19 და 20 დეკემბერს პროფესიული განათლების ცენტრის ინიციატივით შედგა მორიგი შეხვედრა პროფესიულ მასწავლებლებთან. შეხვედრაზე დამსწრე მასწავლებლები გაეცნენ პრეზენტაციას განათლების ხარისხის განვითარების ეროვნული ცენტრის მიერ ჩატარებული ვერიფიკაციის პილოტირების შედეგებისა და შეფასების პროცესთან დაკავშირებული რეკომენდაციების შესახებ. შეხვედრაზე განსახილველ თემებს ასევე წარმოადგენდა კალენდარული გეგმის, უწყისისა და განმსაზღვრელი შეფასების ინსტრუმენტის ახალი დამტკიცებული ფორმების განხილვა. პროფესიულმა მასწავლებლებმა მიიღეს დეტალური ინფორმაცია და რეკომენდაციები აღნიშნული ფორმების შევსებასთან დაკავშირებით.