ივანე ჯავახიშვილის სახელობის თბილისის სახელმწიფო უნივერსიტეტის ხარისხის უზრუნველყოფის სამსახურის კოორდინაციით, თსუ ეროვნული სამეცნიერო ბიბლიოთეკის ბაზაზე გრძელდება ტრენინგების ციკლი უნივერსიტეტში აკადემიური წერისა და აკადემიური კეთილსინდისიერების კულტურის ამაღლების მხარდასაჭერად. ტრენინგების მიზანია, სტუდენტებს მიაწოდოს ინფორმაცია და დაეხმაროს შესაბამისი უნარების გამომუშავებაში შემდეგი მიმართულებით: 

 ტრენინგის თემატიკა:

 ელექტრონული-სამეცნიერო ბიბლიოთეკები და სამეცნიერო ლიტერატურის მოძიების  ტექნიკა და ფორმები;

პედაგოგი: ანა ტივაძე,

ციტირების სტილები (APA, CHICAGO)

        პედაგოგი: ზურაბ ოქროპირიძე  

პროგრამა Mendeley  -  თეორიული საფუძვლები და პრაქტიკული გამოყენება

პედაგოგი: ზურაბ ოქროპირიძე 

რა არის პლაგიატი? როგორ ავარიდოთ თავი პლაგიატს?;

 Turnitin-ის გამოყენება;

პედაგოგი: თეა პაპიაშვილი, ირინა კომახიძე

ტრენინგი ჩატარდება   2022 წლის  20 და 21 დეკემბერს   11:00 საათიდან 15:00 საათამდე.

შეხვედრა ჩატარდება პროგრამა Zoom-ის საშუალებით რომელის რეკივიზიტებიც რეგისტრაციის შემდგომ გამოგეგზავნებათ პირად შეტყობინებაში.

ტრენინგზე რეგისტრაციისათვის მიჰყევით ბმულს.

 პოსტდოქტორანტად მუშაობის მსურველმა უნდა წარმოადგინოს:

ა) პირადობის დამადასტურებელი მოწმობის ასლი;

ბ) აკადემიური ხარისხის დამადასტურებელი დოკუმენტის ასლი;

გ)  ავტობიოგრაფია (CV);

დ) გამოქვეყნებული შრომების სია;

ე) უცხო ენის B2 დონეზე ცოდნის დამადასტურებელი სერტიფიკატის ასლი (გარდა იმ შემთხვევისა, როდესაც პირს, აკადემიური განათლების რომელიმე საფეხური დასრულებული აქვს და შესაბამისი აკადემიური ხარისხი მინიჭებული აქვს უცხოენოვანი პროგრამის გავლის საფუძველზე);

ვ) პოსტდოქტორანტის სავარაუდო მეცნიერ-კონსულტანტის (უნივერსიტეტის აკადემიური ან სამეცნიერო თანამდებობის მქონე პირი) თანხმობა კონსულტირება გაუწიოს პოსტდოქტორანტად დასაქმებულ პირს მისი საკითხის დადებითად გადაწყვეტის შემთხვევაში;

ზ) სამეცნიერო-კვლევითი პროექტი, რომელიც მოსალოდნელი შედეგების მხრივ აუცილებლად უნდა ითვალისწინებდეს პოსტდოქტორანტობის მსურველის ავტორობით/თანაავტორობით უნივერსიტეტის სახელით პრესტიჟულ, მაღალრეიტინგულ სამეცნიერო-კვლევითი სტატიის გამოქვეყნებას (დასაბეჭდად მიღებას), ისეთ ჟურნალში რომელიც ინდექსირებულია SCOPUS ან Web of Science ბაზებში და რომლის შესაბამისად CiteScore მეტია ან ტოლია1-ის, ხოლო Impact factor მეტია ან ტოლია 0,5-ის;

თ) ცნობა ნასამართლობის შესახებ

ი) სამეცნიერო დარგის/მიმართულების ორი წამყვანი სპეციალისტის მხარდაჭერის წერილი

საბუთების მიღება  2022 წლის 20 დან 25 დეკემბრის ჩათვლით, თსუ მეორე კორპუსი, ოთახი  # 108.

პოსტდოქტორანტად დასაქმების უფლება აქვს დოქტორის (ან მასთან გათანაბრებული)

აკადემიური ხარისხის მქონე პირს, თუ პოსტდოქტორანტად მიღების პროცედურის დაწყებისას იგი არის არაუმეტეს 35 წლისა და შესაბამისი აკადემიური ხარისხის მინიჭებიდან გასულია არაუმეტეს 3 წლისა.

