“თსუ პროფესიული განათლების ცენტრში სწავლა იმიტომ გადავწყვიტე, რომ ეს ადგილი აერთიანებს ხარისხიან განათლებას, პრაქტიკულობასა და თანამედროვე მიდგომებს”,-მარიამ ხმიადაშვილი თსუ პროფესიული განათლების ცენტრის 2024 წლის კურსდამთავრებულია. მარიამი დღესაც აგრძელებს სწავლას ივანე ჯავახიშვილის სახელობის თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტზე, მუშაობს “საქართველოს ბანკში” ბიზნეს კლიენტების მხარდაჭერის მენეჯერის პოზიციაზე. ცოტა ხნის წინ დააფუძნა უცხო ენების სწავლების ცენტრი, სადაც მოსწავლეებს შესაძლებლობა აქვთ შეისწავლონ ექვსი ყველაზე მოთხოვნადი უცხო ენა თანამედროვე შრომის ბაზარზე. პროფესიული პროგრამა “ღონისძიების ორგანიზება” მის ძირითად საქმიანობასთან პირდაპირ კავშირში არ იყო, თუმცა ახალი პროფესიის შესწავლის ინტერესმა გაუმართლა მოლოდინი. აქ მიღებულ ცოდნას და უნარებს მარიამი წარმატებით იყენებს არაფორმალური განათლების სფეროში, სადაც აქტიურად მონაწილეობს სხვადასხვა პროექტის დაგეგმვასა და განხორციელებაში.  “ღონისძიებების ორგანიზების მიმართულებით მიღებული გამოცდილება არის მყარი საფუძველი პროექტების ეფექტიანი მართვისთვის — დაწყებული დაგეგმვიდან, ლოჯისტიკით და კომუნიკაციით, დასრულებული დროული და ხარისხიანი იმპლემენტაციით. გარდა ამისა, სწავლისას განსაკუთრებული ყურადღება ეთმობოდა დეტალებზე ზრუნვასა და კრიზისულ სიტუაციებში სწრაფი გადაწყვეტილების მიღებას – ეს უნარები განსაკუთრებით მეხმარება სტრესულ ან დატვირთულ გარემოში მუშაობისას. რაც მთავარია, გავიუმჯობესე გუნდთან მჭიდრო კოორდინაციის უნარი, რაც ჩემი სამსახურის განუყოფელი ნაწილია”,-განაცხადა მარიამ ხმიადაშვილმა.

ქეთო ქურთიშვილი თსუ პროფესიული განათლების ცენტრის 2024 წლის კურსდამთავრებულია. ის წარმატებით მუშაობს სარეკლამო კომპანიის “კრეატორსი” გენერალური პროექტ-მენეჯერის პოზიციაზე. პარალელურად, პრომო აქსესუარების მარაგების კომპანიის “სტოკერსი”კომუნიკაციების მიმართულებას ხელმძღვანელობს. რაც არანაკლებ საინტერესოა, ქეთო საკუთარ ივენთ-კომპანიას აყალიბებს და მალე ოფიციალურად შეუდგება ღონისძიებების ინდუსტრიაში საქმიანობას.   ქეთო ქურთიშვილი ღონისძიების ორგანიზატორის პროფესიის შესწავლას  ცხოვრების ერთ-ერთ ყველაზე სწორ გადაწყვეტილებად მიიჩნევს, რადგან ეს არის ის სფერო, სადაც საკუთარი თავი წარმოედგინა. “ვიცოდი რომ მხოლოდ აქ შეიძლებოდა იმ პროფესიის შესახებ სიღრმისეული, როგორც თეორიული ასევე პრაქტიკული ცოდნის მიღება, რომელზეც მთელი ცხოვრება ვფიქრობდი და სადაც ყოველთვის წარმომედგინა საკუთარი თავი”,  - აღნიშნა მან პროფესიულ პროგრამაზე “ღონისძიების ორგანიზება” საუბრისას.   პროგრამაზე სწავლა მნიშვნელოვანი აღმოჩნა მისი კარიერული განვითარებისთვის. მიუხედავად იმისა, რომ უკვე წარმატებით საქმიანობდა სხვა სფეროში, დღეს საკუთარი კომპანიის დაფუძნება შეძლო, რაშიც სწავლისას მიღებული ცოდნა და გამოცდილება დაეხმარა.   “იმაზე მეტი რამ ვისწავლე ვიდრე მეგონა, გავიცანი ძალიან კომპეტენტური ადამიანები ამ სფეროში. წელს ვაპირებ ოფიციალურად დავარეგისტრირო კომპანია და პროფესიონალურად მივუდგე საქმეს. არსებულ სამსახურშიც საკმაოდ ხშირად ვიყენებ მიღებულ ცოდნას, სამუშაო პროცესში ყველაფერი ბევრად უფრო გამიმარტივდა და მომეცა თავდაჯერებულობაც, ამის შედეგია საკმაოდ მნიშვნელოვანი ნაბიჯები ჩემს საქმიანობაში”,-განაცხადა ქეთომ.

