დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი (1994), დაცული აქვს დისერტაცია თემაზე: “დაცვის პრობლემა სისხლის სამართლის პროცესში” (1997). გავლილი აქვს პრაქტიკა საადვოკატო ფირმა GEFFENS -ში (UK). იყო თბილისის სახელმწიფო უნივერსიტეტის იურიდიული ფაკულტეტის ასოცირებული პროფესორი (1998-2011), საქართველოს პარლამენტის იურიდიული კომიტეტის უფროსი სპეციალისტი, წამყვანი სპეციალისტი (1996-2000), საგარეო ურთიერთობათა კომიტეტის აპარატის უფროსი (2000-2001), პარლამენტის თავმჯდომარის პირველი თანაშემწე (2001-2003), საქართველოს პარლამენტის წევრი, ადამიანის უფლებათა დაცვის და სამოქალაქო ინტეგრაციის კომიტეტის თავმჯდომარის მოადგილე (2004-2007), რუსეთის ხელისუფლების მიერ საქართველოს მოქალაქეთა მიმართ განხორციელებული ქმედებების შემსწავლელი დროებითი საგამოძიებო კომისიის წევრი 2006-2007).2006 წლიდან არის ადამიანით ვაჭრობის (ტრეფიკინგის) წინააღმდეგ მიმართული ღონისძიებების განმახორციელებელი საუწყებათაშორისო საკოორდინაციო საბჭოს წევრი, ადამიანით ვაჭრობის (ტრეფიკინგის) მსხვერპლის სტატუსის მიმნიჭებელი მუდმივმოქმედი სამუშაო ჯგუფის წევრი (2006-2008). 2008 წლიდან არის ოჯახში ძალადობის წინააღმდეგ ბრძოლის საუწყებათაშორისო საკოორდინაციო საბჭოს თავმჯდომარე. 2011 წლიდან არის თსუ იურიდიული ფაკულტეტის სრული პროფესორი, სისხლის საპროცესო სამართლის ცენტრის ხელმძღვანელი. არის ახალი ორლეანის საპატიო მოქალაქე (1999); მიღებული აქვს შვეიცარიის მთავრობისა და შვეიცარიის საერთაშორისო ურთიერთობათა ინსტიტუტის ერთობლივი ყოველწლიური ჯილდო “შვეიცარიის პრიზი საერთაშორისო ურთიერთობებში ლიდერობისათვის” (2005), მონაწილეობდა UNICEF, TACIS, TracCC-ის (1997-2002) პროექტებში.