ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
იწყება რეგისტრაცია თსუ-ისა და ბერლინის თავისუფალი უნივერსიტეტის სამართლისა და ეკონომიკის პროგრამაზე: „DESK – გერმანია სამხრეთ კავკასიაში: სამართალი და განვითარების ტენდენციები.“
ივანე ჯავახიშვილის სახელობის თბილისის სახელმწიფო უნივერსიტეტის (თსუ) იურიდიული ფაკულტეტი და ბერლინის თავისუფალი უნივერსიტეტის აღმოსავლეთ ევროპის კვლევების ინსტიტუტი გთავაზობთ ერთობლივ ერთწლიან სასწავლო პროგრამას - „DESK – გერმანია სამხრეთ კავკასიაში: სამართალი და განვითარების ტენდენციები“.
პროგრამა ხორციელდება გერმანულ ენაზე და შედგება სამი მოდულისგან, რომლებიც ფოკუსირებულია გერმანულ (პოლიტიკურ) ეკონომიკასა და სამართალზე. პროგრამა ასევე მოიცავს ექვსკვირიან სტაჟირებას ზაფხულის პერიოდში.
პროგრამის წარმატებით დასრულების შემდეგ ყველა სტუდენტი მიიღებს სერტიფიკატს ინდივიდუალური შეფასებების მითითებით. გარდა ამისა, სამი უმაღლესი შეფასების მქონე სტუდენტი სრული დაფინანსებით ერთი სემესტრის განმავლობაში ისწავლის ბერლინის თავისუფალ უნივერსიტეტში.
აღნიშნული პროგრამა თსუ-ის სტუდენტებისთვის არის უფასო!
პროგრამაში მონაწილეობის მსურველი სტუდენტები უნდა ირიცხებოდნენ თსუ-ის ბაკალავრიატის ან სამაგისტრო პროგრამაზე, უნდა გამოირჩეოდნენ მაღალი მოტივაციით, გერმანული ენის კარგი ცოდნითა და მაღალი აკადემიური მოსწრებით. პროგრამაში მონაწილეთა შერჩევა მოხდება წერილობითი განაცხადისა და გასაუბრების საფუძველზე. 2024/25 სასწავლო წლისთვის განაცხადების მიღება უკვე დაიწყო და იწარმოებს ივლისის ბოლომდე.
პროგრამის შესახებ საინფორმაციო შეხვედრა გაიმართება 10 ივლისს, 17:00 საათზე, თსუ II კორპუსის 129-ე აუდიტორიაში. შეხვედრაზე დასწრება შესაძლებელია აგრეთვე ონლაინ შემდეგი ბმულის გამოყენებით: https://us04web.zoom.us/j/78249107676?pwd=5PPwZdUPoeGqsoBxa1PJmIZzzOR38P.1
პროგრამის შესახებ დეტალური ინფორმაცია იხილეთ ლინკზე: https://www.oei.fu-berlin.de/internationales/TSU/index.html
განაცხადის გასაკეთებლად ეწვიეთ: https://www.oei.fu-berlin.de/internationales/TSU/Bewerbung/index.html კითხვების შემთხვევაში დაუკავშირდით პროგრამის ტუტორს შემდეგ მეილზე: ergemlidze01@zedat.fu-berlin.de