დეტალური ინფორმაციისთვის მიმართეთ დეკანის მოადგილეს, ბატონ ვაჟა ტრაპაიძეს vazha.trapaidze@tsu.ge

,,სახელმწიფო სტიპენდიები სტუდენტებს" 
საბოლოო შედეგები  სია

შენიშვნა: იდენტიფიცირებისთვის იხილეთ LMS-ზე არსებული სტუდენტის ID  ნომერი 

ოქმი იხილეთ დანართის სახით

საქართველოს ზოგადი ადმინისტრაციული კოდექსის 52-ე მუხლის პირველი და მე-2 ნაწილების, 53-ე მუხლის პირველი და მე-3 ნაწილების, 54-ე მუხლის პირველი ნაწილის, 55-ე მუხლის, 56-ე მუხლის მე-2 ნაწილის, 57-ე მუხლისა და 63-ე მუხლის, საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული „საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების“ მე-8 მუხლის პირველი პუნქტის „ბ“ ქვეპუნქტის, უნივერსიტეტის აკადემიური საბჭოს 2014 წლის 14 ივლისის №73/2014 დადგენილებით დამტკიცებული აკადემიური საბჭოს რეგლამენტის მე-5 მუხლის პირველი პუნქტის „ბ“ ქვეპუნქტის, თსუ-ს ხარისხის უზრუნველყოფის სამსახურის 2022 წლის 24 ნოემბრის №31038/10 და №31011/10 წერილების, უნივერსიტეტის აკადემიური საბჭოს 2022 წლის 28 ნოემბრის №20 სხდომის ოქმის საფუძველზე,

აკადემიური საბჭო ადგენს:

1. შევიდეს ცვლილებები „საგანმანათლებლო პროგრამების დამტკიცების შესახებ“ აკადემიური საბჭოს 2011 წლის 29 ივნისის №57/2011 დადგენილების შემდეგ დანართებში და ისინი ჩამოყალიბდეს წინამდებარე დადგენილებაზე თანდართული სახით:

ა) III ნაწილის „ა“ პუნქტის 77-ე ქვეპუნქტით №77 დანართად დამტკიცებული საბაკალავრო პროგრამა „ეკონომიკა “ (დანართი №77);
ბ) III ნაწილის „ბ“ პუნქტის მე-80 ქვეპუნქტით №80 დანართად  დამტკიცებული სამაგისტრო პროგრამა „ეკონომიკა” (დანართი №80);
გ) III ნაწილის „გ“ პუნქტის 84-ე ქვეპუნქტით №84 დანართად  დამტკიცებული სადოქტორო პროგრამა „ეკონომიკა” (დანართი №84).

2. შევიდეს ცვლილებები აკრედიტაციის მიზნით „საგანმანათლებლო პროგრამების დამტკიცების შესახებ“ აკადემიური საბჭოს 2011 წლის 29 ივნისის №57/2011 დადგენილების შემდეგ დანართებში და ისინი ჩამოყალიბდეს წინამდებარე დადგენილებაზე თანდართული სახით:

ა) VI ნაწილის „გ“ პუნქტის 113-ე ქვეპუნქტით №113 დანართად დამტკიცებული საბაკალავრო პროგრამა „არაბისტიკა“ (დანართი №113);   
ბ) VI ნაწილის „გ“ პუნქტის 114-ე ქვეპუნქტით №114 დანართად დამტკიცებული საბაკალავრო პროგრამა „ირანისტიკა“ (დანართი №114);   
გ) VI ნაწილის „გ“ პუნქტის 116-ე ქვეპუნქტით №116 დანართად დამტკიცებული საბაკალავრო პროგრამა „თურქოლოგია“ (დანართი №116);   
დ) VI ნაწილის „გ“ პუნქტის 120-ე ქვეპუნქტით №120 დანართად დამტკიცებული საბაკალავრო პროგრამა „ინგლისური ფილოლოგია“ (დანართი №120);   
ე) VI ნაწილის „გ“ პუნქტის 121-ე ქვეპუნქტით №121 დანართად დამტკიცებული საბაკალავრო პროგრამა „გერმანული ფილოლოგია“ (დანართი №121);   
ვ) VI ნაწილის „გ“ პუნქტის 122-ე ქვეპუნქტით №122 დანართად დამტკიცებული საბაკალავრო პროგრამა „სკანდინავიური ფილოლოგია“ (დანართი №122);   
ზ) VI ნაწილის „გ“ პუნქტის 123-ე ქვეპუნქტით №123 დანართად დამტკიცებული საბაკალავრო პროგრამა „ფრანგული ფილოლოგია“ (დანართი №123);   
თ) VI ნაწილის „გ“ პუნქტის 127-ე ქვეპუნქტით №127 დანართად დამტკიცებული საბაკალავრო პროგრამა „ახალი ბერძნული ფილოლოგია“ (დანართი №127);   
ი) VI ნაწილის „გ“ პუნქტის 128-ე ქვეპუნქტით №128 დანართად დამტკიცებული საბაკალავრო პროგრამა „კლასიკური ფილოლოგია“ (დანართი №128);   
კ) VI ნაწილის „გ“ პუნქტის 129-ე ქვეპუნქტით №129 დანართად დამტკიცებული საბაკალავრო პროგრამა „ბიზანტიური ფილოლოგია“ (დანართი №129);   
ლ) VI ნაწილის „ე“ პუნქტის 155-ე ქვეპუნქტით №155 დანართად დამტკიცებული სამაგისტრო პროგრამა „გერმანული ფილოლოგია“ (დანართი №155);   
მ) VI ნაწილის „ე“ პუნქტის 156-ე ქვეპუნქტით №156 დანართად დამტკიცებული სამაგისტრო პროგრამა „რომანული ფილოლოგია“ (დანართი №156);   
ნ) VI ნაწილის „ე“ პუნქტის 157-ე ქვეპუნქტით №157 დანართად დამტკიცებული სამაგისტრო პროგრამა „ბერძნულ-რომაული ფილოლოგია“ (დანართი №157);   
ო) VI ნაწილის „ე“ პუნქტის 165-ე ქვეპუნქტით №165 დანართად დამტკიცებული სამაგისტრო პროგრამა „არაბისტიკა“  (დანართი№165);
პ) VI ნაწილის „ე“ პუნქტის 167-ე ქვეპუნქტით №167 დანართად დამტკიცებული სამაგისტრო პროგრამა „ირანისტიკა“  (დანართი№167);
ჟ) VI ნაწილის „ე“ პუნქტის 170-ე ქვეპუნქტით №170 დანართად დამტკიცებული სამაგისტრო პროგრამა „თარგმანი და კულტურათაშორისი ურთიერთობები“  (დანართი№170);
რ) VI ნაწილის „ე“ პუნქტის 178¹ ქვეპუნქტით №259 დანართად დამტკიცებული სამაგისტრო პროგრამა „სკანდინავისტიკა“ (დანართი №259).  

