შუ­ქე­ბუ­ლი თე­მე­ბის სპე­ცი­ფი­კა?

აღ­სა­ნიშ­ნა­ვია ის­იც, რომ სო­ცი­ალ­ურ და პო­ლი­ტი­კურ მეც­ნი­ერ­ებ­ათა ფა­კულ­ტეტ­მა წიგ­ნი შე­იძ­ინა თსუ-ის ბიბ­ლი­ოთ­ეკ­ის­თვის, რის გა­მოც ავ­ტორ­თა ჯგუ­ფი გან­სა­კუთ­რე­ბულ მად­ლო­ბას უხ­დის ფა­კულ­ტე­ტის ად­მი­ნის­ტრა­ცი­ას და დე­კანს, ქალ­ბა­ტონ თა­მარ დოლ­ბაიას.

წიგ­ნი უკ­ვე გა­მო­ცე­მუ­ლია და ხელ­მი­საწ­ვდო­მია სხვა­დას­ხვა სა­მეც­ნი­ერო და ონ­ლა­ინ ბა­ზებ­ზე (მათ შო­რის, Google scholar-სა და Google book-ზე).

შურ­თხია ბე­როშ­ვი­ლი