„უმაღლესი განათლების შესახებ“ საქართველოს კანონის 21-ე მუხლის შესაბამისად, განსაზღვრულ იქნეს ივანე ჯავახიშვილის სახელობის თბილისის სახელმწიფო უნივერსიტეტის ილია ჭავჭავაძის, ივანე ჯავახიშვილის, პეტრე მელიქიშვილისა და აკაკი შანიძის სახელობის პრემიების მინიჭების წესი:

1. ილია ჭავჭავაძის სახელობის ერთი სამეცნიერო პრემია მიენიჭება ივანე ჯავახიშვილის სახელობის თბილისის სახელმწიფო უნივერსიტეტში საუკეთესო მონოგრაფიის, ნაშრომთა კრებულისა და სახელმძღვანელოსათვის ჰუმანიტარულ მეცნიერებათა დარგში. პრემიის ოდენობა განისაზღვრება 3000 ლარით.

2. ივანე ჯავახიშვილის სახელობის ერთი სამეცნიერო პრემია მიენიჭება ივანე ჯავახიშვილის სახელობის თბილისის სახელმწიფო უნივერსიტეტში საუკეთესო მონოგრაფიის, ნაშრომთა კრებულისა და სახელმძღვანელოსათვის ჰუმანიტარულ და სოციალურ მეცნიერებებში. პრემიის ოდენობა განისაზღვრება 3000 ლარით.

3. პეტრე მელიქიშვილის სახელობის ერთი სამეცნიერო პრემია მიენიჭება ივანე ჯავახიშვილის სახელობის თბილისის სახელმწიფო უნივერსიტეტში საუკეთესო მონოგრაფიის, ნაშრომთა კრებულისა და სახელმძღვანელოსათვის ზუსტ და საბუნებისმეტყველო მეცნიერებათა დარგში. პრემიის ოდენობა განისაზღვრება 2000 ლარით.

4. აკაკი შანიძის სახელობის ერთი სამეცნიერო პრემია მიენიჭება ქართული ფილოლოგიის დარგში შესრულებული მნიშვნელოვანი სამეცნიერო ნაშრომის ავტორს ან ავტორთა კოლექტივს. პრემიის ოდენობა განისაზღვრება 2000 ლარით.

- 2007 წლის პრემიები მიენიჭებათ ივანე ჯავახიშვილის სახელობის თბილისის სახელმწიფო უნივერსიტეტის თანამშრომლებს უკანასკნელი 3 წლის განმავლობაში სტამბური წესით გამოქვეყნებული ნაშრომისათვის.
- ნაშრომის წარმოდგენა შეუძლია ავტორთა კოლექტივს. ავტორთა რაოდენობა არ უნდა აღემატებოდეს ხუთს.
- წარმოდგენილ ნაშრომს არ უნდა ჰქონდეს მინიჭებული სხვა სახელობითი პრემია.
- საკონკურსო ნაშრომები წარმოდგენილ უნდა იქნეს სამ ცალად და თან უნდა ერთვოდეს არა ნაკლებ ორი რეცენზიისა.
- საკონკურსო მასალები წარედგინება უნივერსიტეტის აკადემიური საბჭოს სამდივნოს 2007 წლის 1 დეკემბრამდე.

გიორგი ხუბუა

აკადემიური საბჭოს თავმჯდომარე,
რექტორი

ძალადაკარგულია აკადემიური საბჭოს
23.09.2011, №100/2011 დადგენილებით

„უმაღლესი განათლების შესახებ“ საქართველოს კანონის 21-ე მუხლის შესაბამისად,  დამტკიცდეს იურიდიული ფაკულტეტის დოქტორანტურისა და სადისერტაციო საბჭოს დებულების ახალი რედაქცია (დანართი №1).

საფუძველი: იურიდიული ფაკულტეტის საბჭოს წარდგინება

გიორგი ხუბუა

აკადემიური საბჭოს თავმჯდომარე,
რექტორი

დანართი 1.

იურიდიული ფაკულტეტის დოქტორანტურისა და სადისერტაციო საბჭოს დებულება

თავი I. ზოგადი დებულებები

1. დოქტორის აკადემიური ხარისხის მინიჭება
სამართლის დოქტორის აკადემიური ხარისხის მინიჭებას ახორციელებს იურიდიული ფაკულტეტის სადისერტაციო საბჭო. შესაძლებელია, პარტნიორ უნივერსიტეტთან შეთანხმება ითვალისწინებდეს აკადემიური ხარისხის ერთობლივ მინიჭებას.

2. დოქტორანტურის კომპონენტები
1) დოქტორანტურა, ანუ უმაღლესი განათლების მესამე საფეხური, სასწავლო პროგრამებისა და სამეცნიერო კვლევების ერთობლიობა, რომელიც მიზნად ისახავს სამეცნიერო კადრის მომზადებას და მთავრდება დოქტორის აკადემიური ხარისხის მინიჭებით, მოიცავს შემდეგ კომპონენტებს:
ა) დოქტორანტურის სემინარს იმ დარგში, რომელშიც დოქტორანტი წერს სადისერტაციო ნაშრომს. დოქტორანტურისათვის სავალდებულო სემინარის არჩევა და ჩაბარება უნდა მოხდეს თემის ხელმძღვანელთან შეთანხმებით სადისერტაციო ნაშრომის დაცვამდე ნებისმიერ დროს, დოქტორანტის თავისუფალი არჩევანის მიხედვით; ასევე სხვა სასწავლო კომპონენტს, რომელიც მიზნად ისახავს დოქტორანტის დარგობრივ და მეთოდოლოგიურ დახელოვნებას და შესაძლებელია აერთიანებდეს: 1. სპეციფიკური დარგობრივი კურსებისგან შემდგარ მოდულს/მოდულებს, 2. ძირითადი მეცნიერული უნარების განმავითარებელ მოდულს ან ცალკეულ კურსს (კვლევის მეთოდები და ხერხები), 3. სწავლების თანამედროვე მეთოდების კურსს;
ბ. კვლევით კომპონენტს, რომელიც გულისხმობს: დისერტაციის ანუ სამეცნიერო ნაშრომის შესრულებას, რომელსაც დოქტორანტი წერს დოქტორის აკადემიური ხარისხის მოსაპოვებლად, და რომელიც უნდა ასახავდეს თეორიული ან/და ექსპერიმენტული კვლევის დასაბუთებულ შედეგებს და წვლილი შეჰქონდეს მეცნიერების განვითარებაში. დისერტაციის შესრულების პროცესში სავალდებულოა ხელმძღვანელი პროფესორისა და დოქტორანტის თანამშრომლობა ხორციელდებოდეს კოლოკვიუმის ფორმით წელიწადში, მინიმუმ, ორჯერ. კოლოკვიუმზე ხდება კვლევის შედეგების პრეზენტაცია, დისკუსია, ახალი სამეცნიერო ლიტერატურის, მიღწევებისა და პრობლემების განხილვა;
გ) დისერტაციის დაცვას (დისპუტაციას) ანუ თემის საჯარო პრეზენტაციას, რომელსაც მოსდევს სამეცნიერო შეკითხვა-კამათი.
2) დოქტორანტურა მოიცავს 180 კრედიტს: კვლევითი კომპონენტი (სადისერტაციო თემის შესრულება და დაცვა) 120 კრედიტით ფასდება, სასწავლო კომპონენტი _ 60 კრედიტით.

თავი II. სადისერტაციო საბჭო

3. სადისერტაციო საბჭო
1) სადისერტაციო საბჭო შედგება ფაკულტეტის ყველა პროფესორისა და ასოცირებული პროფესორისაგან.
2) სადისერტაციო საბჭოს გადაწყვეტილებით, საბჭოს შემადგენლობაში შეიძლება შევიდნენ დოქტორის აკადემიური ხარისხის მქონე სხვა პირები.
3) სადისერტაციო საბჭოს თავმჯდომარეს თავისი შემადგენლობიდან ირჩევს ფაკულტეტის სადისერტაციო საბჭო 2 წლის ვადით, სიითი შემადგენლობის უმრავლესობით. თავმჯდომარის არჩევამდე პირველ სხდომას უძღვება ფაკულტეტის დეკანი.
4) სადისერტაციო საბჭოს მდივანს თავმჯდომარის წარდგინებითა და დამსწრეთა უმრავლესობით ამტკიცებს სადისერტაციო საბჭო.

4. სადისერტაციო საბჭოს სხდომები და ფუნქციები
1) სადისერტაციო საბჭო გადაწყვეტილებებს იღებს საბჭოს სხდომებზე. სხდომა უფლებამოსილია, თუ მას ესწრება წევრთა სიითი შემადგენლობის უმრავლესობა. გადაწყვეტილება მიღებულია, თუ მას ხმას მისცემს დამსწრეთა არანაკლებ 2/3-ისა.
2) სადისერტაციო საბჭოს მიერ მიღებული ნებისმიერი გადაწყვეტილება ფორმდება ოქმის სახით, რომელსაც ხელს აწერენ საბჭოს თავმჯდომარე და მდივანი.
3) სადისერტაციო საბჭო განსაზღვრავს სადისერტაციო თემის მოცულობას, ფორმატს, შრიფტის ზომასა და სხვა ტექნიკურ მონაცემებს.
4) სადისერტაციო საბჭო ერთ-ერთი წევრის წარდგინებით იღებს გადაწყვეტილებას დოქტორანტურაში ჩარიცხვის, თემისა და ხელმძღვანელის დამტკიცების შესახებ.
5) სადისერტაციო საბჭო ყოველი აკადემიური წლის დასაწყისში ადგენს სადოქტორო პროგრამების სასწავლო გეგმას და დასამტკიცებლად წარუდგენს თსუ-ის აკადემიურ საბჭოს.
6) სადისერტაციო საბჭო ამტკიცებს დოქტორანტთა მუშაობის ინდი-ვიდუალურ გეგმებს.

5. სადისერტაციო საბჭოს თავმჯდომარის უფლებამოსილება
სადისერტაციო საბჭოს თავმჯდომარე ფაკულტეტის დეკანთან შეთანხმებით:
ა) იწვევს საბჭოს სხდომებს წელიწადში ორჯერ მაინც;
ბ) წყვეტს შემფასებლების დანიშვნის საკითხს, ასევე თემის დაცვის თარიღს;
გ) საბჭოს შემადგენლობიდან ნიშნავს სადისერტაციო კომისიას;
დ) უზრუნველყოფს დოქტორანტებისათვის სავალდებულო თემა-ტური სემინარების ორგანიზებას;
ე) წყვეტს დოქტორანტთა სასწავლო და კვლევით პროგრამებთან დაკავშირებულ სხვა საკითხებს.

6. სადისერტაციო საბჭოს მდივანი
სადისერტაციო საბჭოს მდივანი უზრუნველყოფს საბჭოს ორგანიზაციულ საქმიანობას.

თავი III. დოქტორანტურაში ჩარიცხვა

7. დოქტორანტურაში ჩარიცხვის წინაპირობები

1) დოქტორანტურაში ჩარიცხვის უფლება აქვს სამართლის მაგისტრს ან მასთან გათანაბრებული აკადემიური ხარისხის მქონე პირს;
2) ჩარიცხვისათვის სავალდებულოა ხელმძღვანელი პროფესორის შუამდგომლობა, რომელშიც დასაბუთებული უნდა იყოს შერჩეული თემის აქტუალობა და მნიშვნელობა. დისერტაციის ხელმძღვანელი შეიძლება იყოს სადისერტაციო საბჭოს წევრი პროფესორი ან ასოცირებული პროფესორი, რომელსაც აქვს დოქტორანტის სადისერტაციო თემასთან დაკავშირებულ სამეცნიერო სფეროში კვლევის გამოცდილება და პუბლიკაციები;
3) დოქტორანტობის კანდიდატს მოეთხოვება ერთ-ერთი ევროპული ენის (ინგლისური, გერმანული, ფრანგული) არანაკლებ `ბ2~ დონეზე ცოდნა.

8. განაცხადი

დოქტორანტობის კანდიდატმა სადისერტაციო საბჭოს თავმჯდომარის სახელზე უნდა წარადგინოს განაცხადი იმ დარგის მითითებით, რომელსაც შეეხება სადისერტაციო თემა. განაცხადი ასევე უნდა შეიცავდეს შერჩეული თემის ზოგად დახასიათებას. განაცხადს თანAუნდა ერთვოდეს:
ა) განმცხადებლის ავტობიოგრაფია;
ბ) ხელმძღვანელის დასაბუთებული შუამდგომლობა;
გ) მაგისტრის ან მასთან გათანაბრებული აკადემიური ხარისხის დამადასტურებელი დიპლომის დამოწმებული ასლი;
დ) განმცხადებლის ახსნა-განმარტება იმის თაობაზე, რომ იგი არ ირიცხება სხვა საგანმანათლებლო დაწესებულების დოქტორანტურაში, ან უარი არ ეთქვა მას სხვა უმაღლესი სასწავლებლის დოქტორანტურაში მიღებასა და/ან მის მიერ შერჩეული თემის დამუშავებაზე.

9. დოქტორანტურაში ჩარიცხვის წესი
1) დოქტორანტობის კანდიდატი გასაუბრებაზე გადის იურიდიული ფაკულტეტის სადისერტაციო საბჭოში. დოქტორანტის ანკეტურ მონაცემებს საბჭოს მოახსენებს სადისერტაციო საბჭოს მდივანი, ხოლო შუამდგომლობას დოქტორანტურაში ჩარიცხვის თაობაზე _ დოქტორანტის სავარაუდო ხელმძღვანელი. შუამდგომლობაში დასაბუთებული უნდა იყოს შერჩეული სადისერტაციო თემის აქტუალობა და მნიშვნელობა.
2) პირი დოქტორანტურაში ჩარიცხულად ჩაითვლება, თუ კენჭისყრისას მას მხარი დაუჭირა სხდომაზე დამსწრე სადისერტაციო საბჭოს წევრთა უმრავლესობამ.
3) დოქტორანტურაში ჩარიცხვის შემთხვევაში უნივერსიტეტი, დოქტორანტი და სამეცნიერო ხელმძღვანელი არა უგვიანეს 2 თვისა ხელს აწერენ ხელშეკრულებას, რომელიც განსაზღვრავს ყველა მხარის ვალდებულებებსა და უფლებებს. ხელშეკრულების ნაწილია დოქტორანტის ინდივიდუალური გეგმა.

10. დოქტორანტურაში სწავლის ხანგრძლივობა
იურიდიული ფაკულტეტის დოქტორანტურაში სწავლა არ უნდა აღემატებოდეს 5 წელს.

თავი IV. სადისერტაციო საქმის წარმოება

11. დოქტორანტის ინდივიდუალური გეგმა
1) დოქტორანტის ინდივიდუალურ გეგმას ადგენს დოქტორანტის ხელმძღვანელი დოქტორანტთან შეთანხმებით.
2) ინდივიდუალური გეგმა იქმნება კონკრეტული კვლევითი პროექტის განსახორციელებლად და დარგში მიღებული ცოდნის გასაღრმავებლად. მასში მოცემული უნდა იყოს კვლევის მიზანი, სადისერტაციო თემის მოკლე აღწერა, სასწავლო კომპონენტის შესრულებისა და კვლევის სავარაუდო გრაფიკი.

12. დოქტორანტურის სასემინარო ნაშრომი
1) დასკვნითი პროცედურის დაწყების წინაპირობაა დოქტორანტის მიერ სასემინარო ნაშრომის მომზადება და აუდიტორიის წინაშე დაცვა.
2) სასემინარო ნაშრომის თემა არ უნდა შეადგენდეს დისერტაციის ნაწილს.
3) სემინარის მიმართ წაყენებულ ტექნიკურ მოთხოვნებს განსაზღვრავს სადისერტაციო საბჭო.

13. დისერტაცია
1) დისერტაცია უნდა წარმოადგენდეს დოქტორანტის დამოუკიდებელი სამეცნიერო მუშაობის შედეგს, ახასიათებდეს სიახლე და წვლილი შეჰქონდეს შესაბამისი სამეცნიერო დარგის განვითარებაში.
2) დისერტაცია უნდა შესრულდეს ქართულ ენაზე. სადისერტაციო საბჭოს ნებართვით დასაშვებია მისი სხვა ენაზე შესრულება.

14. დისერტაციის წარდგენა
1) დისერტაცია სადისერტაციო საბჭოს გადაეცემა 4 აკინძულ და 1 ელექტრონულ ეგზემპლარად, ფაკულტეტის ვებგვერდზე განსათავსებლად.
2) დისერტაციას თან ერთვის დოქტორანტის ახსნა-განმარტება იმის თაობაზე, რომ თემა მის მიერაა შესრულებული და ნაშრომში გამოყენებული ყველა წყარო სათანადოდაა მითითებული.

15. დისერტაციის დაცვაზე დაშვების წინაპირობები
დისერტაციის დაცვაზე დასაშვებად:
ა. დისერტანტმა უნდა წარადგინოს ცნობა სასწავლო გეგმით გათვალისწინებული სასწავლო კომპონენტის შესრულების თაობაზე;
ბ. დოქტორანტის სამეცნიერო ხელმძღვანელმა სადისერტაციო საბჭოს უნდა წარუდგინოს დასკვნა იმის თაობაზე, რომ იგი გაეცნო დისერტაციას და ნაშრომი მზად არის საჯარო განხილვაზე დასაშვებად;
გ. დისერტანტმა უნდა წარუდგინოს სადისერტაციო საბჭოს თავმჯდომარეს ცნობა იმის თაობაზე, რომ სადისერტაციო თემის სფეროში გამოქვეყნებული (ან გამოსაქვეყნებლად მიღებული) აქვს, მინიმუმ, სამი სამეცნიერო პუბლიკაცია რეცენზირებად ჟურნალში. მათგან ორს გავლილი უნდა ჰქონდეს საერთაშორისო რეცენზირება.

16. წერილობითი დასკვნა დისერტაციის შესახებ
1) დისერტაციის წარდგენის შემდეგ წერილობით დასკვნას ადგენს ორი შემფასებელი.
2) შემფასებლებმა თავიანთი წერილობითი დასკვნა უნდა წარმოადგინონ დისერტაციის წარდგენიდან არა უგვიანეს 3 თვისა.
3) დასკვნაში მითითებული უნდა იყოს გადაწყვეტილება დისერტაციის დაცვაზე დაშვების, მისი შესწორების მიზნით დოქტორანტისათვის უკან დაბრუნების ან დაცვაზე უარის თქმის შესახებ. უმნიშვნელო შენიშვნების შემთხვევაში დისერტაციის მიღება ხდება ხარვეზების გამოსწორების დათქმით.
4) შესწორების მიზნით დოქტორანტისათვის უკან დაბრუნების შემთხვევაში, დისერტაცია ხელახლა უნდა იქნეს წარდგენილი 1 წლის ვადაში, წინააღმდეგ შემთხვევაში პირი დაცვაზე აღარ დაიშვება.
5) თუკი წერილობითი დასკვნები ორი შეფასებით განსხვავდება ერთმანეთისაგან, ინიშნება მესამე შემფასებელი სადისერტაციო საბჭოს თავმჯდომარის მიერ. მესამე შემფასებელს თემის შეფასებისათვის ეძლევა 1 თვე.
6) სადისერტაციო საბჭოს თავმჯდომარემ დოქტორანტს წერილობით უნდა აცნობოს შემფასებლების მიერ მიღებული გადაწყვეტილების შესახებ. დაცვაზე დაშვების შემთხვევაში, შეტყობინებაში მითითებული უნდა იყოს დაცვის თარიღიც. შეტყობინებიდან დაცვის თარიღამდე დოქტორანტს უნდა მიეცეს, მინიმუმ, 1 თვე დაცვისათვის მოსამზადებლად. დოქტორანტს ეძლევა უფლება, გაეცნოს შემფასებლების დასკვნებს.
7) დაცვაზე დაშვების უარის შემთხვევაში, უარყოფილი დისერტაცია და შემფასებლების წერილობითი დასკვნები შეინახება სადისერტაციო საბჭოს არქივში. დოქტორანტი უფლებამოსილია, გაეცნოს ამ დოკუმენტებს.

17. სადისერტაციო კომისია
1) დისერტაციის დაცვაზე დაშვების შემთხვევაში სადისერტაციო საბჭოს თავმჯდომარე ქმნის სადისერტაციო კომისიას.
2) სადისერტაციო კომისია შედგება ხმის უფლების მქონე, მინიმუმ, სამი წევრისგან. დოქტორანტის სამეცნიერო ხელმძღვანელს და შემფასებლებს აქვთ სათათბირო ხმით მონაწილეობის უფლება. სადისერტაციო კომისიაში შეიძლება შეყვანილ იქნეს დოქტორის აკადემიური ხარისხის მქონე სხვა პირი.
3) თავმჯდომარე უნდა იყოს უნივერსიტეტის მოქმედი ან საპატიო პროფესორი, რომელიც არ არის ხელმძღვანელი ან შემფასებელი.
4) თუკი სადისერტაციო ნაშრომი მომზადებულია სამართლის იმ დარგში, რომლის წარმომადგენელიც არის სადისერტაციო საბჭოს თავმჯდომარე, იგი ავტომატურად შედის საგამოცდო კომისიის შემადგენლობაში.

18. დაცვა
1) დაცვა არის საჯარო. მის მსვლელობასა და შედეგზე უნდა შედგეს საბოლოო ოქმი. დაცვა ითვალისწინებს დოქტორანტის მიერ 30-წუთიანი მოხსენებით თემის წარმოდგენას - პრეზენტაციას.
2) მოხსენებას მოსდევს სამეცნიერო შეკითხვა-კამათი. დაცვა არ უნდა აღემატებოდეს 120 წუთს.
3) ერთი კომისიის წინაშე ერთ დღეს შეიძლება დაინიშნოს. რამდენიმე დისერტაციის დაცვა.

19. შეფასება
1) დისერტაციის შეფასება განისაზღვრება შემფასებელთა დასკვნების საფუძველზე.
2) დაცვა ფასდება სადისერტაციო კომისიის მიერ დახურულ სხდომაზე დაცვის დასრულებისთანავე.
3) შეფასებისათვის გამოიყენება შეფასების შემდეგი სისტემა:
ა) ფრიადი (სუმმა ცუმ ლაუდე) - შესანიშნავი ნაშრომი;
ბ) ძალიან კარგი (მაგნა ცუმ ლაუდე) - შედეგი, რომელიც
წაყენებულ მოთხოვნებს ყოველმხრივ აღემატება;
გ) კარგი (ცუმ ლაუდე) - შედეგი, რომელიც წაყენებულ მოთხოვნებს აღემატება;
დ) საშუალო (ბენე) - შედეგი, რომელიც წაყენებულ მოთხოვნებს
ყოველმხრივ აკმაყოფილებს;
ე) დამაკმაყოფილებელი (რიტე) - შედეგი, რომელიც, ხარვეზების მიუხედავად, წაყენებულ მოთხოვნებს მაინც აკმაყოფილებს;
ვ) არადამაკმაყოფილებელი (ინსუფფიციენტერ) - შედეგი, რომელიც წაყენებულ მოთხოვნებს მნიშვნელოვანი ხარვეზების გამო ვერ აკმაყოფილებს;
ზ) სრულიად არადამაკმაყოფილებელი (სუბ ომნი ცანონე) - შედეგი, რომელიც წაყენებულ მოთხოვნებს სრულიად ვერ აკმაყოფილებს.
4) დისერტაცია არ ითვლება დაცულად, თუკი მას საგამოცდო კომისიის უმრავლესობა „არადამაკმაყოფილებლით“ აფასებს. ხმათა თანაბრად გაყოფის შემთხვევაში გადამწყვეტი მნიშვნელობა ენიჭება სადისერტაციო კომისიის თავმჯდომარის ხმას.
5) დისერტაციისა და დაცვის შეფასებების საფუძველზე სადისერტაციო კომისია განსაზღვრავს საბოლოო შეფასებას. საბოლოო შეფასებაში დისერტაციის შეფასება აისახება 2/3, ხოლო დაცვის - 1/3 თანაფარდობით.
6) სადისერტაციო კომისიის თავმჯდომარე საგამოცდო კომისიის დასაბუთებულ გადაწყვეტილებას დოქტორანტს აცნობს ზეპირად და მიუთითებს დისერტაციის გამოქვეყნების პირობებზე.
7) თუ დისერტაცია არ იქნა დაცული, დაცვის გამეორება შესაძლებელია მომდევნო 6 თვის განმავლობაში. დოქტორანტის განცხადება განმეორებითი დაცვის მოთხოვნის შესახებ სადისერტაციო საბჭოს უნდა წარედგინოს შედეგის გამოცხადებიდან 1 თვის განმავლობაში.

