ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
19 ოქტომბერს, 15:00 საათზე ივანე ჯავახიშვილის სახელობის თბილისის სახელმწიფო უნივერსიტეტში ქართულ-შვეიცარული პროექტისა და წიგნის - „მთიანი ტერიტორიების მდგრადი განვითარება და რესურსების მართვა“ - პრეზენტაცია გაიმართება. სახელმძღვანელო
ეძღვნება თბილისის სახელმწიფო უნივერსიტეტის დაარსების 100 და თსუ-ს
საქართველოს გეოგრაფიის კათედრის დაარსების 20 წლისთავს.
სახელმძღვანელოში, რომელიც გამოიცემა პირველად, განხილულია: მდგრადი განვითარების თეორიული საფუძვლები, პრინციპები და მეთოდოლოგია, მთიანი რეგიონების ბუნებრივი და სოციალურ-ეკონომიკური თავისებურებანი, მსოფლიოს მთიანი ტერიტორიების სპეციფიკა და საკანონმდებლო რეგულაციები, გლობალური პრობლემების რეგიონული სახესხვაობანი, მსოფლიოს ცალკეული რეგიონების, კავკასიის და საქართველოს მდგრადი განვითარების აქტუალური საკითხები; მდგრადი განვითარების საველე კვლევის მეთოდოლოგია და შედეგები.
სახელმძღვანელო განკუთვნილია უმაღლესი სასწავლებლების სტუდენტებისთვის და აღნიშნული თემატიკით დაინტერესებული ფართო საზოგადოებისთვის.
სახელმძღვანელო მომზადდა საერთაშორისო პროექტის - „მთიანი ტერიტორიების მდგრადი განვითარება და რესურსების მართვა“ ფარგლებში, რომელიც 2015-2018 წლებში განხორციელდა ივანე ჯავახიშვილის სახელობის თბილისის სახელმწიფო უნივერსიტეტში. წიგნის ავტორები არიან: პროფესორები ნოდარ ელიზბარაშვილი, გიორგი მელაძე (ივ. ჯავახიშვილი სახელობის თბილისის სახელმწიფო უნივერსიტეტი), აშოტ ხოეციანი (სომხეთის სახელმწიფო პედაგოგიური უნივერსიტეტი), ჰეინო მეესენი და ტომას კოლერი (ბერნის უნივერსიტეტი, შვეიცარია).
ღონისძიებას საქართველოს განათლების, მეცნიერების, კულტურისა და სპორტის სამინისტროს,
გარემოს დაცვისა და სოფლის მეურნეობის სამინისტროს, რეგიონული
განვითარებისა და ინფრასტრუქტურის სამინისტროს, ეკონომიკისა და მდგრადი
განვითარების სამინისტროს, WWF-ისა და „საქართველოს მწვანეთა მოძრაობა - დედამიწის მეგობრები“-ს წარმომადგენლები, ასევე უნივერსიტეტის პროფესორები და სტუდენტები დაესწრებიან.
მისამართი: ი. ჭავჭავაძის გამზირი #1, თსუ-ს პირველი კორპუსი, აუდიტორია #317.
მსგავსი ღონისძიებები
სემინარი - „შუა საუკუნეების ქართული ფილოსოფიური სკოლა ევროპულ სივრცეში“.
თარიღი
2019-06-20
თარიღი
სთ
მრგვალი მაგიდა - “ანთროპოლოგიის განვითარების პერსპექტივები საქართველოში”
თარიღი
2019-02-19
თარიღი
სთ