თეოლოგი, ისტორიკოსი, მწერალი, ფილოსოფოსი.

ვიქტორ რცხილაძე დაიბადა 1941 წელს,თბილისში.

1964 წელს დაამთავრა თბილისის სახელმწიფო უნიერსიტეტის ისტორიის ფაკულტეტი.

ვ.რცხილაძე ზვიად გამსახურდიასა და მერაბ კოსტავასთან ერთად ჩართული იყო დისიდენტურ მოძრაობაში. 1966-1970 წწ. იყო ისტორიის მასწავლებელი სკოლაში; 1970-1975 წწ. ძეგლთა დაცვის სამმართველოს განყოფილების გამგე; 1975-1976წწ. "ადამიანის უფლებათა დაცვისა" და "ჰელსინკის ჯგუფის"ერთ-ერთი დამაარსებელი, რის გამოც გადაასახლეს ყაზახეთში.

გადასახლებიდან დაბრუნებულმა მუშაობა თბილისის სახელმწიფო მუზეუმში დაიწყო მეცნიერ თანამშრომლად. 1982 წლიდან აქვეყნებდა თარგმანებსა და ორიგინალურ თხზულებებს რელიგიის ფსიქოლოგიისა და საღვთისმეტყველო საკითხების შესახებ.

1990-1991 წწ. უნივერსიტეტის ფილოსოფიის ფაკულტეტის მიწვევით, იგი თეოლოგიის ისტორიაში კითხულობს ლექციებს. 1992 წლიდან პირველი პარლამენტის შექმნამდე, ყოფილი დისიდენტი, სახელმწიფო საბჭოს წევრი ხდება.

 იგი იყო მისივე დაარსებული  ჟურნალ "რელიგიის", რედაქტორი;

1994 წელს ა. ბრუნერის "ფილოსოფიის ძირითადი საკითხების" გერმანულიდან თარგმნისთვის მიღებული აქვს ილია ჭავჭავაძის სახელობის ქართულ-ევროპული ინსტიტუტის საგანგებო პრემია.

არის რომანების, ესეების, კრიტიკული წერილების, სამეცნიერო შრომების  ავტორი:

„თბილისის ღამე“.რომანი (ავტორი). - თბილისი, 2010. - 264გვ.

XX საუკუნის გერმანელი მოაზროვნეები ღვთის არსებობის შესახებ (ავტორი), თბილისი, 2010. – 172 გვ.

ახალი კრებული : ესსეები, კრიტიკა, გამოხმაურება (ავტორი). - თბილისი, 2008.143 გვ.

ბოროტება, მისი ნიღბები და მისი გამოვლენება საქართველოში (ავტორი). - თბილისი, 2006, 606 გვ.

პროზა, რელიგია, კრიტიკა (ავტორი). - თბილისი, 2001. - 688გვ.

თბილისი, რომანი (ავტორი). - თბ., "სამშობლო"-ს სტ., 1997. - 113გვ.

სულთა გამოცხადებანი და სპირიტიზმი ბიბლიისა და ქრისტიანულ-მართლმადიდებლური რწმენის სამსჯავროზე (ავტორი), გამ. -ბა „სამშობლო“ 1992 წ.-120 გვერდი.