3. შევიდეს შემდეგი ცვლილებები აკრედიტაციის მიზნით „საგანმანათლებლო პროგრამების დამტკიცების შესახებ“ აკადემიური საბჭოს 2011 წლის 29 ივნისის №57/2011 დადგენილებაში:

ა) VI ნაწილის „გ“ პუნქტის 124-ე და 125-ე ქვეპუნქტები ჩამოყალიბდეს შემდეგი რედაქციით:

“124. იტალიანისტიკა (დანართი 124);”;
125. ესპანისტიკა (დანართი 125);“;

ბ) VI ნაწილის „ე“ პუნქტის 154-ე ქვეპუნქტი ჩამოყალიბდეს შემდეგი რედაქციით:

„154. ინგლისური ფილოლოგია (დანართი 154);“;

გ) VI ნაწილის „ე“ პუნქტის 168-ე ქვეპუნქტი ჩამოყალიბდეს შემდეგი რედაქციით:

„168. თურქოლოგია (დანართი 168);“.

4. დადგენილების შესრულებაზე კონტროლი დაევალოს თსუ-ს ხარისხის უზრუნველყოფის სამსახურს.
5. წინამდებარე დადგენილება დაინტერესებული პირის მიერ შეიძლება გასაჩივრდეს კანონმდებლობით დადგენილი წესით ძალაში შესვლის დღიდან 1 თვის ვადაში ქ. თბილისის საქალაქო სასამართლოში (მისამართი: ქ. თბილისი, დავით აღმაშენებლის ხეივანი, №64).
6. დადგენილება ძალაში შევიდეს საჯაროდ გამოცხადებისთანავე. 

 
პროფესორი ჯაბა სამუშია
რექტორის მოვალეობის შემსრულებელი
აკადემიური საბჭოს თავმჯდომარე   

 გამოცხადდა 2023 წლის საგრანტო კონკურსები ERASMUS+ პროგრამის ფარგლებში. კონკურსების შესახებ ინფორმაცია შეგიძლიათ იხილოთ შემდეგ ბმულზე ან თანდართულ ფაილში.

შეგახსენებთ, რომ შემუშვებულია სსიპ - ივანე ჯავახიშვილის სახელობის თბილისის სახელმწიფო უნივერსიტეტის სახელით ERASMUS+ პროგრამის ფარგლებში (Key Action 2; Key Action 3; Jean Monnet actions; Programs in VET) საერთაშორისო საგრანტო განაცხადის წარდგენის წესი (იხ. დანართი 1). ამასთან, საერთაშორისო საგრანტო პროექტების განხილვისა და მათი მიზნობრიობის შესაფასებლად უნივერსიტეტში შექმნილია უნივერსიტეტის მართვის ორგანოებისა და ადმინისტრაციის შესაბამისი სტრუქტურული ერთეულების წარმომადგენლებისაგან შემდგარი კომისია. წესი განსაზღვრავს მხოლოდ იმ პირობებს, რომელიც უნდა დააკმაყოფილოს დაგეგმილმა საერთაშორისო პროექტმა, რათა თსუ ჩაერთოს პროექტში. პირი/პირთა ჯგუფი, რომელიც გეგმავს მონაწილეობა მიიღოს საერთაშორისო საგრანტო პროექტში უნივერსიტეტის სახელით, ვალდებულია დადგენილ ვადებში ელექტრონულად წარმოადგინოს განაცხადი უნივერსიტეტის მიერ დამტკიცებული ფორმის შესაბამისად (იხ. დანართი 2). განაცხადის წარმდგენი პირი უნდა დაესწროს განხილვას კომისიის სხდომაზე. კომისია შეიკრიბება პერიოდულად, წარმოდგენილი განაცხადების რაოდენობის შესაბამისად და საგრანტო კონკურსების ვადების გათვალისწინებით. ზემოაღნიშნულიდან გამომდინარე, მათ, ვინც მუშაობთ აღნიშნული ტიპის საგრანტო პროექტ(ებ)ზე, გთხოვთ, დანართი 2-ის მიხედვით შევსებული განაცხადის ფორმები გამოაგზავნოთ ელ.ფოსტაზე - projects@tsu.ge . თქვენი საგრანტო განაცხადის განხილვის თარიღს გაცნობებთ.

