ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თბილისის სახელმწიფო უნივერსიტეტის სტუდენტებისთვის სწავლის დაწყებისადმი მიძღვნილი წვეულება გაიმართა.
ღია ცის ქვეშ შეკრებილ სტუდენტებს თსუ რექტორმა ჯაბა სამუშიამ სიტყვით მიმართა და უნივერსიტეტელობა მიულოცა: ,,ბედნიერი ვარ, რომ ამდენ გაღიმებულ სახეს ვხედავ. როგორც ჩემთვის, ასევე თქვენთვის, თბილისის სახელმწიფო უნივერსიტეტი არის დიდი მოვლენა, რომელმაც შექმნა ქვეყნის უახლესი ისტორია. დღეს, თქვენ ხართ ის თაობა, რომელმაც ხვალ უნდა შექმნათ ჩვენი ქვეყნის ისტორია. ჩვენ ყველაფერს გავაკეთებთ, რომ მოგცეთ ხარისხიანი ევროპული განათლება. სწორედ ასეთი ახალგაზრდები სჭირდებით ქვეყანას. ჩვენ ვამაყობთ თქვენით!”
ღონისძიების მონაწილე სტუდენტებს მისასალმებელი სიტყვით მიმართა საქართველოს განათლებისა და მეცნიერების მინისტრმა გიორგი ამილახვარმა. ,,ჩემო მეგობრებო, თქვენ ხართ საუკეთესო უნივერსიტეტის საუკეთესო სტუდენტები! ყველა პირველკურსელს, უნივერსიტეტელს გილოცავთ დღევანდელ დღეს. იცოდეთ ერთი რამ, რომ უნივერსიტეტელობა არის განსაკუთრებული სტატუსი და მიხარია, რომ დღეს აქ ასეთი ბევრნი ხართ. თბილისის სახელმწიფო უნივერსიტეტს, რომელიც საქართველოს ისტორიას ინახავს და ბევრი ქარტეხილის მომსწრეა, უდიდესი წვლილი აქვს შეტანილი დღევანდელი საზოგადოების ფორმირებაში. ყველაფერს გავაკეთებ, რათა ფართო ასპარეზი შეგიქმნათ თქვენი პოტენციალის რეალიზებისთვის და გქონდეთ საინტერესო, ახალი თავგადასავლებითა და გამოწვევებით სავსე სტუდენტური ცხოვრება..”
გასართობ ღონისძიებაში 15000-მდე სტუდენტი, მათ შორის, 6200-ზე მეტი პირველკურსელი მონაწილეობდა.
სტუდენტურ წვეულებას მუსიკალურად აფორმებდნენ ნიაზ დიასამიძე, Monk, SUMO, Telepopmusik, URU.
.jpg){kind=link}
