ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
ივანე ჯავახიშვილის სახელობის თბილისის სახელმწიფო უნივერსიტეტში ადამიანის უფლებების სამართლის საუნივერსიტეტო კვირეულის დახურვის ღონისძიება გაიმართა. კვირეულის ფარგლებში საქართველოს 10 უნივერსიტეტის სამართლის სკოლის
ლექტორებისა და სტუდენტების მონაწილეობით, ადამიანის უფლებათა
სამართლისადმი მიძღვნილი ღონისძიებები გაიმართა.ადამიანის უფლებების სამართლის საუნივერსიტეტო კვირეული ყოველწლიურად დეკემბრის თვეში იმართება. მისი მიზანი სტუდენტებსა და ახალგაზრდებში ადამიანის უფლებებების პრობლემური საკითხების შესახებ ცოდნის გავრცელება და უნივერსიტეტების თანამშრომლობის გზით ადამიანის უფლებების სამართლის შესახებ იდეათა და მოსაზრებათა აქტიური ურთიერთგაცვლაა.
თსუ პროფესორის,
მორის შალიკაშვილის თქმით, კვირეულის ფარგლებში სხვადასხვა ღონისძიებები განხორციელდა, სადაც სტუდენტებს შეეძლოთ მონაწილეობის მიღება და ადამიანის უფლებების შესახებ უფრო მეტი ინფორმაციის გაგება.
„თსუ იურიდიული ფაკულტეტი ამ ღონისძიებებში აქტიურად იყო ჩართული. კერძოდ, გაიმართა თსუ პროფესორის კონსტანტინე კორკელიას საჯარო ლექცია - „ადამიანის უფლებათა ევროპული სასამართლოს საკონსულტაციო იურისდიქცია კონვენციის მე-16 ოქმის მიხედვით: გამოწვევები და პერსპექტივა“ და სტატიათა კრებულის - „ადამიანის უფლებათა დაცვა: კანონმდებლობა და პრაქტიკა“ წარდგენა“ - აღნიშნა მორის შალიკაშვილმა.
კვირეულის მხარდამჭერები არიან: ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული პროგრამა „კანონის უზენაესობის მხარდაჭერა საქართველოში“ (EWMI/PROLoG) და გერმანიის საერთაშორისო თანამშრომლობის საზოგადოება (GIZ).