თსუ პროფესიული განათლების ცენტრის ინიციატივით, განათლების ხარისხის განვითარების ეროვნული ცენტრის წარმომადგენლებმა “სკოლამდელი აღზრდის“ პროფესიული პროგრამის პედაგოგებთან, სტუდენტებთან, კურსდამთავრებულებთან და პროგრამის ხელმძღვანელებთან საინფორმაციო შეხვედრა გამართეს.

შეხვედრის ფარგლებში მონაწილეები გაეცნენ სკოლამდელი განათლების სფეროში მიმდინარე რეფორმებს და ახალი სტანდარტების დანერგვის პროცესს, ასევე სკოლამდელი საგანმანათლებლო დაწესებულებებში აღმზრდელი მასწავლებლის როლსა და ფუნქციას ახალი სტანდარტების ჭრილში.

შეხვედრას  განათლების ხარისხის განვითარების ეროვნული ცენტრის ადრეული და სკოლამდელი აღზრდისა და განათლების ხარისხის უზრუნველყოფის სამსახურის უფროსი ნინო ხითარიშვილი უძღვებოდა.