5 აგვისტოს, 20.00 საათზე, თსუ პირველი კორპუსის ეზოში გაიმართება ბაკალავრიატის და მაგისტრატურის 2024 წლის კურსდამთავრებულთა გამოშვების საზეიმო ღონისძიება.

5 აგვისტოს, 18:00 საათზე თსუ პირველი კორპუსის ეზოში 2024 წლის კურსდამთავრებულების სახელზე დაირგვება ხე, რითაც საფუძველი ჩაეყრება თსუ კურსდამთავრებულთა ხეივანს.

5 აგვისტოს, 19.30 საათიდან კურსდამთავრებულთა შეკრების ადგილი თსუ I კორპუსში ფაკულტეტების მიხედვით:

მედიცინის ფაკულტეტი - ნულოვანი სართულის დერეფანი, მარცხენა (ჭავჭავაძის მხარეს) ფლიგელი

ჰუმანიტარულ მეცნიერებათა ფაკულტეტი - ნულოვანი სართულის დერეფანი, მარჯვენა (ეზოს მხარეს) ფლიგელი

იურიდიული ფაკულტეტი- I სართ. მარცხენა (ჭავჭავაძის მხარეს, კანცელარიის) ფლიგელი

სოციალურ და პოლიტიკურ მეცნიერებათა ფაკულტეტი - I შიდა ეზო (ჭავჭვაძის მხარეს)

ეკონომიკისა და ბიზნესის ფაკულტეტი - II შიდა ეზო (ძეგლიანი ეზო)

ზუსტ და საბუნებისმეტყველო მეცნიერებათა ფაკულტეტი - II სართული მარცხენა ფლიგელი (ჭავჭავაძის მხარეს)

ფსიქოლოგიისა და განათლების მეცნიერებათა ფაკულტეტი - II სართულის დერეფანი, მარჯვენა ფლიგელი (ეზოს მხარეს)

31 ივლისიდან 5 აგვისტოს ჩათვლით თსუ I კორპუსის წინ სპეციალურად თქვენთვის მოწყობილ ფოტოზონებში შესაძლებლობა გექნებათ გამართოთ ფოტოსესიები ჯგუფელებთან, მეგობრებთან  ერთად.

ფოტოსესიისთვის და ღონისძიებაზე დასასწრებად მანტიების, ქუდების და კაშნეების აღება შეგიძლიათ ფაკულტეტებზე  31 ივლისს, 1, 2, და 5 აგვისტოს 10:00-დან 17:00 საათამდე.

მანტიები გაიცემა:

1. ჰუმანიტარულ მეცნიერებათა ფაკულტეტი -  I კორპუსი, აუდიტორია # 201;

2. იურიდიული ფაკულტეტი -   II კორპუსი, აუდიტორია  #212;

3. ზუსტ და საბუნებისმეტყველო მეცნიერებათა ფაკულტეტი -  II კორპუსი, აუდიტორია #102, 

4. ეკონომიკისა და ბიზნესის ფაკულტეტი -  X (მაღლივი) კორპუსი, ოთახი #602;

5. მედიცინის ფაკულტეტი- მორფოლოგიის ინსტიტუტი, ოთახი #324;

6. სოციალურ და პოლიტიკურ მეცნიერებათა ფაკულტეტი - VI კორპუსი, ოთახი #208;

7. ფსიქოლოგიისა და განათლების მეცნიერებათა ფაკულტეტი - III კორპუსი, აუდიტორია  #107.

მანტიების დაბრუნება:

ჰუმანიტარულ მეცნიერებათა ფაკულტეტის,  იურიდიული ფაკულტეტის, ზუსტ და საბუნებისმეტყველო მეცნიერებათა ფაკულტეტის,  სოციალურ და პოლიტიკურ მეცნიერებათა ფაკულტეტის კურსდამთავრებულებს მანტიების დაბრუნება შეგეძლებათ 5 აგვისტოს ღონისძიების შემდეგ, ხოლო 6 და 7 აგვისტოს 11.00-დან 16.00 საათამდე - ფაკულტეტებზე მითითებულ მისამართებზე. 

ეკონომიკისა და ბიზნესის ფაკულტეტის, მედიცინის ფაკულტეტისა და ფსიქოლოგიისა და განათლების მეცნიერებათა ფაკულტეტის კურსდამთავრებულებს 5 აგვისტოს მანტიების დაბრუნება შეგეძლებათ თსუ I კორპუსში (I სართული, დერეფანი ჭავჭავაძის მხარეს), ხოლო 6 და 7 აგვისტოს 11.00-დან 16.00 საათამდე - ფაკულტეტებზე მითითებულ მისამართებზე.

კაშნეებს უნივერსიტეტი სამახსოვროდ გადმოგცემთ. 

ღონისძიების შემდგომი წვეულება ,,After Party” გაიმართება 5 აგვისტოს, 22:30 საათზე, კუს ტბაზე, "ცისკარის" სივრცეში. საღამოს მუსიკალურად გააფორმებენ: Mechanical Rainbow, DJ Haverdi, DJ Mazana.

სტუდენტებს ავტობუსები მოემსახურებიან კუს ტბის ასახვევიდან 22:00 საათიდან.

After Party-სთვის მოსაწვევები გაიცემა თსუ-ს I კორპუსის 213-ე აუდიტორიაში და მაღლივი კორპუსის 102 აუდიტორიაში. 31 ივლისი, 1-2-5 აგვისტოს. 11:00 საათიდან 18:00 საათამდე. 3 აგვისტოს, შაბათს 12:00 საათიდან 17:00 საათამდე. თან იქონიეთ პირადობის დამადასტურებელი მოწმობა, რომელიც ღონისძიების დღეს მოსაწვევთან ერთად უნდა წარმოადგინოთ.

გილოცავთ უნივერსიტეტის დამთავრებას და გისურვებთ წარმატებებს!