ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
ივანე ჯავახიშვილის სახელობის თბილისის სახელმწიფო უნივერსიტეტი ჰუმანიტარულ მეცნიერებათა ფაკულტეტის მსოფლიო ისტორიის სასწავლო-სამეცნიერო ინსტიტუტის ახალი და უახლესი ისტორიის კათედრა 2023 წლის 23-24 ივნისს აწყობს სტუდენტთა I ეროვნულ სამეცნიერო კონფერენციას, სადაც მონაწილეობა შეუძლიათ საქართველოს აკრედიტირებული უმაღლესი სასწავლებლის ბაკალავრიატის და მაგისტრატურის სტუდენტებს.
მოხსენება უნდა ეხებოდეს მსოფლიოს და/ან საქართველოს ახალი და უახლესი ისტორიის საკითხებს.
კონფერენციის მსვლელობისას შერჩეული მოხსენებები ჯერ ელექტრონული, ხოლო შემდეგ ბეჭდური სახით გამოქვეყნდება კონფერენციის მასალებში.
კონფერენციაში მონაწილეობის მსურველებმა 5 ივნისამდე უნდა გამოგზავნონ მოხსენებათა თეზისები და მეცნიერ-ხელმძღვანელების დასკვნა-რეკომენდაცია ელექტრონულ ფოსტაზე worldhistory@tsu.ge.
კონფერენციაზე მოხსენებები შეირჩევა ფარული რეცენზირებით.
თეზისების გაფორმების წესი:
1. თეზისების სათაური ქართულად;
2. ავტორის სახელი და გვარი ქართულად;
3. ორგანიზაციის დასახელება ქართულად;
4. ფაკულტეტის დასახელება ქართულად;
5. 3-5 საკვანძო სიტყვა ქართულად;
6. თეზისების ძირითადი ტექსტი ახალი გვერდიდან ქართულად (MS Word-ის ფორმატით, შრიფტი – Sylfaen ან Calibri);
7. თეზისის მოცულობა: 300-500 სიტყვა;
8. გამოყენებული ლიტერატურის სია.
მოხსენებათა თეზისებს ცალკე დოკუმენტად თან უნდა ახლდეს მეცნიერ-ხელმძღვანელის დასკვნა. მეცნიერ-ხელმძღვანელი შეიძლება იყოს აკრედიტირებული უმაღლესი სასწავლებლის აკადემიური პერსონალი, დოქტორი ან მასთან გათანაბრებული სამეცნიერო ხარისხის მქონე პირი და დოქტორანტი.
საორგანიზაციო კომიტეტი:
პროფესორი თეიმურაზ პაპასქირი
ასოცირებული პროფესორი ია ხუბაშვილი
ასისტენტ-პროფესორი ზაალ გოგენია
ისტორიის დოქტორი მიხეილ ქართველიშვილი
ისტორიის დოქტორი კახაბერ ყალიჩავა
დოქტორანტი ირაკლი ალიმბარაშვილი
დოქტორანტი გიორგი არქანია
დოქტორანტი პავლიკა ჯაგუნავა
დოქტორანტი ირაკლი ნოდია