ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თსუ ჰუმანიტარულ მეცნიერებათა ფაკულტეტის კავკასიოლოგიის სასწავლო-სამეცნიერო ინსტიტუტი გაცნობებთ, რომ ივანე ჯავახიშვილის სახელობის თბილისის სახელმწიფო უნივერსიტეტში გაიმართება კავკასიოლოგთა III საერთაშორისო ლინგვისტურ-ანთროპოლოგიური კონგრესი, რომელიც ჩატარდება თბილისში 2026 წლის 16-18 ოქტომბერს.
კონგრესის მიზანია, კომპლექსურად წარმოადგინოს კავკასიის ლინგვისტური, ანთროპოლოგიური, კულტურულ-ისტორიული პორტრეტი არქაული პერიოდებიდან თანამედროვე ვითარებამდე, ამიტომ სამეცნიერო ფორუმი იმუშავებს შემდეგი მიმართულებებით:
იბერიულ-კავკასიურ ენათა სტრუქტურისა და ისტორიის აქტუალური საკითხები. ისტორიულ-შედარებითი, აღწერითი და არეალურ-ტიპოლოგიური კვლევები;
კავკასიის ხალხთა ანთროპოლოგია;
კავკასიის ისტორია და წყაროთმცოდნეობა;
ისტორიული გეოგრაფიისა და დემოგრაფიის საკითხები;
კავკასიის ეთნოლოგია/ეთნოგრაფია;
კავკასიის პალეოგრაფია;
ქართულ-კავკასიურ ურთიერთობათა ისტორიულ-ფილოლოგიური
ასპექტები;
ლიტერატურათმცოდნეობა და ლიტერატურის ისტორია;
კავკასიის არქეოლოგიური კულტურები;
კავკასიის ხალხთა ფოლკლორი, მითოლოგია, კულტურა/კულტურის
ისტორია;
კავკასიის ხელოვნებათმცოდნეობა და ხელოვნების ისტორია;
კავკასიის ჰერალდიკა და ნუმიზმატიკა.
ყოველ მონაწილეს შესაძლებლობა ექნება, სურვილისამებრ, შექმნას საავტორო პანელი.
ლიცენზირებული უნივერსიტეტების ხელმძღვანელთა საყურადღებოდ: ვინაიდან იმუშავებს სტუდენტთა სპეციალური სექცია, გთხოვთ, გააცნოთ საინფორმაციო წერილი სტუდენტებს (ბაკალავრი მესამე კურსიდან და ზემოთ, მაგისტრი/მაგისტრანტი, დოქტორანტი), რომლებიც უფლებამოსილნი არიან, წარდგნენ კონგრესის წინაშე მომხსენებელთა სტატუსით.
სამუშაო ენები: ქართული, ინგლისური და რუსული.
მასალები მიიღება 2026 წლის 30 ივლისამდე.
ტექნიკური მოთხოვნები:
ფაილის რედაქტორი — MS Word;
ფაილის სათაურის ფორმატი — გვარი_სახელი.doc(x)
გვერდის ზომა — A4;
შრიფტი ძირითადი ტექსტისათვის — Sylfaen
შრიფტის ზომა — 11, ხაზებს შორის ინტერვალი — 1.15;
შრიფტი საენათმეცნიერო ტრანსკრიფციისათვის — ICL_Symbol (ისეთი
სიმბოლოებისთვის, რომლებიც შეიძლება არ აღმოჩნდეს ამ შრიფტში,
გთხოვთ გამოიყენოთ TITUS Bitstream Unicode ან გამოგვიგზავნოთ
თქვენ მიერ შერჩეული შრიფტის TrueType ან OpenType ფორმატის
ფაილი);
ტექსტის მოცულობა — მაქს. 1000 სიტყვა.
მასალები მიიღება მხოლოდ ელექტრონული სახით მისამართზე:
congress.caucasology@tsu.ge
სარეგისტრაციო ფორმა იხ. ბმულზე: https://forms.gle/1NhNW4hLPLGNBVun8
კონგრესის ჩატარების ფორმატი — ჰიბრიდული.
აუცილებელი განმარტება: ავტორი, რომელიც არ წარმოადგენს
მოხსენებას/პრეზენტაციას მის მიერ არჩეული ფორმატით, ვერ მიიღებს
მონაწილის სერთიფიკატს და, შესაბამისად, მასალებიც არ გამოქვეყნდება.
პატივისცემით
კონგრესის საორგანიზაციო კომიტეტი