ცხადდება წინასწარი შერჩევა ბუქარესტის უნივერსიტეტში (რუმინეთი) და ლა კორუნიას უნივერსიტეტში (ესპანეთი) ერაზმუს+ პროგრამის ფარგლებში პერსონალის მობილობისთვის!

კონკურსში მონაწილეობის მიღება შეუძლიათ:

1. ბუქარესტის უნივერსიტეტის შემთხვევაში:

• თბილისის სახელმწიფო უნივერსიტეტის ეკონომიკისა და ბიზნესის ფაკულტეტის ადმინისტრაციაში გადაწყვეტილების მიმღებ პოზიციაზე დასაქმებულ იმ წარმომადგენლებს, რომლებიც ჩართული არიან თსუ-სა და ბუქარესტის უნივერსიტეტს შორის არსებულ ორმაგი პროგრამის მენეჯმენტში (დეკანი, დეკანის მოადგილე, ორმაგი პროგრამის აკადემიური ხელმძღვანელი)
• თბილისის სახელმწიფო უნივერსიტეტის ეკონომიკისა და ბიზნესის ფაკულტეტის იმ წარმომადგენლებს, რომლებიც ჩართული არიან თსუ-სა და ბუქარესტის უნივერსიტეტს შორის არსებულ ორმაგი პროგრამის საკოორდინაციო საქმიანობაში (აღნიშნული უნდა დასტურდებოდეს ფაკულტეტის მიერ გაცემული წერილით)
• თსუ-ს ხარისხის უზრუნველყოფის სამსახურის გადაწყვეტილების მიმღებ პერსონალს

2. ლა კორუნიას უნივერსიტეტის შემთხვევაში:

• ერასმუს+ საერთაშორისო კრედიტ-მობილობის პროგრამის მართვაში ჩართული გადაწყვეტილების მიმღები პირისთვის
• ეთნოლოგიის ინსტიტუტის აკადემიური პერსონალისთვის

კონკურსში მონაწილეობასთან დაკავშირებული დეტალური ინფორმაცია, მათ შორის, წარსადგენი საბუთების ჩამონათვალი, იხილეთ აქ.