ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თბილისის სახელმწიფო უნივერსიტეტში გაიმართა თსუ პროფესორის, ნუგზარ სურგულაძის 75 წლის და სამეცნიერო-პედაგოგიური საქმიანობის 50 წლისადმი მიძღვნილი საიუბილეო კრებულის პრეზენტაცია.
კრებულში თავმოყრილია თსუ-სა და სხვა უნივერსიტეტების იურიდიული ფაკულტეტების პროფესორ-მასწავლებლების სტატიები სხვადასხვა იურიდიულ და ინტერდისციპლინურ თემებზე.
თსუ რექტორმა, აკადემიკოსმა ჯაბა სამუშიამ ქვეყნისთვის ნუგზარ სურგულაძის საქმიანობასა და თსუ იურიდიული სკოლის მნიშვნელობაზე ისაუბრა: „ნუგზარ სურგულაძე ჩვენი უნივერსიტეტის ისტორიის განუყოფელი ნაწილია - პიროვნება, რომლის სახელიც ღირსეულად უკავშირდება ჩვენი იურიდიული სკოლის განვითარებასა და გაძლიერებას. გულითად მადლობას ვუხდით ყველას, ვინც იმუშავა ამ განსაკუთრებულ კრებულზე, რომელიც მის 75 წლის იუბილეს ეძღვნება. ეს გამოცემა გაჯერებულია საინტერესო და მნიშვნელოვანი სამეცნიერო სტატიებით და ნათლად ასახავს იმ ინტელექტუალურ მასშტაბსა და აკადემიურ ტრადიციას, რომელსაც ჩვენი იურიდიული სკოლა ატარებს.“
პრეზენტაციაზე ხაზგასმით აღინიშნა პროფესორის ღვაწლი იურისტთა მაღალკვალიფიციური კადრების მომზადებაში, ასევე მისი მნიშვნელოვანი წვლილი უცხოური სამართლის ძეგლების ქართულ ენაზე თარგმნასა და მრავალმხრივ სამეცნიერო კვლევებში.