20. გამოქვეყნება
1) ნაშრომი უნდა გამოქვეყნდეს თსუ-ის გამომცემლობაში დაცვიდან 1 წლის განმავლობაში.
2) დოქტორანტი გამოქვეყნებული ნაშრომის 30 ეგზემპლარს გადასცემს იურიდიულ ფაკულტეტს.

21. დოქტორის აკადემიური ხარისხის დამადასტურებელი მოწმობა
1) დოქტორის აკადემიური ხარისხის მინიჭების დამადასტურებელი მოწმობის გაცემის შემდეგ პირი უფლებამოსილია, იწოდებოდეს სამართლის დოქტორად.
2) მოწმობა გაიცემა გამოქვეყნებული დისერტაციის სავალდებულო ეგზემპლარების ფაკულტეტისათვის გადაცემის შემდეგ.
3) სადისერტაციო საბჭოს თავმჯდომარემ პირს შეიძლება მიანიჭოს დოქტორის ხარისხით სარგებლობის უფლება სადოქტორო მოწმობის გაცემამდე, დისერტაციის გამოქვეყნების შესახებ თსუ-ის გამომცემლობასთან დადებული ხელშეკრულების ასლის წარდგენის საფუძველზე.
4) მოწმობა შეიცავს დისერტაციის სახელწოდებას, დაცვის თარიღსა და საერთო შეფასებას. მოწმობას ხელს აწერს უნივერსიტეტის რექტორი, ფაკულტეტის დეკანი, სადისერტაციო საბჭოს თავმჯდომარე და მოწმდება უნივერსიტეტის ბეჭდით. მოწმობის ასლი ინახება უნივერსიტეტის არქივში.

22. ბათილობა
სადისერტაციო საქმის წარმოებისას არასწორი მონაცემების წარდგენა არის დოქტორის აკადემიური ხარისხის დამადასტურებელი მოწმობის გაცემაზე უარის თქმის ან მოწმობის ჩამორთმევის საფუძველი. შესაბამის გადაწყვეტილებას იღებს სადისერტაციო საბჭო.

თავი V. დოქტორანტურა პარტნიორი უნივერსიტეტის მონაწილეობით

23. შეთანხმება სადოქტორო პროგრამების განხორციელებაზე
სადოქტორო პროგრამის განხორციელება პარტნიორი უნივერსიტეტის მონაწილეობით წესრიგდება ამ უნივერსიტეტთან დადებული შეთანხმებით თანამშრომლობისა და ერთობლივი დოქტორანტურის შესახებ.

24. განცხადება დოქტორანტურაში დაშვების შესახებ
1) პარტნიორი უნივერსიტეტის მონაწილეობის შემთხვევაში დოქტორანტურაში ჩარიცხვის კანდიდატი უნდა აკმაყოფილებდეს ორივე უნივერსიტეტის დოქტრონატურაში მიღების წინაპირობებს.
2) განცხადებას ამ დებულებით გათვალისწინებულ საბუთებთან ერთად უნდა დაერთოს პარტნიორი უნივერსიტეტის შესაბამისი პროფესორის თანხმობა თემის თანახელმძღვანელობაზე.

25. დისერტაციის ხელმძღვანელი
1) პარტნიორი უნივერსიტეტის მონაწილეობის შემთხვევაში დისარტაციას ერთობლივად უნდა უხელმძღვანელონ თბილისის სახელმწიფო უნივერსიტეტისა და პარტნიორი უნივერსიტეტის პროფესორებმა. დაცვას უნდა ესწრებოდეს ერთი ხელმძღვანელი მაინც.
2) პარტნიორი უნივერსიტეტის პროფესორი, რომელიც თემის ხელმძღვანელობაზე თანხმობას განაცხადებს, თბილისის სახელმწიფო უნივერსიტეტის იურიდიული ფაკულტეტის სადისერტაციო საბჭოს წარუდგენს თავის შეფასებას.
3) თუ სადისერტაციო საქმის წარმოება უპირატესად პარტნიორ უნივერსიტეტში მიმდინარეობს, გამოიყენება პარტნიორი უნივერსიტეტის დოქტორანტურის დებულების პირობები.

26. დოქტორის აკადემიური ხარისხის დამადასტურებელი მოწმობა
1) დოქტორის აკადემიური ხარისხის დამადასტურებელ მოწმობას გასცემს ის უნივერსიტეტი, სადაც განხორციელდა დისერტაციის დაცვა.
2) მოწმობა უნდა შეიცავდეს მითითებას, რომ დისერტაცია დაცულია პარტნიორი უნივერსიტეტების მონაწილეობით.

27. გამოქვეყნება
გადაწყვეტილება დისერტაციის გამოქვეყნების შესახებ მიიღება ამ დებულების ან პარტნიორი უნივერსიტეტის შესაბამისი დებულების მოთხოვნათა შესაბამისად. დოქტორის აკადემიური ხარისხის დამადასტურებელი მოწმობის გაცემამდე დოქტორანტმა დისერტაციის 30 ეგზემპლარი უნდა წარუდგინოს თბილისის სახელმწიფო უნივერსიტეტის იურიდიულ ფაკულტეტს.

28. დისერტაციისა და დაცვის ენა
დისერტაცია წარმოდგენილ უნდა იქნეს ქართულად ან პარტნიორი უნივერსიტეტის სამუშაო ენაზე. იგივე წესი ვრცელდება დაცვასთან დაკავშირებით.

თავი VI. საპატიო დოქტორის წოდების მინიჭების პროცედურა

25. საპატიო დოქტორის წოდება
1) სამართალმცოდნეობის სფეროში განსაკუთრებული სამეცნიერო დამსახურების მქონე პირს შეიძლება მიენიჭოს სამართლის საპატიო დოქტორის - დოცტორ იურის ჰონორის ცაუსა (Dრ.იურ.ჰ.ც.) - აკადემიური ხარისხი.
2) საპატიო დოქტორის წოდების მინიჭების თაობაზე გადაწყვეტილებას ფაკულტეტის წარდგინების საფუძველზე იღებს თბილისის სახელმწიფო უნივერსიტეტის აკადემიური საბჭო.

VII. დასკვნითი დებულებები

26. გარდამავალი დებულებები
1) ამ დებულებით გათვალისწინებული სასწავლო კომპონენტის კრედიტების დაგროვებისაგან თავისუფლდება ყოფილი ასპირანტი და მაძიებელი, რომელსაც ე.წ. საკანდიდატო მინიმუმის ყველა საგანი აქვს ჩაბარებული. იგი ვალდებულია დაიცვას სასემინარო ნაშრომი და წარმოადგინოს სადისერტაციო ნაშრომი ამ დებულებით გათვალისწინებული წესით დასაცავად.
2) დოქტორანტი, რომელსაც დისერტაცია წარდგენილი აქვს დასაცავად 2007 წლის 1 ივნისამდე, წარმოადგენს გამოქვეყნებულ ან გამოსაქვეყნებელ სტატიას საერთაშორისო რეცენზირებისათვის. დისერტაციის დაცვა შედგება სარეცენზიო სტატიაზე დადებითი რეცენზიის მიღების შემდეგ. რეცენზირება ხორციელდება სტატიის წარმოდგენიდან სამი თვის ვადაში.
3) დოქტორანტი თავისუფლდება სემესტრული რეგისტრაციისა და სწავლის ქირის გადასახადისაგან სადისერტაციო საბჭოში სადისერტაციო ნაშრომთან ერთად ხელმძღვანელის დადებითი დასკვნის წარდგენის მომენტიდან.

27. ძალაში შესვლა
ეს დებულება ძალაში შედის 2006 წლის 1 იანვრიდან.

მნიშვნელოვანი მეცნიერული კვლევებისათვის კავკასიოლოგიაში, ივანე ჯავახიშვილის სახელობის თბილისის სახელმწიფო უნივერსიტეტთან აქტიური თანამშრომლობისათვის ფილოლოგიურ მეცნიერებათა დოქტორ მუჰადინ აბუბექირის ძე კუმახოვს მიენიჭოს ივანე ჯავახიშვილის სახელობის თბილისის სახელმწიფო უნივერსიტეტის საპატიო დოქტორის წოდება

საფუძველი: ჰუმანიტარული ფაკულტეტის საბჭოს წარდგინება
 

გიორგი ხუბუა
აკადემიური საბჭოს თვმჯდომარე, რექტორი

ძალადაკარგულია აკადემიური საბჭოს
23.09.2011, №100/2011 დადგენილებით

„უმაღლესი განათლების შესახებ“ საქართველოს კანონის 21-ე მუხლის შესაბამისად, ” მაგისტრატურაში მიღების წესების შესახებ” აკადემიური საბჭოს 2007 წლის 17 ივლისის №38 დადგენილებაში შეტანილ იქნეს ცვლილება და დადგენილების მე-3 მუხლის მე-5 პუნქტი ჩამოყალიბდეს შემდეგი რედაქციით:

1. “კონკურსანტები, რომლებიც სპეციალობაში მიიღებენ 51 ქულაზე ნაკლებს, მოიხსნებიან კონკურსიდან და არ ჩაირიცხებიან მაგისტრატურაში”.

გიორგი ხუბუა

აკადემიური საბჭოს თავმჯდომარე,
რექტორი

1. სამაგისტრო პროგრამა ამოქმედდეს ამ პროგრამაზე 5 სტუდენტის ჩარიცხვის შემთხვევაში. გამონაკლისი დაიშვება იმ პროგრამების მიმართ, სადაც გამსვლელი ქულა დააგროვა 5-ზე ნაკლებმა კონკურსანტმა, თუ ფაკულტეტის საბჭოს გადაწყვეტილებით პროგრამის ამოქმედება არ არის დაკავშირებული დამატებით დაფინანსებასთან და მიმართულების პროფესურა თანახმაა პროგრამით გათვალისწინებული სალექციო კურსის წაკითხვა არ ჩაეთვალოს მინიმალურ საათობრივ დატვირთვაში.

2. იმ სამაგისტრო პროგრამების კონკურსანტებს, რომლებმაც დააგროვეს გამსვლელი ქულა და პროგრამა არ იხსნება, საგამოცდო ქულები შეუნარჩუნდეთ 2007-2008 წლის გაზაფხულის სემესტრისთვის ან მიეცეთ მომიჯნავე სამაგისტრო პროგრამაზე გადასვლის უფლება. 
 

აკადემიური საბჭოს თავმჯდომარე,
რექტორი
პროფესორი გიორგი ხუბუა

ძალადაკარგულია აკადემიური საბჭოს
17.12.2012, №128/2012 დადგენილებით

„უმაღლესი განათლების შესახებ“ საქართველოს კანონის 21-ე მუხლის შესაბამისად, დამტკიცდეს ინდივიდუალური სადოქტორო პროგრამები შემდეგ ფაკულტეტებზე:

I. სოციალურ და პოლიტიკურ მეცნიერებათა ფაკულტეტი

1. ფსიქოლოგია
2. პოლიტიკური მეცნიერება
პროგრამის ხელმძღვანელი - პროფესორი მალხაზ მაცაბერიძე
3. საერთაშორისო ურთიერთობები
პროგრამის ხელმძღვანელი - პროფ. ზურაბ დავითაშვილი
4. სოციოლოგია
პროგრამის ხელმძღვანელი - პროფ. იაგო კაჭკაჭიშვილი
5. საზოგადოებრივი გეოგრაფია
პროგრამის ხელმძღვანელი - პროფ. გიორგი გოგსაძე

II. ჰუმანიტარული ფაკულტეტი
1. ბერძნულ-რომაული ფილოლოგია
პროგრამის ხელმძღვანელი - პროფ. რისმაგ გორდეზიანი
2. რუსული და სლავური ენები
პროგრამის ხელმძღვანელი - პროფ. ნათელა ჭოხონელიძე
3. რუსული და სლავური ლიტერატურები
პროგრამის ხელმძღვანელი - პროფ. მარიამ ფილინა
4. ლიტერატურის თეორია. ზოგადი და კომპარატივისტული კვლევები
პროგრამის ხელმძღვანელი - პროფ. ირმა რატიანი
5. ორიენტალისტიკა
პროგრამის ხელმძღვანელი - პროფ. აპოლონ სილაგაძე
6. ქართველური ენათმეცნიერება
პროგრამის ხელმძღვანელი - პროფ. დამანა მელიქიშვილი
7. იბერიულ-კავკასიური ენათმეცნიერება
პროგრამის ხელმძღვანელები - პროფ. ცირა ბარამიძე, პროფ. თერიმურაზ გვანცელაძე
8.ქართული ლიტერატურიოს ისტორია (ძველი, ახალი და უახლესი ქართული ლიტერატურის ისტორია)
პროგრამის ხელმძღვანელი - პროფ. ელგუჯა ხინთიბიძე
9. ინგლისური ფილოლოგია
პროგრამის ხელმძღვანელი - პროფ. რუსუდან ენუქიძე
10. გერმანული ფილოლოგია
პროგრამის ხელმძღვანელი - პროფ. ლალი ქეცბა-ხუნდაძე
11. რომანული ენები და ლიტერატურა
პროგრამის ხელმძღვანელი - პროფ. ია ფხაკაძე
12. ლოგიკა და ენის ფილოსოფია
პროგრამის ხელმძღვანელი - ასოც. პროფ. ლერი მჭედლიშვილი
13. ეთნოლოგია
პროგრამის ხელმძღვანელი - პროფ. ქეთევან ხუციშვილი
14. ძველი მსოფლიოს ისტორია
პროგრამის ხელმძღვანელი - პროფ. ეკა ავალიანი
15. ხელოვნების ისტორია და თეორია
პროგრამის ხელმძღვანელი - პროფ. ზაზა სხირტლაძე
16. თარგმანთმცოდნეობა (ქართული კლასიკური ლიტერატურის უცხოენოვანი თარგმანების ანალიზი)
პროგრამის ხელმძღვანელი - ასოც. პროფ. ოთარ ბაქანიძე
17. საქარველოს ისტორია
პროგრამის ხელმძღვანელი - პროფ. ვაჟა კიკნაძე
18. კულტურის მეცნიერებები
პროგრამის ხელმძღვანელი - პროფ. ნინო ჩიქოვანი
19. შუა საუკუნეების ისტორი
პროგრამის ხელმძღვანელი (დასავლეთ ევროპის შუა საუკუნეები და ადრეული ახალი პერიოდი, ბიზანტიის ისტორია, შუა საუკუნეების ეკლესიის ისტორია)
პროგრამის ხელმძღვანელი - პროფ. ბეჟან ჯავახია
20. ქართული ბიბლიის ფილოლოგია
პროგრამის ხელმძღვანელი - ასოც. პრფ. ანა ხარანაული
21. განათლების მეცნიერებები
პროგრამის ხელმძღვანელი - პროფ. ქეთევან ჭკუასელი

საფუძველი: სოციალურ და პოლიტიკურ მეცნიერებათა და ჰუმანიტარული ფაკულტეტის საბჭოების წარდგინებები

გიორგი ხუბუა

აკადემიური საბჭოს თავმჯდომარე,
რექტორი

ქართული კულტურისა და მეცნიერების, ივანე ჯავახიშვილის სახელობის თბილისის სახელმწიფო უნივერსიტეტის წინაშე განსაკუთრებული დამსახურებისათვის ბერლინის ფრაიე უნივერსიტეტის პროფესორი, ევროპის ნეოგრეცისტთა ასოციაციის პრეზიდენტი კ ო ნ ს ტ ა ნ ტ ი ნ ო ს  დ ი მ ა დ ი ს ი დაჯილდოვდეს ივანე ჯავახიშვილის სახელობის მედლით.

საფუძველი: კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის წარდგინება.

 
პროფესორი გიორგი ხუბუა
აკადემიური საბჭოს თავმჯდომარე, რექტორი

მნიშვნელოვანი მეცნიერული მიღწევებისათვის ფიზიკაში მაღალტემპერატურული ზეგამტარობის აღმოჩენისათვის, ივანე ჯავახიშვილის სახელობის თბილისის სახელმწიფო უნივერსიტეტსა და ციურიხის უნივერსიტეტს შორის თანამშრომლობის ხელშეწყობისათვის დოქტორ კარლ ალექსანდრე მიულერს მიენიჭოს ივანე ჯავახიშვილის სახელობის თბილისის სახელმწიფო უნივერსიტეტის საპატიო დოქტორის წოდება.

საფუძველი: ზუსტ და საბუნებისმეტყველო მეცნიერებათა ფაკულტეტის საბჭოს წარდგინება

გიორგი ხუბუა
აკადემიური საბჭოს თვმჯდომარე, რექტორი

მნიშვნელოვანი მეცნიერული მიღწევებისათვის ფიზიკაში მაღალტემპერატურული ზეგამტარობის აღმოჩენისათვის, ივანე ჯავახიშვილის სახელობის თბილისის სახელმწიფო უნივერსიტეტთან მრავალმხრივი თანამშრომლობისათვის დოქტორ იოანეს გრეგორ ბედნორცს მიენიჭოს ივანე ჯავახიშვილის სახელობის თბილისის სახელმწიფო უნივერსიტეტის საპატიო დოქტორის წოდება

საფუძველი: ზუსტ და საბუნებისმეტყველო მეცნიერებათა ფაკულტეტის საბჭოს წარდგინება

გიორგი ხუბუა
აკადემიური საბჭოს თვმჯდომარე, რექტორი

“უმაღლესი განათლების შესახებ” საქართველოს კანონის 21-ე მუხლის შესაბამისად,

1. მაგისტრატურაში სპეციალობის გამოცდაზე დაიშვებიან ზუსტ და საბუნებისმეტყველო მეცნიერებათა, ჰუმანიტარული (გარდა ამერიკანისტიკის სამაგისტრო პროგრამისა), მედიცინის, სოციალურ და პოლიტიკურ მეცნიერებათა (გარდა პრესისა და ტელე-რადიო ჟურნალისტიკისა და ტრანსფორმაცია სამხრეთ კავკასიაში სამაგისტრო პროგრამებისა) ფაკულტეტის ის კონკურსანტები, რომლებმაც უცხო ენაში მიიღეს შეფასება 40 ქულა და მეტი.

2. 2007-2008 სასწავლო წლის დასრულებისასდადგენილების 1-ლი პუნქტით მაგისტრატურაში ჩარიცხულმა მაგისტრანტებმა უნდა დაადასტურონ ენის ცოდნა შესაბამისი პროგრამის მიერ მოთხოვნილ დონეზე, წინააღმდეგ შემთხვევაში შეუჩერდებათ მაგისტრანტის სტატუსი.
 

გიორგი ხუბუა

აკადემიური საბჭოს თავმჯდომარე, რექტორი

ცვლილებები შეტანილია
აკადემიური საბჭოს 09.01.2008, №72,
02.27.2009, №189 და 16.03.2009, №191 დადგენილებებით

„უმაღლესი განათლების შესახებ” საქართველოს კანონის 21-ე მუხლის შესაბამისად,

1. მაგისტრატურაში სპეციალობის გამოცდაზე დაიშვებიან ზუსტ და საბუნებისმეტყველო მეცნიერებათა, ჰუმანიტარული (გარდა ამერიკანისტიკის სამაგისტრო პროგრამისა), მედიცინის, სოციალურ და პოლიტიკურ მეცნიერებათა (გარდა პრესისა და ტელე-რადიო ჟურნალისტიკისა და ტრანსფორმაცია სამხრეთ კავკასიაში სამაგისტრო პროგრამებისა) ფაკულტეტის ის კონკურსანტები, რომლებმაც უცხო ენაში მიიღეს შეფასება 40 ქულა და მეტი.

2. დადგენილების I პუნქტით მაგისტრატურაში  ჩარიცხულმა მაგისტრანტებმა, რომლებმაც მიიღეს შეფასება 40-დან 51 ქულამდე, უნდა დაადასტურონ ენის ცოდნა შეესაბამისი პროგრამის მიერ მოთხოვნილ დონეზე, გამოცდაზე ხელმეორედ გასვლა დასაშვებია 2009 წლის აპრილში“ შეიცვალოს შემდეგნაირად: „გამოცდაზე ხელმეორედ გასვლა და სამაგისტრო პროგრამით დადგენილი უცხო ენის ცოდნის დადასტურება მოხდეს სამაგისტრო ნაშრომის დაცვამდე , წინააღმდეგ შემთხვევაში შეუჩერდებათ მაგისტრანტის სტატუსი. (09.01.2008, №72, 02.27.2009, №189 და 16.03.2009, №191 )

გიორგი ხუბუა
აკადემიური საბჭოს თავმჯდომარე,
რექტორი

ძალადაკარგულია აკადემიური საბჭოს
23.09.2011, №100/2011 დადგენილებით
 

„უმაღლესი განათლების შესახებ“ საქართველოს კანონის 21-ე მუხლისა და 34-ე მუხლის მე-3 ნაწილის შესაბამისად, “ივანე ჯავახიშვილის სახელობის თბილისის სახელმწიფო უნივერსიტეტში ასისტენტ-პროფესორის აკადემიური თანამდებობის დაკავების წესის შესახებ” აკადემიური საბჭოს №26 დადგენილებაში შეტანილ იქნეს ცვლილება და მე-8 პუნქტი ჩამოყალიბდეს შემდეგი რედაქციით:

I. „8. თსუ ასისტენტ-პროფესორად შეიძლება არჩეულ იქნეს დოქტორის სამეცნიერო ხარისხის მქონე პირი ან დოქტორანტი“.

II. დადგენილება დასამტკიცებლად გადაეცეს წარმომადგენლობით საბჭოს.

გიორგი ხუბუა აკადემიური საბჭოს თავმჯდომარე,
რექტორი

ძალადაკარგულია აკადემიური საბჭოს
23.09.2011, №100/2011 დადგენილებით

„უმაღლესი განათლების შესახებ“ საქართველოს კანონის 21-ე მუხლის შესაბამისად, „უნივერსიტეტში დოქტორანტურის მინიმალური სტანდარტის შესახებ“ აკადემიური საბჭოს 2007 წლის 23 აპრილის №20 დადგენილებაში შეტანილ იქნეს ცვლილება:

დადგენილების მე-11 მუხლის მე-3 პუნქტი ჩამოყალიბდეს შემდეგი რედაქციით:

”1) დოქტორანტი სადისერტაციო საბჭოს წარუდგენს დისერტაციის ბეჭდურ და ელექტრონულ ვერსიებს.
2) დისერტაციის დაცვაზე დასაშვებად აუცილებელია, დოქტორანტის სამეცნიერო ხელმძღვანელმა სადისერტაციო საბჭოს წარუდგინოს დასკვნა იმის თაობაზე, რომ იგი გაეცნო დისერტაციას და ნაშრომი მზად არის საჯარო განხილვაზე წარსადგენად.
3) დისერტაციის დაცვამდე დისერტანტს დისერტაციის სფეროში გამოქვეყნებული (ან მიღებული გამოსაქვეყნებლად) უნდა ჰქონდეს მინიმუმ სამი სამეცნიერო პუბლიკაცია რეცენზირებად ჟურნალებში. მათგან ორს გავლილი უნდა ჰქონდეს საერთაშორისო რეცენზირება. თუ სადისერტაციო საბჭოს დებულებით გათვალისწინებულია დოქტორის აკადემიური ხარისხის მქონე უცხოელი შემფასებლის ჩართვა, ამ შემთხვევაში მოეთხოვება ორი სტატია, მათგან ერთისთვის საერთაშორისო რეცენზირება.უარყოფითი რეცენზირების მიღების შემთხვევაში დოქტორანტმა უნდა გაიაროს სემესტრული რეგისტრაცია მომდევნო სემესტრიდან. სტატიების (ან სტატიის) ხელახალი წარმოდგენა ათავისუფლებს მას სემესტრული რეგისტრაციისაგან. დოქტორანტი თავისუფლდება სემესტრული რეგისტრაციისა და სწავლის ქირის გადასახადისაგან სადისერტაციო ნაშრომის სადისერტაციო საბჭოში წარდგენის მომენტიდან.
4) ფაკულტეტის დებულებით შეიძლება, განსაზღვრული იყოს დისერტაციის წარდგენასთან დაკავშირებული დამატებითი მოთხოვნები.

