ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
28-30 მაისს ივანე ჯავახიშვილის სახელობის თბილისის სახელმწიფო უნივერსიტეტი მასპინძლობს საერთაშორისო კონფერენციას „პლატონის ფილოსოფია ინტერდისციპლინურ კონტექსტში“, რომელიც დაფინანსებულია შოთა რუსთაველის ეროვნული სამეცნიერო ფონდის მიერ და რომელიც ეძღვნება პირველი ქართული უნივერსიტეტის დაარსების 100 წლისთავს. პლატონის ფილოსოფიისადმი მიძღვნილი სპეციალიზებული საერთაშორისო კონფერენცია საქართველოში იმართება პირველად.
კონფერენციის უშუალო ორგანიზატორია თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტი. კონფერენციის თანაორგანიზატორები არიან აკაკი წერეთლის სახელმწიფო უნივერსიტეტი და ბათუმის შოთა რუსთაველის სახელმწიფო უნივერსიტეტი.
კონფერენციაში მონაწილეობს 60-ზე მეტი როგორც საყოველთაოდ ცნობილი, ისე ახალგაზრდა მომხსნებელი 4 კონტინენტიდან, მსოფლიოს 20-ზე მეტი ქვეყნიდან, რომელთაგან 40 უცხოელია. მათ შორის არიან პლატონისტთა საერთაშორისო ასოციაციის მმართველი საბჭოს წევრები, მრჩევლები, აღნიშნული ასოციაციის ყოფილი პრეზიდენტები და მომავალი, უკვე არჩეული პრეზიდენტი.
კერძოდ, კონფერენციაში მონაწილეობას იღებენ შემდეგი ქვეყნების წარმომადგენლები: აშშ, კანადა, ბრაზილია, ინგლისი, ირლანდია, გერმანია, შვეიცარია, საფრანგეთი, იტალია, ესპანეთი, საბერძნეთი, ბულგარეთი, უნგრეთი, რუსეთი, თურქეთი, ინდოეთი, ჰონგ კონგი, იაპონია, საქართველო, სომხეთი, აზერბაიჯანი. კონფერენციის ფარგლებში იმუშავებს სტუდენტური სექციაც.
კონფერენციის პარალელურად გაიმართება შემდეგი ღონისძიებები:
გია ბუღაძის პერსონალური გამოფენა: ფილოსოფია და მხატვრობა: „ბიბლიოდრამა ანამორფოსის“;
ფოტოგამოფენა „პლატონის დიალოგები სცენაზე“;
ვიდეოჩვენება „პლატონის დიალოგები სცენაზე“;
წიგნების გამოფენა: „პლატონი ქართულად“.
გია ბუღაძის პერსონალური გამოფენა: ფილოსოფია და მხატვრობა: „ბიბლიოდრამა ანამორფოსის“;
ფოტოგამოფენა „პლატონის დიალოგები სცენაზე“;
ვიდეოჩვენება „პლატონის დიალოგები სცენაზე“;
წიგნების გამოფენა: „პლატონი ქართულად“.
კონფერენციის დასკვნით დღეს, ივანე ჯავახიშვილის სახელობის თბილისის სახელმწიფო უნივერსიტეტის ინიციატივით, უნივერსიტეტის ბაზაზე დაფუძნდება კავკასიის პლატონისტთა საზოგადოება, რომელშიც გაწევრიანდებიან ქართველი, სომეხი და აზერბაიჯანელი პლატონისტები.
კონფერენციის გახსნა: 28 მაისი, 10.00 სთ, თსუ პირველი კორპუსი, 107-ე აუდიტორია.
გია ბუღაძის გამოფენის გახსნა: 28 მაისი, 13.00 სთ, თსუ პირველი კორპუსი, მესამე სართული, საგამოფენო დარბაზი.