ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თბილისის სახელმწიფო უნივერსიტეტის რექტორი, AUF-ის ცენტრალური და აღმოსავლეთ ევროპის რექტორთა კონფერენციის ვიცე-პრეზიდენტი ჯაბა სამუშია რუმინეთში, ქალაქ იაშის ცენტრალური და აღმოსავლეთ ევროპის რექტორთა საბჭოს პრეზიდენტების და ვიცე-პრეზიდენტების სხდომას დაესწრო.
სხდომას ცენტრალური და აღმოსავლეთ ევროპის პრეზიდენტმა, იაშშის უნივერსიტეტის რექტორმა, პროფესორმა ტუდორელ ტოადერმა უმასპინძლა. შეხვერაზე ფრანკოფონიის საუნივერსიტეტო სააგენტოს (AUF) ეგიდით ცენტრალური და აღმოსავლეთ ევროპის უნივერსიტეტების სტუდენტებისთვის საერთო ფრანკოფონიური სტიპენდიის დანიშვნის საკითხი განიხილეს. აღნიშნული ხელს შეუწყობს ფრანგული ენის, საფრანგეთის ისტორიისა და კულტურის პოპულარიზაცია-შესწავლას შეუწყობს ხელს. თსუ რექტორის ჯაბა სამუშიას ინფორმაციით, ფრანკოფონიული სტიპენდიები შეხვედრაში მონაწილე უნივერსიტეტებში, მათ შორის, თსუ-ში სხვადასხვა მიმართულებით გამოცხადდება და მასში მონაწილეობა ფრანგული ენის მცოდნე სტუდენტებს შეეძლებათ.
AUF მსოფლიოში უმაღლესი საგანმანათლებლო და კვლევითი ინსტიტუტების ერთ-ერთი უმნიშვნელოვანესი ასოციაციაა, რომელიც 1000-ზე მეტ უნივერსიტეტს, უმაღლეს სკოლას, საუნივერსიტეტო და სამეცნიერო კვლევით ცენტრს აერთიანებს. თბილისის სახელმწიფო უნივერსიტეტი 2008 წლიდან ფრანკოფონიის საუნივერსიტეტო სააგენტოს (AUF) წევრია. 2023 წელს თბილისის სახელმწიფო უნივერსიტეტის რექტორი, აკადემიკოსი ჯაბა სამუშია ფრანკოფონიის საუნივერსიტეტო სააგენტოს (AUF) ცენტრალური და აღმოსავლეთ ევროპის რექტორთა კონფერენციის ვიცე-პრეზიდენტად აირჩიეს რუმინეთის დედაქალაქ ბუქარესტში გამართულ რექტორთა კონფერენციაზე ქართული დელეგაციის წარდგინებით.