ბავშვთა დაცვის დღესთან დაკავშირებით, თბილისის სახელმწიფო უნივერსიტეტის ბიბლიოთეკა მართავს საბავშვო ღონისძიებებს, რომელიც გაიმართება 29 მაისიდან 31 მაისის ჩათვლით. ვუმასპინძლებთ კერძო და საჯარო სკოლების მოსწავლეებს, ასევე ბავშვთა სახლის აღსაზრდელებს.

ღონისძიების ფარგლებში პატარებს ბიბლიოთეკაში დახვდებიან თანამედროვე საბავშვო მწერლები, რომლებიც ბავშვებს წაუკითხავენ თავიანთი მოთხრობებს, გაიმართება დისკუსიები. შეხვედრის მეორე ნახევარი კი შემოქმედებით და გასართობ აქტივობებს დაეთმობა.

გვესტუმრებიან „საბავშვო კარუსელისა“ და საბავშვო გამომცემლობა „დილას“ წარმომადგენლები, რომლებიც სხვადასხვა საინტერესო აქტივობებით  გაახალისებენ პატარებს. ასევე,  ბავშვებისთვის მოეწყობა ქიმიკოსების, არქეოლოგების,  კალიგრაფისტებისა და სახის მოხატვის კუთხე. სტუმრების მხიარულ განწყობაზე იზრუნებენ ჭოხონელიძეების სტუდიის ბავშვები და ანსამბლ „მძნობარის“ პატარა ბალერინები. ღონისძიებას გაახალისებს  „სანტეს ლოკო-მოკოს“ ლომი, რომელიც იოგურტებს დაურიგებს ბავშვებს.

დღის განრიგი

ოთხშაბათი - 29 მაისი, 13:00 -  „საბავშვო კარუსელი“  -  55-ე საჯარო სკოლის I კლასი -  (მარო მაყაშვილის დარბაზი).

ხუთშაბათი - 30 მაისი, 13:00 - საბავშვო გამომცემლობა „დილა“ - ახალი ქართული სკოლის II-IV კლასები - (მარო მაყაშვილის დარბაზი).

პარასკევი - 31 მაისი, 13:00 - გასართობი ღონისძიება -  ჭოხონელიძეების სტუდიის ბავშვები, ანსამბლ „მძნობარის“ პატარა ბალერინები, ქიმიკოსების, არქეოლოგების, კალიგრაფისტებისა და სახის მოხატვის კუთხე (თსუ-ს I კორპუსის შიდა ეზო).