ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
ნინო დანელია მარტვილის N1 საბავშვო ბაგა-ბაღის აღმზრდელია. სასურველ პროფესიას ქუთაისში, თბილისის სახელმწიფო უნივერსიტეტის პროფესიული განათლების ცენტრში დაეუფლა. ნინო სკოლამდელი აღზრდის პროფესიული პროგრამის 2022 წლის კურსდამთავრებულია.
„ძალიან მიყვარს ბავშვები. მათთან ურთიერთობა ყოველთვის დიდ სიამოვნებას მანიჭებდა. დიდი სურვილი მქონდა მიმეღო შესაბამისი განათლება და მემუშავა საბავშვო ბაღში. თუმცა, მცირეწლოვანი შვილების გამო განათლების მიღება თბილისში ხელმისაწვდომი არ იყო",-სწავლის შესაძლებლობა მას ქუთაისში მიეცა.
ნინო დანელიას აზრით, ქუთაისში არსებული თსუ პროფესიული განათლების ცენტრი დასავლეთ საქართველოში მცხოვრებთათვის სასურველი პროფესიის დაუფლების საუკეთესო შესაძლებლობაა „ეს არის არაჩვეულებრივი საშუალება არა მხოლოდ ქუთაისისთვის, არამედ დასავლეთ საქართველოს რეგიონებში მცხოვრები ადამიანებისთვის, აირჩიონ სასურველი პროფესია და მიიღონ შესაბამისი განათლება"-აღნიშნა მან.
პროფესიულ პროგრამაზე 2019 წელს ჩაირიცხა, 2022 წელს კი წარმატებით დასრულების შემდეგ საყვარელი პროფესიით მარტვილში დასაქმდა. „განსაკუთრებით მინდა აღვნიშნო თსუ პროფესიული განათლების ცენტრში არსებული არაჩვეულებრივი აკადემიური გარემო, პროფესიონალი ლექტორები. აქ მიღებული როგორც თეორიული, ასევე პრაქტიკული ცოდნა ძალიან მეხმარება ბაღში მუშაობის პროცესში. თამამად შემიძლია ვთქვა, რომ თსუ პროფესიული განათლების ცენტრმა ჩემი იმედები და მოლოდინები გაამართლა"-განაცხადა ნინო დანელიამ.
