თბილისის სახელმწიფო უნივერსიტეტმა საქართველოში სამხრეთ კორეის სრულუფლებიან ელჩს, ჰიონ დუ კიმის უმასპინძლა.
ელჩმა თბილისის სახელმწიფო უნივერსიტეტის სტუდენტებისთვის წაიკითხა საჯარო ლექცია თემაზე: „კორეა-საქართველოს ურთიერთობების განმტკიცება სამომავლო პარტნიორობისკენ“.
შეხვედრაზე სტუდენტებმა და აკადემიური საზოგადოების წარმომადგენლებმა მოისმინეს კორეისა და საქართველოს ურთიერთობების ისტორიის, მიმდინარე თანამშრომლობისა და სამომავლო პერსპექტივების შესახებ.