გიორგი ხუბუა

აკადემიური საბჭოს თავმჯდომარე, რექტორი

ძალადაკარგულია აკადემიური საბჭოს 
17.12.2012, №128/2012 დადგენილებით

“უმაღლესი განათლების შესახებ” საქართველოს კანონის 21-ე მუხლის შესაბამისად, დამტკიცდეს ივანე ჯავახიშვილის სახელობის თბილისის სახელმწიფო უნივერსიტეტის ინდივიდუალური (გარდამავალი პერიოდის) სადოქტორო პროგრამები:

ზუსტ და საბუნებისმეტყველო მეცნიერებათა ფაკულტეტი

მათემატიკა (ინდივიდუალური პროგრამა)
კოორდინატორები: პროფ. უშანგი გოგინავა, პროფ. დავით გორდეზიანი, პროფ. თამაზ თადუმაძე, პროფ. ელიზბარ ნადარაია, პროფ. როლანდ ომანაძე.

კომპიუტერული მეცნიერებები (ინდივიდუალური პროგრამა)
კოორდინატორები: პროფ. კობა გელაშვილი, პროფ. ნოდარ ნანობაშვილი, პროფ. გია სირბილაძე, პროფ. მანანა ხაჩიძე, ასოც. პროფ. ჯემალ ანთიძე, ასოც. პროფ. ნათია არჩვაძე, ასოც. პროფ. რევაზ გრიგოლია, ასოც. პროფ. რიჩარდ მეგრელიშვილი

ფიზიკა (ინდივიდუალური პროგრამა)
კოორდინატორები: პროფ. რევაზ ზარიძე, პროფ. თამაზ კერესელიძე, პროფ. გია მაჩაბელი, პროფ. არჩილ უგუ­ლავა, პროფ. ალექსანდრე შენგელაია.

ქიმია (ინდივიდუალური პროგრამა)
კოორდინატორები: პროფ. ნოდარ ლეკიშვილი, პროფ. შოთა სამსონია, პროფ. ბეჟან Þჭანკვეტაძე.

ბიოლოგია (ინდივიდუალური პროგრამა)
კოორდინატორები, პროფ. არნოლდ გეგეჭკორი, პროფ. თეიმურაზ ლეჟავა, პროფ. დავით მიქელაძე, პროფ. ნინო ფორაქიშვილი, პროფ. დიანა ძიძიგური.

გეოგრაფია (ინდივიდუალური პროგრამა)
კოორდინატორები: პროფ. რამინ გობეჯიშვილი, პროფ. ნოდარ ელიზ­ბა­რაშვილი, პროფ. დავით კერესელიძე, პროფ. ზურაბ სეფერთელაძე, ასოც. პროფ. ლია მაჭავარიანი, ასოც. პროფ. არჩილ ხანთაძე.

გეოლოგია (ინდივიდუალური პროგრამა)
კოორდინატორი: პროფ. ბეჟან თუთბერიძე

ბიოფიზიკა (ინდივიდუალური ინტერდისციპლინური პროგრამა)
კოორდინატორი: ასოც. პროფ. თამაზ მძინარაშვილი

მედიცინის ფაკულტეტი

1. პედიატრია
კოორდინატორი: პროფესორი რუსუდან ქარსელაძე

2. კარდიოლოგიაში
კოორდინატორები: ასოც პროფ. პავლე მაჭავარიანი, ასოც. პროფ. ბეჟან წინამძღვრიშვილი

ჰუმანიტარული ფაკულტეტი

1. ბერძნულ-რომაული ფილოლოგია
კოორდინატორი: პროფ. რისმაგ გორდეზიანი

2. რუსული და სლავური ენები
კოორდინატორი პროფ. ნათელა ჭოხონელიძე

3. რუსული და სლავური ლიტერატურები
კოორდინატორი პროფ. მარიამ ფილინა

4. ლიტერატურის თეორია. ზოგადი და კომპარატივისტული კვლევები
კოორდინატორი: პროფ. ირმა რატიანი

5. ორიენტალისტიკა
კოორდინატორი: პროფ. აპოლონ სილაგაძე

6. ქართველური ენათმეცნიერება
კოორდინატორი: პროფ. დამანა მელიქიშვილი

7. იბერიულ-კავკასიური ენათმეცნიერება
კოორდინატორები: პროფ. ცირა ბარამიძE, პროფ. თეიმურაზ გვანცელაძე

8. ქართული ლიტერატურის ისტორია (ძველი, ახალი და უახლესი ქართული ლიტერატურის ისტორია)
კოორდინატორი: პროფ. ელგუჯა ხინთიბიძე

9. ინგლისური ფილოლოგია
კოორდინატორი: პროფ. რუსუდან ენუქიძე

10. გერმანული ფილოლოგია
კოორდინატორი: პროფ. ლალი ქეცბა-ხუნდაძე

11. რომანული ენები და ლიტერატურა
კოორდინატორი: პროფ. ია ფხაკაძე

12. ლოგიკა და ენის ფილოსოფია
კოორდინატორი: ასოც. პროფ. ლერი მჭედლიშვილი

13. ეთნოლოგია
კოორდინატორი: პროფ. ქეთევან ხუციშვილი

14. ძველი მსოფლიოს ისტორია
კოორდინატორი:P პროფ. ეკა ავალიანი

15. ხელოვნების ისტორია და თეორია
კოორდინატორი: პროფ. ზაზა სხირტლაძე

16. თარგმანთმცოდნეობა (ქართული კლასიკური ლიტერატურის უცხოენოვანი თარგმანების ანალიზი)
კოორდინატორი: ასოც. პროფ. ოთარ ბაქანიძე

ეკონომიკისა და ბიზნესის ფაკულტეტი

1. ეკონომიკური პოლიტიკა
კოორდინატორი:P პროფ. რევაზ გველესიანი

2. ეკონომიკური და სოციალური სტატისტიკა
კოორდინატორი:P პროფ. სიმონ გელაშვილი

3. მარკეტინგი
კოორდინატორი:P პროფ. ნუგზარ თოდუა

4. მსოფლიო ეკონომიკა
კოორდინატორი:P ასოც. პროფ. ლარისა Yყორღანაშვილი

5. მაკროეკონომიკა
კოორდინატორი:P პროფ. ნოდარ ხადური

6. შრომის ეკონომიკა
კოორდინატორი:P პროფ. მირიან ტუხაშვილი

7. ბუღალტრული აღრიცხვა
კოორდინატორი:P პროფ. ელენე ხარაბაძე

8. ფინანსები და საბანკო საქმე
კოორდინატორი:P პროფ. ირაკლი კოვზანაძე

9. ტურიზმი და მასპინძლობის მენეჯმენტი
კოორდინატორი:  ასოც. პროფ. მაია მარგველაშვილი

გიორგი ხუბუა

აკადემიური საბჭოს თავმჯდომარე, რექტორი

„უმაღლესი განათლების  შესახებ“ საქართველოს კანონის, ივანე ჯავახიშვილის სახელობის თბილისის სახელმწიფო უნივერსიტეტის აკადემიური საბჭოს 2007 წლის 18 ივნისის N 26 დადგენილებისა და წარმომადგენლობითი საბჭოს გადაწყვეტილების  თანახმად,

გამოცხადდეს კონკურსი ივანე ჯავახიშვილის სახელობის თბილისის სახელმწიფო უნივერსიტეტის იურიდიულ ფაკულტეტზე ასისტენტ–პროფესორთა აკადემიური თანამდებობის დასაკავებლად  და დამტკიცდეს საკონკურსო კომისია:

1. ასისტენტ– პროფესორების კონკურსის წესით არჩევის ვადა განისაზღვროს 2 წლით;

2. კონკურსის შედეგად შერჩეულ იქნეს 53 ასისტენტ–პროფესორი შემდეგი საგნებისა და მიმართულებების მიხედვით:
–  შესავალი სამოქალაქო სამართალში – 2 ადგილი;

• ვალდებულებითი სამართლის ზოგადი ნაწილი – 2 ადგილი;
• სახელშეკრულებო სამართალი – 2 ადგილი;
• სანივთო სამართალი – 2 ადგილი;
• კანონისმიერი ვალდებულებითი ურთიერთობები – 2 ადგილი;
• საოჯახო მემკვიდრეობითი სამართალი – 2 ადგილი;
• შრომის სამართალი –  2 ადგილი;
• საკორპორაციო სამართალი –  2 ადგილი;
• სამოქალაქო სამართლის პროცესი –  2 ადგილი;
• კონსტიტუციური (სახელმწიფო მოწყობის) სამართალი – 2 ადგილი;
• ადამიანის ძირითადი უფლებები და თვისუფლებები –  2 ადგილი;
• ზოგადი ადმინისტრაციული სამართალი –  2 ადგილი;
• ადმინისტრაციული სამართლის პროცესი –  2 ადგილი;
• საერთშორისო საჯარო სამართლი I – 2 ადგილი;
• სისხლის სამართლის ზოგადი ნაწილი –  2 ადგილი;
• სისხლის სამართლის კერძო ნაწილი I –  2 ადგილი;
• სისხლის სამართლის კერძო ნაწილი I I –  2 ადგილი;
• სისხლის სამართლის პროცესი – 2 ადგილი;
• შესავალი სამართალმცოდნეობაში – 2 ადგილი;
• ქართული სამართლის ისტორია – 2 ადგილი;
• კერძო სამართლის მიმართულებით – 6ადგილი;
• საჯარო სამართლი მიმართულებით – 3 ადგილი;
• სისხლის სამართლის მიმართულებით – 2 ადგილი;
• სამართლის ისტორიისა და მეთოდების მიმართულებით –  2 ადგილი.

3. ასისტენტ–პროფესორის თანამდებობის დასაკავებლად გამოცხადებულ კონკურსში უპირატესობა მიენიჭება იმ კონკურსანტებს, რომლებიც  ფლობენ უცხოურ ენას (ინგლისური, გერმანული, ფრანგული, იტალიური, ესპანური).

4. ასისტენტ–პროფესორების აკადემიური თანამდებობის დასაკავებლად კონკურსი ცხადდება 2007 წლის 20 ივლისს, დოკუმენტაციის წარმოდგენის ბოლო ვადაა 2007 წლის 20 აგვისტო, კონკურსანტმა განცხადებაში უნდა მიუთითოს სასურველი მიმართულება და არაუმეტეს სამი საგანი. საბუთების მიღება იწარმოებს იურიდიული ფაკულტეტის დეკანატში – ქ. თბილისი, ილია ჭავჭავაძის გამზირი N 3, ტელ. 29 08 41.

5. კონკურსის შედეგები გამოცხადდება 2007 წლის 20 სექტემბერს.

6. ასისტენტ–პროფესორთა შესარჩევი საკონკურსო კომისიის შემადგენლობა განისაზღვროს 5 წევრით:
– სამართლის საფუძვლებისა და მეთოდების მიმართულებით – ლევან ბეჟაშვილი (კომისიის თვმჯდომარე);

• საჯარო სამართლის მიმართულებით – ნიკოლოზ გვარამია;
• საერთაშორისო სამართლის მიმართულებით –  ირინა ქურდაძე (კომისიის მდივანი);
• კერძო სამართლის მიმართულებით –  ქეთევან ქოქრაშვილი;
• სისხლის სამართლის მიმართულებით – ზაზა მეიშვილი.

7. დადგენილება განთავსდეს უნივერსიტეტის ოფიციალურ ელექტრონულ გვერდზე.

საფუძველი: იურიდიული ფაკულტეტის საბჭოს 2007 წლის 13 ივლისის გადაწყვეტილება ოქმი N 08.

გიორგი ხუბუა
აკადემიური საბჭოს თვმჯდომარე, რექტორი

ძალადაკარგულია აკადემიური საბჭოს 2019 წლის 
6 სექტემბრის №112/2019 დადგენილებით

„უმაღლესი განათლების შესახებ“ საქართველოს კანონის 21–ე მუხლის თანახმად,

დამტკიცდეს ივანე ჯავახიშვილის სახელობის თბილისის სახელმწიფო უნივერსიტეტის მედიცინის ფაკულტეტის დოქტორანტურის დებულება ( დანართი N1).

საფუძველი: მედიცინის ფაკულტეტის საბჭოს წარდგინება

გიორგი ხუბუა
აკადემიური საბჭოს თვმჯდომარე, რექტორი

დანართი 1

მედიცინის ფაკულტეტის დოქტორანტურის დებულება

მუხლი 1 ზოგადი დებულებანი
1. წინამდებარე დებულება აწესრიგებს ივანე ჯავახიშვილის სახელობის თბილისის სახელმწიფო უნივერსიტეტში მედიცინის ფაკულტეტზე სადოქტორო პროგრამების განხორციელების წესსა და პირობებს.
2. დოქტორანტურა მედიცინაში არის უმაღლესი განათლების მესამე საფეხური, სასწავლო პროგრამებისა და სამეცნიერო კვლევების ერთობლიობა, რომელიც მიზნად ისახავს მედიცინის დარგში სამეცნიერო კადრის მომზადებას და მთავრდება დოქტორის აკადემიური ხარისხის მინიჭებით.
3. დოქტორის აკადემიური ხარისხის მინიჭებისთვის აუცილებელი პირობები განსაზღვრულია წინამდებარე დებულებით ,,უმაღლესი განათლების შესახებ’’ საქართველოს კანონის შესაბამისად.

მუხლი 2. დოქტორანტურაში სწავლის უფლება
1. დოქტორანტურაში სწავლის უფლება აქვს მაგისტრს ან მასთან გათანაბრებული აკადემიური ხარისხის მქონე პირს, რეზიდენტურის კურსდამთავრებულს.
2007-2008 სასწავლო წლის დაწყებამდე ჩარიცხულ პირებზე არანაკლებ 5-წლიანი სამედიცინო საგანმანათლებლო პროგრამის დასრულების შედეგად გაიცემა დიპლომირებული მედიკოსის დიპლომი, რომელიც გათანაბრებულია მაგისტრის დიპლომთან.
2. დოქტორანტურაში სწავლის უფლება შეიძლება მიენიჭოს უცხოეთის უნივერსიტეტის კურსდამთავრებულს, ,,უმაღლესი განათლების შესახებ” საქართველოს კანონის 50-ე მუხლის მოთხოვნათა შესაბამისად.

მუხლი 3. დოქტორანტურაში მიღების წესი

1. დოქტორანტობის კანდიდატი წარმოადგენს განაცხადს და გადის გასაუბრებას ამ დებულებით დადგენილი წესით.
განაცხადს თან უნდა ერთვოდეს:
ა) განმცხადებლის ავტობიოგრაფია;
ბ) სამეცნიერო ხელმძღვანელის დასაბუთებული შუამდგომლობა;
გ) აკადემიური ხარისხის დამადასტურებელი დიპლომის დამოწმებული ასლი;
დ) შერჩეული თემის მოკლე ანოტაცია.
2. სამეცნიერო ხელმძღვანელის შუამდგომლობაში დასაბუთებული უნდა იყოს შერჩეული თემის აქტუალობა და მნიშვნელობა და/ან უნივერსიტეტის მიერ პრიორიტეტულად აღიარებული სადოქტორი პროგრამების მიმართულებებისადმი შესაბამისობა.
დისერტაციის ხელმძღვანელი (ან თანახელმძღვანელი ერთობლივი სადოქტორი პროგრამების განხორციელების შემთხვევაში) შეიძლება იყოს თსუ პროფესორი ან ასოცირებული პროფესორი. დოქტორანტს ეძლევა შესაძლებლობა, მონაწილეობა მიიღოს სამეცნიერო ხელმძღვანელის შერჩევაში.
4. დოქტორანტობის კანდიდატს მოეთხოვება ერთ-ერთი ევროპული სამეცნიერო ენის (გერმანული, ინგლისური ან ფრანგული) არანაკლებ B2 (ALTE) დონეზე ცოდნა.
5. დოქტორანტობის კანდიდატი, თუ მას ქართულენოვან პროგრამაზე სურს სწავლა და ქართული მისი მშობლიური ენა არ არის, წარმოადგენს ქართული ენის ცოდნის დამადასტურებელ სერტიფიკატს.
6. ფაკულტეტის სადისერტაციო საბჭოს დადებითი გადაწყვეტილების შემთხვევაში, უნივერსიტეტის რექტორი გამოსცემს დოქტორანტურაში კანდიდატის დოქტორანტად ჩარიცხვის შესახებ ინდივიდუალურ-ადმინისტრაციოლ სამართლებრივ აქტს. გადაწყვეტილება ეცნობება თსუ-ს სასწავლო დეპარტამენტს.
7. უნივერსიტეტი, დოქტორანტი და სამეცნიერო ხელმძღვანელი ჩარიცხვიდან მაქსიმუმ ორ თვეში ხელს აწერენ ხელშეკრულებას, რომელიც განსაზღვრავს ყველა მხარის ვალდებულებებსა და უფლებებს. ხელშეკრულების ნაწილია დოქტორანტის ინდივიდუალური გეგმა.

მუხლი 4. სამეცნიერო ხელმძღვანელი
1. სამეცნიერო ხელმძღვანელს უნდა ჰქონდეს დოქტორანტის სადისერტაციო თემასთან დაკავშირებულ სამეცნიერო სფეროში კვლევის გამოცდილება და პუბლიკაციები.
2. სამეცნიერო ხელმძღვანელის სალექციო და კვლევითი დატვირთვიდან გამომდინარეობს, თუ რამდენ დოქტორანტს შეუძლია უხელმძღვანელოს.
3. დისერტაციის ხელმძღვანელი კონტროლს უწევს ინდივიდუალური გეგმის შესრულებას.
4. სამეცნიერო ხელმძღვანელის მიერ თსუ-ში დაკავებული აკადემიური თანამდებობის დატოვება არ იწვევს დოქტორანტის ხელმძღვანელობაზე უარის თქმას, თუ თანამდებობის დატოვების შემდეგ ფაკულტეტის სადისერტაციო საბჭო უახლოეს სხდომაზე მიიღებს გადაწყვეტილებას ფაკულტეტის სადისერტაციო საბჭოში მისი მოწვევის შესახებ. ამ შემთხვევაში თსუ–ს, დოქტორანტის ხელმძღვანელსა და დოქტორანტს შორის ხელი მოეწერება ახალ ხელშეკრულებას, რომლითაც მხარეების ვალდებულებების გარდა განისაზღვრება ხელმძღვანელის შრომის ანაზღაურების პირობები.
5. განსაკუთრებულ შემთხვევებში სადისერტაციო საბჭოს გადაწყვეტილებით სამეცნიერო ხელმძღვანელად შეიძლება მოწვეული იყოს დოქტორის აკადემიური ხარისხის მქონე პირი.

მუხლი 5. დოქტორანტურის პროგრამა და დოქტორანტურაში სწავლის ხანგრძლივობა

1. დოქტორანტურა მოიცავს სასწავლო და კვლევით კომპონენტებს.
2. დოქტორანტმა სწავლის და კვლევის პროცესში უნდა დააგროვოს არანაკლებ 180 კრედიტისა. დოქტორანტურის მაქსიმალური ხანგრძლივობა შეიძლება იყოს 5 წელი.
3. დოქტორანტურაში სასწავლო კომპონენტი შეადგენს კრედიტების საერთო რაოდენობის 1/3, დანარჩენი 2/3 ეთმობა კვლევას.

მუხლი 6. დოქტორანტურაში ჩაბარების ვადები

დოქტორანტურაში მიღება ცხადდება შემოდგომის და/ან გაზაფხულის სემესტრებისთვის.

მუხლი7. დოქტორანტურის სასწავლო კომპონენტი
1. დოქტორანტურის სასწავლო კომპონენტი გულისხმობს დოქტორანტის დარგობრივ და მეთოდოლოგიურ დახელოვნებას.
2. სადოქტორო პროგრამის სასწავლო გეგმას შეიმუშავებს ფაკულტეტის საბჭო და ამტკიცებს უნივერსიტეტის აკადემიური საბჭო.
სასწავლო გეგმაში აუცილებლად შედის:
სპეციფიკური დარგობრივი კურსებისგან შემდგარი მოდული;
ძირითადი მეცნიერული უნარების განმავითარებელი საფაკულტეტო მოდული ან ცალკეული კურსები (ბიოსამედიცინო კვლევის მეთოდები, კლინიკური კვლევების ეთიკური საკითხები, ეპიდემიოლოგიისა და ბიოლოგიურ სტატისტიკა, სამეცნიერო წერისა და პუბლიკაციის ჩვევები);
სწავლების თანამედროვე მეთოდების კურსი, რომელსაც მოსდევს დოქტორანტის ჩართვა სწავლების პროცესში.
შემოთავაზებულ მოდულებში დოქტორანტს შეუძლია, აირჩიოს მისი კვლევისათვის ყველაზე მეტად შესაფერისი კურსები.
3. დოქტორანტის ინდივიდუალურ გეგმას ადგენს დოქტორანტის ხელმძღვანელი დოქტორანტთან შეთანხმებით. ინდივიდუალური გეგმა იქმნება კონკრეტული კვლევითი პროექტის განსახორციელებლად და დარგში მიღებული ცოდნის გასაღრმავებლად. ინდივიდუალურ გეგმაში მოცემული უნდა იყოს კვლევის მიზანი, სადისერტაციო თემის მოკლე აღწერა, სასწავლო კომპონენტის შესრულების და კვლევის სავარაუდო გრაფიკი.

მუხლი 8. დოქტორანტურის კვლევითი კომპონენტი და დოქტორანტების კოლოკვიუმი
დოქტორანტურაში სწავლების თითოეული წლის ბოლოს თემის ხელმძღვანელი და სადისერტაციო საბჭოს თავმჯდომარის მიერ ნომინირებული ორი მოწვეული ექსპერტი აფასებენ თემის შესრულების მიმდინარეობას.
კოლოკვიუმზე ხდება კვლევის შედეგების პრეზენტაცია, დისკუსია, ახალი სამეცნიერო ლიტერატურის, მიღწევების და პრობლემების განხილვა.

