საბაკალავრო პროგრამის სახელწოდება: ელექტრული და ელექტრონული ინჟინერია

პროგრამის ხელმძღვანელი: პროფესორი გიორგი ღვედაშვილი

პროგრამის კოორდინატორი: ასოც. პროფესორი ცისანა გავაშელი;

პროგრამის საგანმანათლებლო მიზნები:

პროგრამის დამთავრებიდან 3-5 წლის განმავლობაში სტუდენტს:

- შეეძლება ინჟინრის პროფესიონალური კომპეტენციების დემონსტრირება ინდუსტრიაში, ბიზნესში, სამთავრობო და/ან საგანმანათლებლო დაწესებულებებში მზარდი პასუხისმგებლობების    შესაბამისი პოზიციის დაკავებისას;
-  შეეძლება გამოაქვეყნოს ნაშრომები, მოხსენებები, პატენტები ან/და ტექნიკური პრეზენტაციები ადგილობრივ, ეროვნულ, საერთაშორისო შეხვედრებზე, ან მასთან აფილირებულ  ორგანიზაციებსა/კომპანიებში, გამოავლინოს კომუნიკაციის და სოციალური უნარები, რომლებიც აუცილებელია ეფექტური ჯგუფური მუშაობისთვის;
- შეეძლება ტექნიკური უნარ-ჩვევების, ცოდნის მიღების და გაცნობიერების   სრულყოფის  უნარი სწავლის გაგრძელების,  სამეცნიერო ხარისხის მინიჭების და/ან არჩეულ დარგში პროფესიული ლიცენზიის მიღების გზით.
 

ძირითადი სპეციალობის არჩევის პირობა:

ელექტრონიკის შესავალი, არანაკლებ კალკულუს III.

პროგრამის კურსდამთავრებულთა უნარ-ჩვევები:

1.  საინჟინრო,   მეცნიერული   და   მათემატიკური   პრინციპების   გამოყენებით   კომპლექსური საინჟინრო პრობლემების გამოვლენის, ფორმულირების და გადაჭრის უნარი; მულტიდისციპლინურ ჯგუფებში მუშაობის უნარი;
2. გლობალური, კულტურული, სოციალური, ეკოლოგიური და ეკონომიკური ფაქტორების გათვალისწინებით ჯანდაცვის, უსაფრთხოებისა და კეთილდღეობის უზრუნველსაყოფად საინჟინრო დიზაინის გამოყენების უნარი;
3.  განსხვავებული ტიპის აუდიტორიასთან ეფექტური კომუნიკაციის უნარი;. საინჟინრო სიტუაციებში ეთიკური და პროფესიული პასუხისმგებლობის აღიარების და ინფორმირებული გადაწყვეტილებების მიღების უნარი გლობალური, ეკონომიკური, ეკოლოგიური და სოციალური კონტექსტის გათვალისწინებით;
4.  ლიდერობის  უნარით  უზრუნველყოფილ  გუნდში  ეფექტურად  ფუნქციონირების  უნარი,
5. მიზნების და ამოცანების დასახვის და მათი გადაჭრის გზების მოძებნის მიზნით ერთობლივი და ინკლუზიური გარემოს შექნის უნარი;
6.  საინჟინრო  გადაწყვეტილებების  მისაღებად  მონაცემთა  ანალიზისა  და  ინტერპრეტაციის უნარი;
7.  სწავლის შესაბამისი სტრატეგიების გამოყენებით ახალი ცოდნის შეძენის და საჭიროებისამებრ გამოყენების უნარი.

დასაქმების სფეროები

მიღებული   ცოდნა   და   ამ   ცოდნის   პრაქტიკაში   გამოყენების   უნარი   საშუალებას   მისცემს კურსდამთავრებულებს დასაქმდნენ საქართველოში ან საზღვარგარეთ:

•  კომპანიებში, სადაც გამოიყენება რთული ტექნოლოგიური პროცესები და მოითხოვება საინჟინრო ცოდნა ამ პროცესების მართვისა და მოდერნიზაციის  მიზნით;
•   საინოვაციო  და  საინჟინრო-დეველოპერულ  კომპანიებში,  რომლებიც  ახდენენ  ახალი ტექნოლოგიების შემუშავებას თუ ათვისებას;
•   სატელეფონო, სატელევიზიო და სხვა საკომუნიკაციო კომპანიებში; კომპანიებში, სადაც ხდება ინფორმაციული ტექნოლოგიების გამოყენება.