,,უმაღლესი განათლების  შესახებ" საქართველოს კანონის  23-ე  მუხლის პირველი პუნქტის და  24-ე  მუხლის  პირველი პუნქტის  ,,ა’’,  ,,ზ’’  და  “ი"  ქვეპუნქტების, საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული სსიპ  - ივანე ჯავახიშვილის სახელობის თბილისის სახელმწიფო უნივერსიტეტის წესდების მე-15 მუხლის პირველი პუნქტის, მე-16 მუხლის პირველი პუნქტის  ,,ა’’,  ,,ვ’’,  ,,ზ’’  და  ,,პ” ქვეპუნქტების,  ,,სსიპ  - ივანე ჯავახიშვილის სახელობის თბილისის სახელმწიფო უნივერსიტეტის დამხმარე პერსონალის სამსახურში მიღების წესი, შრომის ანაზღაურების ოდენობა და პირობები’’ (დამტკიცებულია თსუ წარმომადგენლობითი საბჭოს მიერ, ოქმი N7; 26.12.2023წ), უსაფრთხოების სამსახურის უფროსის გიორგი თავაძის 2025 წლის 20 ოქტომბრის N26583/10 წერილის საფუძველზე,

ვ ბ რ ძ ა ნ ე ბ:

1.გამოცხადდეს კონკურსი სსიპ-ივანე ჯავახიშვილის სახელობის თბილისის სახელმწიფო უნივერსიტეტის უსაფრთხოების სამსახურში ინსპექტორების პოზიციაზე (12 ვაკანსია).

2.ბრძანების პირველი პუნქტით განსაზღვრულ პოზიციაზე შრომის ანაზრაურება თვეში განისაზღვრება 1000(ათასი) ლარის ოდენობით (საშემოსავლო გადასახადისა და საპენსიო ანარიცხის ჩათვლით). 4 დღეში ერთხელ 24 საათიანი სამუშაო ცვლა;

3.აპლიკანტი უნდა აკმაყოფილებდეს შემდეგ საკვალიფიკაციო მოთხოვნებს: 
ა) სრული ზოგადი  განათლება;
ბ) სასურველი ასაკი 25 წლიდან 55 წლამდე;

4.აპლიკანტს  მოეთხოვება შემდეგი პიროვნული თვისებები: 
ა) შემოქმედებითად და კრეატიულად აზროვნების უნარი; 
ბ) ყურადღებიანობა და დეტალებზე  ორიენტირებულობა; 
გ) ოპერატიულობა;
დ) ერთდროულად სხვადასხვა ამოცანაზე დამოუკიდებლად და ეფექტურად მუშაობის უნარი;
ე) გუნდური მუშაობისა  და ეფექტური კომუნიკაციის უნარი;
ვ) დასაბუთების უნარი;
ზ) ფორს-მაჟორულ ვიტარებაში მუშაობის უნარი;
თ) პუნქტუალურობა და დროის ეფექტიანი მართვის უნარი;
ი) ცვლილებების ადეკვატურად  აღქმისა და სიახლეების სწრაფად ათვისების  უნარი.
5.  სსიპ-ივანე ჯავახიშვილის  სახელობის  თბილისის სახელმწიფო  უნივერსიტეტის უსაფრთხოების სამსახურში ინსპექტორების პოზიციაზე დასაქმებულ პირს მოეთხოვება შემდეგი ფუნქციების შერულება: 
ა) განუწყვეტლივ იმყოფებოდეს დასაცავ კორპუსში, ყურადღებით, აკონტროლოს კორპუსი,  ელექტროდამცავი და სახანძრო სიგნალიზაციის მუშაობა,  კარგად იცოდეს კორპუსში  კაბინეტებისა და აუდიტორიების განლაგება და თავისებურებანი. დაიცვას მასზე  მიმაგრებული  კორპუსის  ქონება დაზიანებისაგან, გაძარცვისაგან, ხანძრისაგან ანდა  სხვაგვარი  ავარიისაგან.  პერიოდულად   გააკეთოს  შემოვლები  კორპუსში   და კორპუსის ირგვლივ, განსაკუთრებით ღამის საათებში;
ბ) სამსახურში ყოფნისას დაიცვას შინაგანაწესი, ეთიკის  ნორმების შესაბამისად მოიქცეს უნივერსიტეტის  თანამშრომლებთან, სტუდენტებთან და უნივერსიტეტში სტუმრად მოსულ პირებთან ურთიერთობაში; უნივერსიტეტში  შინაგანაწესის შესაბამისად, აღკვეთოს ნებისმიერი დარღვევა, მათ შორის, კორპუსში  ალკოჰოლური სასმელების შემოტანა, თამბაქოს მოწევა, აზარტული თამაშები,   არ დაუშვას კორპუსში რაიმე ინვენტარის ან ნივთის შემოტანა–გატანა ხელმძღვანელობის ნებართვის გარეშე;
გ) მკაცრად დაიცვას  და სხვასაც მოსთხოვოს დაიცვან  სახანძრო უსაფრთხოების  წესები, რომლებიც გამორიცხავენ ხანძრებისა და აალების შემთხვევებს;
დ)   სამუშაო  საათების  დასრულების  შემდეგ,  ადმინისტრატორთან ერთად შეამოწმოს კორპუსი და როდესაც დარწმუნდება კორპუსის დაცულობაში და სიგნალიზაციის გამართულ მუშაობაში, ჩაიბაროს კორპუსი, რაზედაც უნდა  გააკეთოს ჩანაწერი მიღება–ჩაბარების ჟურნალში;
ე) დაუყოვნებლივ  შეასრულოს ხელმძღვანელობის მითითებები;
ვ)  საჭიროების   შემთხვევაში   მოქალაქეებს აღმოუჩინოს გადაუდებელი პირველადი დახმარება;
ზ)დანაშაულებრივი   ფაქტების    აღმოჩენის, კონფლიქტური სიტუაციების ან სხვა გართულებების შემთხვევაში  მყისიერად აცნობოს ოპერატიული მართვის ცენტრს;
თ)შეასრულოს ხელმძღვანელობის სხვა მითითებები.
6.  კონკურსში მონაწილეობის მსურველ აპლიკანტს მოეთხოვება შემდეგი დოკუმენტების  წარმოდგენა:
ა) განცხადება საკონკურსო კომისიის  სახელზე;
ბ) CV ქართულ ენაზე (დოკუმენტის PDF ვერსია) ელექტრონულად;
გ) პირადობის მოწმობის ან პასპორტის სურათიანი გვერდის ასლი;
დ)   კონკურსით   გამოცხადებული    ვაკანსიის დაკავების შემთხვევაში აპლიკანტმა პერსონალის მართვის დეპარტამენტში უნდა წარმოადგინოს ცნობა  ,,სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისთვის ნასამართლობის შესახებ”.

