ისწავლე კინოს ენა და გადაიღე შენი პირველი კინემატოგრაფიული ისტორია!

გაინტერესებს, როგორ იქმნება კინო? გინდა ისწავლო ფილმების სიღრმისეული ანალიზი და თავად სცადო რეჟისორის, სცენარისტისა თუ ვიზუალური ამბის მთხრობელის როლი?

12-17 წლის მოზარდებს გიწვევთ 12-კვირიან საგანმანათლებლო-შემოქმედებით კურსზე, სადაც ქართული და მსოფლიო კინოს კლასიკის მაგალითებზე აღმოაჩენთ, თუ როგორ ლაპარაკობს კინო კადრის, სინათლის, მონტაჟის, ფერისა და მუსიკის საშუალებით!

რას გთავაზობს კურსი?

კინოჩვენება და დისკუსია: ფილმებისა და საკულტო ეპიზოდების განხილვა პროფესიულ დონეზე

ვიზუალური აზროვნება: პერსონაჟის, სიუჟეტის, განათების, დიალოგისა და მსახიობის თამაშის ანალიზი

პრაქტიკული დავალებები: ყოველკვირეული შემოქმედებითი სავარჯიშოები დაკვირვებისა და თხრობის უნარების გასავითარებლად

საბოლოო პროექტი: კურსის ბოლოს შექმნი შენს პირველ მოკლე მხატვრულ სცენას, დოკუმენტურ ჩანახატს ან ვიზუალურ ისტორიას და წარადგენ აუდიტორიის წინაშე!

დეტალები:

სამიზნე ჯგუფი: 12–17 წლის მოზარდები

დაწყება: 23 ოქტომბერი

ხანგრძლივობა: 12 კვირა

განრიგი: ყოველ პარასკევს, 17:00 საათზე

ადგილები შეზღუდულია!

მიეცი შენს შემოქმედებით იდეებს კინემატოგრაფიული ფორმა.

დარეგისტრირდი ახლავე: [ სარეგისტრაციო ბმული ]

დამატებითი ინფორმაციისთვის: junior@tsu.ge

I კვირა — რა არის კინო?
ფილმები: ჟორჟ მელიესი — „მოგზაურობა მთვარეზე“; ლუმიერების მოკლე ფილმები.
გარჩევა: კინოს დაბადება, პირველი ფილმები, კადრი და მოძრავი გამოსახულება; როგორ შეიძლება ამბის მოყოლა სიტყვების გარეშე.

დავალება:
გადაიღე ტელეფონით 3–5 კადრი, რომლითაც პატარა ამბავს სიტყვების გარეშე მოყვები.

II კვირა — როგორ გვიყვება კამერა ისტორიას?

ფილმი: ჩარლი ჩაპლინის „ბიჭუნა“ — შერჩეული ეპიზოდები.
გარჩევა:
კადრის ზომა, ხედვის წერტილი, მოძრაობა, მიმიკა, ჟესტი, ემოცია და ვიზუალური თხრობა.
დავალება:
ერთი ემოციის გადმოცემა მოკლე სცენით ისე, რომ სიტყვები არ გამოიყენო.

III კვირა — ადამიანი და გარემო ქართულ კინოში
ფილმი: მერაბ კოკოჩაშვილი — „დიდი მწვანე ველი“.
გარჩევა:
ადამიანისა და ბუნების ურთიერთობა, გარემოს როლი, პეიზაჟი, პერსონაჟი და რეჟისორის სათქმელი.
დავალება:
მოკლე ესე — რა როლს ასრულებს ბუნება ფილმში? შემდეგ გადაიღე ერთი კადრი, რომელიც შენთვის კონკრეტულ აზრს ან ემოციას გამოხატავს.

IV კვირა — რიტუალი, ტრადიცია და კინო
ფილმი: გიორგი შენგელაია — „ალავერდობა“.

გარჩევა:
რიტუალი, ტრადიცია, ადამიანი, მასობრივი სცენა, სიმბოლო, სივრცე და რეჟისორის ხედვა.
დავალება:
აირჩიე ერთი ქართული ტრადიცია ან რიტუალი და დაგეგმე მისი კინოში გადატანა.
ჩამოწერე მინიმუმ 5 კადრი, რომლითაც მას აჩვენებდი.

V კვირა — ქალაქი, ადამიანი და ყოველდღიურობა

ფილმი: ოთარ იოსელიანი — „იყო შაშვი მგალობელი“.
გარჩევა:
ყოველდღიური ცხოვრების კინო, ქალაქი როგორც კინოსივრცე, დაკვირვება, იუმორი, ირონია, დეტალი, მუსიკა და ხმა.
დავალება:
გადაიღე ერთი ჩვეულებრივი ადგილი ან სიტუაცია ისე, რომ მაყურებელს მასში საინტერესო რამ დაანახო.