შენიშვნა. თუ CBHE პროექტს ამზადებთ თბილისის სახელმწიფო უნივერსიტეტის კოორდინატორობით და გსურთ კონსორციუმში განათლებისა და მეცნიერების სამინისტროს ჩართვა ასოცირებულ ან სრულ პარტნიორად, გთხოვთ, მოამზადოთ მოკლე პრეზენტაცია კომისიისთვის შემდეგი ინფორმაციით: პროექტის მიზნები და მოსალოდნელი შედეგები; პროექტში მონაწილე ორგანიზაციები (ქართული და უცხოური); განათლებისა და მეცნიერების სამინისტროს როლი პროექტში. დამატებითი კითხვების შემთხვევაში, დაგვიკავშირდით აღნიშნული ელ.ფოსტის მისამართზე. მადლობას მოგახსენებთ თანამშრომლობისთვის. გისურვებთ წარმატებას.

საერთაშორისო საგრანტო განაცხადების შემფასებელი კომისია 

დამატებითი ინფორმაციისთვის ასევე იხილეთ დანართი.

სსიპ-ივანე ჯავახიშვილის სახელობის თბილისის სახელმწიფო უნივერსიტეტის რექტორის N 356/01-01. 01.12.2022 ბრძანებით დამტკიცებული პროგრამის „სახელმწიფო სტიპენდიები სტუდენტებს“ ფარგლებში თბილისის სახელმწიფო უნივერსიტეტის ბაკალავრიატის საგანმანათლებლო პროგრამაზე ერთიანი ეროვნული გამოცდებით ჩარიცხულ სტუდენტთა ფინანსური წახალისებისათვის კანდიდატთა შერჩევის კრიტერიუმების დადგენისა და ფაკულტეტზე სახელმწიფო სტიპენდიით დასაფინანსებელი სტუდენტების რაოდენობის განსაზღვრის, სსიპ - ივანე ჯავახიშვილის სახელობის თბილისის სახელმწიფო უნივერსიტეტის სტუდენტებისათვის პროგრამის ,,სახელმწიფო სტიპენდიები სტუდენტებს” ფარგლებში სტიპენდიების მინიჭების წესისა  და სოციალურ და პოლიტიკურ მეცნიერებათა ფაკულტეტის საბჭოს 2022 წლის 18 იანვრის  სხდომაზე (ოქმი N 1) ბაკალავრიატის სტუდენტთა დაფინანსების წესის საფუძველზე ვბრძანებ:

სოციალურ და პოლიტიკურ მეცნიერებათა ფაკულტეტის ბაკალავრიატის საგანმანათლებლო პროგრამაზე ერთიანი ეროვნული გამოცდებით ჩარიცხულ სტუდენტთაგან სახელმწიფო სტიპენდიის მოსაპოვებლად 90 დასაფინანსებელი სტუდენტის შერჩევა განხორციელდეს სსიპ-ივანე ჯავახიშვილის სახელობის თბილისის სახელმწიფო უნივერსიტეტის რექტორის  N356/01-01. 01.12.2022 ბრძანების შესაბამისად;

დასაფინანსებელ სტუდენტთა შერჩევა განახორციელოს საკონკურსო კომისიამ შემდეგი შემადგენლობით:

• სალომე დუნდუა – დეკანის მოადგილე, კომისიის თავმჯდომარე;
• სანდრო ტაბატაძე – სამეცნიერო სამსახურის უფროსი, თავჯდომარის მოადგილე;
• ელენე გელაშვილი –სასწავლო პროცესის მართვის სამსახურის  უფროსი;
• ნათია დათიაშვილი – მთავარი სპეციალისტი;
• ლუიზა აბაზაძე– მთავარი სპეციალისტი;
• თამარ გოგორიშვილი - უფროსი სპეციალისტი;
• თეა ხუნდაძე - უფროსი სპეციალისტი;

საბუთები მიიღება:   2  – 6 დეკემბრი, VI კორპუსი, # 201, 10:00 -17:00 სთ

საკონკურსო კომისიამ იხელმძღვანელოს სოციალურ და პოლიტიკურ მეცნიერებათა ფაკულტეტის საბჭოს 2022 წლის 18 იანვრის  სხდომაზე (ოქმი N 1) დამტკიცებული ,,ბაკალავრიატის სტუდენტთა დაფინანსების წესით’’.

ფაკულტეტის სასწავლო პროცესის მართვის სამსახურმა უზრუნველყოს  დაინტერესებულ პირთათვის ბრძანების გაცნობა;

ბრძანება ძალაშია გამოცემისთანავე.

