საიტი მუშაობს სატესტო რეჟიმში

(ძველი ვერსია)
eng
facebook
youtube
twitter icon
linkedin icon

სეულის ეროვნული უნივერსიტეტის საპრეზიდენტო სტიპენდია

სეულის ეროვნული უნივერსიტეტის საპრეზიდენტო სტიპენდია

 

სეულის ეროვნულ უნივერსიტეტში მოქმედი საპრეზიდენტო სტიპენდია უცხოელ სტუდენტებს შესაძლებლობას აძლევს აღნიშნულ უმაღლეს სასწავლებელში სწავლა განაგრძონ სადოქტორო პროგრამაზე.

 

საპრეზიდენტო სტიპენდიის ფარგლებში საერთაშორისო განაცხადების მიღება წარმოებს, როგორც კორეულ, ასევე ინგლისურენოვან მიმართულებებზე. სტიპენდიის მფლობელებს, სრულად დაუფინანსდებათ სეულის ეროვნულ უნივერსიტეტში ექვსი სემესტრის სწავლის გადასახადი, მგზავრობის ხარჯი (ეკონომ კლასის ავიაბილეთი) და სამედიცინო დაზღვევა. უნივერსიტეტში მიღებული კანდიდატი, მაქსიმუმ 4 წლის განმავლობაში, ასევე მიიღებს ყოველთვიურ სტიპენდიას 1.500.00-2.000.000 კორეული ვონის (დაახლოებით 1.250-1.600 აშშ დოლარი) ოდენობით.

 

2021 წლის გაზაფხულის სემესტრისთვის, ონლაინ განაცხადების მიღება იწარმოებს 2020 წლის 20 ივლისიდან 30 ივლისამდე.

 

კონკურსში მონაწილეობა შეუძლიათ, სტუდენტებს, რომლებიც ჯერ არ ფლობენ დოქტორის ხარისხს. დაფინანსების პრიორიტეტულ მიმართულებებს წარმოადგენს: ინჟინერია, მედიცინა, ჯანდაცვა, სოფლის მეურნეობა, განვითარების მეცნიერებები და კორეათმცოდნეობა.


დანართის სახით იხილეთ სააპლიკაციო ფორმა, აგრეთვე სრულ ინფორმაცია უნივერსიტეტში მიღების კრიტერიუმების და პროცედურების შესახებ.

დანართი 1დანართი 2დანართი 3.

თარიღი: 26/06/2020