თბილისის სახელმწიფო უნივერსიტეტის ბიბლიოთეკა აგრძელებს საბავშვო ღონისძიებების სერიას -  „უნივერსიტეტის ბიბლიოთეკა ბავშვებს“, რომლის ფარგლებში  მოსწავლეებს ბიბლიოთეკაში ხვდებიან თანამედროვე საბავშვო მწერლები, პოეტები და მთარგმნელები, რომლებიც ისაუბრებენ ლიტერატურაზე, წიგნის სიყვარულზე, ბავშვებს უკითხავენ თავიანთი   შემოქმედებიდან  მოთხრობებს,  იმართება დისკუსიები.

10  ნოემბერს, 13:00 სთ-ზე, თბილისის სახელმწიფო უნივერსიტეტის ბიბლიოთეკა მასპინძლობს მე-18 საჯარო სკოლის IV კლასის მოსწავლეებს. მათ ბიბლიოთეკაში დახვდებათ მწერალი გივი ჩიღვინაძე, რომელიც ბავშვებს  თავისი შემოქმედების შესახებ მოუყვება.

ღონისძიების ფარგლებში მოსწავლეებს ექნებათ შესაძლებლობა დაათვალიერონ უნივერსიტეტის ბიბლიოთეკა,  გაეცნონ მის ფონდებში დაცულ უნიკალურ, უძველეს ნაბეჭდ წიგნებს. 

მისამართი:  ი. ჭავჭავაძის გამზ. 1, თსუ პირველი კორპუსი, მარო მაყაშვილის სახელობის დარბაზი.