ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი აგრძელებს მრავალწლიან ტრადიციას და ბერლინის ჰუმბოლდტის უნივერსიტეტის იურიდიულ ფაკულტეტთან ერთად, “Netzwerk Ost-West“ პროექტის ფარგლებში, აცხადებს სტუდენტთა გაცვლით სემინარს: „თბილისი-ბერლინი 2023“.
სემინარი გაიმართება 7-20 აგვისტოს: პირველი კვირა თბილისში, ხოლო მეორე – ბერლინში. გაცვლითი სემინარის თემაა სამართალი და ტექნოლოგიები („Zwischen Technologie und Gesetz“), რომლის ფარგლებში, სტუდენტები სამეცნიერო ხელმძღვანელების მხარდაჭერით, დაამუშავებენ კონკრეტულ საკითხებს და შემდგომ, გერმანელ სტუდენტებთან ერთად, წარადგენენ მოხსენებებს.
ყველა ხარჯი (ტრანსპორტირება, სასტუმრო, კვება) ანაზღაურდება პროექტის ფარგლებში.
მონაწილეობის წინაპირობები:
- სტუდენტის აქტიური სტატუსი (ბაკალავრიატი, მაგისტრატურა ან დოქტორანტურა);
- გერმანული ენის კარგად ცოდნა.
დაინტერესებულმა პირებმა, 10 მაისის 18:00 საათის ჩათვლით, ელ. ფოსტაზე ostwest.geo@gmail.com უნდა გამოგზავნონ CV (გერმანულ ენაზე, ფოტოსა და საკონტაქტო ინფორმაციის მითითებით), ცნობა სტუდენტის სტატუსის შესახებ და ამონაწერი სასწავლო ბარათიდან.
გასაუბრება გაიმართება განცხადების მიღების ვადის ამოწურვიდან უახლოეს დღეებში გერმანულ ენაზე.
საინფორმაციო შეხვედრა ჩატარდება 7 მაისს, 14:00 საათზე, თსუ-ის II კორპუსის 119-ე აუდიტორიაში.