მუხლი 9 დოქტორანტის სტატუსის შეწყვეტა

ფაკულტეტის სადისერტაციო საბჭოს გადაწყვეტილებით, დოქტორანტს შეიძლება დოქტორანტის სტატუსი შეუწყდეს:
ა) პლაგიატის ან მონაცემების გაყალბების დადასტურების შემთხვევაში.
ბ) უნივერსიტეტს, დოქტორანტსა და სამეცნიერო ხელმძღვანელს შორის დადებული ხელშეკრულებით გათვალისწინებული პირობების შეუსრულებლობისას;

გ) ფაკულტეტის სადისერტაციო საბჭოს დებულებით გათვალისწინებულ სხვა შემთხვევებში.

მუხლი 10 დისერტაცია
1. დისერტაცია წარმოადგენდეს სადოქტორი პროგრამის დასკვნით ნაწილს და უნდა ასახავდეს დოქტორანტის დამოუკიდებელი სამეცნიერო თეორიული და/ან ექსპერიმენტული კვლევის მუშაობის შედეგს, ახასიათებდეს მეცნიერული სიახლე და წვლილი შეჰქონდეს ბიომედიცინის შესაბამისი დარგის განვითარებაში.

2. დისერტაცია შესრულებული უნდა იყოს ქართულ ენაზე. სადისერტაციო კვლევის ძირითადი შედეგები წამოდგენილი უნდა იქნეს ინგლისურ ენაზე.

3. ნაშრომის უცხო ენაზე შესრულების შემთხვევაში სადისერტაციო კვლევის ძირითადი შედეგები წარმოდგენილი უნდა იქნეს ქართულ ენაზე.

4. დაცვის შემდეგ დისერტაცია უნდა გამოქვეყნდეს ბეჭდური ან ელექტრონული ფორმით.

მუხლი 11. სადისერტაციო ნაშრომის ზომა, ფორმატი და სტილი

სადისერტაციო ნაშრომის ზღვრული მოცულობა – 180-200 გვ. (არაუმეტეს 400 000 ასო-ნიშანი)., დასკვნა – 10-12გვ.; ნაშრომს თან უნდა ერთვოდეს გამოყენებული ლიტერატურის ჩამონათვალი; ფურცლის ზომა A/4; ტექსტი აკრეფილი უნდა იყოს 12-იანი შრიფტით, შრიფტის სახეობა - აკადნუსხური;სტრიქონებს შორის მანძილი – 1,5; გვერდის საზღვრები: მარცხნიდან 3 სმ., მარჯვნიდან 1 სმ., ზემოდან 2,5 სმ., ქვემოდან – 2,5 სმ.

მუხლი 12. დისერტაციის წარდგენა
1. დისერტაცია სადისერტაციო საბჭოში წარდგენილი უნდა იყოს არაუგვიანეს ხუთი წლისა დოქტორანტურაში ჩაბარების შემდეგ.
2. დისერტაცია სადისერტაციო საბჭოს გადაეცემა 4 აკინძულ და 1 ელექტრონულ ეგზემპლარად, ფაკულტეტის ვებ-გვერდზე განსათავსებლად.
3. დისერტაციას თან ერთვის განმცხადებლის ახსნა-განმარტება იმის თაობაზე, რომ თემა მის მიერაა შესრულებული და რომ ნაშრომში გამოყენებული ყველა წყარო სათანადოდაა მითითებული.
4. დისერტაციის დაცვის პრერეკვიზიტებია თბილისის სახელმწიფო უნივერსიტეტში სასწავლო და სამეცნიერო პროგრამით გათვალისწინებული კრედიტების შესრულება და
სადისერტაციო თემის ირგვლივ გამოქვეყნებული ან დასაბეჭდად მიღებული სამი სამეცნიერო პუბლიკაცია, მათგან ორი უნდა იყოს გამოქვეყნებული (ან მიღებული გამოსაქვეყნებლად) იმპაქტ-ფაქტორის მქონე საერთაშორისო რეფერირებად (პეერ-რევიეწედ) ჟურნალში.

მუხლი 13. წერილობითი დასკვნა დისერტაციის შესახებ
1. დისერტაციის წარდგენის შემდეგ წერილობით დასკვნას ადგენს სამი შემფასებელი, მათ შორის თემის ხელმძღვანელი პროფესორი.
2. შემფასებლებმა თავიანთი წერილობითი დასკვნა უნდა წარმოადგინონ დისერტაციის წარდგენიდან არა უგვიანეს 3 თვისა.
3. დასკვნაში მითითებული უნდა იყოს გადაწყვეტილება დისერტაციის დაცვაზე დაშვების, მისი შესწორების მიზნით დოქტორანტისათვის უკან დაბრუნების ან დაცვაზე უარის თქმის შესახებ. უმნიშვნელო შენიშვნების შემთხვევაში დისერტაციის მიღება ხდება ხარვეზების გამოსწორების დათქმით.
4. შესწორების მიზნით დოქტორანტისათვის უკან დაბრუნების შემთხვევაში, დისერტაცია ხელახლა უნდა იქნეს წარდგენილი 1 წლის ვადაში, წინააღმდეგ შემთხვევაში პირი დაცვაზე აღარ დაიშვება.
5. თუკი ორი გარე შემფასებლის დასკვნა განსხვავდება ერთმანეთისაგან, ინიშნება მესამე გარე-შემფასებელი სადისერტაციო საბჭოს თავმჯდომარის მიერ. მესამე შემფასებელს თემის შეფასებისათვის ეძლევა 1 თვე.
6. სადისერტაციო საბჭოს თავმჯდომარემ დოქტორანტს წერილობით უნდა აცნობოს შემფასებლების მიერ მიღებული გადაწყვეტილების შესახებ. დაცვაზე დაშვების შემთხვევაში შეტყობინებაში მითითებული უნდა იყოს დაცვის თარიღიც. შეტყობინებიდან დაცვის თარიღამდე დოქტორანტს უნდა მიეცეს მინიმუმ 1 თვე დაცვისათვის მოსამზადებლად. დოქტორანტს ეძლევა უფლება, გაეცნოს შემფასებლების დასკვნებს.
7. დაცვაზე დაშვების უარის შემთხვევაში, უარყოფილი დისერტაცია და შემფასებლების წერილობითი დასკვნები შეინახება სადისერტაციო საბჭოს არქივში. დოქტორანტი უფლებამოსილია, გაეცნოს ამ დოკუმენტებს.

მუხლი 14. სადისერტაციო კომისია
1. სადისერტაციო საბჭოს თავმჯდომარე დისერტაციის დაცვაზე დაშვების შემთხვევაში ქმნის სადისერტაციო კომისიას.
2. სადისერტაციო კომისია უნდა შედგებოდეს მეცნიერების იმ დარგის სულ მცირე ოთხი წევრისაგან, რა დარგშიც შესრულებულია დისერტაცია და ერთი წევრი მაინც უნდა იყოს სხვა კვლევითი დაწესებულების წარმომადგენელი. სადისერტაციო კომისიის წევრები უნდა წარმოადგენდნენ მოქმედ აკადემიურ პერსონალს (პროფესორი, საპატიო პროფესორი, ასოცირებული პროფესორი), რომელთა მოწვევის შესახებ გადაწყვეტილებას იღებს სადისერტაციო საბჭო.
3. კომისიაში უნდა შედიოდეს სათათბირო ხმის უფლებით დისერტაციის ხელმძღვანელი, ასევე თემის მეორე შემფასებელი (შემფასებლები) და სადისერტაციო საბჭოს ერთი წევრი მაინც. სადისერტაციო კომისიაში შეიძლება შეყვანილ იქნეს დოქტორის აკადემიური ხარისხის მქონე სხვა პირი (პირები).
4. თავმჯდომარე უნდა იყოს უნივერსიტეტის მოქმედი ან საპატიო პროფესორი, რომელიც არ არის ხელმძღვანელი ან შემფასებელი.
5. თუკი სადისერტაციო ნაშრომი მომზადებულია მედიცინის იმ დარგში, რომლის წარმომადგენელიც არის სადისერტაციო საბჭოს თავმჯდომარე, იგი ავტომატურად შედის სადისერტაციო კომისიის შემადგენლობაში.
6. სადისერტაციო კომისიის წევრები წინასწარ (დაცვამდე) ეცნობიან სადისერტაციო ნაშრომს.

15. სადისერტაციო საბჭო
1. სადისერტაციო საბჭო არის დოქტორის აკადემიური ხარისხის მიმნიჭებელი ორგანო, რომელიც იქმნება ფაკულტეტზე.
2. სადისერტაციო საბჭო შედგება ფაკულტეტის ყველა სრული და ასოცირებული პროფესორისაგან.
3. სადისერტაციო საბჭოს გადაწყვეტილებით, საბჭოს შემადგენლობაში შეიძლება შევიდნენ დოქტორის აკადემიური ხარისხის მქონე სხვა პირები, უნივერსიტეტის წესდებით დადგენილი წესით;
4. სადისერტაციო საბჭოს თავმჯდომარეს, კენჭისყრით, თავისი შემადგენლობიდან ირჩევს ფაკულტეტის სადისერტაციო საბჭო 2 წლის ვადით, სიითი შემადგენლობის უმრავლესობით. ერთი და იგივე პირი თავმჯდომარედ შესაძლებელია არჩეულ იქნეს ზედიზედ 2-ჯერ. თავმჯდომარის არჩევამდე პირველ სხდომას უძღვება ფაკულტეტის დეკანი;
5. სადისერტაციო საბჭოს თავმჯდომარის სხდომაზე არყოფნის შემთხვევაში, საბჭო სიითი შემადგენლობის უმრავლესობით ირჩევს სხდომის თავმჯდომარეს.

16. სადისერტაციო საბჭოს სხდომები და ფუნქციები
1. სადისერტაციო საბჭო გადაწყვეტილებებს იღებს საბჭოს სხდომებზე. სადისერტაციო საბჭო უფლებამოსილია, თუ სხდომას ესწრება წევრთა სიითი შემადგენლობის უმრავლესობა. გადაწყვეტილება მიღებულია, თუ მას ხმას მისცემს დამსწრეთა 2/3. გადაწყვეტილებები მიიღება ღია კენჭისყრით;
2. სადისერტაციო საბჭოს ნებისმიერ გადაწყვეტილებაზე დგება ოქმი, რომელსაც ხელს აწერენ საბჭოს თავმჯდომარე და მდივანი;
3. სადისერტაციო საბჭო:

• იღებს გადაწყვეტილებებს დოქტორანტურაში მიღების, სადისერტაციო თემისა და ხელმძღვანელის დანიშვნის შესახებ;
• ნიშნავს შემფასებლებს და განსაზღვრავს დისერტაციის დაცვის თარიღს;
• ამტკიცებს სადისერტაციო კომისიას;
• სადისერტაციო კომისიის დასკვნის საფუძველზე ანიჭებს დოქტორის აკადემიურ ხარისხს;

17. სადისერტაციო საბჭოს თავმჯდომარე:

• იწვევს და უძღვება სადისერტაციო საბჭოს სხდომებს სემესტრში ერთხელ მაინც;
• საბჭოს შემადგენლობიდან განსაზღვრავს სადისერტაციო კომისიას;
• უზრუნველყოფს დოქტორანტებისათვის სემინარების ორგანიზებას ფაკულტეტის დეკანთან შეთანხმებით;
• უზრუნველყოფს სადისერტაციო საბჭოს გადაწყვეტილების გამოქვეყნებას უნივერსიტეტის ვებ-გვერდზე.

18. სადისერტაციო საბჭოს მდივანი
1. სადისერტაციო საბჭოს მდივანს თავმჯდომარის წარდგინებით ამტკიცებს სადისერტაციო საბჭო.
2. მდივანი უზრუნველყოფს სადისერტაციო საბჭოს ორგანიზაციულ საქმიანობას:
• აწარმოებს სადისერტაციო საბჭოს სხდომის ოქმებს, უნივერსიტეტში საქმის წარმოების ერთიანი წესების შესაბამისად;
• ეხმარება თავმჯდომარეს ორგანიზაციული საკითხების მოგვარებაში;
• ხელმძღვანელობს საბჭოს არქივსა და საქმის წარმოებას;
• კონსულტაციას უწევს და ეხმარება დოქტორანტებს დისერტაციის დაცვამდე და დაცვის შემდგომ სათანადო დოკუმენტაციის მომზადებაში.

მუხლი 19. დისერტაციის დაცვა
1. დისერტაციის დაცვა უნდა მოხდეს დისერტაციის თემაზე ბოლო პუბლიკაციის გამოქვეყნებიდან არაუგვიანეს ერთი წლისა.
2. დაცვა არის საჯარო. მის მსვლელობასა და შედეგზე უნდა შედგეს საბოლოო ოქმი. დაცვა ითვალისწინებს დოქტორანტის მიერ 30 წუთიანი მოხსენებით თემის წარმოდგენას – პრეზენტაციას.
3. მოხსენებას მოსდევს სამეცნიერო შეკითხვა-კამათი. დაცვა არ უნდა აღემატებოდეს 120 წუთს.
4. ერთი კომისიის წინაშე ერთ დღეს შეიძლება დაინიშნოს არა უმეტეს ორი დისერტაციის დაცვა.

მუხლი 20. დისერტაციის და დოქტორანტის შეფასება

1. დისერტაციის შეფასება განისაზღვრება შემფასებელთა დასკვნების საფუძველზე.
2. დაცვა ფასდება სადისერტაციო კომისიის მიერ დახურულ სხდომაზე დაცვის დასრულებისთანავე.
3. შეფასებისთვის გამოიყენება შეფასების 5 ბალიანი სისტემა, რომლითაც კომისიის თითოეული წევრი აფასებს დისერტაციას.
4. დისერტაცია ითვლება დაცულად, თუკი მას დისერტანტის მიერ მიღებული ქულათა ჯამი შეადგენს მაქსიმალურად შესაძლო ქულათა ჯამის 60%-ს და მეტს. დისერტანტის მიერ მიღებული ქულათა ჯამის მიხევით, დისერტაცია ფასდება როგორც:
ა) ფრიადი (სუმმა ცუმ ლაუდე) -85%-ზე მეტი;
ბ) კარგი (ცუმ ლაუდე) -70-85%;
გ) დამაკმაყოფილებელი (რიტე) -60-69%;
დ) არადამაკმაყოფილებელი-50-59% (დისერტანტს ეძლევა უფლება, რომ დაამუშავოს დისერტაცია ერთი წლის მანძილზე და განმეორებით გავიდეს დაცვაზე)
ე) სრულიად არადამაკმაყოფილებელი- 50%-ზე ნაკლები (დისერტანტს აღარ ეძლევა უფლება, რომ დაამუშავოს დისერტაცია)
5. საბოლოოდ დოქტორანტის სწავლა დოქტორანტურაში (შეფასება ეხება როგორც სასწავლო, ისე კვლევით კომპონენტს) ფასდება 7-ბალიანი სისტემით.

მუხლი 21. ხარისხის მინიჭება
1. დოქტორანტს აკადემიურ ხარისხს ანიჭებს მედიცინის ფაკულტეტის სადისერტაციო საბჭო. დოქტორის აკადემიური ხარისხის მინიჭების დამადასტურებელი დიპლომის გაცემის შემდეგ პირი უფლებამოსილია, იწოდებოდეს მეცნიერებათა დოქტორად.
2. დიპლომი გაიცემა დისერტაციის გამოქვეყნების შემდეგ.
3. დიპლომი შეიცავს დისერტაციის სახელწოდებას, დაცვის თარიღსა და საერთო შეფასებას. Dიპლომს ხელს აწერს სადისერტაციო საბჭოს თავმჯდომარე, ფაკულტეტის დეკანი, უნივერსიტეტის რექტორი. დიპლომი მოწმდება უნივერსიტეტის ბეჭდით.
4. მოწმობის ასლი ინახება თსუ-ს არქივში.

მუხლი 22. დისერტაციის გამოქვეყნება
1. დოქტორანტი ვალდებულია დისერტაციის დაცვიდან 1 წლის განმავლობაში გამოაქვეყნოს დისერტაცია ბეჭდური ფორმით თსუ გამომცემლობაში და ელექტრონული ფორმით. წინააღმდეგ შემთხვევაში მასზე არ გაიცემა დოქტორის აკადემიური ხარისხის დამადასტურებელი დიპლომი.
2. გამოქვეყნებული დისერტაცია წარმოადგენს თბილისის სახელმწიფო უნივერსიტეტის ინტელექტუალურ საკუთრებას.

მუხლი 23. დოქტორის აკადემიური ხარისხის ბათილობა
დოქტორის აკადემიური ხარისხი ფაკულტეტის სადისერტაციო საბჭოს გადაწყვეტილებით დოქტორს ჩამოერთმევა აკადემიური პატიოსნების ნორმების დარღვევის შემთხვევაში.

მუხლი 24. დაფინანსება
დოქტორანტის დაფინანსება ხორციელდება სახელმწიფო გრანტის, საუნივერსიტეტო დაფინანსების, სტიპენდიების, ქველმოქმედების და თვითდაფინანსების ფორმით.

მუხლი 25. გარდამავალი დებულებები

1. დოქტორის აკადემიური ხარისხის მისაღებად თსუ-ს ყველა მაძიებელმა და ასპირანტმა უნდა ჩააბაროს დოქტორანტურაში წინამდებარე დებულებით განსაზღვრული წესით.
2. თსუ დოქტორანტურაში ჩარიცხული ასპირანტები და მაძიებლები, რომელთაც მინიმუმის საგნები აქვთ ჩაბარებული ან/და აპრობაცია აქვთ გავლილი, თავისუფლდებიან წინამდებარე დებულებით გათვალისწინებული სასწავლო კომპონენტის კრედიტების დაგროვებისგან. დისერტაციის წარდგენა და დაცვა ხორციელდება წინამდებარე დებულებით დადგენილი წესით. გამოქვეყნებული სამი სტატიიდან ორმა უნდა გაიაროს საერთაშორისო რეცენზირება.
3. თსუ-ს ის ასპირანტები და მაძიებლები, რომელთაც შესრულებული აქვთ ამ დებულებით გათვალისწინებული კვლევითი კომპონენტი და არა აქვთ ჩაბარებული მინიმუმის გამოცდები, სასწავლო კომპონენტით განსაზღვრული კრედიტების დაგროვების შემდეგ დისერტაციას წარადგენენ და დაიცავენ წინამდებარე დებულებით დადგენილი წესით.
4. იმ კვლევითი ინსტიტუტების ასპირანტები, რომლებთანაც თსუ-ს დადებული აქვს ხელშეკრულება, დოქტორანტები ხდებიან ამ პარაგრაფის პირველი მუხლის შესაბამისად.
5. გარდამავალი დებულებით განსაზღვრული შეღავათით სარგებლობის უფლება ასპირანტებს და მაძიებლებს აქვთ დოქტორანტურაში მიღების გამოცხადებიდან მაქსიმუმ ორი წლის მანძილზე.

ძალადაკარგულია აკადემიური საბჭოს
23.09.2011, №100/2011 დადგენილებით

„უმაღლესი განათლების შესახებ“ საქართველოს კანონის 21–ე მუხლის თანახმად,

დამტკიცდეს ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარული ფაკულტეტის დოქტორანტურისა და სადისერტაციო საბჭოს დებულება ( დანართი N1).

საფუძველი: ჰუმანიტარული ფაკულტეტის საბჭოს წარდგინება

გიორგი ხუბუა
აკადემიური საბჭოს თვმჯდომარე, რექტორი

დანართი 1

ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის დოქტორანტურისა და სადისერტაციო საბჭოს დებულება

თავი I. ზოგადი დებულებები

1. მიზანი
1.1. ეს დებულება აწესრიგებს ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტზე სადოქტორო პროგრამების განხორციელებისა და დოქტორის აკადემიური ხარისხის მინიჭებისათვის აუცილებელ პროცედურას `უმაღლესი განათლების შესახებ” საქართველოს კანონისა და ივანე ჯავახიშვილის სახელობის თბილისის სახელმწიფო უნივერსიტეტის აკადემიური საბჭოს დოქტორანტურის მინიმალური სტანდარტის შესახებ დადგენილების შესაბამისად.
1.2. დოქტორანტურის მიზანია: სადოქტორო პროგრამების საფუძველზე დოქტორანტის ინტელექტუალური ზრდა, აკადემიური და კვლევითი რესურსების დაახლოება, სამეცნიერო მუშაობის გააქტიურება და ხარისხის ამაღლება, დოქტორანტის ინტეგრაცია საერთაშორისო სამეცნიერო საზოგადოებაში.

თავი II. დოქტორანტურა

2.1. "უმაღლესი განათლების შესახებ” საქართველოს კანონის მე-2 მუხლის "ტ" ქვეპუნქტის თანახმად, დოქტორანტურა არის უმაღლესი განათლების მესამე საფეხური, სასწავლო პროგრამებისა და სამეცნიერო კვლევების ერთობლიობა, რომელიც მიზნად ისახავს სამეცნიერო კადრის მომზადებას და მთავრდება დოქტორის აკადემიური ხარისხის მინიჭებით.
2.2. დოქტორანტურა მოიცავს სასწავლო და კვლევით კომპონენტებს.
2.3. დოქტორანტი არის პირი, რომელიც სწავლობს დოქტორანტურაში.
2.4. დოქტორი უმაღლესი აკადემიური ხარისხია, რომელიც თბილისის ივანე ჯავახიშვილის სახელობის ჰუმანიტარულ მეცნიერებათა ფაკულტეტის დოქტორანტურის კურსდამთავრებულს ენიჭება დისერტაციის დაცვის შემდეგ შემდეგი მიმართულებით:

• ფილოსოფია
• ფილოლოგია
• ისტორია
• ხელოვნებათმცოდნეობა
• განათლების მეცნიერებები
•  

თავი III. დოქტორანტურაში მიღების წესი

3. დოქტორანტურაში სწავლის უფლება

3.1. დოქტორანტურაში სწავლის უფლება აქვს მაგისტრს ან მასთან გათანაბრებული აკადემიური ხარისხის მქონე პირს.
3.2. დოქტორანტურაში სწავლის უფლება შეიძლება მიეცეს უცხოეთის უნივერსიტეტის კურსდამთავრებულს, საქართველოს კანონის `უმაღლესი განათლების შესახებ” 50-ე მუხლის მოთხოვნათა შესაბამისად.

