გვანცა ბუაძე “საქართველოს ბანკის” დისტანციური ბანკირი და თსუ პროფესიული განათლების ცენტრის 2024 წლის კურსდამთავრებულია.   პროფესიულ პროგრამაზე “საფინანსო სერვისები” (თბილისი) სწავლა რამდენიმე მიზეზის გამო გადაწყვიტა. პირველ რიგში, მისი გადაწყვეტილება ივანე ჯავახიშვილის სახელობის თბილისის სახელმწიფო უნივერსიტეტის რეპუტაციამ განაპირობა. მეორე, და მთავარი, მიზეზი კარიერულ, პროფესიულ და პირად განვითარებაზე ზრუნვა იყო.   ორი შვილის დედა მიიჩნევს, რომ სწორედ პროფესიული განათლების შემდეგ  შეძლო საბანკო სექტორში კარიერული წინსვლა.   

თედო ბუხრიკიძე თსუ პროფესიული განათლების ცენტრის 2024 წლის კურსდამთავრებულია.   თედო ბუხრიკიძემ პროფესიული განათლების მიღება გადაწყვიტა, რადგან მიაჩნდა რომ მისი არჩევანი პროფესიულ განვითარებას შეუწყობდა ხელს. მისი აზრით, მოლოდინი გამართლდა.    თედოს საკუთარი ბიზნესი აქვს და პროფესიული პროგრამაზე “ღონისძიების ორგანიზება” (ქუთაისი) მიღებულ ცოდნას და პრაქტიკულ გამოცდილებას წარმატებით იყენებს პროფესიულ საქმიანობაში.

მარიამ ეფსაია თსუ პროფესიული განათლების ცენტრის 2024 წლის კურსდამთავრებულია. მარიამი მიკროსაფინანსო ორგანიზაციაში „სვისკაპიტალი“ მოლარე-ოპერატორია.   „ჩემი ინტერესის სფერო ყოველთვის იყო საბანკო პროდუქტები და ამ მხრივ ცოდნის გაღრმავების შესაძლებლობა მომცა თსუ პროფესიული განათლების ცენტრმა,”-აღნიშნა მარიამ ეფსაიამ. მისივე თქმით, პროფესიული პროგრამაზე “საფინანსო სერვისები” (თბილისი) სწავლისას მიღებული ცოდნა “სვისკაპიტალში” ყოველდღიურ საქმიანობაში ადგება.  

თამარ თსუ პროფესიული განათლების ცენტრის 2024 წლის კურსდამთავრებულია. მიუხედავად იმისა, რომ უმაღლესი ეკონომიკური განათლება აქვს და საკუთარი ბიზნესიც, მიაჩნია, რომ პროფესიულმა პროგრამამ „ღონისძიების ორგანიზება“ (ქუთაისი) მისი საქმიანობა უფრო საინტერესო და აქტიური გახადა.   „8 წელია ვხელმძღვანელობ საკუთარ სარეკლამო სააგენტოს „თიჯი სტუდიო“, რომელიც აერთიანებს პოლიგრაფიულ/ბეჭდვით მომსახურებას, ბიზნესის და მარკეტინგის მიმართულებებს. გავხდი გიდების ასოციაციის წევრი. ვსაუბრობ 4 ენაზე, ვმუშაობ გიდად და ვაორგანიზებ კულტურულ ტურებს როგორც საქართველოში, ისე მის ფარგლებს გარეთ., ჩართული ვარ საქველმოქმედო და საგანმანათლებლო პროექტებში. ამ პროცესში პროფესიულ პროგრამაზე სწავლისას მიღებული ცოდნა და პრაქტიკული გამოცდილება უზომოდ მნიშვნელოვანია“,-აღნიშნა თამარმა.   როგორც თამარ მელიამ განაცხადა, პროფესიული განათლება სწორედ ღონისძიებების ორგანიზების მიმართულებით ცოდნის გაღრმავების სურვილმა განაპირობა და ეს იყო გამიზნული ნაბიჯი პროფესიული განვითარებისკენ. განსაკუთრებულ მადლიერებას გამოხატავს პროგრამის ხელმძღვანელის ანა რაზმაძის მიმართ, ვინც, მისივე თქმით, პროფესიულ ზრდასა და საკუთარი შესაძლებლობების აღმოჩენაში დაეხმარა.   “დღევანდელ საქმიანობაში, იქნება ეს ტურების დაგეგმვა, საზოგადოებრივი ან სარეკლამო ღონისძიებების ორგანიზება, ყოველთვის ვიყენებ თსუ-ში მიღებულ პრაქტიკულ ცოდნას. განსაკუთრებით მადგება გუნდის მართვასთან, ბიუჯეტირებასა და ღონისძიების დაგეგმვასთან დაკავშირებული ცოდნა, რაც საშუალებას მაძლევს ჩემი პროექტები გავხადო უფრო ეფექტური და ორგანიზებული”,-დასძინა თამარმა.

