"უმაღლესი განათლების  შესახებ" საქართველოს კანონის  22-ე მუხლის პირველი პუნქტის, 372 მუხლის  პირველი, მე-3 და მე-4 პუნქტების, საქართველოს განათლებისა და მეცნიერების მინისტრის 2013 წლის 11 სექტემბრის N135/ნ    ბრძანებით დამტკიცებული სსიპ - ივანე  ჯავახიშვილის სახელობის თბილისის სახელმწიფო უნივერსიტეტის წესდების  მე-14 მუხლის  პირველი პუნქტის, მე-8 პუნქტის "ა" და "პ" ქვეპუნქტების, მე-9 პუნქტის, 322 მუხლის  პირველი, მე-4, მე-5 და მე-6 პუნქტების, ივანე ჯავახიშვილის სახელობის თბილისის სახელმწიფო უნივერსიტეტის აკადემიური საბჭოს 2017 წლის 31 მაისის N63/2017 დადგენილების  ,,სსიპ  - ივანე ჯავახიშვილის სახელობის თბილისის სახელმწიფო უნივერსიტეტის დამოუკიდებელი სამეცნიერო-კვლევითი ერთეულის სამეცნიერო პერსონალის სამსახურში მიღების ერთიანი წესისა და სამეცნიერო თანამდებობების  დაკავების  დამატებითი პირობების დამტკიცების შესახებ”  (დამტკიცებულია  თსუ   წარმომადგენლობითი  საბჭოს  მიერ, ოქმი N03; 23.06.2017წ), "სსიპ-ივანე ჯავახიშვილის სახელობის თბილისის  სახელმწიფო უნივერსიტეტის დამოუკიდებელი სამეცნიერო კვლევითი ერთეულების (ინსტიტუტების) საშტატო   განრიგის   დამტკიცების  შესახებ“   თსუ   რექტორისა  და ადმინისტრაციის ხელმძღვანელის 2025 წლის 14 მაისის N6/04  ერთობლივი ბრძანების და მიხეილ  ნოდიას  სახელობის  გეოფიზიკის ინსტიტუტის   დირექტორის    ნოდარ ვარამაშვილის 2025 წლის 16 მაისის N11884/10  წერილის საფუძველზე,

ვ ბ რ ძ ა ნ ე ბ

1. გამოცხადდეს კონკურსი სსიპ-ივანე ჯავახიშვილის სახელობის თბილისის სახელმწიფო უნივერსიტეტის მიხეილ ნოდიას სახელობის გეოფიზიკის ინსტიტუტში უფროსი მეცნიერი თანამშრომლების და მეცნიერი თანამშრომლის სამსახურში მისაღებად;
2. უფროსი მეცნიერი თანამშრომლის თანამდებობაზე  7 წლის ვადით შეიძლება აირჩეს პირი, რომელსაც აქვს დოქტორის ან მასთან გათანაბრებული  აკადემიური ხარისხი, სამეცნიერო-კვლევითი საქმიანობის  გამოცდილება (რაც გულისხმობს  არა მხოლოდ სამეცნიერო-კვლევით, უმაღლეს საგანმანათლებლო ან სხვა პროფილურ დაწესებულებაში სამეცნიერო  თანამდებობაზე მუშაობას, არამედ  გამოქვეყნებულ სამეცნიერო პუბლიკაციებსაც) და   გამოქვეყნებული ან გამოსაქვეყნებლად მიღებული სამეცნიერო  პუბლიკაციები,  მათ   შორის  არანაკლებ 2  რეიტინგული  სამეცნიერო პუბლიკაცია მაინც სამეცნიერო-კვლევითი პროდუქციის კლასიფიკაციის მიხედვით;
3. მეცნიერი თანამშრომლის თანამდებობაზე  4 წლის ვადით   შეიძლება აირჩეს  პირი, რომელსაც აქვს მაგისტრის  ან მასთან  გათანაბრებული  აკადემიური ხარისხი, სამეცნიერო - კვლევითი საქმიანობის გამოცდილება (რაც გულისხმობს  არა მხოლოდ სამეცნიერო-კვლევით, უმაღლეს საგანმანათლებლო ან სხვა პროფილურ დაწესებულებაში სამეცნიერო თანამდებობაზე მუშაობას, არამედ გამოქვეყნებულ სამეცნიერო პუბლიკაციებსაც) და გამოქვეყნებული ან გამოსაქვეყნებლად მიღებული სამეცნიერო  პუბლიკაციები, მათ შორის არანაკლებ 1 რეიტინგული სამეცნიერო პუბლიკაცია მაინც სამეცნიერო-კვლევითი პროდუქციის კლასიფიკაციის მიხედვით;
4. უფროსი მეცნიერ თანამშრომლის და მეცნიერ თანამშრომლის თანამდებობა შეიძლება  დაიკავოს   პირმა,  რომელიც  აკმაყოფილებს  უნივერსიტეტის დამოუკიდებელი სამეცნიერო-კვლევითი ერთეულის სამეცნიერო პერსონალის სამსახურში  მიღების ერთიანი წესითა და სამეცნიერო თანამდებობის დაკავების დამატებითი პირობების  მე-2 მუხლით განსაზღვრულ  კრიტერიუმებს  საკონკურსოდ გამოცხადებული  ვაკანსიის პროფილის მიხედვით.
5. კონკურსი გამოცხადდეს 2025 წლის 20 მაისს, საკონკურსო დოკუმენტაციის წარმოდგენის  ვადა განისაზღვროს  2025 წლის 23 ივნისიდან 27 ივნისის ჩათვლით. საკონკურსო კომისიის  შემაჯამებელი  ოქმი დასამტკიცებლად    წარედგინოს თსუ რექტორს არაუგვიანეს 2025 წლის 12 ივლისისა.
6. კონკურსი  გამოცხადდეს   მიხეილ  ნოდიას   სახელობის გეოფიზიკის ინსტიტუტში უფროსი მეცნიერი  თანამშრომლების   და მეცნიერი  თანამშრომლის სამეცნიერო თანამდებობის  დასაკავებლად:

