25 ივლისს, 12:00 სთ-ზე, თბილისის სახელმწიფო უნივერსიტეტის  სტუდენტური პროექტების დაფინანსების ფარგლებში „ვაზი ქართული ცივილიზაციის საზრდო და თანამგზავრი,“ თსუ-ს ბიბლიოთეკისა და ბიბლიოთეკის მეგობართა კლუბის  ინიციატივით, გაიმართება ღვინის ფესტივალი, სახელწოდებით  „იქ, სადაც ღვინის ქებას იტყვიან“. მოწვეულ სტუმრებს შორის იქნებიან სხვადასხვა ქართული ღვინის კომპანიები, რომლებიც წარმოადგენენ თავიანთ პროდუქციას. მათ შესაძლებლობა ექნებათ გააცნონ სტუმრებს  თავიანთი კომპანიები. გაიმართება ღვინის გამოფენა-გაყიდვა, დეგუსტაცია.  ღონისძიების თანაორგანიზატორები არიან: ღვინის ეროვნული სააგენტო და  სომელიეთა ასოციაცია.

ფესტივალის ფარგლებში გაიმართება კონფერენცია-დისკუსია, სადაც წარმოდგენილი იქნება ქართულ ღვინოსთან დაკავშირებული სხვადასხვა საკითხები. მოწვეულ ღვინის კომპანიებს შეეძლებათ მონაწილეობა მიიღონ კონფერენციაში; საკონფერენციო მასალები დაიბეჭდება. მოეწყობა თსუ-ს ბიბლიოთეკის ფონდში დაცული ღვინის თემატიკის წიგნების, ასევე, თსუ-ს მუზეუმიდან გამოტანილი ნივთებისა და ღვინის ეტიკეტების გამოფენა.

ღონისძიებაზე გაიჟღერებს   მუსიკალური ნომრები და ლექსები.