4. დოქტორანტურაში მიღების პირობები

4.1. დოქტორანტურაში მიღება ცხადდება მხოლოდ აკადემიური საბჭოს მიერ დამტკიცებული სადოქტორო პროგრამის ფარგლებში.
4.2. დოქტორანტობის კანდიდატი წარმოადგენს განაცხადს და გადის გასაუბრებას დარგობრივ მიმღებ კომისისათან.
4.3. დოქტორანტურაში ჩარიცხვის პირობაა სადოქტორო პროგრამის ხელმძღვანელის (თანახელმძღვანელთა) დასაბუთებული შუამდგომლობა.
4.4. დოქტორანტს უფლება აქვს აირჩიოს სამეცნიერო ხელმძღვანელი.
4.5. დოქტორანტობის კანდიდატს მოეთხოვება ერთ-ერთი ევროპული სამეცნიერო ენის (ინგლისური, გერმანული, ფრანგული) არანაკლებ B 2 დონეზე ცოდნა.
4.6. დოქტორანტობის კანდიდატი, რომლის მშობლიური ენა არ არის ქართული და რომელსაც სურს ქართულენოვან პროგრამაზე სწავლა, წარმოადგენს ქართული ენის ცოდნის დამადასტურებელ სერტიფიკატს (B 2 დონე)

5. დოქტორანტურაში ჩარიცხვა

5.1. დოქტორანტურაში ჩარიცხვის მსურველს წერილობითი განაცხადი შეაქვს ფაკულტეტის დეკანის სახელზე, რომელშიც მითითებული უნდა იყოს სადოქტორო პროგრამა. განცხადებას თან უნდა ერთვოდეს:
• განმცხადებლის ავტობიოგრაფია, („CV“);
• მაგისტრის ან მასთან გათანაბრებული აკადემიური ხარისხის დამადასტურებელი დიპლომის დამოწმებული ასლი;
• პირადობის დამადასტურებელი მოწმობის ასლი;
• სადოქტორო პროგრამის ხელმძღვანელის შუამდგომლობა სათანადო დასაბუთებით;
• სავარაუდო სამეცნიერო ხელმძღვანელის დასაბუთებული შუამდგომლობა;
• უცხო ენის ცოდნის დამადასტურებელი სერტიფიკატი ასლთან ერთად ან უნივერსიტეტის მიერ ორგანიზებული უცხო ენის გამოცდის დამადასტურებელი მოწმობა ასლთან ერთად;
• ახსნა-განმარტება იმის თაობაზე, რომ განმცხადებელი არ ირიცხება სხვა საგანმანათლებლო დაწესებულების დოქტორანტურაში.
5.2. ფაკულტეტის მიმღები კომისიის დადებითი გადაწყვეტილების შემთხვევაში უნივერსიტეტის რექტორი დეკანის წარდგინებით გამოსცემს დოქტორანტურაში კანდიდატის დოქტორანტად ჩარიცხვის შესახებ ინდივიდუალურ-ადმინისტრაციულ სამართლებრივ აქტს. გადაწყვეტილება ეცნობება თსუ-ს სასწავლო დეპარტამენტს.
5.3. უნივერსიტეტი, დოქტორანტი, სადოქტორო პროგრამის ხელმძღვანელი და სამეცნიერო ხელმძღვანელი ჩარიცხვიდან მაქსიმუმ ორ თვეში ხელს აწერენ ხელშეკრულებას, რომელიც განსაზღვრავს ყველა მხარის ვალდებულებებსა და უფლებებს. ხელშეკრულების ნაწილია დოქტორანტის ინდივიდუალური გეგმა.

6. დოქტორანტის სამეცნიერო ხელმძღვანელი
6.1 ფაკულტეტი უზრუნველყოფს დოქტორანტს დოქტორის აკადემიური ხარისხის მქონე სამეცნიერო ხელმძღვანელით, უქმნის პირობებს სამეცნიერო კვლევაზე ორიენტირებული სამუშაოს ჩასატარებლად.
6.2. დოქტორანტის სამეცნიერო ხელმძღვანელი შეიძლება იყოს სადისერტაციო საბჭოს წევრი, სადოქტორო პროგრამაში ჩართული სრული ან ასოცირებული პროფესორი. დისერტაციის თანახელმძღვანელი შეიძლება იყოს ფაკულტეტის სადისერტაციო საბჭოს სხვა წევრი ან დოქტორის აკადემიური ხარისხის მქონე პირი, რომელიც არ არის სადისერტაციო საბჭოს წევრი.
6.3. დოქტორანტობის კანდიდატს ეძლევა შესაძლებლობა აირჩიოს სამეცნიერო ხელმძღვანელი.
6.4. სამეცნიერო ხელმძღვანელს უნდა ჰქონდეს დოქტორანტის სადისერტაციო თემასთან დაკავშირებულ სამეცნიერო სფეროში კვლევის გამოცდილება და პუბლიკაციები.
6.5. სამეცნიერო ხელმძღვანელი კონტროლს უწევს დოქტორანტის ინდივიდუალური გეგმის შესრულებას.
6.6. ერთი პროფესორი ერთდროულად შეიძლება იყოს არაუმეტეს სამი დოქტორანტის სამეცნიერო ხელმძღვანელი.
6.7. იმ შემთხვევაში, თუ სამეცნიერო ხელმძღვანელი უარს ამბობს ხელმძღვანელობაზე, ამის შესახებ მან სწავლის ნებისმიერ ეტაპზე დასაბუთებული განცხადება უნდა წარუდგინოს სადისერტაციო საბჭოს.
6.8. სამეცნიერო ხელმძღვანელის მიერ თსუ-ში დაკავებული აკადემიური თანამდებობის დატოვება არ იწვევს დოქტორანტის ხელმძღვანელობაზე უარის თქმას, თუ თანამდებობის დატოვების შემდეგ ფაკულტეტის სადისერტაციო საბჭო უახლოეს სხდომაზე მიიღებს გადაწყვეტილებას ფაკულტეტის სადისერტაციო საბჭოში მისი მოწვევის შესახებ. ამ შემთხვევაში თბილისის სახელმწიფო უნივერსიტეტს, დოქტორანტის ხელმძღვანელსა და დოქტორანტს შორის ხელი მოეწერება ახალ ხელშრეკრულებას, რომლითაც მხარეების ვალდებულების გარდა, განისაზღვრება ხელმძღვანელის შრომის ანაზღაურების პირობები.

თავი IV. სადოქტორო პროგრამა

7.1. სადოქტორო პროგრამის შემუშავება ხდება:

• ფაკულტეტის ერთი ან რამდენიმე პროფესორის მიერ;
• უნივერსიტეტის სხვა ფაკულტეტთან ან ფაკულტეტებთან ერთად;
• პარტნიორ უნივერსიტეტთან ერთად;
• სასწავლო ან სამეცნიერო დაწესებულებასთან ერთად – უნივერსიტეტსა და ამ დაწესებულებას შორის დადებული სათანადო ხელშეკრულების საფუძველზე.

7.2. სადოქტორო პროგრამას ხელმძღვანელობს (თანახელმძღვანელობს) თსუ ჰუმანიტარულ მეცნიერებათა ფაკულტეტის სრული ან ასოცირებული პროფესორი.
7.3. სადოქტორო პროგრამას განიხილავენ ფაკულტეტის ხარისხის უზრუნველყოფის სამსახური და ფაკულტეტის საბჭო. დადებითი გადაწყვეტილების შემთხვევაში სადოქტორო პროგრამა დასამტკიცებლად წარედგინება უნივერსიტეტის აკადემიურ საბჭოს.
7.4. სადოქტორო პროგრამის განხორციელებაში მონაწილეობს:

• უნივერსიტეტის სრული ან ასოცირებული პროფესორი;
• პარტნიორი სასწავლო ან სამეცნიერო დაწესებულების მეცნიერი;
• სადოქტორო პროგრამით გათვალისწინებული შესაბამისი აკადემიური ხარისხის მქონე მოწვეული სპეციალისტი.

თავი V. დოქტორანტურაში სწავლა

8. დოქტორანტურაში სწავლის ხანგრძლივობა

8.1. თსუ ჰუმანიტარული ფაკულტეტის დოქტორანტურაში სწავლის მაქსიმალური ხანგრძლივობა შეიძლება იყოს 5 წელი.

9. დოქტორანტურაში ჩაბარების ვადები
9.1. დოქტორანტურაში მიღება ცხადდება შემოდგომის და/ან გაზაფხულის სემესტრებისთვის.

10. დოქტორანტურის კომპონენტები
10.1. დოქტორანტურა მოიცავს სასწავლო და კვლევით კომპონენტებს:
10.2. დოქტორანტურის სასწავლო კომპონენტი გულისხმობს დოქტორანტის დარგობრივ და მეთოდოლოგიურ დახელოვნებას და მასში შედის:

• სპეციფიკური დარგობრივი კურსებისაგან შემდგარი მოდული, რომელიც გულისხმობს სადისერტაციო თემიდან გამომდინარე სპეციალური და მომიჯნავე საგნის გაღრმავებულ შესწავლას.
• ძირითადი მეცნიერული უნარების განმავითარებელი საფაკულტეტო მოდული, რომელიც გულისხმობს კვლევის მეთოდოლოგიისა და მეთოდების შესწავლასსწავლების თანამედროვე მეთოდების კურსი, რასაც მოსდევს დოქტორანტის ჩართვა სწავლების პროცესში (პროფესორის ხელმძღვანელობით ლექციებისა და პრაქტიკული მეცადინეობების ჩატარება). ამ კომპონენტის დასრულების შემდეგ დოქტორანტი ფასდება იმ პროფესორის მიერ, რომელიც ხელმძღვანელობას უწევდა წარმოდგენილ კურსს;
• დოქტორანტი თვითონ ირჩევს იმ სასწავლო კურსებს, რომლებიც მოცემულია სადოქტორო პროგრამაში;

10.3. დოქტორანტურის კვლევითი კომპონენტი მოიცავს:

• დისერტაციის ანუ სამეცნიერო ნაშრომის შესრულებას, ასევე, სამეცნიერო სტატიების პუბლიკაციას, რომელიც უნდა ასახავდეს თეორიულ ან/და ემპირიული კვლევის დასაბუთებულ შედეგებს.
• დისერტაციის დაცვას ანუ თემის საჯარო პრეზენტაციას.

10.4. დოქტორანტურა მოიცავს 180 ECTS კრედიტს, რომელიც ნაწილდება შემდეგნაირად: სასწავ ლო კომპონენტი – 60 ECTS კრედიტი; კვლევითი კომპონენტი – 120 ECTS კრედიტი.
10.5. სადოქტორო პროგრამის კურიკულუმს განიხილავს ფაკულტეტის საბჭო და დასამტკიცებლად წარუდგენს უნივერსიტეტის აკადემიურ საბჭოს.

11. დოქტორანტის ინდივიდუალური გეგმა

11.1. დოქტორანტის ინდივიდუალურ გეგმას ადგენს სამეცნიერო ხელმძღვანელი დოქტორანტთან შეთანხმებით. ინდივიდუალური გეგმა იქმნება კონკრეტული კვლევითი პროექტის განსახორციელებლად და ცოდნის გასაღრმავებლად. ინდივიდუალურ გეგმაში მითითებული უნდა იქნეს კვლევის მიზანი, სადისერტაციო თემის მოკლე აღწერა, სასწავლო კომპონენტის შესრულებისა და კვლევის ჩატარების სავარაუდო გრაფიკი.

12. დოქტორანტის კოლოკვიუმი
12.1დოქტორანტურაში სწავლის აუცილებელი ნაწილია დოქტორანტის კოლოკვიუმი. კოლოკვიუმზე ხდება კვლევის შედეგების პრეზენტაცია, იმართება დისკუსია, დოქტორანტის საქმიანობის სფეროში ახალი სამეცნიერო მიღწევების, პრობლემების, ლიტერატურის შეფასება-განხილვას, რასაც მოჰყვება სამეცნიერო დისკუსია. კოლოკვიუმის შეფასების წესს განსაზღვრავს ფაკულტეტის სადისერტაციო საბჭო.
12.2. დოქტორანტი მოვალეა, წელიწადში ორჯერ მაინც წარდგეს კოლოკვიუმზე მოხსენებით.

13. დოქტორანტის სტატუსის შეწყვეტა
13.1. ფაკულტეტის სადისერტაციო საბჭოს გადაწყვეტილებით დოქტორანტს შეიძლება, დოქტორანტის სტატუსი შეუწყდეს:
• პლაგიატის ან მონაცემების გაყალბების დადასტურების შემთხვევაში;
• უნივერსიტეტს, დოქტორანტსა და სამეცნიერო ხელმძღვანელს შორის დადებული ხელშეკრულებით გათვალისწინებული პირობების შეუსრულებლობისას;

II. თავი VI. ფაკულტეტის სადისერტაციო საბჭო

14.1. ფაკულტეტის სადისერტაციო საბჭო არის დოქტორის აკადემიური ხარისხის მიმნიჭებელი ორგანო, რომელიც შექმნილია ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტზე.
14..2. ფაკულტეტის სადისერტაციო საბჭო შედგება დოქტორის აკადემიური ხარისხის მქონე ფაკულტეტის ყველა სრული და ასოცირებული პროფესორისაგან.
14.3. სადისერტაციო საბჭოს გადაწყვეტილებით, საბჭოს შემადგენლობაში შეიძლება შევიდნენ დოქტორის აკადემიური ხარისხის მქონე სხვა პირები, უნივერსიტეტის წესდებით დადგენილი წესით.

15. სადისერტაციო საბჭოს მუშაობის წესი

15.1. სადისერტაციო საბჭო თავის საქმიანობას წარმართავს ფაკულტეტის საბჭოს მიერ შემუშავებული და უნივერსიტეტის აკადემიური საბჭოს მიერ დამტკიცებული წინამდებარე დებულების შესაბამისად.
15.2. სადისერტაციო საბჭო შედგება 5 დარგობრივი (ფილოსოფიის, ფილოლოგიის, ისტორიის, ხელოვნებათმცოდნეობის, განათლების მეცნიერებების) სექციისაგან, რომელშიც ერთიანდებიან საბჭოს წევრი შესაბამისი დარგის სპეციალისტები.
15.3. სადისერტაციო საბჭო გადაწყვეტილებას იღებს საბჭოს სხდომაზე, სხდომა უფლებამოსილია მიიღოს გადაწყვეტილება, თუ მას ესწრება წევრთა საერთო რაოდენობის 30%-ზე მეტი. გადაწყვეტილების მისაღებად საჭიროა დამსწრეთა ხმების, სულ მცირე, 2/3. გადაწყვეტილებები მიიღება ფარული კენჭისყრით.
15.4. ფაკულტეტის სადისერტაციო საბჭო თავისი შემადგენლობიდან ფარული კენჭისყრით 2 წლის ვადით სიითი შემადგენლობის უმრავლესობით ირჩევს სადისერტაციო საბჭოს თავმჯდომარეს. ერთი და იგივე პირი თავმჯდომარედ შეიძლება არჩეულ იქნეს ზედიზედ მხოლოდ ორჯერ. თავმჯდომარის არჩევამდე საბჭოს პირველ სხდომას უძღვება ფაკულტეტის დეკანი.
15.5. სადისერტაციო საბჭო თავმჯდომარის წარდგინებით საბჭოს სიითი შემადგენლობის უმრავლესობით ამტკიცებს სადისერტაციო საბჭოს თავმჯდომარის მოადგილეს და მდივანს (საბჭოს შემადგენლობიდან) 2 წლის ვადით.
15.6. სადისერტაციო საბჭოს სხდომებს იწვევს სადისერტაციო საბჭოს თავმჯდომარე. სადისერტაციო საბჭოს თავმჯდომარის სხდომაზე არყოფნის შემთხვევაში საბჭოს უძღვება თავმჯდომარის მოადგილე.
15.7. საბჭოს სიითი შემადგენლობის არანაკლებ 1/5-ის წერილობითი მოთხოვნის შემთხვევაში, სადისერტაციო საბჭოს თავმჯდომარე ვალდებულია მოიწვიოს რიგგარეშე სხდომა.
15.8. სადისერტაციო საბჭოს სხდომის მიმდინარეობა აისახება ოქმში, რომელსაც ხელს აწერენ საბჭოს თავმჯდომარე და მდივანი.
15.9. სადისერტაციო საბჭოს ნებისმიერი გადაწყვეტილება დოქტორანტს უნდა ეცნობოს წერილობით.

16. სადისერტაციო საბჭოს დარგობრივი სექციები
16.1. თსუ ჰუმანიტარულ მეცნიერებათა ფაკულტეტის სადისერტაციო საბჭოს აქვს 5 დარგობრივი სექცია: ფილოსოფიის, ფილოლოგიის, ისტორიის, ხელოვნებათმცოდნეობის და განათლების მეცნიერებების, რომლებშიც ერთიანდებიან საბჭოს წევრი შესაბამისი დარგის სპეციალისტები.
16.2. დარგობრივი სექციის წევრები ირჩევენ ხელმძღვანელს თავისი შემადგენლობიდან 2 წლის ვადით. დარგობრივი სექციის ხელმძღვანელს ამტკიცებს სადისერტაციო საბჭო. ერთი და იგივე პირი დარგობრივი სექციის ხელმძღვანლად შეიძლება არჩეულ იქნეს ზედიზედ მხოლოდ ორჯერ.
16.3. სადისერტაციო საბჭოს დარგობრივი სექციის მდივანს (სექციის შემადგენლობიდან) სექციის ხელმძღვანელის წარდგინებით ამტკიცებს სადისერტაციო საბჭო 2 წლის ვადით.

17. სადისერტაციო საბჭოს დარგობრივი სექციის მუშაობის წესი

17.1. სადისერტაციო საბჭოს დარგობრივი სექციის საქმიანობა წარიმართება ფაკულტეტის საბჭოს მიერ შემუშავებული და უნივერსიტეტის აკადემიური საბჭოს მიერ დამტკიცებული წინამდებარე დებულების შესაბამისად.
17.2. სადისერტაციო საბჭოს დარგობრივი სექცია გადაწყვეტილებას იღებს სხდომაზე. სხდომა უფლებამოსილია გადაწყვეტილება მიიღოს, თუ მას ესწრება წევრთა საერთო რაოდენობის ნახევარზე მეტი. გადაწყვეტილების მისაღებად საჭიროა დამსწრეთა ხმების, სულ მცირე, 2/3.
17.3. სადისერტაციო საბჭოს დარგობრივი სექციის სხდომის მიმდინარეობა აისახება ოქმში, რომელსაც ხელს აწერენ სექციის ხელმძღვანელი და მდივანი.

18. სადისერტაციო საბჭოს და დარგობრივი სექციის უფლებამოსილება
18.1. სადისერტაციო საბჭო:
18.1.1. ირჩევს და ამტკიცებს საბჭოს თავმჯდომარეს;
18.1.2. ამტკიცებს სადისერტაციო საბჭოს მდივანს;
18.1.3. ამტკიცებს დარგობრივი სექციის ხელმძღვანელსა და მდივანს;
18.1.4. ამტკიცებს სადისერტაციო ნაშრომის თემას;
18.1.5. განსაზღვრავს სადისერტაციო ნაშრომის ზღვრულ მოცულობას, სავარაუდო ფორმატს და სხვა ტექნუკურ მონაცემებს
18.1.6. ნიშნავს სადისერტაციო ნაშრომის შემფასებლებს (რეცენზენტებს);
18.1.7. ამტკიცებს სადისერტაციო კომისიის შემადგენლობას;
18.1.8. ამტკიცებს დაცვის თარიღს;
18.1.9. სადისერტაციო კომისიის დასკვნის საფუძვრელზე ანიჭებს დოქტორის აკადემიურ ხარისხს.

18.2. სადისერტაციო საბჭოს დარგობრივი სექცია:
18.2.1. ირჩევს დარგობრივი სექციის ხელმძღვანელს და მდივანს;
18.2.2. განიხილავს სადისერტაციო ნაშრომის შემფასებლების (რეცენზენტის) კანდიდატურებს სადოქტორო პროგრამის ხელმძღვანელთან და თემის ხელმძღვანელთან ერთად და დასამტკიცებლად წარუდგენს სადისერტაციო საბჭოს;

19. სადისერტაციო საბჭოს თავმჯდომარისა და დარგობრივი სექციის ხელმძღვანელის უფლებამოსილება

19.1. სადისერტაციო საბჭოს თავმჯდომარე საჭიროებისამებრ იწვევს და უძღვება საბჭოს სხდომებს.

19.2. დარგობრივი სექციის ხელმძღვანელი საჭიროებისამებრ იწვევს დარგობრივი სექციის სხდომებს.

20. სადისერტაციო საბჭოსა და დარგობრივი სექციის მდივნის უფლებამოსილება
20.1. სადისერტაციო საბჭოს მდივანს თავმჯდომარის წარდგინებით ამტკიცებს სადისერტაციო საბჭო.
20.2. სადისერტაციო საბჭოს მდივანი უზრუნველყოფს საბჭოს ორგანიზაციულ საქმიანობას:

• აწარმოებს სადისერტაციო საბჭოს სხდომის ოქმებს უნივერსიტეტში საქმისწარმოების ერთიანი წესების შესაბამისად;
• ეხმარება თავმჯდომარეს ორგანიზაციული საკითხების მოგვარებაში;
• ხელმძღვანელობს საბჭოს არქივსა და საქმის წარმოებას;
• უზრუნველყოფს სადისერტაციო საბჭოს გადაწყვეტილების გამოქვეყნებას უნივერსიტეტის ვებ-გვერდზე.

20.3. დარგობრივი სექციის მდივანი უზრუნველყოფს შესაბამისი დარგობრივი სექციის ორგანიზაციულ საქმიანობას.
20.4. კონსულტაციას უწევს და ეხმარება დოქტორანტებს დისერტაციის დაცვამდე და დაცვის შემდეგ სათანადო დოკუმენტაციის მომზადებაში.

თავი VII. სადისერტაციო ნაშრომის მომზადება და დაცვა

21. სადისერტაციო ნაშრომი

21.1. დისერტაცია უნდა ასახავდეს თეორიული და/ან ემპირიული კვლევის მეცნიერულად დასაბუთებულ ახალ შედეგებს, რომელთაც წვლილი შეაქვთ დარგის განვითარებაში.
21.2. თუ დოქტორანტი კვლევით ჯგუფშია ჩართული, ნათლად უნდა ჩანდეს მისი წვლილი.
21.3 დისერტაცია შესრულებული უნდა იყოს ქართულ ენაზე. მას უნდა ახლდეს დისერტაციის ძირითადი დებულებების ამსახველი მოკლე ვერსია ერთ-ერთ ევროპულ (ინგლისური, გერმანული, ფრანგული, რუსული) ენაზე (არაუმეტეს 60 ათასი ნიშნისა).
21.4. განსაკუთრებულ შემთხვევებში სხვა ენაზე დისერტაციის შესრულების საკითხს წყვეტს ფაკულტეტის სადისერტაციო საბჭო.
21.5. ნაშრომის უცხო ენაზე შესრულების შემთხვევაში კვლევის ძირითადი შედეგები წარმოდგენილ უნდა იქნეს ქართულ ენაზე (არაუმეტეს 60 ათასი ნიშნისა)
21.6. სადისერტაციო ნაშრომის მოცულობას, ფორმატსა და სხვა ტექნიკურ მონაცემებს განსაზღვრავს ფაკულტეტის სადისერტაციო საბჭო სათანადო დებულებით.
სადისერტაციო ნაშრომის ზღვრული მოცულობაა – 150-250 გვერდი (არაუმეტეს 400 000 ასო-ნიშნისა). საჭიროების შემთხვევაში დასაშვებია დანართი (ინდექსი, ტექსტები და ა. შ). ფურცლის ზომა A4, შრიფტი სახეობა - AcadNusx-ი, შრიფტის ზომა – 12. სტრიქონებს შორის მანძილი 1,5; გვერდის საზღვრები მარცხნიდან 3სმ; მარჯვნიდან 1,5სმ; ზემოდან და ქვემოდან 2,5 სმ. ნაშრომს უნდა ერთვოდეს გამოყენებული ლიტერატურის ჩამონათვალი (ციტირება და ლიტერატურის მითითება შოთა რუსთაველის სახელობის ქართული ლიტერატურის ინსტიტუტის პუბლიკაციების სტილით იხ. დანართი #2)

22. სადისერტაციო ნაშრომის წარდგენა
22.1. სადისერტაციო ნაშრომი საბჭოს გადაეცემა ოთხ აკინძულ და ერთ ელექტრონულ ეგზემპლარად.
22.2. სადისერტაციო ნაშრომთან ერთად დოქტორანტმა უნდა წარადგინოს შემდეგი დოკუმენტები:

• სადოქტორო პროგრამით გათვალისწინებული 60 ECTS სასწავლო კრედიტის დაგროვების დამადასტურებელი დოკუმენტი;
• გამოქვეყნებული სამეცნიერო ნაშრომების ამონაბეჭდი;
• სამეცნიერო სემინარებისა და ფორუმების ნუსხა, სადაც მოხსენებულ იქნა სადისერტაციო ნაშრომის დებულებები თუ შედეგები.

