ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
ივანე ჯავახიშვილის სახელობის თბილისის სახელმწიფო უნივერსიტეტში 16-17 ივნისს XII საერთაშორისო სტუდენტური კონფერენცია გაიმართა, რომელიც ტრადიციულად ხორციელდება ჰუმანიტარული და კულტურულ- საგანმანათლებლო მიმართულების პროექტის “ურთიერთობათა და კონფლიქტების დარეგულირებისათვის“ და თბილისის სახელმწიფო უნივერსიტეტის ბაზაზე.
კონფერენციის მიზანი სხვადასხვა უმაღლესი სასწავლებლების სტუდენტთა ურთიერთთანამშრომლობა, ცოდნისა და გამოცდილების გაზიარება იყო.
კონფერენცია მრავალპროფილიანი იყო, მუშაობდა 12 სხვადასხვა სექცია: ჰუმანიტარული (ლიტერატურათმცოდნეობა, მედიევისტიკა, ენის ისტორია, ევროპისმცოდნეობა, კულტუროლოგია, ფოლკლორი ეთნოლოგია, ისტორია, სკანდინავისტიკა), სოციალური (ფსიქოლოგია, ჟურნალისტიკა, ფილოსოფია ანთროპოლოგია), განათლების, სოციალური, კონფლიქტოლოგიის, პოლიტოლოგიის, სამართლისმცოდნეობის, ზუსტი, ეკონომიკის და სხვა სამეცნიერო მიმართულებებით.
კონფერენციის პროგრამაში ჩართული იყი სამივე სასწავლო საფეხურის სტუდენტთა 97 სამეცნიერო მოხსენება. საქართველოსა და საზღვარგარეთის 23 უმაღლესი სასწავლებლიდან.
შერჩეული წარმოდგენილი მასალების ბაზაზე მომზადდება და დაიბეჭდება სტუდენტური სამეცნიერო შრომების "მერმისის" ახალი XII კრებული.
როგორც კონფერენციის საორგანიზაციო ჯგუფის ხელმძღვანელმა პროფესორმა თამარ პაიჭაძემ განაცხადა: „ჩვენი პროექტი- „ურთიერთობათა და კონფლიქტების დარეგულირებისათვის“ და შესაბამისად დღევანდელი კონფერენცია კვლავ ერთგული რჩება იმ მთავარი სამუშაო იდეისა და პრინციპებისა, რასაც აკადემიურობა, ინტეგრაცია, და სხვადასხვა სასწავლო და სამეცნიერო ინსტიტუტების მკვლევრებთან და სტუდენტებთან ურთიერთობა ჰქვია“.