თამარ ლოჩოშვილი თსუ პროფესიული განათლების ცენტრის 2024 წლის კურსდამთავრებულია.  თამარი ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ბიბლიოთეკის უფროსი ბიბლიოთეკარია.    “ეს პროფესია ავირჩიე, რადგან ყოველთვის მქონდა ჰუმანიტარული მეცნიერებებისადმი ინტერესი და წიგნების მიმართ სიყვარული. გადავწვიტე  თსუ პროფესიული განათლების ცენტრში პროგრამა "საბიბლიოთეკო საქმე" შემესწავლა და კიდევ უფრო დავახლოებოდი ამ სფეროს”,-ამბობს თამარ ლოჩოშვილი.   დღეს თამარი   საბიბლიოთეკო საქმის პროფესიულ პროგრამაზე მიღებულ ცოდნას და გამოცდილებას უკვე აქტიურად იყენებს ყოველდღიურ საქმიანობაში.

თეო ჭაბაშვილი თსუ პროფესიული განათლების ცენტრის 2024 წლის კურსდამთავრებულია. დღეს წარმატებით მუშაობს თბილისის 44-ე საბავშვო ბაგა-ბაღში აღმზრდელად.   პროფესიული პროგრამაზე “სკოლამდელი აღზრდა” (თბილისი) სწავლის ინსპირაცია თეოს შვილს უკავშირდება. სურდა კარგად შეესწავლა პროფესია და ბავშვის ფსიქოლოგია, პედაგოგიკა და მიდგომები.   “პროგრამის ფარგლებში მიღებული ცოდნა პირდაპირ აისახა ჩემ მომავალ საქმიანობაზე, რადგან ჯერ კიდევ სწავლის პროცესში დავიწყე მუშაობა ბაგა-ბაღში და მიღებული ცოდნა წარმატებით გადამქონდა პრაქტიკულ საქმიანობაში”,-აღნიშნა თეო ჭაბაშვილმა.

მარიამ ციხელაშვილი ივანე ჯავახიშვილის სახელობის თბილისის სახელმწიფო უნივერსიტეტის შოთა რუსთაველის სახელობის სამკითხველო დარბაზის უფროსი ბიბლიოთეკარია.   პროფესიისადმი ინტერესი საყვარელი მწერლის ერთ-ერთმა გმირმა განაპირობა, რომელიც მუზეუმში მუშაობდა. „იმდენად მომეწონა მისი საქმიანობა, ვფიქრობდი სად შეიძლებოდა მესწავლა, შემდეგ მუზეუმში ან ბიბლიოთეკაში რომ შემძლებოდა დასაქმება“,-ამბობს მარიამი.   საბოლოოდ არჩევანი თსუ-ში საბიბლიოთეკო საქმის პროფესიულ პროგრამაზე გააკეთა, რომელიც 2023 წელს წარმატებით დაასრულა. „vet.emis.ge-ზე პროგრამების თვალიერება დავიწყე არჩევანი კი, რა თქმა უნდა, თსუს პროფესიული განთლების ცენტრზე შევაჩერე, ჩვენს ქვეყანაში ასეთი პროფესიული განათლების ცენტრის არსებობა უდიდესი მნიშვნელობის მგონია თავისი მრავალფეროვანი და ხარისხიანი პროგრამებით“, - .განაცხადა მარიამ ციხელშვილმა. ის თავის პროფესიულ არჩევანში დარწმუნებულია, რადგან აღმოაჩინა, რომ პროგრამაზე სწავლის პერიოდი და თსუ ბიბლიოთეკის კედლებში გატარებული სამუშაო დღეები მას ზრდის არა მხოლოდ პროფესიულად, არამედ პიროვნულადაც.

ნათია ცნობილაძე ქუთაისის მერიის კულტურის სამსახურში უფროს სპეციალისტად მუშაობს, ამავდროულად ქუთაისის აკაკი ვასაძის სახელობის ფოლკლორის სახელოვნებო სასწავლებელში საინფორმაციო სისტემათა მენეჯმენტს ასწავლის.   ნათია თსუ პროფესიული განათლების ცენტრის 2024 წლის კურსდამთავრებულია. როგორც ამბობს, თსუ-ში საოფისე საქმის პროფესიული პროგრამაზე (ქუთაისი) სწავლამ ცოდნასთან ერთად საუკეთესო გამოცდილება მისცა. მიღებულ ცოდნას დღეს უკვე როგორც სპეციალისტი და პროფესიული მასწავლებელი ყოველდღიურ საქმიანობაში იყენებს.