22.3. დისერტაციის დაცვაზე დასაშვებად აუცილებელია დოქტორანტის სამეცნიერო ხელმძღვანელის დასკვნა იმის შესახებ, რომ ნაშრომი მზად არის საჯარო განხილვაზე წარსადგენად.
22.4. სადისერტაციო ნაშრომის ძირითადი შედეგები გამოქვეყნებულ უნდა იქნეს დაცვამდე, სულ მცირე, სამი სამეცნიერო ნაშრომის სახით რეცენზირებად ჟურნალებში. რეცენზირებადი ჟურნალების ნუსხას ადგენს ფაკულტეტის სადისერტაციო საბჭო. ნაშრომთაგან ორმა მაინც უნდა გაიაროს საერთაშორისო რეცენზირება. სტატიების საერთაშორისო რეცენზირებას უზრუნველყოფს თსუ სტატიის წარდგენიდან მაქსიმუმ 3 თვის განმავლობაში. ამ ვადის გასვლის შემდეგ რეცენზიის (დადებითის ან უარყოფითის) მიუღებლობა არ ჩაითვლება დისერტაციის დაცვის პროცედურის შემაფერხებელ გარემოებად.
22.5. დისერტაციის წარდგენა დასაშვებია საერთაშორისო რეცენზირებისთვის სტატიების წარმოდგენამდე ან წარმოდგენილ სტატიებზე საერთაშორისო რეცენზიის მიღებამდე.
22.6. თუ დისერტაციის შემფასებელთაგან (რეცენზენტთაგან) ერთი დოქტორის აკადემიური ხარისხის მქონე უცხოელი მეცნიერია, მაშინ დოქტორანტს მოეთხოვება ორი ნაშრომის პუბლიკაცია რეცენზირებად ჟურნალებში და ამ შემთხვევაში მათგან მხოლოდ ერთმა უნდა გაიაროს საერთაშორისო რეცენზირება.
22.7 დისერტაციას თან უნდა დაერთოს დოქტორანტის ახსნა-განმარტება იმის შესახებ, რომ ნაშრომი მის მიერ არის შესრულებული და ნაშრომში გამოყენებული ყველა წყარო სათანადოდაა მითითებული ( დანართი # 3 )

23. სადისერტაციო ნაშრომის წინასწარი შეფასება

23.1. დისერტაციის წარდგენის შემდეგ სადისერტაციო საბჭო გამოყოფს სულ მცირე, ორ შემფასებელს (რეცენზენტს), რომლებიც წარუდგენენ სადისერტაციო საბჭოს სადისერტაციო ნაშრომის წერილობით შეფასებას (რეცენზიას) ნაშრომის მიღებიდან არა უგვიანეს 2 თვისა.

23.2. შემფასებლად (რეცენზენტად) ინიშნება პირი, რომელსაც სადისერტაციო ნაშრომის სპეციალობით აქვს პუბლიკაციები.
23.3. შემფასებელი არ შეიძლება იყოს დისერტანტის მიერ შესრულებულ ნაშრომთა თანაავტორი, აგრეთვე, დისერტანტზე თანამდებობრივად დამოკიდებული პირი.
23.4. დოქტორანტის სამეცნიერო ხელმძღვანელის მოთხოვნით ერთი შემფასებელი შეიძლება იყოს უცხოეთის რომელიმე სასწავლო ან სამეცნიერო დაწესებულების მოქმედი ან გადამდგარი დოქტორის აკადემიური ხარისხის მქონე პირი.
23.5. რეცენზია სადისერტაციო ნაშრომის შეფასებასთან ერთად უნდა შეიცავდეს შესაბამის რეკომენდაციას ნაშრომის დაცვაზე დაშვების, ან შესასწორებლად დოქტორანტისათვის უკან დაბრუნების, ანდა დაცვაზე უარის თქმის შესახებ
23.6. დისერტაციის შეფასება წარმოებს შემფასებელთა დასკვნების საფუძველზე. თუ შემფასებელთა ნახევარზე მეტი უარყოფითად შეაფასებს დისერტაციას, დისერტაციის დაცვა არ გაიმართება
23.7. ორი შემფასებლიდან ერთის უარყოფითი დასკვნის შემთხვევაში სადისერტაციო საბჭო 10 დღის ვადაში გამოყოფს მესამე შემფასებელს.
23.8. შემფასებლებმა თავიანთი წერილობითი დასკვნა უნდა წარმოადგინონ დისერტაციის წარდგენიდან არაუგვიანეს 2 თვისა. მესამე შემფასებლის დანიშვნის შემთხვევაში მას ნაშრომის შეფასებისათვის ეძლევა 1 თვე.
23.9. დასკვნაში მითითებული უნდა იყოს გადაწყვეტილება დისერტაციის დაცვაზე დაშვების, მისი შესწორების მიზნით დოქტორანტისათვის დაბრუნების ან დაცვაზე უარის შესახებ. უმნიშვნელო შენიშვნების შემთხვევაში დისერტაციის მიღება ხდება ხარვეზების გამოსწორების პირობით.
23.10. თუ დისერტაცია არ იქნება დაშვებული დაცვაზე, სადისერტაციო საბჭოს გადაწყვეტილებით, დოქტორანტს უფლება ეძლევა დამატებით იმუშაოს დისერტაციაზე და ხელახლა წარუდგინოს საბჭოს 1 წლის ვადაში. წინააღმდეგ შემთხვევაში პირი დაცვაზე აღარ დაიშვება.
23.11. შესწორებული ნაშრომის ისევ უარყოფითად შეფასების შემთხვევაში დოქტორანტის ნაშრომი არ მიიღება დასაცავად.
23.12. დაცვაზე უარის მიღების შემთხვევაში სასწავლო კომპონენტის მოქმედების ვადა არის 5 წელი პირველი კრედიტის მოპოვების დღიდან.
23.13. სადისერტაციო საბჭო გადასცემს დოქტორანტს შემფასებლების დასკვნებს, ხოლო დაცვაზე დაშვების შემთხვევაში ატყობინებს დაცვის თარიღსაც. დოქტორანტს უნდა მიეცეს, სულ მცირე, 1 თვის ვადა დაცვისათვის მოსამზადებლად.
23.14. თუ დოქტორანტს უარი ეთქვა დაცვაზე, უარყოფილი სადისერტაციო ნაშრომის ერთი პირი და რეცენზენტების წერილობითი დასკვნები შესანახად გადაეცემა სადისერტაციო საბჭოს არქივს. დოქტორანტი უფლებამოსილია გაეცნოს ამ დოკუმენტებს. დანარჩენი დოკუმენტები დაუბრუნდება დოქტორანტს.

24. სადისერტაციო კომისია

24.1. სადისერტაციო საბჭოს თავმჯდომარე შესაბამისი დარგობრივი სექციის ხელმძღვანელთან და სადოქტორო პროგრამის ხელმძღვანელთან კონსულტაციით სადისერტაციო ნაშრომის დასაცავად ქმნის სადისერტაციო კომისიას.
24..2. სადისერტაციო კომისია იქმნება, სულ მცირე, ხუთი პირის შემადგენლობით (ზოგადად, კომისიის შემადგენლობა განისაზღვრება კენტი რიცხვით), რომელთაც აქვთ ხმის მიცემის უფლება.
24.3. კომისიის წევრად არჩეული უნდა იქნეს შესაბამისი დარგის სპეციალისტი, რომელსაც აქვს დოქტორის აკადემიურ ხარისხთან გათანაბრებული სამეცნიერო ხარისხი. ხელმძღვანელს და შემფასებლებს (რეცენზენტებს) აქვთ კომისიაში სათათბირო ხმით მონაწილეობის უფლება.. სადისერტაციო კომისიის Seმადგენლობაში შეიძლება შეყვანილ იქნან დოქტორის აკადემიური ხარისხის მქონე დარგის სპეციალისტებიც, რომლების არ არიან ფაკულტეტის სადისერტაციო საბჭოს წევრი. სადისერტაციო კომისიის შემადგენლობის ნახევარი მაინც უნდა დაკომპლექტდეს სადისერტაციო საბჭოს წევრებით.
24.4. სადისერტაციო კომისიას ხელმძღვანელობს კომისიის მიერ არჩეული თავმჯდომარე, რომელიც უნდა იყოს უნივერსიტეტის სრული, ასოცირებული ან საპატიო პროფესორი. თავმჯდომარე არ შეიძლება იყოს სადოქტორო პროგრამის ხელმძღვანელი ან შემფასებელი (რეცენზენტი).
24.5. სადისერტაციო კომისიის სხდომა უფლებამოსილად ითვლება, თუ მის მუშაობაში მონაწილეობს კომისიის შემადგენლობის არანაკლებ 2/3-ისა.
24.6. სადისერტაციო კომისია უფლებამოსილია გაეცნოს დისერტაციასთან დაკავშირებით შემოსულ წერილობით გამოხმაურებებს.

25. დისერტაციის დაცვა

25.1. დისერტაციის დაცვა არის საჯარო.
25.2. დაცვის ენა არის ქართული.
25.3. დაცვის მსვლელობა და მიღებული გადაწყვეტილება აისახება ოქმში, რომელსაც ხელს აწერენ სადისერტაციო კომისიის თავმჯდომარე და მდივანი.
25.4. დისერტაციის დაცვა შედგება შემდეგი პროცედურებისაგან:

• დოქტორანტის მოხსენება (არა უმეტეს 30 წუთისა);
• რეცენზიების საჯაროდ წაკითხვა;
• სამეცნიერო დისკუსია;
• კომისიის დახურული სხდომა – სადისერტაციო ნაშრომის შესაფასებლად;
• სადისერტაციო ნაშრომის შეფასების გამოცხადება.

25.5. კომისიის ერთ სხდომაზე შეიძლება ჩატარდეს მხოლოდ ერთი დისერტაციის დაცვა.
25.6. სადისერტაციო ნაშრომის დაცვა უნდა მოხდეს ნაშრომის სადისერტაციო საბჭოში წარდგენის დღიდან 6 თვის განმავლობაში.

26. სადისერტაციო ნაშრომის საბოლოო შეფასება
26.1. დისერტაციის შეფასების კრიტერიუმებია:

• საკვლევი თემის აქტუალობა და სიახლე.
• კვლევის მეთოდების გამოყენების სათანადო დონე; კვლევის საგანთან და ობიექტთან მათი შესაბამისობა.
• მეცნიერების მოცემული დარგის განვითარებაში დისერტანტის მიერ შეტანილი წვლილი.

26.2. სამეცნიერო დისკუსიის დასრულების შემდეგ სადისერტაციო კომისია დახურულ სხდომაზე აფასებს სადისერტაციო ნაშრომს ფარული კენჭის ყრით, რაზეც დგება ოქმი.
26.3. საბოლოო შეფასება ხდება შემდეგი სისტემის მიხედვით:

• ფრიადი – სუმმა ცუმ ლაუდე;
• ძალიან კარგი – მაგნა ცუმ ლაუდე;
• კარგი – ცუმ ლაუდე;
• საშუალო – ბენე;
• დამაკმაყოფილებელი – რიტე;
• არადამაკმაყოფილებელი - ინსუფფიციენტერ;
• სრულიად არადამაკმაყოფილებელი - სუბ ომნი ცანონე.

26.4. ხმათა თანაბრად გაყოფის შემთხვევაში გადამწყვეტი მნიშვნელობა ენიჭება სადისერტაციო კომისიის თავმჯდომარის ხმას.
26.5. სადისერტაციო კომისიის თავმჯდომარე დოქტორანტს კომისიის დასაბუთებულ გადაწყვეტილებას აცნობს ზეპირად.
26.6. დისერტაცია არ ითვლება დაცულად, თუ საბოლოო შეფასება იქნება `არადამაკმაყოფილებელი” ან `სრულიად არადამაკმაყოფილებელი”. დადებითი შეფასების შემთხვევაში დოქტორანტს ენიჭება თბილისის სახელმწიფო უნივერსიტეტის ფილოსოფიის დოქტორის (PH.D.) აკადემიური ხარისხი (ფილოლოგიაში, ისტორიაში, ფილოსოფიაში, ხელოვნებათმცოდნეობში, განათლების მეცნიერებებში)
26.7. დოქტორანტის განცხადება განმეორებითი დაცვის მოთხოვნის შესახებ სადისერტაციო საბჭოს წარედგინება შედეგის გამოცხადებიდან ერთი თვის განმავლობაში.

27. დისერტაციის გამოქვეყნება
დოქტორანტი ვალდებულია დისერტაციის დაცვის შემდეგ, 6 თვის ვადაში, გამოაქვეყნოს დისერტაცია ბეჭდური ან ელექტრონული ფორმით. წინააღმდეგ შემთხვევაში მასზე დოქტორის აკადემიური ხარისხის დამადასტურებელი დიპლომი (მოწმობა) არ გაიცემა.

28. დოქტორის აკადემიური ხარისხის მინიჭება

28.1. ივანე ჯავახიშვილის სახელობის თბილისის სახელმწიფო უნივერსიტეტის ფილოსოფიის დოქტორის (Pჰ.D.) აკადემიურ ხარისხს (ფილოლოგიაში, ისტორიაში, ფილოსოფიაში, ხელოვნებათმცოდნეობაში, განათლების მეცნიერებში) ანიჭებს ჰუმანიტარულ მეცნიერებათა ფაკულტეტის სადისერტაციო საბჭო.

29. დოქტორის აკადემიური ხარისხის დამადასტურებელი დიპლომი

29.1. თბილისის სახელმწიფო უნივერსიტეტის დოქტორის აკადემიური ხარისხის მინიჭებას ადასტურებს დიპლომი (მოწმობა).
29.2. დიპლომი გაიცემა არა უგვიანეს ექვსი თვის ვადაში დისერტაციის დაცვის შემდეგ. დიპლომის გაცემამდე დოქტორანტს ეძლევა შესაბამისი ცნობა აკადემიური ხარისხის მინიჭების შესახებ.
29.3. დიპლომში აღნიშნულია სადისერტაციო საბჭოს დასახელება, დაცვის თარიღი, საერთო შეფასება და სპეციალობის დასახელება
29.4. დიპლომი გაიცემა დისერტაციის გამოქვეყნების შემდეგ. დიპლომს ხელს აწერს უნივერსიტეტის რექტორი, ფაკულტეტის დეკანი, სადისერტაციო საბჭოს თავმჯდომარე. დიპლომი დასტურდება უნივერსიტეტის ბეჭდით.
29.5. დიპლომი გაიცემა დისერტაციის გამოქვეყნების შემდეგ, არაუგვიანეს ერთი თვისა.
29.6. დიპლომის ასლი ინახება უნივერსიტეტის არქივში.

30. დოქტორის აკადემიური ხარისხის ბათილობა
დოქტორის აკადემიური ხარისხი ფაკულტეტის სადისერტაციო საბჭოს გადაწყვეტილებით დოქტორს ჩამოერთმევა აკადემიური პატიოსნების ნორმების (სადისერტაციო ნაშრომში გაყალბებული მონაცემების გამოყენება ან პლაგიატი) დარღვევის შემთხვევაში.

თავი VIII. დოქტორანტურა პარტნიორი უნივერსიტეტის მონაწილეობით

31. შეთანხმება სადოქტორო პროგრამის განხორციელებაზე
სადოქტორო პროგრამის განხორციელება პარტნიორი უნივერსიტეტის მონაწილეობით წესრიგდება ამ უნივერსიტეტთან დადებული შეთანხმებით თანამშრომლობისა და ერთობლივი დოქტორანტურის შესახებ. უნივერსიტეტთაშორისი სადოქტორო პროგრამის ფორმებია:

• ერთობლივი სწავლების ორგანიზება;
• დოქტორანტის თანახელმძღვანელობა;
• ერთობლივი ხარისხის მინიჭება

32. განცხადება დოქტორანტურაში დაშვების შესახებ
32.1. პარტნიორი უნივერსიტეტის მონაწილეობის შემთხვევაში დოქტორანტურაში ჩარიცხვის კანდიდატი უნდა აკმაყოფილებდეს ორივე უნივერსიტეტის დოქტორანტურაში მიღების წინაპირობებს.
33.2. განცხადებას ამ დებულებით გათვალისწინებულ საბუთებთან ერთად უნდა დაერთოს პარტნიორი უნივერსიტეტის შესაბამისი პროფესორის თანხმობა თემის თანახელმძღვანელობაზე.

33. დოქტორანტის ხელმძღვანელი
33.1. პარტნიორი უნივერსიტეტის მონაწილეობის შემთხვევაში დისერტაციას ერთობლივად უნდა უხელმძღვანელონ თბილისის სახელმწიფო უნივერსიტეტისა და პარტნიორი უნივერსიტეტის პროფესორებმა. აუცილებელია ორივე პროფესორის დასკვნა. დისერტაციის დაცვას ერთ-ერთი ხელმძღვანელი მაინც უნდა ესწრებოდეს.
33.2. თუ სადისერტაციო საქმის წარმოება უპირატესად პარტნიორ უნივერსიტეტში მიმდინარეობს, მოქმედებს პარტნიორი უნივერსიტეტის დოქტორანტურის დებულების პირობები.

34. დოქტორის აკადემიური ხარისხის დამადასტურებელი დოკუმენტი
დოქტორის აკადემიური ხარისხის დამადასტურებელ დოკუმენტს გასცემს ის უნივერსიტეტი, რომელშიც დაცული იქნა დისერტაცია პარტნიორი უნივერსიტეტის მითითებით.

35. დისერტაციის წარდგენისა და დაცვის ენა
დისერტაცია წარმოდგენილი უნდა იქნეს ქართულად და პარტნიორი უნივერსიტეტის სამუშაო ენაზე. იგივე წესი ვრცელდება დაცვასთან დაკავშირებით.

თავი IX. დაფინანსება

დოქტორანტურის დაფინანსება ხორციელდება სახელმწიფო გრანტის, საუნივერსირტეტო დაფინანსების, სტიპენდიების, ქველმოქმედებისა და თვითდაფინანსების ფორმით.

თავი X. გარდამავალი დებულებები

36. გარდამავალი პერიოდი გრძელდება სადოქტორო პროგრამებზე მიღების გამოცხადებიდან 2 წელი.
36.1. დოქტორის აკადემიური ხარისხის მისაღებად თსუ-ს ყველა მაძიებელმა და ასპირანტმა უნდა ჩააბაროს დოქტორანტურაში თსუ დოქტურანტურის მინიმალური სტანდარტით განსაზღვრული წესით.
36.2. თსუ დოქტორანტურაში ჩარიცხული ასპირანტები და მაძიებლები, რომელთაც ჩაბარებული აქვთ საკანდიდატო მინიმუმის საგნები ან/და აქვთ გავლილი აპრობაცია, თავისუფლდებიან მინიმალური სტანდარტით გათვალისწინებული სასწავლო კომპონენტის კრედიტების დაგროვებისგან. დისერტაციის წარდგენა და დაცვა ხორციელდება წინამდებარე დებულებით დადგენილი წესით. გამოქვეყნებული სამი ნაშრომიდან ორმა უნდა გაიაროს საერთაშორისო რეცენზირება. ცალკეულ შემთხვევაში (ქართველოლოგიური და კავკასიოლოგიური დარგები) სპეციფიკიდან გამომდინარე უნივერსიტეტი ნაშრომს სარეცენზიოდ გადასცემს დოქტორის აკადემიური ხარისხის მქონე ადგილობრივ ანონიმურ ექსპერტს.
36.3. თსუ-ს ის ასპირანტები და მაძიებლები, რომელთაც შესრულებული აქვთ ამ დებულებით გათვალისწინებული კვლევითი კომპონენტი და არა აქვთ ჩაბარებული საკანდიდატო მინიმუმის გამოცდები, სასწავლო კომპონენტით განსაზღვრული კრედიტების დაგროვების შემდეგ დისერტაციას წარადგენენ და დაიცავენ ამ დებულებით დადგენილი წესით.
36.4. იმ კვლევითი ინსტიტუტების ასპირანტები, რომლებთანაც თსუ-ს დადებული აქვს ხელშეკრულება, დოქტორანტები ხდებიან ამ პარაგრაფის პირველი მუხლის შესაბამისად.

III. თავი XI. დასკვნითი დებულებები

37. დებულების მოქმედების სფერო
37.1. წინამდებარე დებულება, შემუშავებულია 2004 წლის 21 დეკემბრის “უმაღლესი განათლების შესახებ” საქართველოს კანონის შესაბამისად, აწესრიგებს ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის სადისერტაციო საბჭოსა და დოქტორანტურის მოქმედების პრინციპებსა და წესს.
37.2. წინამდებარე დებულებაში დამატებისა და ცვლილების შეტანის შესახებ წინადადების დასმის უფლება აქვს სადისერტაციო საბჭოს ნებისმიერ წევრს. დასაბუთებულ წინადადებას განიხილავს სადისერტაციო საბჭო უახლოეს სხდომაზე და დადებითი გადაწყვეტილების შემთხვევაში განსახილველად წარუდგენს ფაკულტეტის საბჭოს. დებულებაში შეტანილ ყველა დამატებასა და ცვლილებას ამტკიცებს უნივერსიტეტის აკადემიური საბჭო.
37.3. წინამდებარე დებულება ძალაში შედის თსუ აკადემიური საბჭოს მიერ დამტკიცების დღიდან.

ძალადაკარგულია აკადემიური საბჭოს

30.09.2014, №98/2014 დადგენილებით

„უმაღლესი განათლების შესახებ“ საქართველოს კანონის 21–ე მუხლის თანახმად,

დამტკიცდეს ივანე ჯავახიშვილის სახელობის თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტის სადისერტაციო საბჭოსა და დოქტორანტურის დებულება ( დანართი N1).

საფუძველი: ზუსტ და საბუნებისმეტყველო მეცნიერებათა ფაკულტეტის  საბჭოს წარდგინება

გიორგი ხუბუა
აკადემიური საბჭოს თვმჯდომარე, რექტორი

დანართი 1

ივანე ჯავახიშვილის სახელობის თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტის სადისერტაციო საბჭოსა და დოქტორანტურის შესახებ

თავი I. დოქტორანტურა

მუხლი 1. დოქტორანტურა

1.1. “უმაღლესი განათლების შესახებ” საქართველოს კანონის მე-2 მუხლის თანახმად, დოქტორანტურა არის უმაღლესი განათლების მესამე საფეხური, სასწავლო პროგრამებისა და სამეცნიერო კვლევების ერთობლიობა, რომელიც მიზნად ისახავს სამეცნიერო კადრის მომზადებას და მთავრდება დოქტორის აკადემიური ხარისხის მინიჭებით.
1.2. დოქტორანტურა მოიცავს სასწავლო და კვლევით კომპონენტებს.

