სტუდენტური თვითმმართველობის არჩევნები

მთავარი სიახლეები სტუდენტური თვითმმართველობის არჩევნები

სტუდენტური თვითმმართველობის არჩევნები

ივანე ჯავახიშვილის სახელობის თბილისის სახელმწიფო უნივერსიტეტის მე-8 მოწვევის სტუდენტური თვითმმართველობის არჩევნები შედგა (არჩევნების პირველადი მონაცემები).

ცენტრალური საარჩევნო კომისიის თავმჯდომარის ვალერი არღუთაშვილის ინფორმაციით, არჩევნების პროცესი მშვიდ გარემოში მნიშვნელოვანი დარღვევების გარეშე წარიმართა, ცესკოში არცერთი საჩივარი არ შემოსულა. კენჭისყრაში დებულებით გათვალისწინებულ პროცენტულ მაჩვენებელზე მეტმა ამომრჩეველმა მიიღო მონაწილეობა, რაც იმას ნიშნავს, რომ არჩევნები შედგა: „დღის განმავლობაში საარჩევნო უბნებზე კენჭისყრა მიმდინარეობდა საარჩევნო რეგულაციების დაცვით, გამჭვირვალედ და მშვიდ გარემოში. არ დაფიქსირებულა არსებითი ხასიათის ხარვეზი, რომელსაც შესაძლოა გავლენა მოეხდინა არჩევნების შედეგებზე.“

ჰუმანიტარულ მეცნიერებათა, სოციალურ და პოლიტიკურ მეცნიერებათა, ფსიქოლოგიისა და განათლების მეცნიერებათა, ზუსტ და საბუნებისმეტყველო მეცნიერებათა, ეკონომიკისა და ბიზნესის და ასევე, დამხმარე საგანმანათლებლო სტრუქტურული ერთეულის - ტურიზმის სკოლისა და მედიცინის ფაკულტეტების აქტიური სტატუსის მქონე სტუდენტებმა 160 რეგისტრირებული დამოუკიდებელი საარჩევნო სუბიექტისგან 120 დელეგატი აირჩიეს.

თვითმმართველობის არჩევნები უნივერსიტეტის სხვადასხვა კორპუსში 8:00 საათზე დაიწყო. სტუდენტური თვითმმართველობის არჩევნებს აკვირდებოდა 3 არასამთავრობო ორგანიზაცია: „საერთო სამოქალაქო მოძრაობა მრავალეროვანი საქართველო“, „ახალი თაობა დემოკრატიული საქართველოსთვის“, „ინსტიტუციური განვითარებისა და მონიტორინგის ცენტრი“, ასევე, 2 კანდიდატის წარმომადგენელი.

არჩევნების შესახებ დამატებითი ინფორმაციისთვის იხილეთ: