"უმაღლესი განათლების შესახებ" საქართველოს კანონის 23-ე მუხლის პირველი პუნქტის და 24-ე მუხლის პირველი პუნქტის "ზ" ქვეპუნქტის, საქართველოს განათლებისა და მეცნიერების მინისტრის  2013 წლის    11 სექტემბრის   N135/ნ  ბრძანებით   დამტკიცებული  სსიპ  – ივანე ჯავახიშვილის სახელობის თბილისის სახელმწიფო უნივერსიტეტის წესდების მე-15 მუხლის პირველი პუნქტის, მე-16 მუხლის   პირველი პუნქტის ,,ნ’’, ,,პ” ქვეპუნქტების,   ,,სსიპ-ივანე ჯავახიშვილის სახელობის  თბილისის სახელმწიფო  უნივერსიტეტის   საშტატო  განრიგის დამტკიცების შესახებ“  რექტორისა  და  ადმინისტრაციის  ხელმძღვანელის   2025 წლის   23 ივლისის N11/04 ერთობლივი ბრძანების, კულტურისა და სპორტის დეპარტამენტის უფროსის მოვალეობის შემსრულებლის  თ.  ცინაძის     2025 წლის    12 ნოემბრის    N29290/10 წერილის საფუძველზე,

ვ ბ რ ძ ა ნ ე ბ;

1. გამოცხადდეს  კონკურსი  სსიპ-ივანე  ჯავახიშვილის სახელობის თბილისის  სახელმწიფო უნივერსიტეტის კულტურისა   და   სპორტის   დეპარტამენტის    სპორტის   განყოფილების უფროსის შესარჩევად.
2. პირველი პუნქტით განსაზღვრული ვაკანსიისათვის  შრომის ანაზღაურება  განისაზღვროს თვეში   2000 (ორიათასი)  ლარის  ოდენობით   (საშემოსავლო გადასახადისა   და  საპენსიო ანარიცხის ჩათვლით.

3.  აპლიკანტი უნდა  აკმაყოფილებდეს შემდეგ მოთხოვნებს: 
ა) უნდა ჰქონდეს ბაკალავრის აკადემიური ხარისხი;
ბ) უნდა  ჰქონდეს მუშაობის ორწლიანი გამოცდილება, მათ შორის ხელმძღვანელ პოზიციაზე მუშაობის არანაკლებ ერთწლიანი გამოცდილება.
გ) ფლობდეს საოფისე კომპიუტერულ პროგრამებს Word, Exel, Power Point;

4. აპლიკანტს მოეთხოვება საქართველოს კანონის „უმაღლესი განათლების შესახებ“, თსუ-ში მოქმედი რეგულაციების  ცოდნა;

5.  აპლიკანტს მოეთხოვება შემდეგი პიროვნული თვისებები: 
ა) ყურადღებიანობა და დეტალებზე  ორიენტირებულობა;
ბ) ოპერატიულობა;
გ) ერთდროულად  სხვადასხვა  ამოცანებზე   დამოუკიდებლად  და  ეფექტურად   მუშაობის უნარი;
დ) გუნდურობა და კომუნიკაბელურობა; 
ე) დასაბუთების უნარი;
ვ) ფორსმაჟორულ სიტუაციაში მუშაობის შესაძლებლობა; 
ზ) პუნქტუალურობა და დროის ეფექტიანი მართვა;
თ) ცვლილებების  ადეკვატურად  აღქმის უნარი  და სიახლეების  სწრაფად ათვისების შესაძლებლობა.

6.  სსიპ-ივანე  ჯავახიშვილის  სახელობის  თბილისის   სახელმწიფო უნივერსიტეტის კულტურისა და სპორტის  დეპარტამენტის  სპორტის  განყოფილების უფროსის  პოზიციაზე დასაქმებულ პირს მოეთხოვება შემდეგი  ფუნქციების შესრულება:
ა) კულტურისა და სპორტის  დეპარტამენტის  მიერ გასამართი სპორტული  ღონისძიებების კოორდინაცია;
ბ) სხვადასხვა სპორტული ტურნირების სწორად წარმართვა; 
გ) სპორტული სექციების მონიტორინგი;
დ) უნივერსიტეტის ბაზაზე არსებული სპორტული გუნდების განვითარებისა და წინსვლისათვის  ხელის შეწყობა;
ე) სპორტული ღონისძიებების  დაგეგმვასა და ვებ გვერდზე  მასალების განათავსების კოორდინაცია.
ვ) დეპარტამენტის  ხელძღვანელის სხვა მიმდინარე დავალებების შესრულება, კომპეტენციის ფარგლებში.

7. კულტურისა და სპორტის დეპარტამენტის  სპორტის განყოფილების უფროსის პოზიციაზე კონკურსში  მონაწილეობის მსურველ აპლიკანტს მოეთხოვება შემდეგი საბუთების წარმოდგენა:
ა) განცხადება საკონკურსო კომისიის სახელზე;
ბ) CV ქართულ ენაზე (დოკუმენტის PDF ვერსია) ელექტრონულად; 
გ) უმაღლესი განათლების დამადასტურებელი  დოკუმენტის ასლი; 
დ) პირადობის მოწმობის ან პასპორტის სურათიანი გვერდის ასლი;
ე) კონკურსით  გამოცხადებული  ვაკანსიის  დაკავების შემთხვევაში  აპლიკანტმა პერსონალის მართვის  დეპარტამენტში   უნდა   წარმოადგინოს ცნობა  ,,სქესობრივი  თავისუფლებისა   და ხელშეუხებლობის წინააღმდეგ მიმართული დანაშაულის ჩადენისთვის ნასამართლობის შესახებ“;
8.  კონკურსში   მონაწილეობის  მსურველი  აპლიკანტის  შერჩევა  განხორციელდება სააპლიკაციო პაკეტის  განხილვის  საფუძველზე   საკონკურსო კომისიის  მიერ. არასრულად საბუთების გამოგზავნის შემთხვევაში, საკონკურსო კომისიის მიერ აპლიკანტის საბუთები არ განიხილება. აპლიკანტი, ვის მიერ წარმოდგენილი საბუთებიც დააკმაყოფილებს საკონკურსო მოთხოვნებს, წინასწარი შეტყობინების საფუძველზე  შესარჩევ კომისიასთან გაივლის გასაუბრებას (კონკრეტული თარიღი და დრო ეცნობებათ წინასწარ). გასაუბრების  შედეგები აპლიკანტს ეცნობება  პირადად;
9. ბრძანებით მოთხოვნილი დოკუმენტები აპლიკანტების მიერ გადმოგზავნილი  უნდა იქნეს 2025 წლის 19 ნოემბრიდან 2025 წლის 21 ნოემბრის ჩათვლით 18:00 საათამდე ელექტრონულ მისამართზე:  vacancy@tsu.ge. სათაურის  ველში უნდა  მიეთითოს  „კულტურისა და სპორტის დეპარტამენტის სპორტის განყოფილების უფროსი“.
10. სსიპ-ივანე  ჯავახიშვილის სახელობის თბილისის  სახელმწიფო უნივერსიტეტის კულტურისა  და  სპორტის  დეპარტამენტის   სპორტის  განყოფილების  უფროსის  შერჩევის მიზნით შეიქმნას კომისია და დამტკიდეს კომისიის  მუშაობის წესი (დანართი 1); 
11. ბრძანება სსიპ-ივანე  ჯავახიშვილის სახელობის თბილისის  სახელმწიფო უნივერსიტეტის კულტურისა და სპორტის  დეპარტამენტის  სპორტის  განყოფილების უფროსის  შესარჩევად კონკურსის  გამოცხადების შესახებ განთავსდეს უნივერსიტეტის ოფიციალურ ვებგვერდზე  - www.tsu.ge-ზე და ინტერნეტ  სივრცეში.
12. ბრძანების უნივერსიტეტის ოფიციალურ ვებ-გვერდზე  განთავსება დაევალოს საინფორმაციო ტექნოლოგიების დეპარტამენტს.
13. საკონკურსო კომისიის  შემაჯამებელი  ოქმი თსუ  ადმინისტრაციის ხელმძღვანელს წარედგინოს არაუგვიანეს 2025 წლის პირველი დეკემბრისა.
14. წინამდებარე ბრძანება კანონმდებლობით დადგენილი წესით გადაეცეს შესაბამის სტრუქტურულ ერთეულებს (საფინანსო დეპარტამენტი,  შესყიდვების განყოფილება, პერსონალის მართვის დეპარტამენტი,  კულტურისა და სპორტის  დეპარტამენტი, საინფორმაციო ტექნოლოგიების დეპარტამენტი, შიდა აუდიტის სამსახური).
15. ბრძანება ძალაშია გამოცემისთანავე.

ადმინისტრაციის ხელმძღვანელი ლაშა საღინაძე