ცხადდება კონკურსი

2022-2023 სასწავლო წლის შემოდგომის სემესტრში პროგრამის ფარგლებში
„სახელმწიფო სტიპენდიები სტუდენტებს”
(თსუ -ის რექტორის    N356/01-01. 01.12.2022 ბრძანება)  

კონკურსში მონაწილეობის უფლება აქვს  II - VIII  სემესტრის სტუდენტს, რომელსაც 2021 - 2022 სასწავლო წლის გაზაფხულის  სემესტრში დარეგისტრირებულ საგნებში დაგროვებული აქვს არანაკლებ  30 კრედიტისა (იხ.სტუდენტთა დაფინანსების წესი)

შერჩევის პროცესში მონაწილეობის  მისაღებად კანდიდატმა უნდა წარმოადგინოს შემდეგი დოკუმენტაცია:  

• განცხადება სოციალურ და პოლიტიკურ მეცნიერებათა ფაკულტეტის დეკანის სახელზე  (იხ. განცხადების ფორმა);
• პირადობის მოწმობის ასლი;
• საბანკო ანგარიშის ნომრის  ამონაწერი  „საქართველოს ბანკიდან“; 

2021 - 2022 სასწავლო წლის გაზაფხულის სემესტრში (2022 წლის 8 თებერვლიდან  7 აგვისტოს ჩათვლით) გამოქვეყნებული სამეცნიერო ნაშრომის/ ნაშრომების ასლი, ასეთის არსებობის შემთხვევაში. სამეცნიერო კრებულის, ან ჟურნალის სახელწოდება, თავფურცელი, სარჩევი, ლინკი, გამოქვეყნების თარიღი, ადგილი.

2021 - 2022 სასწავლო წლის გაზაფხულის  სემესტრში (2022 წლის 8 თებერვლიდან   7 აგვისტოს ჩათვლით) სამეცნიერო სტუდენტურ კონფერენციებში მონაწილეობის/გამარჯვების დამადასტურებელი დოკუმენტი/დოკუმენტები (დათარიღებული სერტიფიკატი, პროგრამა ან ცნობა), ასეთის არსებობის შემთხვევაში. თუ წარმოდგენილი დოკუმენტით არ დგინდება სამეცნიერო სტუდენტური კონფერენციის ჩატარების ზუსტი თარიღი, შერჩევის პროცესში დოკუმენტი არ იქნება მხედველობაში მიღებული); 

შენიშვნა: შემოდგომის სემესტრის აკადემიური მოსწრების ფურცლისა და ფაკულტეტის მიერ ორგანიზებულ საფაკულტეტო/საუნივერსიტეტო კონფერენციებში მონაწილეობის/გამარჯვების დამადასტურებელი დოკუმენტებს მოიძიებს თავად საფაკულტეტო კომისია.

საბუთები მიიღება   2 დეკემბრიდან – 6 დეკემბრის   ჩათვლით,  მეექვსე კორპუსის 201 ოთახიში 10:00 საათიდან 17:00 საათამდე.

პირველადი  შედეგები გამოქვეყნდება: 9 დეკემბრი.

აპელაცია:  10 დეკემბრი 23:00 სთ-მდე (აპელაცია მიიღება მისამართზე social@tsu.ge)

საბოლოო შედეგები გამოცხადება:  12 დეკემბრი.

გისურვებთ  წარმატებებს !

„უმაღლესი განათლების შესახებ“ საქართველოს კანონის 22-ე მუხლის პირველი პუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52- ე მუხლის პირველი და მე-3 ნაწილების, 53-ე მუხლის მე-3 ნაწილის, 54-ე მუხლის პირველი ნაწილის, 55-ე მუხლის, 56-ე მუხლის მე-2 და მე-3 ნაწილების, 57-ე მუხლის, საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული საჯარო სამართლის იურიდიული პირის - ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუნქტის ,,ა“, „ბ“ „ო“ და „პ“ ქვეპუნქტების, მე-9 პუნქტის, 42-ე მუხლის მე-2 პუნქტის, თსუ აკადემიური საბჭოს 2021 წლის 29 ივლისის N64/2021 დადგენილებით დამტკიცებული „სსიპ - ივანე ჯავახიშვილის სახელობის თბილისის სახელმწიფო უნივერსიტეტის პროფესიული საგანმანათლებლო პროგრამის სასწავლო პროცესის მარეგულირებელი წესი“-ის 37-ე მუხლის   მე-2 პუნქტის, სსიპ - ივანე ჯავახიშვილის სახელობის თბილისის სახელმწიფო უნივერსიტეტის პროფესიული განათლების ცენტრის ხელმძღვანელის 2022 წლის 02 დეკემბრის N31834/10 წარდგინების საფუძველზე,

ვ ბ რ ძ ა ნ ე ბ:

