ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
ივანე ჯავახიშვილის სახელობის თბილისის სახელმწიფო უნივერსიტეტის ბიბლიოთეკას ესპანური ლიტერატურის კლასიკური ნიმუშები შეემატა. თსუ რექტორმა გიორგი შარვაშიძემ ესპანეთის სამეფოს საქმეთა რწმუნებულს საქართველოში, ხორხე ლუსინის უმასპინძლა. რწმუნებულმა თსუ ბიბლიოთეკას სერვანტესის უნივერსიტეტის საჩუქარი, ესპანური კლასიკური ლიტერატურის ნიმუშები გადასცა.
გიორგი შარვაშიძის თქმით, თბილისის სახელმწიფო უნივერსიტეტში უნდა გაძლიერდეს ესპანური მიმართულება. „გარდა იმისა, რომ მზადდება პროგრამა სააკრედიტაციოდ, ასევე, დაიწყო ბასკური ენის სწავლება. იანვრიდან კი, თსუ-ში გალიციური ენის შესწალაც იქნება შესაძლებელი. დღეს გადაიდგა პირველი ნაბიჯები დიდ და საინტერესო გზაზე სერვანტესის უნივერსიტეტთან ერთად,“-აღნიშნა თსუ რექტორმა.
„თსუ ბიბლიოთეკას საჩუქრად გადმოეცა წიგნები სერვანტესის უნივერსიტეტისაგან, რომელიც უზრუნველყოფს ესპანური ენის გავრცელებას საზღვარგარეთ. ვიმედოვნებთ, რომ ეს წიგნები დაეხმარება სტუდენტებს ესპანურის უკეთ სწავლასა და ენის დახვეწაში. ასევე ეს იქნება ძალიან კარგი დასაწყისი ესპანეთსა და საქართველოს შორის თანამშრომლობისა განათლების სფეროში,“-განაცხადა ხორხე ლუსინიმ.
თბილისის სახელმწიფო უივერსიტეტი უკვე თანამშრომლობს 6 ესპანურ უნივერსიტეტთან საერთაშორისო კრედიტ მობილობის პროგრამის „ერასმუს+“-სა და ორმხრივი თანამშრომლობის მიზნით გაფორმებული ხელშეკრულების საფუძველზე მოქმედი გაცვლითი პროგრამების ფარგლებში. ახლო მომავალში იგეგმება თსუ-ში ესპანური ენის სწავლების გაძლიერება და ესპანისტიკის, როგორც დამოუკიდებელი მიმართულების ჩამოყალიბება.
