თბილისის სახელმწიფო უნივერსიტეტის ცოდნის გადაცემისა და ინოვაციების ცენტრი იწვევს სტუდენტებს გრაფიკული დიზაინის სასწავლო კურსზე.

კურსს გაუძღვება გრაფიკული დიზაინის ლექტორი - მარიამ კაჭარავა. მას აქვს 5 წელზე მეტი გამოცდილება გრაფიკული დიზაინის ინდუსტრიაში. მონაწილეობდა გამოფენებში გერმანიაში, ესპანეთსა და პოლონეთში. თანამშრომლობს წამყვან კომპანიებთან საქართველოში და მუშაობს ისეთ პროექტებზე, როგორებიცაა: Adobe Spark და Adobe Max. კურსის ფარგლებში გაიმართება 5 ლექცია 2-4-7-9-11 ივლისს, ცოდნის გადაცემისა და ინოვაციების ცენტრში. მონაწილეებს გადაეცემათ სერტიფიკატი. 

კურსის ფარგლებში შეისწავლით:

• რა არის გრაფიკული დიზაინი და გრაფიკული დიზაინი ყოველდღიურ ცხოვრებაში , ფოტოშოპის მიმოხილვა;
• ფერთა ფსიქოლოგია, ფერი როგორც ადამიანის გენეტიკური მეხსიერება;
• ტიპოგრაფია და კოლაჟის ხელოვნება;
• ლოგო და ბრენდების ევოლუცია ილუსტრატორის მიმოხილვა;
• პოსტერების ვორქშოფი.

მონაწილეობის მიღება უფასოა თსუ-ს ყველა სტუდენტისთვის, მონაწილეობა შეუძლიათ ყველა სტუდენტს ფაკულტეტისა და საფეხურის განურჩევლად. 

რეგისტრაციისთვის შეავსეთ ბმული.

რეგისტრაციის ბოლო ვადაა: 30 ივნისი,  23:59