1. ჩაირიცხონ   პროფესიული   გადამზადების   პროგრამაზე   „ლაბორატორიული ჯანმრთელობა და უსაფრთხოება“ (მე-6 მიღება) აპლიკანტები დანართი №1 (თბილისი) შესაბამისად და მიენიჭოთ მსმენელის სტატუსი.
2. წინამდებარე ბრძანების პირველი პუნქტის საფუძველზე ჩარიცხული მსმენელების სასწავლო პროცესის ვადა განისაზღვროს 2022 წლის 06 დეკემბრიდან 2023 წლის 06
იანვრის ჩათვლით.
3. ბრძანების უნივერსიტეტის ოფიციალურ  ვებგვერდზე  განთავსება დაევალოს უნივერსიტეტის    საინფორმაციო       ტექნოლოგიების       დეპარტამენტს       პირთა მაიდენტიფიცირებელი მონაცემების გარეშე.
4. დაევალოს კანცელარიას ბრძანება განათავსოს ყველასათვის ხელმისაწვდომ ადგილზე მაიდენტიფიცირებელი მონაცემების გარეშე და გადასცეს შესაბამის სტრუქტურულ ერთეულებს.
5. ბრძანება ძალაშია გამოცემისთანავე.

რექტორის მოვალეობის შემსრულებელი, პროფესორი   ჯაბა სამუშია

2022-2023 სასწავლო წლის შემოდგომის სემესტრში დოქტორანტთა საუნივერსიტეტო დაფინანსების პროგრამის წინასწარი შედეგები

ფინანსდება შემდეგი კანდიდატები:

*საიდენტიფიკაციო კოდს წარმოადგენს პირადი ნომრის ბოლო სამი ციფრი

1. 065
2. 807
3. 374
4. 866

წინასწარი შედეგების გასაჩივრების ვადა: 8 დეკემბერი, 17.00 საათი

ფაკულტეტის კანცელარიის ელ-ფოსტა: chancellery.pes@tsu.ge

„უმაღლესი განათლების შესახებ” საქართველოს კანონის 22-ე მუხლის პირველი პუნქტის, 23-ე მუხლის პირველი პუნქტის, 24-ე მუხლის პირველი პუნქტის „ზ“ ქვეპუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი და მე-3 ნაწილების, 53-ე მუხლის მე-3 ნაწილის, 54-ე მუხლის პირველი ნაწილის, 55-ე მუხლის, 56-ე მუხლის მე-2 და მე-3 ნაწილების, 57-ე მუხლის, 63-ე მუხლის, საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული საჯარო სამართლის იურიდიული პირის - ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუნქტის ,,ა“ და ,,პ“ ქვეპუნქტების, მე-9 პუნქტის მე-15 მუხლის პირველი პუნქტის, მე-16 მუხლის პირველი პუნქტის ,,ა”, ,,ნ’’, ,,ო’’ და ,,პ” ქვეპუნქტებისა და უნივერისტეტის რექტორის 2022 წლის 26 ოქტომბრის N317/01-01 ბრძანების, უნივერსიტეტის სოციალურ და პოლიტიკურ მეცნიერებათა ფაკულტეტის სტუდენტების   ალექსანდრე გაბაშვილის და საბა ლოლაძის 2022 წლის 22 ნოემბრის N21428/10-02 განცხადების საფუძველზე,

ვ ბ რ ძ ა ნ ე ბ:

1. შეტანილ იქნას დამატება   ,,სსიპ - ივანე ჯავახიშვილის სახელობის თბილისის სახელმწიფო უნივერისტეტის ახალი სტუდენტური საერთო საცხოვრებლის მშენებლობის, ექსპლუატაციისა და ფუნქციონირებისათვის ფინანსური რესურსების ოდენობის გაანგარიშების (დადგენის) მიზნით სამუშაო ჯგუფის შექმნის შესახებ’’ რექტორის მოვალეობის შემსრულებლისა   და ადმინისტრაციის ხელმძღვანელის 2022   წლის 7 ნოემბრის N23/04 ერთობლივ ბრძანებაში და ბრძანებას, მისი პირველი პუნქტის ,,ჟ’’ ქვეპუნქტის შემდგომ დაემატოს შემდეგი შინაარსის  მქონე ,,რ’’ და ,,ს’’ ქვეპუნქტები:
,,რ)   ალექსანდრე   გაბაშვილი   -   უნივერსიტეტის   სტუდენტური   თვითმმართველობის პრეზიდენტის მოვალეობის შემსრულებელი, სოციალურ და პოლიტიკურ მეცნიერებათა ფაკულტეტის სტუდენტი - სამუშაო ჯგუფის წევრი;

ს) საბა   ლოლაძე   -   უნივერსიტეტის   სოციალურ   და   პოლიტიკურ   მეცნიერებათა ფაკულტეტის სტუდენტი- სამუშაო ჯგუფის წევრი.’’