7.  კონკურსში მონაწილეობის მსურველი აპლიკანტის შერჩევა განხორციელდება სააპლიკაციო პაკეტის განხილვის საფუძველზე  საკონკურსო კომისიის მიერ. არასრულად წარმოდგენილი საკვალიფიკაციო მოთხოვნებიდან გამომდინარე, საკონკურსო კომისიის მიერ აპლიკანტის დოკუმენტები არ განიხილება. აპლიკანტი, ვის მიერ წარმოდგენილი დოკუმენტების დააკმაყოფილებს საკონკურსო მოთხოვნებს, წინასწარი შეტყობინების საფუძველზე  შესარჩევ კომისიასთან გაივლის გასაუბრებას (კონკრეტული თარიღი და დრო ეცნობებათ წინასწარ). გასაუბრების შედეგები აპლიკანტს ეცნობება პირადად;
8.  ბრძანებით მოთხოვნილი დოკუმენტები აპლიკანტების მიერ გადმოგზავნილი უნდა იქნეს 2025 წლის 23 ოქტომბრიდან  2025 წლის პირველ ნოემბრამდე ელექტრონულ მისამართზე: vacancy@tsu.ge. სათაურის ველში უნდა  მიეთითოს -უსაფრთხოების სამსახურის  ინსპექტორი.
9.  სსიპ-ივანე ჯავახიშვილის სახელობის თბილისის  სახელმწიფო უნივერსიტეტის უსაფრთხოების სამსახურში ინსპექტორების პოზიციაზე შერჩევის მიზნით შეიქმნას კომისია და დამტკიდეს  კომისიის მუშაობის წესი (დანართი N1);
10. ბრძანება  ,,სსიპ-ივანე ჯავახიშვილის სახელობის თბილისის სახელმწიფო უნივერსიტეტის უნივერსიტეტის უსაფრთხოების სამსახურში ინსპექტორების განთავსდეს უნივერსიტეტის ოფიციალურ ვებგვერდზე  www.tsu.ge-ზე  და ინტერნეტ სივრცეში.
11. ბრძანების  უნივერსიტეტის ოფიციალურ ვებ-გვერდზე განთავსება დაევალოს საინფორმაციო ტექნოლოგიების დეპარტამენტს.
12. საკონკურსო კომისიის შემაჯამებელი ოქმი თსუ ადმინისტრაციის ხელმძღვანელს წარედგინოს არაუგვიანეს 2025 წლის 15 ნოემბრისა.
13. წინამდებარე  ბრძანება კანონმდებლობით დადგენილი წესით გადაეცეს  შესაბამის სტრუქტურულ ერთეულებს  (საფინანსო დეპარტამენტი, შესყიდვების განყოფილება, პერსონალის მართვის დეპარტამენტი, საინფორმაციო ტექნოლოგიების დეპარტამენტი, შიდა აუდიტის სამსახური, უსაფრთხოების სამსახური).
14. ბრძანება ძალაშია გამოცემისთანავე.

ადმინისტრაციის ხელმძღვანელი  ლაშა საღინაძე