ქუთაისი, საქართველო

ქუთაისი შეუერთდა იუნესკოს შემოქმედებითი ქალაქების ქსელს ლიტერატურის მიმართულებით

სიმპოზიუმის ორგანიზატორები:

კომპარატივისტული ლიტერატურის ქართული ასოციაცია (GCLA)

თსუ შოთა რუსთაველის სახელობის ქართული ლიტერატურის ინსტიტუტი

ქალაქ ქუთაისის მერია

თანამონაწილე ორგანიზაციები:

ივანე ჯავახიშვილის სახელობის თბილისის სახელმწიფო უნივერსიტეტი

აკაკი წერეთელის სახელობის ქუთაისის სახელმწიფო უნივერსიტეტი

ქუთაისის საერთაშორისო უნივერსიტეტი

გვაქვს პატივი, მოგიწვიოთ XVII საერთაშორისო სიმპოზიუმში -

ლიტერატურათმცოდეობის თანამედროვე პრობლემები

მონაწილეობის მისაღებად.

სიმპოზიუმს უმასპინძლებს ლიტერატურული ქალაქი ქუთაისი, 

2024 წლის 25-27 სექტემბერს.

სიმპოზიუმის თემაა:

პატარა ქვეყნების ლიტერატურები და თანამედროვე

გლობალური სამყაროს გამოწვევები

სიმპოზიუმის ფარგლებში იმუშავებს სექციები:

• მსოფლიო ლიტერატურა და ნაციონალური ლიტერატურები;
• ნაციონალური ლიტერატურა და რეგიონული ლიტერატურები;
• ეთნიკური უმცირესობების მწერლობა. ლოკალური და გლობალური გამოწვევები;
• თარგმანი როგორც ინტერკულტურული კომუნიკაციის ფორმა;
• პატარა ქვეყნების საგამომცემლო პოლიტიკა ლიტერატურის სფეროში;
• ლიტერატურა, როგორც შემოქმედებითი ინდუსტრია;
• ლიტერატურის კომერციალიზაციის თანამედროვე ბერკეტები.

სიმპოზიუმის ფარგლებში იმუშავებს მრგვალი მაგიდის სექციები:

• ქუთაისი - ქართული მოდერნიზმის სამშობლო;
• ქუთაისელი მწერლები მე-20 საუკუნის ქართულ ლიტერატურაში (პროზა, პოეზია, დრამატურგია და სხვ).

სიმპოზიუმის მონაწილეთათვის დაგეგმილია შემდეგი ღონისძიებები:

• სიმპოზიუმის მონაწილეთა მიღების ცერემონიალი  ქალაქ ქუთაისის მერიაში;
• შეხვედრა ადგილობრივ საუნივერსიტეტო წრეებთან;
• შეხვედრები თანამედროვე ქართველ მწერლებთან, მთარგმნელებთან, გამომცემლებთან;
• ვიზიტები ადგილობრივ მუზეუმებსა და გალერეებში.

სიმპოზიუმი ჩატარდება დასწრებული მონაწილეობის ფორმატში.

სიმპოზიუმის სამუშაო ენები: ქართული, ინგლისური.

გთხოვთ, შეავსოთ სარეგისტრაციო ფორმა (იხ. დანართი) და გამოგზავნოთ თეზისები ქართულ და ინგლისურ ენაზე შემდეგ ელექტრონულ მისამართზე: rustaveliconference@gmail.com

თეზისების მიღების ბოლო ვადაა 2024 წლის 30 მაისი

თეზისები იგზავნება ორ ენაზე: ქართულად და ინგლისურად

(ყურადღება მიაქციეთ  ინგლისური ტექსტის ხარისხს!)

თეზისების მოცულობა – 250 სიტყვა. ორივე ენაზე შრიფტი – Sylfaen. შრიფტის ზომა – 10, ინტერვალი – 1.

სიმპოზიუმის საორგანიზაციო კომიტეტი იტოვებს მონაწილეთა შერჩევის უფლებას.
შედეგების შეტყობინების ბოლო ვადა არის  2024 წლის  30 ივნისი.

შერჩეული მონაწილეებისათვის დაწესებულია სარეგისტრაციო გადასახადი:

• უცხოელი მეცნიერებისათვის - 90 ევრო

ქართველი მეცნიერებისათვის:

• მოხსენებით გამომსვლელთათვის - 90 ლარი;
• თანაავტორობით გამომსვლელთათვის (ორი თანაავტორი) – 140 ლარი;
• სტუდენტებისათვის (მაგისტრანტი, დოქტორანტი) – 60 ლარი;
• სტუდენტებისათვის (თანაავტორობით) – 100 ლარი.

აკაკი წერეთელის სახელობის ქუთაისის სახელმწიფო უნივერსიტეტის სტუდენტების სარეგისტრაციო გადასახადს, მათი მოხსნებების მიღების შემთხვევაში, დაფარავს ქალაქ ქუთაისის მერია.

სარეგისტრაციო გადასახადი მოხსენებით გამომსვლელთათვის ითვალისწინებს შემდეგს:

• სიმპოზიუმის პროგრამის გამოცემა (ბეჭდური, ელექტრონული);
• სიმპოზიუმის თეზისებისა და პროგრამის გამოცემა (ელექტრონული),რომლებსაც  მიენიჭება DOI სარეგისტრაციო ნომერი და განთავსდება GOOGLE SCHOLAR-ის ბაზაში.
• ყავა-ჩაის შესვენებები სიმპოზიუმის დღეებში.
   

რჩეული მოხსენებები, სტატიების სახით, დაიბეჭდება საერთაშორისო სამეცნიერო რეფერირებად ჟურნალში „სჯანი“, რომელიც განთავსებულია CEEOL, VABB-SHW, ERIH PLUS-ის და EBSCO-ს ბაზებში, და მინიჭებული აქვს DOI სარეგისტრაციო ნომერი.

დამატებითი ინფორმაციისთვის მიმართეთ სიმპოზიუმის საორგანიზაციო კომიტეტს აღნიშნულ ელექტრონულ მისამართზე: rustaveliconference@gmail.com