ა) გამოყენებითი და ექსპერიმენტალური გეოფიზიკის სექტორი:
უფროსი მეცნიერ თანამშრომელი - 2  საშტატო ერთეული (7 წლის ვადით)
მეცნიერი  თანამშრომელი - 1 საშტატო ერთეული (4 წლის ვადით)
ბ) დედამიწის ფიზიკისა და გეომაგნეტიზმის სექტორი:
უფროსი მეცნიერი თანამშრომელი -1   საშტატო ერთეული  (7 წლის ვადით)
გ) ატმოსფეროს ფიზიკის სექტორი:
უფროსი მეცნიერ თანამშრომელი - 2 საშტატო ერთეული (2-0,5)  (7 წლის ვადით)
დ) ზღვისა და ატმოსფეროს დინამიკის მოდელირების სექტორი:
უფროსი მეცნიერ თანამშრომელი - 1  საშტატო ერთეული  (7 წლის ვადით)
ე) ჰიდროგეოფიზიკისა  და გეოთერმიის კვლევითი ცენტრი:
უფროსი მეცნიერ თანამშრომელი - 1 საშტატო ერთეული  (7 წლის ვადით)

7.სამეცნიერო თანამდებობაზე   გამოცხადებულ კონკურსში  მონაწილეობის მსურველი ვალდებულია განსაზღვრული პირობებისა და ვადების დაცვით წარუდგინოს საკონკურსო კომისიას შემდეგი დოკუმენტაცია:
ა) განცხადება  საკონკურსო კომისიის  სახელზე  დადგენილი  ფორმის მიხედვით (აკადემიური საბჭოს 2017 წლის 31 მაისის N63/2017 დადგენილება, დანართი N2 );
ბ) პირადობის  დამადასტურებელი დოკუმენტის  ასლი (პასპორტი, პირადობის მოწმობა);
გ) ავტობიოგრაფია (CV);
დ) შესაბამისი აკადემიური ხარისხის დამადასტურებელი დოკუმენტის (დოკუმენტების) ასლი, უცხო ქვეყანაში მიღებული განათლების  ან/და  სამეცნიერო 
ხარისხის (ასეთის არსებობის შემთხვევაში)  აღიარების კანონმდებლობით დადგენილი წესით გაცემული დოკუმენტის (დოკუმენტების) ასლი;
ე) სამეცნიერო საქმიანობის გამოცდილების   ამსახველი   ინფორმაცია   (მათ   შორის სამეცნიერო-კვლევითი   პროდუქციის   ჩამონათვალი,  თარიღების   მითითებით   და არსებობის შემთხვევაში სამეცნიერო-კვლევით პროექტებში მონაწილეობის შესახებ); 
ვ) სამეცნიერო - კვლევითი საქმიანობის  გამოცდილების  ამსახველი კანონმდებლობით დადგენილი წესით გაცემული დოკუმენტი (ცნობა ან შრომის წიგნაკის ასლი ან სხვ.);
ზ) ცნობა - სქესობრივი თავისუფლებისა და ხელშეუხებლობის     წინააღმდეგ მიმართული დანაშაულის ჩადენისთვის ნასამართლეობის შესახებ.
8. საკონკურსო დოკუმენტების მიღება იწარმოებს 2025 წლის 23 ივნისიდან 27 ივნისის ჩათვლით 10⁰⁰-დან 17⁰⁰    საათამდე, თსუ  მიხეილ ნოდიას სახელობის გეოფიზიკის ინსტიტუტში.  მისამართი: თბილისი, მ. ალექსიძის ქ N1 მიხეილ ნოდიას სახელობის გეოფიზიკის ინსტიტუტი, II სართული.
9. ბრძანება გამოქვეყნდეს გაზეთ  ,,თბილისის  უნივერსიტეტის’’ ელექტრონულ გვერდზე.
10.ბრძანების უნივერსიტეტის ოფიციალურ ვებ-გვერდზე განთავსება დაევალოს საინფორმაციო ტექნოლოგიების დეპარტამენტს;
11.წინამდებარე  ბრძანება კანონმდებლობით დადგენილი წესით გადაეცეს შესაბამის სტრუქტურულ ერთეულებს (საფინანსო დეპარტამენტი,  პერსონალის მართვის დეპარტამენტი,  შიდა  აუდიტის სამსახური, საინფორმაციო ტექნოლოგიების დეპარტამენტი, მიხეილ ნოდიას სახელობის გეოფიზიკის ინსტიტუტი).
12. ბრძანება ძალაშია ხელმოწერისთანავე.

რექტორი ჯაბა სამუშია