2. ბრძანების   უნივერსიტეტის   ოფიციალურ   ვებგვერდზე   გამოქვეყნება   დაევალოს უნივერსიტეტის საინფორმაციო ტექნოლოგიების დეპარტამენტს.
3. დაევალოს    უნივერსიტეტის    კანცელარიას    ბრძანება    განათავსოს    ყველასათვის ხელმისაწვდომ ადგილზე და გადასცეს შესაბამის სტრუქტურულ ერთეულებსა და დაინტერესებულ პირებს.
4. ბრძანება ძალაშია გამოცემისთანავე.
5. წინამდებარე   ბრძანება   დაინტერესებული   პირის   მიერ   შეიძლება   გასაჩივრდეს კანონმდებლობით დადგენილი წესით, მისი ძალაში შესვლიდან   1 თვის ვადაში ქ. თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, №64).

რექტორის მოვალეობის შემსრულებელი, პროფესორი ჯაბა სამუშია
ადმინისტრაციის ხელმძღვანელი   ლაშა საღინაძე

,,უმაღლესი  განათლების შესახებ"  საქართველოს კანონის 22-ე მუხლის  პირველი პუნქტის, მე-9 პუნქტის, საქართველოს ზოგადი  ადმინისტრაციული კოდექსის 51-ე მუხლის  პირველი ნაწილის, 52-ე მუხლის  პირველი ნაწილის, 53-ე მუხლის  მესამე ნაწილის,   54-ე  მუხლის   პირველი  ნაწილის,   55-ე  მუხლის   პირველი  და  მე-2 ნაწილების,  56-ე  მუხლის   მე-2  და  მე-3  ნაწილების  და  57-ე  მუხლის   პირველი ნაწილის, საქართველოს განათლებისა და მეცნიერების  მინისტრის 2013 წლის 11 სექტემბრის #135/ნ ბრძანებით დამტკიცებული საჯარო სამართლის იურიდიული პირის - ივანე ჯავახიშვილის სახელობის თბილისის  სახელმწიფო უნივერსიტეტის წესდების  მე-14 მუხლის  პირველი პუნქტის, ამავე მუხლის  მე-8 პუნქტის "ა", ,,ბ”, ,,ო”, და "პ" ქვეპუნქტების, მე-9 პუნქტის და ევროკავშირის მიერ დაფინანსებული ერაზმუს მუნდუსის,  ტემპუსის და ერაზმუს პლიუსის საერთაშორისო კრედიტ- მობილობის და ინსტიტუციონალური განვითარების პროექტების ინსტიტუციონალური კოორდინატორის წერილის (N 30958/10; 24/11/2022) საფუძველზე.

ვ ბ რ ძ ა ნ ე ბ:

1.    ჩატარდეს კონკურსი 2022/2023 სასწავლო წლის გაზაფხულის სემესტრისთვის ევროკომისიის მიერ დაფინანსებული ერაზმუს+ საერთაშორისო კრედიტ-მობილობის პროგრამის ფარგლებში პარტნიორი კოტ დ’აზურის  უნივერსიტეტის მიერ თბილისის  სახელმწიფო უნივერსიტეტის სტუდენტებისათვის გამოყოფილი სტიპენდიის კანდიდატის შესარჩევად.
2.    კონკურსი ჩატარდეს 2022 წლის 25 ნოემბერს.
3.    დამტკიცდეს შესარჩევი საკონკურსო კომისია შემდეგი შემადგენლობით:

ა) ირაკლი   კახიძე,    თსუ     იურიდიული   ფაკულტეტის     ასოცირებული პროფესორი, კომისიის თავმჯდომარე;
ბ) მაკა ნუცუბიძე, თსუ  იურიდიული ფაკულტეტის  ასისტენტ პროფესორი, კომისიის წევრი;
გ) ბელა  ხაბეიშვილი,   თსუ   ჰუმანიტარულ  მეცნიერებათა   ფაკულტეტის პროფესორი, კომისიის წევრი;
4. დამტკიცდეს კომისიის  მდივნად  თსუ  საგარეო ურთიერთობათა  დეპარტამენტის მთავარი სპეციალისტი  - ანი თვალთვაძე.
5. დამტკიცდეს კონკურსის  ჩატარებისა  და  კანდიდატთა  შერჩევის  წესი  (დანართი №1).
6. ბრძანების   უნივერსიტეტის  ოფიციალურ   ვებ-გვერდზე    განთავსება  დაევალოს საინფორმაციო ტექნოლოგიების დეპარტამენტს.
7. წინამდებარე     ბრძანება     კანონმდებლობით     დადგენილი     წესით     გადაეცეს დაინტერესებულ  პირებს   და  შესაბამის   სტრუქტურულ  ერთეულებს   (საგარეო
ურთიერთობის      დეპარტამენტი,     შიდა     აუდიტის    სამსახური,საინფორმაციო ტექნოლოგიების დეპარტამენტი).
8. ბრძანება ძალაში შედის კანონმდებლობით დადგენილი წესით.

რექტორის მოვალეობის შემსრულებელი, პროფესორი ჯაბა სამუშია

ივანე ჯავახიშვილის სახელობის თბილისის სახელმწიფო უნივერსიტეტის 5 სტუდენტს დაუფინანსდა ერთი წლის სწავლის საფასური. სტუდენტების სწავლა ათონის წმინდა მთის ვატოპედის მონასტრის სახელით დაფინანსდა.   
 