“ეს პროგრამა პირდაპირ კავშირში იყო ჩემს სამსახურთან, მიღებული ცოდნა დამეხმარა მეტად კვალიფიციური გავმხდარიყავი ჩემს სფეროში და, მეტიც, თსუ პროფესიული განათლების ცენტრში უფრო მეტი ცოდნა მივიღე ვიდრე წარმომედგინა”,- ფატი გიორგაძე თსუ პროფესიული განათლების ცენტრის კურსდამთავრებულია. ფატიმ პროფესიულ პროგრამაზე “საოფისე საქმე” ( ქუთაისი) სწავლა 2024 წელს დაასრულა.   ის დღესაც დარწმუნებულია რომ 2023 წელს სწორი არჩევანი გააკეთა და მადლობას უხდის ცენტრს და პროგრამის ხელმძღვანელს თეა ჭეიშვილს.  ახლა უკვე თავად უძღვება სხვა პროფესიულ დაწესებულებაში სასწავლო პროცესს. ფატი გიორგაძე საქართველოს ფიზიკური აღზრდისა და სპორტის სახელმწიფო კოლეჯში სასწავლო პროცესის კორდინატორი და პროფესიული მასწავლებელია. ამავდროულად „საქარველოს ბანკი“-ს ქოლცენტრში მომხმარებელთა მხარადაჭერის უფროსი მენეჯერია.

ეკატერინე ჯაფარიძე თსუ პროფესიული განათლების ცენტრის 2024 წლის კურსდამთავრებულია. საოფისე საქმის პროფესიულ პროგრამაზე (ქუთაისი) სწავლა სხვადასხვა საჯარო სამსახურში მუშაობის შემდეგ გადაწყვიტა, რადგან დარწმუნებული იყო რომ  პროგრამის ფარგლებში მიღებული ცოდნა მის კარიერულ განვითარებას შეუწყობდა ხელს.   ეკატერინე ჯაფარიძე  რამდენიმე წელია რაც  აფხაზეთის ავტონომიური რესპუბლიკის მომსახურების სააგენტოში ადამიანური რესურსების მართვის, იურიდიულ საკითხთა და საქმისწარმოების სამმართველოს უფროსი სპეციალისტია. პროფესიული პროგრამის ფარგლებში მიღებული ცოდნა და პრაქტიკული გამოცდილება მას ყოველდღიურ საქმიანობაში ეხმარება.

ქეთევან ვარსიმაშვილი თსუ პროფესიული განათლების ცენტრის 2023 წლის კურსდამთავრებულია. ქეთევანი ამჟამად ერთ-ერთი სარეაბილიტაციო ცენტრის ადმინისტრაციის ხელმძღვანელია და პროფესიული პროგრამაზე „ღონისძიების ორგანიზება“ სწავლისას მიღებული ცოდნა მას სამსახურებრივ საქმიანობაში ეხმრება.    „აღნიშნულმა პროგრამამ ბევრი უნარი და ცოდნა შემძინა. ამჟამად ვმუშაობ ერთ-ერთ სარეაბილიტაციო ცენტრის ადმინისტრაციის ხელმძღვანელად და ვთვლი, რომ ეს პროფესიული უნარები გამომადგება ჩემს ამჟამინდელ საქმიანობაში. მინდა გითხრათ, რომ არასოდეს არის გვიანი შეიძინოთ ახალი ცოდნა, ახალი უნარები და ახალი პროფესია“,-განაცხადა ქეთევან ვარსიმაშვილმა.

თათია ყურაშვილი თსუ პროფესიული განათლების ცენტრის 2023 წლის კურსდამთავრებულია. თათია ამჟამად „კრედო ბანკის“ გუნდის წევრია. პროფესიული პროგრამა „საფინანსო სერვისები“ (ქუთაისი) მისთვის ახალი პროფესიის შეძენასთან ერთად კარიერული წინსვლის შასაძლებლობა აღმოჩნდა.    „პროფესიული პროგრამა დამეხმარა გავმხდარიყავი „კრედო ბანკის“ გუნდის წევრი. სწავლის პერიოდში მიღებულ ცოდნას, წარმატებით ვიყენებ ჩემს პროფესიულ საქმიანობაში“,-განაცხადა თათია ყურაშვილმა.