ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თბილისის სახელმწიფო უნივერსიტეტის წარმომადგენლების მიერ ბათუმში ორი აქტივობა ჩატარდა. 4 ივნისს სამეცნიერო პიკნიკი წმინდა მატათას სახელობის სასულიერო გიმნაზიაში სკოლის მოსწავლეებისათვის და ასევე 5 ივნისს ბათუმის შოთა რუსთაველის სახელმწიფო უნივერსიტეტში - სტუდენტებისთვის. ორივე ღონისძიებაში თსუ პროფესორებთან ერთად ბათუმის უნივერსიტეტის აგრარული და მემბრანული ტექნოლოგიების ინსტიტუტის წარმომaდგენელები იყვნენ ჩართული.
„ვინ და რატომ უნდა ისწავლოს ქიმია? – მეცნიერება ჩვენს ყოველდღიურ ცხოვრებაში,“-ამ სახელით გამართული ღონისძიებების მიზანი სკოლის მოსწავლეებსა და სტუდენტებში ქიმიისადმი ინტერესის გაზრდა გახლდათ პრაქტიკული, ვიზუალური და ინტერაქტიული აქტივობების საშუალებით, რაც ლაბორატორიულ დემონსტრაციებს, ექსპერიმენტებს, ქიმიის პრაქტიკულ უნარ-ჩვევების დემონსტრირებას, ასევე საგანმანათლებლო ლექციებს და შემოქმედებით აქტივობებს გულისხმობს. ღონისძიებები (რუსთაველის ეროვნული სამეცნიერო ფონდის გრანტის SPG-25-652 -ის) ფარგლებში ხორციელდება, რომლის მიზანია ქიმიის პოპულარიზაცია სკოლის მოსწავლეებში - ქიმიის ვიზუალური ეფექტების ჩვენება; საბუნებისმეტყველო მეცნიერებებისადმი ინტერესის გაზრდა; პრაქტიკული გამოცდილების მიღების ხელშეწყობა; მეცნიერების ყოველდღიურ ცხოვრებასთან დაკავშირება და სხვა.
ღონისძიების დამსწრეთ საშუალება ჰქონდათ მონაწილეობა მიეღოთ სხვადასხვა სახალისო ექსპერიმენტში და ასევე მოესმინათ ლექციები, რომლებიც თსუ პროფესორებმა ზუსტ და საბუნებისმეტყველო მეცნიერებათა ფაკულტეტის ქიმიის სასწავლო-სამეცნიერო ლაბორატორიის გამგემ, ქიმიის დოქტორმა ელზა მარქარაშვილმა და აკადემიკოსმა რამაზ გახოკიძემ წაიკითხეს. მოგვიანებით, თსუ წარმომადგენლების ბათუმის უნივერსიტეტის რექტორთან შეხვედრა შედგა სადაც ელზა მარქარაშვილსა და რამაზ გახოკიძეს მადლობის სიგელები გადაეცათ.