მუხლი 2. სადოქტორო პროგრამა

2.1. სადოქტორო პროგრამის შემუშავება ხდება:
2.1.1. ფაკულტეტის ერთი ან ერთზე მეტი პროფესორის მიერ;
2.1..2. უნივერსიტეტის სხვა ერთ ან რამდენიმე ფაკულტეტთან, პარტნიორ-უნივერსიტეტთან, სასწავლო ან სამეცნიერო დაწესებულებასთან ერთობლივად – უნივერსიტეტსა და ამ დაწესებულებას შორის დადებული სათანადო ხელშეკრულების საფუძველზე.
2.2. სადისერტაციო თემის აქტუალობასა და სიახლეს სადოქტორო პროგრამის ხელმძღვანელი ასაბუთებს წერილობით.
2.3. სადოქტორო პროგრამას განიხილავს ფაკულტეტის ხარისხის უზრუნველყოფის სამსახური და ფაკულტეტის საბჭო. დადებითი გადაწყვეტილების შემთხვევაში სადოქტორო პროგრამა წარედგინება უნივერსიტეტის აკადემიურ საბჭოს დასამტკიცებლად.
2.4. სადოქტორო პროგრამის ამოქმედების აუცილებელი პირობაა მისი ფინანსური უზრუნველყოფა.
2.5. თუ დამტკიცებულ სადოქტორო პროგრამაში დოქტორანტის სათანადო კანდიდატურის შერჩევა ვერ მოხერხდა, მომდევნო წელს პროგრამა ხელახლა გადის წინამდებარე მუხლის 2.3. პუნქტით გათვალისწინებულ პროცედურას.
2.6. სადოქტორო პროგრამას ხელმძღვანელობს (თანახელმძღვანელობს) ზუსტ და საბუნებისმეტყველო მეცნიერებათა ფაკულტეტის სრული ან ასოცირებული პროფესორი. ხელმძღვანელად შეიძლება დამტკიცდეს მხოლოდ პირი, რომელსაც სათანადო სპეციალობით (საერთაშორისო კლასიფიკატო-რით) გამოქვეყნებული აქვს ერთი ნაშრომი მაინც დადებითი “იმპაქტ-ფაქტორის” მქონე ჟურნალში.
2.7. სადოქტორო პროგრამის განხორციელებაში მონაწილეობს:
2.7.1. უნივერსიტეტის სრული ან ასოცირებული პროფესორი;
2.7.2. პარტნიორი სასწავლო ან სამეცნიერო დაწესებულების მეცნიერი;
2.7.3 სადოქტორო პროგრამით გათვალისწინებული შესაბამისი აკადემიური ხარისხის მქონე მოწვეული სპეციალისტი.
2.8. სადოქტორო პროგრამის დაფინანსება ხორციელდება:
2.8.1. სახელმწიფო სამეცნიერო გრანტით, საქართველოს განათლებისა და მეცნიერების სამინისტროს მიერ განსაზღვრული პრიორიტეტების შესაბამისად, სპეციალური სახელმწიფო პროგრამით – სახელმწიფო დაფინანსება;
2.8.2. ივანე ჯავახიშვილის სახელობის თბილისის სახელმწიფო უნივერსიტეტის, სადოქტორო პროგრამების კონკურსის საფუძველზე – საუნივერსიტეტო დაფინანსება;
2.8.3. იურიდიული თუ ფიზიკური პირის მიერ, მაგრამ ამ მომენტისათვის არსებული სადოქტორო პროგრამებიდან ერთი ან ერთზე მეტის პროგრამის არჩევის პირობით – მიზნობრივი დაფინანსება;
2.8.4. დოქტორანტის მიერ – თვითდაფინანსება;
2.8.5. ქველმოქმედების საფუძველზე.
2.8.6. სხვა ისეთი სახის დაფინანსება, რომელიც არ ეწინააღმდეგება საქართველოს მოქმედ კანონმდებლობას.
2.9. სადოქტორო პროგრამის ბიუჯეტს უნივერსიტეტის ადმინისტრაციასთან შეთანხმების საფუძველზე განსაზღვრავს სადოქტორო პროგრამის ხელმძღვანელი და ფაკულტეტის საბჭოს რეკომენდაციით ამტკიცებს წარმომადგენლობითი საბჭო.
2.10. დოქტორანტი შეიძლება არჩეულ იქნეს ასისტენტ-პროფესორის აკადემიურ თანამდებობაზე; სადოქტორო პროგრამის ხელმძღვანელის წარდგინების საფუძველზე შესაძლებელია დოქტორანტის მოწვევა ლაბორატორიული, სასემინარო თუ პრაქტიკული მეცადინეობის ჩასატარებლად, საათობრივი ანაზღაურების წესით.

მუხლი 3. დოქტორანტურაში სწავლის უფლება

3.1. დოქტორანტურაში სწავლის უფლება აქვს მაგისტრს ან მასთან გათანაბრებული აკადემიური ხარისხის მქონე პირს.
3.2. დოქტორანტურაში სწავლის უფლება შეიძლება მიეცეს უცხოეთის უნივერსიტეტის კურსდამთავრებულს, საქართველოს კანონის “უმაღლესი განათლების შესახებ” 50-ე მუხლის მოთხოვნათა შესაბამისად.

მუხლი 4. დოქტორანტურაში ჩარიცხვის წესი

4.1. დოქტორანტურაში მიღება ცხადდება მხოლოდ დამტკიცებული სადოქტორო პროგრამის ფარგლებში.
4.2. დოქტორანტობის კანდიდატი გადის გასაუბრებას ფაკულტეტის სადისერ-ტაციო საბჭოს დარგობრივ სექციაზე.
4.3. დოქტორანტურაში ჩარიცხვის პირობაა სადოქტორო პროგრამის ხელმძღვანელის (თანახელმძღვანელთა) დასაბუთებული შუამდგომლობა.
4.4. დოქტორანტს ეძლევა შესაძლებლობა აირჩიოს სამეცნიერო ხელმძღვანელი.
4.5. დოქტორანტობის კანდიდატს მოეთხოვება ერთ-ერთი ევროპული სამეცნიერო ენის (გერმანული, ინგლისური ან ფრანგული) არანაკლებ ბ2 დონეზე ცოდნა.
დოქტორანტობის იმ კანდიდატს, რომლის მშობლიური ენა ქართული არ არის და რომელსაც სურს ქართულენოვანი პროგრამით სწავლა, წარმოადგენს ქართული ენის ცოდნის დამადასტურებელ სერტიფიკატს.
4.6. დოქტორანტურაში ჩარიცხვის განაცხადი სადოქტორო პროგრამის მითითებით იწერება ფაკულტეტის დეკანის სახელზე. განცხადებას თან ერთვის:
4.6.1. მონაცემები განათლებისა და შრომითი საქმიანობის შესახებ („ჩV“);
4.6.2. სათანადო აკადემიური ხარისხის დამადასტურებელი დიპლომის სანოტარო წესით დამოწმებული ასლი;
4.6.3. პირადობის დამადასტურებელი მოწმობის სანოტარო წესით დამოწმებული ასლი.
4.6.4. სადოქტორო პროგრამის ხელმძღვანელის შუამდგომლობა სათანადო დასაბუთებით;
4.6.5. განმცხადებლის წერილობითი დასტური იმისა, რომ ის არ ირიცხება სხვა სამეცნიერო-კვლევითი თუ სასწავლო დაწესებულების დოქტო-რანტურაში.
4.7. ფაკულტეტის სადისერტაციო საბჭოს დადებითი გადაწყვეტილების შემთხვევაში უნივერსიტეტის რექტორი გამოსცემს დოქტორანტურაში კანდიდატის დოქტორანტად ჩარიცხვის შესახებ ინდივიდუალურ-ადმინისტრაციულ სამართლებრივ აქტს. გადაწყვეტილება ეცნობება თსუ-ს სასწავლო დეპარტამენტს.
4.8. უნივერსიტეტი, დოქტორანტი, პროგრამის ხელმძღვანელი და სამეცნიერო ხელმძღვანელი ჩარიცხვიდან მაქსიმუმ ორ თვეში ხელს აწერენ ხელშეკრულებას, რომელიც განსაზღვრავს ყველა მხარის ვალდებულებებსა და უფლებებს. ხელშეკრულების ნაწილია დოქტორანტის ინდივიდუალური გეგმა.

მუხლი 5. სამეცნიერო ხელმძღვანელი

5.1. სამეცნიერო ხელმძღვანელის სალექციო და სამეცნიერო დატვირთვიდან გამომდინარეობს, თუ რამდენ დოქტორანტს შეუძლია უხელმძღვანელოს.
5.2. დისერტაციის ხელმძღვანელი კონტროლს უწევს ინდივიდუალური გეგმის შესრულებას.
5.3. იმ შემთხვევაში, თუ სამეცნიერო ხელმძღვანელი უარს ამბობს ხელმძღვანელობაზე, ამის შესახებ სწავლის ნებისმიერ ეტაპზე დასაბუთებული განცხადება უნდა წარუდგინოს სადისერტაციო საბჭოს.

მუხლი 6. დოქტორანტურაში სწავლა

6.1. დოქტორანტურა მოიცავს 180 ECTS კრედიტის შესაბამის შემდეგ კომპონენტებს:
6.1.1. სასწავლო კომპონენტი – 60 ECTS კრედიტი;
6.1.2. კვლევითი კომპონენტი – სადისერტაციო ნაშრომის მომზადება და დაცვა – 120 ECTS კრედიტი.
6.2. დოქტორანტურაში სწავლის ხანგრძლივობა შეიძლება იყოს 5 წელი.
6.3. დოქტორანტურაში მიღება ცხადდება შემოდგომის და/ან გაზაფხულის სემესტრებისთვის.

მუხლი 7. დოქტორანტის სტატუსის შეწყვეტა

7.1. ფაკულტეტის სადისერტაციო საბჭოს გადაწყვეტილებით დოქტორანტს შეიძლება, დოქტორანტის სტატუსი შეუწყდეს:
7.1.1 პლაგიატის ან მონაცემების გაყალბების დადასტურების შემთხვევაში;
7.1.2 უნივერსიტეტს, დოქტორანტსა და სამეცნიერო ხელმძღვანელს შორის დადებული ხელშეკრულებით გათვალისწინებული პირობების შეუსრულებლობისას;
7.1.3 ფაკულტეტის სადისერტაციო საბჭოს დებულებით გათვალისწინებულ სხვა შემთხვევებში.

მუხლი 8. დოქტორანტურის სასწავლო კომპონენტი

8.1. დოქტორანტურის სასწავლო კომპონენტი გულისხმობს დოქტორანტის დარგობრივ და მეთოდოლოგიურ დახელოვნებას.
8.2. სადოქტორო პროგრამის სასწავლო გეგმას განიხილავს ფაკულტეტის საბჭო და დასამტკიცებლად წარუდგენს უნივერსიტეტის აკადემიური საბჭოს.
სასწავლო გეგმაში აუცილებლად შედის:

სპეციფიკური დარგობრივი კურსებისგან შემდგარი მოდული;

ძირითადი მეცნიერული უნარების განმავითარებელი საფაკულტეტო მოდული ან ცალკეული კურსები (კვლევის მეთოდები და ხერხები);

სწავლების თანამედროვე მეთოდების კურსი, რომელსაც მოსდევს დოქტორანტის ჩართვა სწავლების პროცესში.

8.3. დოქტორანტის ინდივიდუალურ გეგმას ადგენს დოქტორანტის ხელმძღვანელი დოქტორანტთან შეთანხმებით. ინდივიდუალური გეგმა იქმნება კონკრეტული კვლევითი პროექტის განსახორციელებლად და ცოდნის გასაღრმავებლად. ინდივიდუალურ გეგმაში მითითებულ უნდა იქნეს კვლევის მიზანი, სადისერტაციო თემის მოკლე აღწერა, სასწავლო კომპონენტის შესრულებისა და კვლევის ჩატარების სავარაუდო გრაფიკი.

მუხლი 9. დოქტორანტების კოლოკვიუმი

9.1. დოქტორანტურაში სწავლის აუცილებელი ნაწილია დოქტორანტების კოლოკვიუმი. კოლოკვიუმზე ხდება კვლევის შედეგების პრეზენტაცია, დისკუსია, ახალი სამეცნიერო ლიტერატურის, მიღწევებისა და პრობლემების განხილვა.
9.2. დოქტორანტი მოვალეა წელიწადში ორჯერ მაინც წარდგეს სემინარზე მოხსენებით.

თავი II. სადისერტაციო ნაშრომის მომზადება და დაცვა

მუხლი 10. სადისერტაციო ნაშრომი

10.1. დისერტაცია უნდა ასახავდეს თეორიული და/ან ექსპერიმენტული (ემპირიული) კვლევის მეცნიერულად დასაბუთებულ ახალ შედეგებს, რომელსაც წვლილი შეაქვს დარგის განვითარებაში.
თუ დოქტორანტი კვლევით ჯგუფშია ჩართული, ნათლად უნდა ჩანდეს მისი წვლილი.
10.2 დისერტაცია შესრულებულ უნდა იქნეს ქართულ ენაზე. სხვა ენაზე დისერტაციის შესრულების საკითხს წყვეტს ფაკულტეტის სადისერტაციო საბჭო.
ნაშრომის უცხო ენაზე შესრულების შემთხვევაში სადისერტაციო კვლევის ძირითადი შედეგები წარმოდგენილ უნდა იქნეს ქართულ ენაზე.
10.3. სადისერტაციო ნაშრომის მოცულობას, ფორმატსა და სტილს განსაზღვრავს ფაკულტეტის სადისერტაციო საბჭო.
10.4. დაცვის შემდეგ დისერტაცია უნდა გამოქვეყნდეს ბეჭდური ან ელექტრონული ფორმით. გამოქვეყნების ვადებსა და მექანიზმს განსაზღვრავს ფაკულტეტი სადისერტაციო საბჭო.

მუხლი 11. სადისერტაციო ნაშრომის წარდგენა

11.1. სადისერტაციო ნაშრომი საბჭოს გადაეცემა ოთხ აკინძულ და ერთ ელექტრონულ პირად.
11.2. სადისერტაციო ნაშრომთან ერთად დოქტორანტმა უნდა წარადგინოს შემდეგი დოკუმენტები:
11.3.1. სადოქტორო პროგრამით გათვალისწინებული 60 Eჩთშ სასწავლო კრედიტის დაგროვების დამადასტურებელი დოკუმენტი;
11.3.2. გამოქვეყნებული სამეცნიერო ნაშრომების ამონაბეჭდი ან დასაბეჭდად მიღების დამადასტურებელი დოკუმენტი.
11.3.3. სამეცნიერო სემინარებისა და ფორუმების ნუსხა, სადაც მოხსენებულ იქნა სადისერტაციო ნაშრომის დებულებები თუ შედეგები.
11.3.4. სადისერტაციო თემასთან დაკავშირებული გამოგონების (თუ ასეთი არსებობს) დამადასტურებელი ოფიციალური დოკუმენტი.
11.4. დისერტაციის დაცვაზე დასაშვებად აუცილებელია დოქტორანტის სამეცნიერო ხელმძღვანელის დასკვნა იმის შესახებ, რომ ნაშრომი მზად არის საჯარო განხილვისათვის წარსადგენად.
11.5. სადისერტაციო ნაშრომის ძირითადი შედეგები გამოქვეყნებულ უნდა იქნეს სულ მცირე სამი სამეცნიერო ნაშრომის სახით _ რეფერირებად და რეცენზირებად ჟურნალებში, რომელთაგან ერთი მაინც დადებითი “იმპაქტ-ფაქტორის” (ISI Thomson Web of Knowledge კლასიფიკატორის მიხედვით) მქონეა, ხოლო ერთს გავლილი უნდა ჰქონდეს საერთაშორისო რეცენზირება
დოქტორანტს ნაშრომი გამოქვეყნებულად ეთვლება მაშინაც, როცა ის მიღებულია დასაბეჭდად, რაც დასტურდება ჟურნალის რედაქციის მიერ გაცემული ცნობით ან გამოცემის ოფიციალურ ვებ-გვერდზე განთავსებული ინფორმაციით.

მუხლი 12. სადისერტაციო ნაშრომის წინასწარი შეფასება

12.1. დისერტაციის წარდგენის შემდეგ სადისერტაციო საბჭოს დარგობრივი სექციის მიერ შეთავაზებული და სადისერტაციო საბჭოს მიერ დამტკიცებული სულ მცირე ორი შემფასებელი წარუდგენს სადისერტაციო საბჭოს შესაბამის სექციას სადისერტაციო ნაშრომის წერილობით შეფასებას (რეცენზიას).
12.2. შემფასებლად (რეცენზენტად) ინიშნება პირი, რომელსაც სადისერტაციო ნაშრომის სპეციალობით (საერთაშორისო კლასიფიკატორით) გამოქვეყნებული აქვს სულ მცირე სამი ნაშრომი რეცენზირებად ჟურნალებში, მათ შორის ერთი ნაშრომი მაინც დადებითი “იმპაქტ-ფაქტორის” მქონე ჟურნალში.
შემფასებელი არ შეიძლება იყოს დისერტანტის მიერ შესრულებულ ნაშრომთა თანაავტორი, იმ სამეცნიერო ჯგუფის წევრი, სადაც შესრულდა სადოქტორო პროგრამა, აგრეთვე იმ ქვედანაყოფის წევრი, სადაც მუშაობს დისერტანტი ან დისერტანტზე თანამდებობრივად დამოკიდებული პირი.
12.3. დაუშვებელია, რომ შემფასებლები იყვნენ ერთი ორგანიზაციის ერთი და იგივე ქვედანაყოფის თანამშრომლები.
12.4 სადისერტაციო ნაშრომის წერილობითი შეფასებას შემფასებლები სადისერტაციო საბჭოს შესაბამის სექციას წარუდგენენ ნაშრომის მიღებიდან არა უგვიანეს 3 თვისა.
12.6. რეცენზია სადისერტაციო ნაშრომის შეფასებასთან ერთად უნდა შეიცავდეს შესაბამის რეკომენდაციას ნაშრომის დაცვაზე დაშვების, ან შესასწორებლად დოქტორანტისათვის უკან დაბრუნების, ანდა დაცვაზე უარის თქმის შესახებ.
12.7. თუ შემფასებელთა ნახევარზე მეტი უარყოფითად შეაფასებს დისერტაციას, დისერტაცია დაცვაზე დაშვებული არ იქნება.
12.8. თუ დისერტაცია არ იქნება დაშვებული დაცვაზე, სადისერტაციო საბჭოს გადაწყვეტილებით დოქტორანტს უფლება ეძლევა დამატებით იმუშაოს დისერტაციაზე. შესწორებული ნაშრომის ისევ უარყოფითად შეფასების შემთხვევაში დოქტორანტის ნაშრომი არ მიიღება დასაცავად.
12.9. დაცვაზე უარის მიღების შემთხვევაში სასწავლო კომპონენტის მოქმედების ვადა არის 7 წელი პირველი კრედიტის მოპოვების დღიდან.
12.10. სადისერტაციო საბჭო გადასცემს დოქტორანტს შემფასებლების დასკვნებს, ხოლო დაცვაზე დაშვების შემთხვევაში ატყობინებს დაცვის თარიღსაც. დოქტორანტს უნდა მიეცეს სულ მცირე 1 თვის ვადა დაცვისათვის მოსამზადებლად.
12.11. დაცვაზე დაშვების უარის თქმის შემთხვევაში უარყოფილი სადისერტაციო ნაშრომის ერთი პირი და რეცენზენტების წერილობითი დასკვნები ინახება სადისერტაციო საბჭოს არქივში. დანარჩენი დოკუმენტები უბრუნდება დოქტორანტს.

მუხლი 13. სადისერტაციო კომისია.

13.1. სადისერტაციო საბჭოს თავმჯდომარე შესაბამისი დარგობრივი სექციის წარდგინებით სადისერტაციო ნაშრომის დასაცავად ქმნის სადისერტაციო კომისიას.
13.2. სადისერტაციო კომისია იქმნება სულ მცირე ხუთი პირის შემადგენლობით. კომისიის წევრად არჩეულ უნდა იქნეს შესაბამისი დარგის (საერთაშორისო კლასიფიკატორით) სპეციალისტი, რომელსაც აქვს დოქტორის აკადემიურ ხარისხთან გათანაბრებული სამეცნიერო ხარისხი. ხელმძღვანელს და შემფასებლებს აქვთ კომისიაში სათათბირო ხმით მონაწილეობის უფლება.
13.3. სადისერტაციო კომისიას ხელმძღვანელობს სექციის მიერ არჩეული თავმჯდომარე, რომელიც უნდა იყოს უნივერსიტეტის სრული ან საპატიო პროფესორი. თავმჯდომარე არ შეიძლება იყოს სადოქტორო პროგრამის ხელმძღვანელი ან შემფასებელი.
13.4. საბჭოს დარგობრივი სექციის ხელმძღვანელი ავტომატურად შედის სადისერტაციო კომისიაში, თუ სადისერტაციო ნაშრომი მომზადებულია მეცნიერების იმ მიმართულებით (საერთაშორისო კლასიფიკატორით), რომლის წარმომადგენელიც ის არის.
13.5. სადისერტაციო კომისიის სხდომა უფლებამოსილად ითვლება, თუ მის მუშაობაში მონაწილეობს კომისიის შემადგენლობის არანაკლებ 2/3-ისა.

მუხლი 14. დისერტაციის დაცვა

14.1. დისერტაციის დაცვა არის საჯარო, ქართულ ენაზე. დაცვის მსვლელობა და მიღებული გადაწყვეტილება აისახება ოქმში, რომელსაც ხელს აწერენ სადისერტაციო კომისიის თავმჯდომარე და სექციის თავმჯდომარე.
14.2. დისერტაციის დაცვა შედგება შემდეგი პროცედურებისაგან:
14.2.1. დოქტორანტის მოხსენება (არა უმეტეს 30 წუთისა);
14.2.2. რეცენზიების საჯაროდ წაკითხვა;
14.2.3. სამეცნიერო დისკუსია;
14.2.4. კომისიის დახურული სხდომა – სადისერტაციო ნაშრომის შესაფასებლად;
14.2.5. სადისერტაციო ნაშრომის შეფასების გამოცხადება.
14.3. კომისიის ერთ სხდომაზე შეიძლება ჩატარდეს მხოლოდ ერთი დისერტაციის დაცვა.
14.4. სადისერტაციო ნაშრომის დაცვა უნდა მოხდეს ნაშრომის სადისერტაციო საბჭოში წარდგენის დღიდან 6 თვის განმავლობაში.

მუხლი 15. სადისერტაციო ნაშრომის საბოლოო შეფასება

15.1. სამეცნიერო დისკუსიის დასრულების შემდეგ სადისერტაციო კომისია დახურულ სხდომაზე აფასებს სადისერტაციო ნაშრომს შემდეგი სისტემის მიხედვით:

“ფრიადი” – „სუმმა ცუმ ლაუდე”;

“ძალიან კარგი” – „მაგნა ცუმ ლაუდე”;

“კარგი” – “ცუმ ლაუდე”;

“საშუალო” – “ბენე”;

“დამაკმაყოფილებელი” – “რიტე”;

“არადამაკმაყოფილებელი” - “ინსუფფიციენტერ”;

“სრულიად არადამაკმაყოფილებელი” - “სუბ ომნი ცანონე”.

