ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
23 და 24 მაისს დაგეგმილია ბირთვული კვლევების ევროპული ორგანიზაციის (ცერნის, - ჟენევა, შვეიცარია) დელეგაციის ვიზიტი საქართველოში, ივანე ჯავახიშვილის სახელობის თბილისის სახელმწიფო უნივერსიტეტში. დელეგაციის შემადგენლობაში შედიან ცერნის ATLAS ექსპერიმენტის ხელმძღვანელის მოადგილე (კოორდინატორი) ტექნიკურ საკითხებში პროფესორი ლუდოვიკო პონტეკორვო, ATLAS ექსპერიმენტის ხელმძღვანელის მოადგილე (კოორდინატორი) საფინანსო საკითხებში პორფესორი დევიდ ფრენსისი, ATLAS ექსპერიმენტის ტაილ კალორიმეტრის პროექტის ხელმძღვანელის მოადგილე დოქტორი ჰენრიკ ვილკენსი.
დელეგაციის ვიზიტის მასპინძელია თბილისის სახელმწიფო უნივერსიტეტი, რომლის დაქვემდებარებაში მყოფი ნოდარ ამაღლობელის სახელობის მაღალი ენერგიების ფიზიკის ინსტიტუტი და ელფთერ ანდრონიკაშვილის სახელობის ფიზიკის ინსტიტუტი მონაწილეობენ ATLAS ექსპერიმენტში 1994 წლიდან დღემდე. დაგეგმილია უნივერსიტეტის ადმინისტრაციის ხელმძღვანელის (კანცლერის) ლაშა საღინაძის და უნივერსიტეტის სამეცნიერო კვლევების და განვითარების დეპარტამენტის ხელმძღვანელის პროფ. გიორგი ღვედაშვილის შეხვედრა დელეგაციის წევრებთან. შეხვედრას დაესწრებიან ATLAS ექსპერიმენტში საქართველოს კლასტერის ხელმძღვანელი პროფ. ირაკლი მინაშვილი და ნოდარ ამაღლობელის სახელობის მაღალი ენერგიების ფიზიკის ინსტიტუტის მეცნიერ-ფიზიკისები (გ.დევიძე, ა.დურგლიშვილი, მ.მოსიძე, ე. ცხადაძე, თ. ზაქარეიშვილი, თ. ჯობავა, პ. წოწკოლაური (თსუ ზუსტ და საბუნებისმეტყველო მეცნიერებათა ფაკულტეტის დოქტორანტი), რომლებიც არიან ATLAS საერთაშორისო ექსპერიმენტის/თანამშრომლობის წევრები და მონაწილეობენ ექსპერიმენტის ფიზიკური პროგრამის ფარგლებში მიმდინარე გამოკვლევებში. შეხვედრაზე ქართველი მეცნიერები წარმოადგენენ თავიანთი გამოკვლევების შედეგებს და განხილული იქნება თბილისის სახელმწიფო უნივერსიტეტის ცერნის ATLAS ექსპერიმენტთან თანამშრომლობის გაფართოების და გაღრმავების საკითხები. ასევე საუბარი იქნება უნივერსიტეტის ზუსტ და საბუნებისმეტყველო მეცნიერებათა ფაკულტეტის ბაკალავრიატის და მაგისტრატურის საფეხურის სტუდენტების ცერნში მოკლევადიანი ვიზიტებით გაგაზავნის შესაძლებლობის შესახებ, მათი სამეცნიერო გამოკვლევებით დაინტერესებისა და ცერნის ექსპერიმენტებში ჩართვის მიზნით.