VI კვირა — პერსონაჟი, არჩევანი და კონფლიქტი
ფილმი:პიტერ უირი- „მკვდარი პოეტების საზოგადოება“.
გარჩევა:
მთავარი პერსონაჟი, პერსონაჟის განვითარება, კონფლიქტი, თავისუფლება, არჩევანი, ურთიერთობები და დიალოგი.
დავალება:
შექმენი საკუთარი პერსონაჟი

VII კვირა — ადამიანი და სოციალური რეალობა

ფილმი: ვიტორიო დე სიკა — „ველოსიპედების გამტაცებლები“.

გარჩევა:
ნეორეალიზმი, რეალური გარემო, ჩვეულებრივი ადამიანის ისტორია, სოციალური პრობლემა, ბუნებრივი თამაში და ემოციური თხრობა.
დავალება:
მოიფიქრე რეალური ყოველდღიური ამბავი, რომელიც შეიძლება ფილმის საფუძველი გახდეს. დაწერე მისი მოკლე სინოფსისი.

VIII კვირა — იდეიდან სცენარამდე
ფილმი: ჟან ვიგო — „ნული ყოფაქცევაში“ შერჩეული ეპიზოდები.
გარჩევა:
იდეა, სიუჟეტი, სცენა, პერსონაჟი, კონფლიქტი, დიალოგი და თავისუფალი კინემატოგრაფიული ფორმა.
დავალება:
მონაწილეები შეიმუშავებენ საკუთარი ვიდეოჩანახატის ან კინემატოგრაფიული კონტენტის იდეას და მოამზადებენ მოკლე სცენარს ან სცენარის ჩანახატს.

IX კვირა — რეჟისორის სამყაროს შექმნა
ფილმი: ფედერიკო ფელინი — „8½“ , ასაკისთვის შესაბამისი შერჩეული ეპიზოდები.
გარჩევა:
რეჟისორის პირადი ხედვა, რეალობა და წარმოსახვა, ვიზუალური მეტაფორა, პერსონაჟის შინაგანი სამყარო, მუსიკა და გამოსახულება.
დავალება:
მოიფიქრე საკუთარი მოკლე სცენის იდეა, რომელშიც რეალური და წარმოსახვითი სამყარო ერთმანეთში იკვეთება.

X კვირა — იდეიდან გადაღებამდე
ფილმი: ინგმარ ბერგმანი — „მეშვიდე ბეჭედი“ , ასაკისთვის შესაბამისი შერჩეული
ეპიზოდი.
გარჩევა:
რეჟისორის მიერ სცენის აგება, კადრის კომპოზიცია, სივრცე, კამერის პოზიცია და მოძრაობა, მსახიობის მოქმედება, სინათლე და ჩრდილი.
პრაქტიკული ნაწილი:
საკუთარი პროექტის საბოლოო მომზადება

XI კვირა — კადრი, მოძრაობა და დაძაბულობა
ფილმი: ალფრედ ჰიჩკოკი — „თოკი“ , ასაკისთვის შესაბამისი შერჩეული ეპიზოდები.
გარჩევა:
კამერის მოძრაობა და მისი როლი თხრობაში; უწყვეტობისა და ერთიანი სივრცის განცდა;
კადრის შიდა მოძრაობა; პერსონაჟების განლაგება და გადაადგილება; დაძაბულობის შექმნა; დროისა და სივრცის გამოყენება; როგორ შეუძლია რეჟისორს მაყურებლის ყურადღების მართვა გამოსახულებითა და კამერის მოძრაობით.
პრაქტიკული დავალება:
მონაწილეები გადაიღებენ საკუთარი პროექტის მოკლე სცენას ან ვიდეოჩანახატს,
რომელშიც გამოიყენებენ კამერის მოძრაობას, პერსონაჟების გადაადგილებასა და
კადრის ცვლილებას კონკრეტული ემოციის ან დაძაბულობის შესაქმნელად.

XII კვირა — ჩვენი კინოკონტენტი
საბოლოო ნამუშევრების ჩვენება, პრეზენტაცია და განხილვა.
მონაწილეები წარადგენენ საკუთარ ნამუშევრებს და ისაუბრებენ იდეაზე, სათქმელზე, გადაღების პროცესსა და გამოყენებულ კინემატოგრაფიულ ხერხებზე.