ხმათა თანაბრად გაყოფის შემთხვევაში გადამწყვეტი მნიშვნელობა ენიჭება სადისერტაციო კოლეგიის თავმჯდომარის ხმას.
15.2. დისერტაცია არ ითვლება დაცულად, თუ საბოლოო შეფასება იქნება “არადამაკმაყოფილებელი” ან “სრულიად არადამაკმაყოფილებელი”. დადებითი შეფასების შემთხვევაში დოქტორანტს ენიჭებება თბილისის სახელმწიფო უნივერსიტეტის (მათემატიკის, კომპიუტერული მეცნიერების, ფიზიკის, ქიმიის, ბიოლოგიის, გეოგრაფიის, გეოლოგიის) დოქტორის აკადემიური ხარისხი.

მუხლი 16. დოქტორის აკადემიური ხარისხის დამადასტურებელი მოწმობა

16.1. თბილისის სახელმწიფო უნივერსიტეტის (მათემატიკის, კომპიუტერული მეცნიერების, ფიზიკის, ქიმიის, ბიოლოგიის, გეოგრაფიის, გეოლოგიის) დოქტორის აკადემიური ხარისხის მინიჭებას ადასტურებს მოწმობა.
16.2. მოწმობა გაიცემა არა უგვიანეს ექვსი თვის ვადაში დისერტაციის დაცვის შემდეგ. მოწმობის გაცემამდე დოქტორანტს ეძლევა შესაბამისი ცნობა აკადემიური ხარისხის მინიჭების შესახებ.
16.3. მოწმობაში აღნიშნულია სადისერტაციო საბჭოს დასახელება, დაცვის თარიღი, საერთო შეფასება და სპეციალობის დასახელება (საერთაშორისო კლასიფიკატორით).
16.4. დიპლომი (მოწმობა) გაიცემა დისერტაციის გამოქვეყნების შემდეგ. დიპლომს ხელს აწერს უნივერსიტეტის რექტორი, ფაკულტეტის დეკანი, სადისერტაციო საბჭოს თავმჯდომარე, დარგობრივი სექციის ხელმძღვანელი. მოწმობა დასტურდება უნივერსიტეტის ბეჭდით.
16.5. მოწმობის ასლი ინახება უნივერსიტეტის არქივში.

მუხლი 17. დისერტაციის გამოქვეყნება

დოქტორანტი მოვალეა დისერტაციის დაცვის შემდეგ ფაკულტეტის მიერ დადგენილ ვადაში გამოაქვეყნოს დისერტაცია ბეჭდური ან ელექტრონული ფორმით. წინააღმდეგ შემთხვევაში დოქტორის აკადემიური ხარისხის დამადასტურებელი დიპლომი არ გაიცემა.

მუხლი 18. დოქტორის აკადემიური ხარისხის ბათილობა

დოქტორის აკადემიური ხარისხი ფაკულტეტის სადისერტაციო საბჭოს გადაწყვეტილებით დოქტორს ჩამოერთმევა აკადემიური პატიოსნების ნორმების (სადისერტაციო ნაშრომში გაყალბებული მონაცემების გამოყენება ან პლაგიატი) დარღვევის შემთხვევაში.

თავი III. სადისერტაციო საბჭო

მუხლი 19. დოქტორის აკადემიური ხარისხის მინიჭება

19.1. ივანე ჯავახიშვილის სახელობის თბილისის სახელმწიფო უნივერსიტეტის დოქტორის აკადემიურ ხარისხს (მათემატიკაში, კომპიუტერულ მეცნიერებებში, ფიზიკაში, ქიმიაში, ბიოლოგიაში, გეოგრაფიაში, გეოლოგიაში) ანიჭებს ზუსტ და საბუნებისმეტყველო მეცნიერებათა ფაკულტეტის სადისერტაციო საბჭო.

1. მუხლი 20. სადისერტაციო საბჭო

20.1. სადისერტაციო საბჭო არის დოქტორის აკადემიური ხარისხის მიმნიჭებელი ორგანო, რომელიც შექმნილია ივანე ჯავახიშვილის სახელობის თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტზე.
20.2. სადისერტაციო საბჭო შედგება დოქტორის აკადემიური ხარისხის მქონე ფაკულტეტის ყველა სრული და ასოცირებული პროფესორისაგან.
20.3. სადისერტაციო საბჭო შედგება 7 დარგობრივი (მათემატიკის, კომპიუტერული მეცნიერებების, ფიზიკის, ქიმიის, ბიოლოგიის, გეოგრაფიის, გეოლოგიის) სექციისაგან, რომელშიც ერთიანდება შესაბამისი დარგის სპეციალისტები.
20.4. სადისერტაციო საბჭო ირჩევს თავმჯდომარეს თავისი შემადგენლობიდან 2 წლის ვადით, წევრთა საერთო რაოდენობის უმრავლესობით. ერთი და იგივე პირი თავმჯდომარედ შეიძლება არჩეულ იქნეს ზედიზედ მხოლოდ ორჯერ. თავმჯდომარის არჩევამდე საბჭოს პირველ სხდომას უძღვება ფაკულტეტის დეკანი.
20.5. სადისერტაციო საბჭოს მდივანს (საბჭოს შემადგენლობიდან) წარადგენს თავმჯდომარე და ამტკიცებს სადისერტაციო საბჭო, 2 წლის ვადით.
20.6. დარგობრივი სექციის წევრები ირჩევენ ხელმძღვანელს თავისი შემადგენლობიდან 2 წლის ვადით. დარგობრივი სექციის ხელმძღვანელს ამტკიცებს სადისერტაციო საბჭო. ერთი და იგივე პირი ხელმძღვანელად შეიძლება არჩეულ იქნეს ზედიზედ მხოლოდ ორჯერ.
20.7. სადისერტაციო საბჭოს დარგობრივი სექციის მდივანს (სექციის შემადგენლობიდან) ხელმძღვანელის წარდგინებით ამტკიცებს სადისერტაციო საბჭო 2 წლის ვადით.

მუხლი 21. სადისერტაციო საბჭოს მუშაობის წესი

21.1. სადისერტაციო საბჭო თავის საქმიანობას წარმართავს ფაკულტეტის საბჭოს მიერ შემუშავებული და უნივერსიტეტის აკადემიური საბჭოს მიერ დამტკიცებული წინამდებარე დებულების შესაბამისად.
21.2. სადისერტაციო საბჭო გადაწყვეტილებას იღებს სხდომაზე, სხდომა გადაწყვეტილებაუნარიანია, თუ მას ესწრება წევრთა საერთო რაოდენობის 30%-ზე მეტი და შესაბამისი დარგობრივი სექციის წევრთა საერთო რაოდენობის ნახევარზე მეტი. გადაწყვეტილება მიიღება დამსწრეთა ხმების სულ მცირე 2/3-თ.
21.3. სადისერტაციო საბჭოს სხდომის მიმდინარეობა აისახება ოქმში, რომელსაც ხელს აწერენ საბჭოს თავმჯდომარე და მდივანი.
21.4. სადისერტაციო საბჭოს ნებისმიერი გადაწყვეტილება დოქტორანტს უნდა ეცნობოს წერილობით.

მუხლი 22. სადისერტაციო საბჭოს დარგობრივი სექციის მუშაობის წესი

22.1. სადისერტაციო საბჭოს დარგობრივი სექციის საქმიანობა წარიმართება ფაკულტეტის საბჭოს მიერ შემუშავებული და უნივერსიტეტის აკადემიური საბჭოს მიერ დამტკიცებული წინამდებარე დებულების შესაბამისად.
22.2. სადისერტაციო საბჭოს დარგობრივი სექცია გადაწყვეტილებას იღებს სხდომაზე. სხდომა გადაწყვეტილებაუნარიანია, თუ მას ესწრება წევრთა საერთო რაოდენობის ნახევარზე მეტი. გადაწყვეტილება მიიღება დამსწრეთა ხმების სულ მცირე 2/3-თ.
22.3. სადისერტაციო საბჭოს დარგობრივი სექციის სხდომის მიმდინარეობა აისახება ოქმში, რომელსაც ხელს აწერენ სექციის ხელმძღვანელი და მდივანი.
22.4. სადისერტაციო საბჭოს დარგობრივი სექციის ნებისმიერი გადაწყვეტილება დოქტორანტს უნდა ეცნობოს წერილობით.

მუხლი 23. სადისერტაციო საბჭოს და დარგობრივი სექციის უფლებამოსილება

23.1. სადისერტაციო საბჭო:
23.1.1. ირჩევს და ამტკიცებს საბჭოს თავმჯდომარეს;
23.1.2. ამტკიცებს სადისერტაციო საბჭოს მდივანს;
23.1.3. ამტკიცებს დარგობრივი სექციის ხელმძღვანელსა და მდივანს;
23.1.4. ამტკიცებს სადისერტაციო ნაშრომის თემას;
23.1.5. ამტკიცებს სადისერტაციო ნაშრომის შემფასებლებს;
23.1.6. ამტკიცებს სადისერტაციო კომისიის შემადგენლობას;
23.1.7. ამტკიცებს დაცვის თარიღს;
23.2. სადისერტაციო საბჭოს დარგობრივი სექცია:
23.2.1. ირჩევს დარგობრივი სექციის ხელმძღვანელს;
23.2.2. განიხილავს სადისერტაციო ნაშრომის თემას და დასამტკიცებლად წარუდგენს სადისერტაციო საბჭოს;
23.2.3. განიხილავს სადისერტაციო ნაშრომის შემფასებლების კანდიდატურებს და დასამტკიცებლად წარუდგენს სადისერტაციო საბჭოს;
23.2.4. განსაზღვრავს სადისერტაციო კომისიის შემადგენლობასა და დაცვის სავარაუდო თარიღს და წარუდგენს დასამტკიცებლად სადისერტაციო საბჭოს.

მუხლი 24. სადისერტაციო საბჭოს თავმჯდომარისა და დარგობრივი სექციის ხელმძღვანელის უფლებამოსილება

24.1. სადისერტაციო საბჭოს თავმჯდომარე საჭიროებისამებრ იწვევს საბჭოს სხდომებს.
24.2. სადისერტაციო საბჭოს თავმჯდომარე ფაკულტეტის დეკანთან შეთანხმებით უზრუნველყოფს დოქტორანტისათვის სავალდებულო კოლოკვიუმების ორგანიზებას.
24.3. დარგობრივი სექციის ხელმძღვანელი საჭიროებისამებრ იწვევს დარგობრივი სექციის სხდომებს.

მუხლი 25. სადისერტაციო საბჭოსა და დარგობრივი სექციის მდივნის უფლებამოსილება

25.1. სადისერტაციო საბჭოს მდივანი უზრუნველყოფს საბჭოს ორგანიზაციულ საქმიანობას.
25.2. დარგობრივი სექციის მდივანი უზრუნველყოფს შესაბამისი დარგობრივი სექციის ორგანიზაციულ საქმიანობას.

თავი IV. გარდამავალი პერიოდი

26. გარდამავალი დებულებები

26.1. დოქტორის აკადემიური ხარისხის მისაღებად თსუ-ს ყველა მაძიებელმა და ასპირანტმა უნდა ჩააბაროს დოქტორანტურაში მინიმალური სტანდარტით განსაზღვრული წესით.
26.2. თსუ დოქტორანტურაში ჩარიცხული ასპირანტები და მაძიებლები, რომელთაც ჩაბარებული აქვთ საკანდიდატო მინიმუმის საგნები ან/და აქვთ გავლილი აპრობაცია, თავისუფლდებიან მინიმალური სტანდარტით გათვალისწინებული სასწავლო კომპონენტის კრედიტების დაგროვებისგან. ამ შემთხვევაზე არ ვრცელდება წინამდებარე დებულების მე-2 მუხლის 2.4 პუნქტით გათვალისწინებული პირობა სადოქტორო პროგრამის ფინანსური უზრუნველყოფის შესახებ. დისერტაციის წარდგენა და დაცვა ხორციელდება მინიმალური სტანდარტით დადგენილი წესით. გამოქვეყნებული სამი ნაშრომიდან ერთი მაინც გამოქვეყნებული უნდა იყოს დადებითი “იმპაქტ-ფაქტორის” მქონე ჟურნალში, ხოლო ერთ გამოქვეყნებულ ნაშრომს უნივერსიტეტი აგზავნის საერთაშორისო ექსპერტიზაზე (თუ იგი არ არის საერთაშორისო რეცენზირებად ჟურნალში გამოქვეყნებული).
26.4. თსუ-ს ის ასპირანტები და მაძიებლები, რომელთაც შესრულებული აქვთ ამ დებულებით გათვალისწინებული კვლევითი კომპონენტი და არა აქვთ ჩაბარებული საკანდიდატო მინიმუმის გამოცდები, სასწავლო კომპონენტით განსაზღვრული კრედიტების დაგროვების შემდეგ დისერტაციას წარადგენენ და დაიცავენ მინიმალური სტანდარტით დადგენილი წესით.
26.5. იმ კვლევითი ინსტიტუტების ასპირანტები, რომლებთანაც თსუ-ს დადებული აქვს ხელშეკრულება, დოქტორანტები ხდებიან ამ პარაგრაფის პირველი მუხლის შესაბამისად.

I. თავი V. დასკვნითი დებულებები

მუხლი 27. დებულების მოქმედების სფერო

27.1. წინამდებარე დებულება, შემუშავებულია 2004 წლის 21 დეკემბრის საქართველოს კანონის “უმაღლესი განათლების შესახებ” შესაბამისად, აწესრიგებს ივანე ჯავახიშვილის სახელობის თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტის სადისერტაციო საბჭოსა და დოქტორანტურის მოქმედების პრინციპებსა და წესს.
27.2. წინამდებარე დებულებაში დამატებისა და ცვლილების შეტანის შესახებ წინადადების დასმის უფლება აქვს სადისერტაციო საბჭოს ნებისმიერ წევრს. დასაბუთებულ წინადადებას განიხილავს სადისერტაციო საბჭო უახლოეს სხდომაზე და დადებითი გადაწყვეტილბის შემთხვევაში განსახილველად წარუდგენს ფაკულტეტის საბჭოს. დებულებაში შეტანილ ყველა დამატებასა და ცვლილებას ამტკიცებს უნივერსიტეტის აკადემიური საბჭო.
27.3. წინამდებარე დებულება ძალაში შედის დამტკიცების დღიდან.

ძალადაკარგულია აკადემიური საბჭოს

30.09.2014, №98/2014 დადგენილებით

შეტანილია ცვლილებები აკადემიური საბჭოს 13.10.2010,
№113/2010 დადგენილებით

„უმაღლესი განათლების შესახებ“ საქართველოს კანონის 21–ე მუხლის თანახმად,

დამტკიცდეს ივანე ჯავახიშვილის სახელობის თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტის სადისერტაციო საბჭოსა და დოქტორანტურის დებულება (დანართი N1).

საფუძველი: ზუსტ და საბუნებისმეტყველო მეცნიერებათა ფაკულტეტის  საბჭოს წარდგინება.
 

გიორგი ხუბუა
აკადემიური საბჭოს თავმჯდომარე,
რექტორი

ძალადაკარგულია აკადემიური საბჭოს
23.09.2011, №100/2011 დადგენილებით

„უმაღლესი განათლების შესახებ“ საქართველოს კანონის 21–ე მუხლის თანახმად,

დამტკიცდეს ივანე ჯავახიშვილის სახელობის თბილისის სახელმწიფო უნივერსიტეტის მაგისტრატურაში მიღების წესები  ( დანართი N1).

გიორგი ხუბუა
აკადემიური საბჭოს თვმჯდომარე, რექტორი

დანართი 1

მაგისტრატურაში მიღების წესები

1. სამაგისტრო პროგრამის დაფინანსება
1. სამაგისტრო პროგრამის დაფინანსება მოხდება სახელმწიფოს მიერ უნივერსიტეტისათვის გამოყოფილი საბიუჯეტო სახსრებისა და უნივერსიტეტის არასაბიუჯეტო შემოსავლების ხარჯზე.
2. მაგისტრატურაში სწავლება ფასიანია. საფასურის ოდენობა განისაზღვრება თითოეული სასწავლო წლისათვის დადგენილი საუნივერსიტეტო ტარიფების შესაბამისად.
3. მაგისტრატურაში ჩარიცხულ კონკურსანტთაგან 10% მიიღებს სრულ საუნივერსიტეტო დაფინანსებას.
4. საუკეთესო შედეგების მქონე სტუდენტთა წახალისების მიზნით იქმნება მაგისტრატურის სტუდენტთა სტიპენდიის ფონდი.

2. კონკურსზე დაშვება
2.1. თსუ მაგისტრატურაში მისაღებ კონკურსზე დაიშვებიან უმაღლესი განათლების მქონე ბაკალავრები და ერთსაფეხურიანი უმაღლესი განათლების მქონე დიპლომირებული სპეციალისტები, მაგისტრატურაში მიღების წესების 2.2.2-2.2.3 მუხლების მოთხოვნების გათვალისწინებით.
2.2. მაგისტრატურაში სწავლების უფლება აქვს ბაკალავრს და მასთან გათანაბრებულ აკადემიური ხარისხის მქონე პირს. უცხოეთის უმაღლესი საგანმანათლებლო დაწესებულების მიერ გაცემული საგანმანათლებლო დოკუმენტების ფორმალური ცნობა (აღიარება) ხდება “უმაღლესი განათლების შესახებ” საქართველოს კანონის 50-ე მუხლის შესაბამისად.
2.3. მაგისტრატურის საკონკურსო გამოცდებზე კონკურსანტი დაიშვება მხოლოდ იმ შემთხვევაში, თუ მან დროულად გაიარა რეგისტრაცია მიმღებ კომისიაში და წარადგინა სათანადო საბუთები (იხ.§4).
2.4. უნივერსიტეტის მაგისტრატურაში სათანადო საკონკურსო ადგილების დასაკავებლად ყველა კონკურსანტი აბარებს ორ საკონკურსო გამოცდას: უცხო ენასა და სპეციალობაში. სამაგისტრო პროგრამის სპეციფიკიდან გამომდინარე, შესაძლებელია დამატებით ჩატარდეს ზეპირი გამოცდაც.

3. კონკურსი. ჩარიცხვა
3.1. მაგისტრატურაში ჩარიცხვა წარმოებს კონკურსის საფუძველზე, რომლის ფარგლებშიც ტარდება ორი გამოცდა: 1. წერითი გამოცდა სპეციალობაში და 2. გამოცდა უცხო ენაში.
3.2.

• სპეციალობაში საკონკურსო გამოცდა ტარდება წერითი სახით. საკონკურსო გამოცდის წერითი ნამუშევარი შეფასდება 100-ბალიანი სისტემით.
• გამოცდა ჩაბარებულად ითვლება, თუ კონკურსანტი მიიღებს დადებით შეფასებას, ანუ მინიმუმ 61 ქულას.
• სპეციალობაში გამოცდას ატარებს საკონკურსო-საფაკულტეტო კომისია, რომელიც პასუხისმგებელია მაგისტრატურაში მისაღებ საკონკურსო გამოცდის შეფასებათა სიზუსტეზე.

3.3.

• უცხო ენის გამოცდა ჩატარდება გერმანულ, ინგლისურ ან ფრანგულ ენაში;
• უცხო ენაში გამოცდას ატარებს თსუ ენების ცენტრი, რომელიც პასუხისმგებელია საკონკურსო გამოცდის შეფასებათა სიზუსტეზე.

3.4. მაგისტრატურაში საკონკურსო გამოცდების შედეგების შესაბამისად სამაგისტრო პროგრამაზე დაშვებულ ვაკანტურ ადგილებზე ჩაირიცხებიან ის კონკურსანტები, რომლებიც გამოცდებში მიიღებენ ყველაზე მაღალ ქულებს.
3.5. კონკურსანტები, რომლებიც სპეციალობაში მიიღებენ 61 ქულაზე ნაკლებს, მოიხსნებიან კონკურსიდან და არ ჩაირიცხებიან მაგისტრატურაში.
3.6. ჩარიცხული მაგისტრანტები სწავლის სემესტრულ საფასურს იხდიან რეგისტრაციის დროს.

4. საბუთები და მათი მიღება
4.1. მაგისტრატურაში სწავლის მსურველმა მიმღებ კომისიას უნდა წარუდგინოს შემდეგი საბუთები:

1. პირადი განცხადება რექტორის სახელზე, სამაგისტრო პროგრამის მითითებით (ფორმა #69 გაიცემა მიმღებ კომისიაში);
2. უმაღლესი განათლების დიპლომი (დედანი) დანართითურთ და მათი შესაბამისი თითო ასლი;
3. მაგისტრატურის კონკურსანტის ანკეტა (ფორმა #39მ გაიცემა მიმღებ კომისიაში);
4. სამი ფერადი ფოტოსურათი ზომით 3სმ X 4სმ.;
5. მოქალაქის პირადობის მოწმობის (პასპორტის) ასლი;
6. სამხედრო ვალდებულებასთან დამოკიდებულების დამადასტურებელი საბუთი (სავალდებულოა ვაჟებისათვის).

4.2. კონკურსზე დაშვებული კონკურსანტები ვალდებულნი არიან, გამოცხადდნენ საკონკურსო გამოცდაზე დაუგვიანებლად და თან იქონიონ პირადობის დამადასტურებელი მოწმობა. პირადობის დამადასტურებელი მოწმობის გარეშე კონკურსანტის გამოცდაზე დაშვება არ მოხდება.

5. მისაღები გამოცდების ჩატარების უზრუნველყოფის პროცედურა
5.1. კონკურსის ჩატარების მიზნით იქმნება საფაკულტეტო დარგობრივი კომისია. თითოეული ფაკულტეტი წარმოადგენს მაგისტრატურაში მისაღები გამოცდების კომისიის შემადგენლობას, რომელთა საფუძველზეც დგება ერთიანი საუნივერსიტეტო დარგობრივი კომისია. ამ კომიისიის წევრი არ შეიძლება იყოს სამაგისტრო პროგრამის ხელმძღვანელი.
5.2. კონკურსის ორგანიზაციული უზრუნველყოფის მიზნით იქმნება მეთვალყურეთა ჯგუფი.
5.3. კონკურსანტთა მიერ წარმოდგენილი საჩივრების განხილვის მიზნით, იქმნება საპრეტენზიო კომისია. საპრეტენზიო კომისიის წევრი არ შეიძლება იყოს სამაგისტრო პროგრამის ხელმძღვანელი ან საგამოცდო კომისიის წევრი.
5.4. საგამოცდო კომისიის მუშაობას ზედამხედველობას უწევს სპეციალურად შექმნილი მონიტორინგის ჯგუფი. მონიტორინგის ჯგუფის წევრი არ შეიძლება იყვნენ საგამოცდო და საპრეტენზიო კომისიის წევრები.
5.5. მაგისტრატურაში მიღების მსურველთა რეგისტრაციისა და კონკურსის ჩატარების ორგანიზაციული უზრუნველყოფა დაევალოს უნივერსიტეტის სასწავლო დეპარტამენტს.

სასწავლო დეპარტამენტი შეიმუშავებს შესაბამის ნორმატიულ აქტებს და კონკურსის ჩატარების გრაფიკს, რომელსაც დასამტკიცებლად წარუდგენს უნივერსიტეტის აკადემიური საბჭოს 2007 წლის 15 სექტემბრამდე.
საბუთების მიღება იწარმოებს 3-12 სექტემბერს.

საბუთების მიღება იწარმოებს თსუ სასწავლო დეპარტამენტის სტუდენტთა მომსახურების განყოფილებაში.

მაგისტრატურაში მისაღები გამოცდები ჩატარდება 24-28 სექტემბერს.