ანა ხეცაძე “კრედო ბანკში” უფროსი კლიენტთა მრჩეველია.  პროფესიულ პროგრამაზე “საფინანსო სერვისები” (ქუთაისი) სწავლისას მიღებული ცოდნა ანას ყოველდღიურ საქმიანობაში ეხმარება.   ანა ხეცაძე თსუ პროფესიული განათლების ცენტრის 2024 წლის კურსდამთავრებულია.   “თსუ პროფესიული განათლების ცენტრში სწავლა ჩემთვის ერთ-ერთი მნიშვნელოვანი ნაბიჯია. პირველ რიგში, თსუ როგორც უძველესი უნივერსიტეტი, ჩემთვის ხარისხიანი განათლების გარანტიაა. მეორეც, ის თეორიულ ცოდნასთან ერთად ,იძლევა რეალურ პრაქტიკულ ცოდნას, რისი გამოყენებაც შრომის ბაზარზეა შესაძლებელი”, - განაცხადა ანამ, რომელიც დარწმუნებულია, რომ პროფესიული განათლება მას განვითარებისკენ ორიენტირებული ნაბიჯების გადადგმაში ეხმარება.

მეგი ვარდოსანიძე თსუ პროფესიული განათლების ცენტრის 2023 წლის კურსდამთავრებულია.   პროფესიულ საგანმანათლებლო პროგრამაზე “საფინანსო სერვისები” (ქუთაისი) სწავლა მისთვის წარმატებული დასაქმების წინაპირობა აღმოჩნდა. მეგი “კრედო ბანკის” კონსულტანტია.   “ვმუშაობ “კრედო ბანკში” მომსახურეობის კონსულტანტად, სადაც ვეხმარები მომხმარებლებს საბანკო ოპერაციების განხორციელებაში, ვაძლევ ინფორმაციას პროდუქტებისა და სერვისების შესახებ, ვზრუნავ ხარისხიან და მომხმარებელზე ორიენტირებულ მომსახურებაზე”,-განაცხადა მეგი ვარდოსანიძემ.

“თსუ პროფესიული განათლების ცენტრში სწავლა იმიტომ გადავწყვიტე, რომ ეს ადგილი აერთიანებს ხარისხიან განათლებას, პრაქტიკულობასა და თანამედროვე მიდგომებს”,-მარიამ ხმიადაშვილი თსუ პროფესიული განათლების ცენტრის 2024 წლის კურსდამთავრებულია. მარიამი დღესაც აგრძელებს სწავლას ივანე ჯავახიშვილის სახელობის თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტზე, მუშაობს “საქართველოს ბანკში” ბიზნეს კლიენტების მხარდაჭერის მენეჯერის პოზიციაზე. ცოტა ხნის წინ დააფუძნა უცხო ენების სწავლების ცენტრი, სადაც მოსწავლეებს შესაძლებლობა აქვთ შეისწავლონ ექვსი ყველაზე მოთხოვნადი უცხო ენა თანამედროვე შრომის ბაზარზე. პროფესიული პროგრამა “ღონისძიების ორგანიზება” მის ძირითად საქმიანობასთან პირდაპირ კავშირში არ იყო, თუმცა ახალი პროფესიის შესწავლის ინტერესმა გაუმართლა მოლოდინი. აქ მიღებულ ცოდნას და უნარებს მარიამი წარმატებით იყენებს არაფორმალური განათლების სფეროში, სადაც აქტიურად მონაწილეობს სხვადასხვა პროექტის დაგეგმვასა და განხორციელებაში.  “ღონისძიებების ორგანიზების მიმართულებით მიღებული გამოცდილება არის მყარი საფუძველი პროექტების ეფექტიანი მართვისთვის — დაწყებული დაგეგმვიდან, ლოჯისტიკით და კომუნიკაციით, დასრულებული დროული და ხარისხიანი იმპლემენტაციით. გარდა ამისა, სწავლისას განსაკუთრებული ყურადღება ეთმობოდა დეტალებზე ზრუნვასა და კრიზისულ სიტუაციებში სწრაფი გადაწყვეტილების მიღებას – ეს უნარები განსაკუთრებით მეხმარება სტრესულ ან დატვირთულ გარემოში მუშაობისას. რაც მთავარია, გავიუმჯობესე გუნდთან მჭიდრო კოორდინაციის უნარი, რაც ჩემი სამსახურის განუყოფელი ნაწილია”,-განაცხადა მარიამ ხმიადაშვილმა.

