31 მაისს,  ივანე ჯავახიშვილის სახელობის თბილისის სახელმწიფო უნივერსიტეტის პროფესიული განათლების ცენტრის ორგანიზებით  პროფესიული განათლების I კონფერენცია ,,პროფესიული განათლება - ახალი შესაძლებლობა კარიერულ წინსვლაში” გაიმართება, რომელსაც თსუ რექტორი, აკდემიკოსი ჯაბა სამუშია, საქართველოს განათლების, მეცნიერებისა და ახალგაზრდობის საქმეთა მინისტრის მოადგილე ალექსანდრე წულაძე, საქართველოს განათლების, მეცნიერებისა და ახალგაზრდობის საქმეთა სამინისტროს პროფესიული განათლების განვითარების დეპარტამენტის უფროსი თამარ კვინიკაძე, განათლების ხარისხის განვითარების ეროვნული ცენტრის დირექტორის მოადგილე კახაბერ ერაძე, პროფესიული უნარების სააგენტოს ხელმძღვანელი ირინა მარგიშვილი, თსუ რექტორის მოადგილე კახაბერ ჭეიშვილი, თსუ პროფესიული განათლების ცენტრის ხელმძღვანელი ლევან წიქარიძე, პროფესიული სტუდენტები, კურსდამთავრებულები და მასწავლებლები,  მოწვეული სტუმრები დაესწრებიან.

კონფერენციის მიზანია პროფესიული განათლების მნიშვნელობის, გამოწვევების, სიახლეების, კარიერული განვითარების შესაძლებლობების შესახებ მსჯელობა.

კონფერენციაში მონაწილეობას მიიღებენ პროფესიული სტუდენტები,  კურსდამთავრებულები, პროფესიული მასწავლებლები, პროფესიული განათლების ცენტრის ადმინისტრაციული პერსონალი და პარტნიორი ორგანიზაციის წარმომადგენლები.