თბილისის სახელმწიფო უნივერსიტეტის სტუდენტური გაერთიანება „სხივი“ გიწვევთ დოკუმენტური ფილმის „ივანე ჯავახიშვილი“ ჩვენებაზე, რომელიც ეძღვნება საუკუნის მთავარი ქართველი მოაზროვნის, ისტორიკოსისა და საზოგადო მოღვაწის - ივანე ჯავახიშვილის - 150 წლის იუბილეს. 

რეჟისორები: ნინო გელოვანი, იზა თითბერიძე. სამხატვრო ხელმძღვანელი და დამდგმელი რეჟისორი: მერაბ კოკოჩაშვილი.

ნამუშევარი ივანე ჯავახიშვილს წარმოგვიდგენს არა მხოლოდ როგორც დიდ მეცნიერს, არამედ როგორც ეპოქის შემქმნელ ფიგურას - ადამიანს, რომელმაც ქართული სამეცნიერო სივრცე ახალ საფეხურზე აიყვანა და მნიშვნელოვანი როლი ითამაშა ეროვნული იდენტობის განმტკიცებაში.

ფილმში გაერთიანებულია საარქივო მასალები, იშვიათი კადრები, უცნობი ისტორიები, განსაკუთრებული ყურადღება ეთმობა მისი ცხოვრების გზას - გვიჩვენებს იმ სირთულეებსა და წინააღმდეგობებს, რომელთა გადალახვაც ქართული მეცნიერების დიდ რეფორმატორს საკუთარი მიზნების მისაღწევად მოუწია. 5 მაისი 18:00 საათი თბილისის სახელმწიფო უნივერსიტეტის პირველ კორპუსი, აუდიტორია 07 დასწრება თავისუფალია.