ქეთო ქურთიშვილი თსუ პროფესიული განათლების ცენტრის 2024 წლის კურსდამთავრებულია. ის წარმატებით მუშაობს სარეკლამო კომპანიის “კრეატორსი” გენერალური პროექტ-მენეჯერის პოზიციაზე. პარალელურად, პრომო აქსესუარების მარაგების კომპანიის “სტოკერსი”კომუნიკაციების მიმართულებას ხელმძღვანელობს. რაც არანაკლებ საინტერესოა, ქეთო საკუთარ ივენთ-კომპანიას აყალიბებს და მალე ოფიციალურად შეუდგება ღონისძიებების ინდუსტრიაში საქმიანობას.   ქეთო ქურთიშვილი ღონისძიების ორგანიზატორის პროფესიის შესწავლას  ცხოვრების ერთ-ერთ ყველაზე სწორ გადაწყვეტილებად მიიჩნევს, რადგან ეს არის ის სფერო, სადაც საკუთარი თავი წარმოედგინა. “ვიცოდი რომ მხოლოდ აქ შეიძლებოდა იმ პროფესიის შესახებ სიღრმისეული, როგორც თეორიული ასევე პრაქტიკული ცოდნის მიღება, რომელზეც მთელი ცხოვრება ვფიქრობდი და სადაც ყოველთვის წარმომედგინა საკუთარი თავი”,  - აღნიშნა მან პროფესიულ პროგრამაზე “ღონისძიების ორგანიზება” საუბრისას.   პროგრამაზე სწავლა მნიშვნელოვანი აღმოჩნა მისი კარიერული განვითარებისთვის. მიუხედავად იმისა, რომ უკვე წარმატებით საქმიანობდა სხვა სფეროში, დღეს საკუთარი კომპანიის დაფუძნება შეძლო, რაშიც სწავლისას მიღებული ცოდნა და გამოცდილება დაეხმარა.   “იმაზე მეტი რამ ვისწავლე ვიდრე მეგონა, გავიცანი ძალიან კომპეტენტური ადამიანები ამ სფეროში. წელს ვაპირებ ოფიციალურად დავარეგისტრირო კომპანია და პროფესიონალურად მივუდგე საქმეს. არსებულ სამსახურშიც საკმაოდ ხშირად ვიყენებ მიღებულ ცოდნას, სამუშაო პროცესში ყველაფერი ბევრად უფრო გამიმარტივდა და მომეცა თავდაჯერებულობაც, ამის შედეგია საკმაოდ მნიშვნელოვანი ნაბიჯები ჩემს საქმიანობაში”,-განაცხადა ქეთომ.

თამარ ლოჩოშვილი თსუ პროფესიული განათლების ცენტრის 2024 წლის კურსდამთავრებულია.  თამარი ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ბიბლიოთეკის უფროსი ბიბლიოთეკარია.    “ეს პროფესია ავირჩიე, რადგან ყოველთვის მქონდა ჰუმანიტარული მეცნიერებებისადმი ინტერესი და წიგნების მიმართ სიყვარული. გადავწვიტე  თსუ პროფესიული განათლების ცენტრში პროგრამა "საბიბლიოთეკო საქმე" შემესწავლა და კიდევ უფრო დავახლოებოდი ამ სფეროს”,-ამბობს თამარ ლოჩოშვილი.   დღეს თამარი   საბიბლიოთეკო საქმის პროფესიულ პროგრამაზე მიღებულ ცოდნას და გამოცდილებას უკვე აქტიურად იყენებს ყოველდღიურ საქმიანობაში.

თეო ჭაბაშვილი თსუ პროფესიული განათლების ცენტრის 2024 წლის კურსდამთავრებულია. დღეს წარმატებით მუშაობს თბილისის 44-ე საბავშვო ბაგა-ბაღში აღმზრდელად.   პროფესიული პროგრამაზე “სკოლამდელი აღზრდა” (თბილისი) სწავლის ინსპირაცია თეოს შვილს უკავშირდება. სურდა კარგად შეესწავლა პროფესია და ბავშვის ფსიქოლოგია, პედაგოგიკა და მიდგომები.   “პროგრამის ფარგლებში მიღებული ცოდნა პირდაპირ აისახა ჩემ მომავალ საქმიანობაზე, რადგან ჯერ კიდევ სწავლის პროცესში დავიწყე მუშაობა ბაგა-ბაღში და მიღებული ცოდნა წარმატებით გადამქონდა პრაქტიკულ საქმიანობაში”,-აღნიშნა თეო ჭაბაშვილმა.