ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
ივანე ჯავახიშვილის სახელობის თბილისის სახელმწიფო უნივერსიტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტი აწყობს სამეცნიერო კონფერენციას „ენა - ნორმა და დევიაცია“, რომელიც ეძღვნება კლასიკური ფილოლოგიის ერთ-ერთი გამორჩეული წარმომადგენლის, თინათინ გიორგობიანის დაბადებიდან მე-80 წლისთავს.
კონფერენცია ჩატარდება 2022 წლის 24-25 ნოემბერს თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტში. თითოეულ მომხსენებელს დაეთმობა ნახევარი საათი (მოხსენება - 20 წთ., დისკუსია - 10 წთ.). კონფერენციის სამუშაო ენა ქართულია. კონფერენციის თეზისები დაიბეჭდება კრებულის სახით და განთავსდება თსუ-ს ბიბლიოთეკის რეპოზიტორიუმში, რათა მოხვდეს Google Scholar-ის ინდექსების ბაზაში. კონფერენციის თეზისებთან ერთად გამოქვეყნდება თინათინ გიორგობიანის სტუდენტების, კოლეგებისა და მეგობრების მოგონებებიც.
მოხსენების თეზისების მიღების ბოლო ვადა: 7 ოქტომბერი, 2022. თეზისებთან ერთად წარმოდგენილ უნდა იქნეს ინფორმაცია მომხსენებლის შესახებ: სახელი და გვარი, დაწესებულება და თანამდებობა, საკონტაქტო ინფორმაცია (ტელეფონი და ელფოსტა).
საკონფერენციო თეზისები (200-300 სიტყვა), გთხოვთ, გაგზავნოთ შემდეგ მისამართზე: greekstudies@tsu.ge.