ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თბილისის სახელმწიფო უნივერსიტეტის რექტორმა, აკადემიკოსმა ჯაბა სამუშიამ გერმანიაში ვიზიტის ფარგლებში გოეთეს სახელობის ფრანკფურტის უნივერსიტეტის პრეზიდენტთან ენრიკო შლაიფთან სამუშაო შეხვედრა გამართა.
შეხვედრაზე ორ უნივერსიტეტს შორის მრავალწლიანი თანამშრომლობის ფარგლებში კონკრეტული პროექტების გაფართოების შესაძლებლობები განიხილეს, მათ შორის, ისაუბრეს ერასმუს პლიუსის საერთაშორისო კრედიტ მობილობის პროგრამაში განაცხადის გაკეთების შესახებ. ასევე, ქართველოლოგიის მიმართულების გაძლიერების პერსპექტივებზე.
შეხვედრას ასევე ესწრებოდნენ მასპინძელი უნივერსიტეტის გლობალური ოფისის ხელმძღვანელი, პრეზიდიუმის წარმომდგენელი და კავკასიოლოგიის მიმართულების პროფესორი.
შეხვედრის ფარგლებში ფრანკფურტის უნივერსიტეტის პრეზიდენტმა შეხვედრის მონაწილეებს უნივერსიტეტის სტრუქტურა გააცნო და მართვის საუკეთესო პრაქტიკა გაუზიარა. ორი უნივერსიტეტის თანამშრომლობის კიდევ უფრო გაღრმავების მიზნით, ასევე დაიგეგმა ენრიკო შლაიფის ვიზიტი თბილისის სახელმწიფო უნივერსიტეტში.