თსუ ICT საგანმანათლებლო-ინდუსტრიულ-სამეცნიერო ჰაბი

მთავარი თსუ ICT საგანმანათლებლო-ინდუსტრიულ-სამეცნიერო ჰაბი

თსუ ICT საგანმანათლებლო-ინდუსტრიულ-სამეცნიერო ჰაბი

თსუ-ში წარმატებით განხორციელდა მნიშვნელოვანი პროექტი – „თსუ ICT საგანმანათლებლო-ინდუსტრიულ-სამეცნიერო ჰაბი“, რომელმაც კიდევ უფრო გააძლიერა უნივერსიტეტის ტექნოლოგიური და საგანმანათლებლო პოტენციალი.

ჰაბის ფარგლებში შეიქმნა თანამედროვე ინფრასტრუქტურა, რომელიც მოიცავს:

მაღალწარმოებად სამუშაო სადგურებს (Workstation) – დიდი მონაცემების დამუშავებისა და მანქანური სწავლებისთვის;

ქსელურ ინფრასტრუქტურას სერვერით – ღრუბლოვან რესურსებზე ეფექტიანი წვდომისთვის;

ვიდეოლექციების ჩამწერ თანამედროვე სტუდიას (All in One) – „ერთი ღილაკის“ ფუნქციით;

ვიდეოკონფერენციისთვის სრულად აღჭურვილ მაღალტექნოლოგიურ სივრცეს;

პროექტის ფარგლებში მნიშვნელოვანი ნაბიჯები გადაიდგა საგანმანათლებლო პროგრამების განვითარების მიმართულებითაც:

განახლდა და აკრედიტაცია მიიღო ორმაგი ხარისხის საბაკალავრო პროგრამამ „კომპიუტერული მეცნიერება“;

შემუშავდა და აკრედიტაციისთვის მომზადდა ორმაგი ხარისხის სამაგისტრო პროგრამა „კომპიუტერული მეცნიერება“.

ასევე, შემუშავდა:

ინკლუზიურობის განხორციელების გეგმა ICT სფეროში;

სწავლების თანამედროვე ტექნოლოგიების სახელმძღვანელო;

კომპიუტერული მეცნიერების სწავლების გზამკვლევი უმაღლესი სასწავლებლებისთვის;