ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თბილისის სახელმწიფო უნივერსიტეტის რექტორმა, აკადემიკოსმა ჯაბა სამუშიამ საქართველოში საბერძნეთის რესპუბლიკის საგანგებო და სრულუფლებიან ელჩთან მარია თეოდორუსთან სამუშაო შეხვედრა გამართა.
შეხვედრაზე საუბარი შეეხო თსუ-სა საბერძნეთის უმაღლეს საგანმანათლებლო დაწესებულებებს შორის არსებული თანამშრომლობის გაძლიერებასა და ახალი ურთიერთობების დამყარებას. კერძოდ, გამოითქვა სურვილი და შესაძლებლობა სტუდენტების, აკადემიური და ადმინისტრაციული პერსონალის მობილობის რაოდენობის გაზრდასთან დაკავშირებით. განსაკუთრებული აქცენტი გაკეთდა ერთობლივი სამეცნიერო კვლევების განხორციელებაზე.
თსუ-ს მჭიდრო პარტნიორული ურთიერთობა აქვს კაპოდისტრიანის სახელობის ათენის ეროვნულ უნივერსიტეტთან, დემოკრიტეს სახელობის თრაკიის უნივერსიტეტთან, იოანინას უნივერსიტეტთან, არისტოტელეს სახელობის თესალონიკის უნივერსიტეტთან, დასავლეთ მაკედონიის უნივერსიტეტთან.
საბერძნეთის ელჩთან შეხვედრაზე აღინიშნა თსუ ჰუმანიტარულ მეცნიერებათა ფაკულტეტის კლასიკური ფილოლოგიის, ბიზანტინისტიკისა და ნეოგრეცისტიკის სასწავლო–სამეცნიერო ინსტიტუტის განსაკუთრებული როლი ორ ქვეყანას შორის საგანმანათლებლო-სამეცნიერო და, ზოგადად, მეგობრობის გამტკიცების საქმეში.