„სხვადასხვა კრიტერიუმით შერჩეული 5 სტუდენტის სწავლის წლიური საფასური დააფინანსა ვატოპედის მონასტრის წინამძღვარმა არქიმანდრიტმა ეფრემმა. პირველ ეტაპზე 11 სტუდენტს დაუფინანსდა სწავლის საფასური. ეს მნიშვნელოვანი მხარდაჭერაა სტუდენტებისათვის,  რაც გარკვეულ სტიმულს მისცემს ჩვენს სტუდენტებს წარმატების მისაღწევად,“ - განაცხადა თსუ რექტორის მოვალეობის შემსრულებელმა ჯაბა სამუშიამ დაფინანსებულ სტუდენტებთან შეხვედრაზე.  
 

სტიპენდიებთან დაკავშირებულ საკითხებზე ათონის წმინდა მთის ვატოპედის მონასტრის წარმომადგენლის  გელა გელაძის თქმით, შესაძლოა, არქიმანდრიტი ეფრემი მომავალ წელსაც ეწვიოს საქართველოს და უნივერსიტეტს. „ვიმედოვნებ, რომ ყველა დაფინანსებული სტუდენტი უნივერსიტეტში მიღებულ ცოდნას ქვეყნის კეთილდღეობისთვის გამოიყენებს,“- აღნიშნა გელა გელაძემ. 
 

ვატოპედის მონასტრის წინამძღვარი, არქიმანდრიტი ეფრემი სექტემბერში საქართველოში ვიზიტის დროს თსუ-ში იმყოფებოდა, შეხვდა სტუდენტებს, საჩუქრად გადასცა წიგნები და გამოთქვა სტუდენტთა სწავლის დაფინანსების სურვილი. ამ დროისთვის 16 სტუდენტს დაუფინანსდა მიმდინარე სასწავლო წლის სწავლის საფასური.   

გამორჩეული სამეცნიერო და პედაგოგიური მოღვაწეობისთვის ივანე ჯავახიშვილის სახელობის თბილისის სახელმწიფო უნივერსიტეტის პროფესორებს  საპატიო ჯილდოები გადაეცათ. დაჯილდოების ღონისძიებას საქართველოს განათლებისა და მეცნიერების მინისტრი მიხეილ ჩხენკელი, თბილისის სახელმწიფო უნივერსიტეტის რექტორის მოვალეობის შემსრულებელი ჯაბა სამუშია, საქართველოს განათლების და მეცნიერების მინისტრის მოადგილე ნუნუ მიცკევიჩი, აკადემიური და სამეცნიერო წრეების წარმომადგენლები და სტუდენტები ესწრებოდნენ.
 

თბილისის სახელმწიფო უნივერსიტეტის საპატიო ჯილდო გადაეცათ: თსუ ჰუმანიტარულ მეცნიერებათა ფაკულტეტის ასოცირებულ პროფესორს ლადო მინაშვილს, თსუ ზუსტ და საბუნებისმეტყველო მეცნიერებათა ფაკულტეტის ასოცირებულ პროფესორს მერაბ გოგბერაშვილს, თსუ სოციალურ და პოლიტიკურ მეცნიერებათა ფაკულტეტის პროფესორს იოსებ სალუქვაძეს, თსუ ეკონომიკისა და ბიზნესის ფაკულტეტის ასოცირებულ პროფესორს თამარ ათანელიშვილს, თსუ იურიდიული ფაკულტეტის პროფესორს ნუგზარ სურგულაძეს, თსუ ფსიქოლოგიისა და განათლების მეცნიერებათა ფაკულტეტის ასოცირებულ პროფესორს მაია მესტვირიშვილს და თსუ მედიცინის ფაკულტეტის ასოცირებულ პროფესორს ზურაბ ჩხაიძეს. 
 

საქართველოს განათლებისა და მეცნიერების მინისტრმა მიხეილ ჩხენკელმა თსუ პროფესორებს მეცნიერების განვითარებაში შეტანილი განსაკუთრებული წვლილისთვის მადლობა გადაუხადა და მომავალ საქმიანობაში წარმატება უსურვა. „ივანე ჯავახიშვილის სახელობის თბილისის სახელმწიფო უნივერსიტეტი საქართველოში მეცნიერების მთავარი კერა გახლავთ, სადაც აღიზარდა ცნობილ მეცნიერთა არაერთი თაობა, რომლებმაც ჩვენ ქვეყანას მსოფლიო მასშტაბით გაუთქვეს სახელი. დღესაც ფასდაუდებელია თბილისის სახელმწიფო უნივერსიტეტის როლი მეცნიერების განვითარების საქმეში.“ - განაცხადა მიხეილ ჩხენკელმა.
 

თსუ რექტორის მოვალეობის შემსრულებლი ჯაბა სამუშიას თქმით, თბილისის სახელმწიფო უნივერსიტეტის პროფესორ-მასწავლებლებს უდიდესი წვლილი შეაქვთ მეცნიერების განვითარების საქმეში. „ჩვენი პროფესორები იმ ნაყოფიერი სამეცნიერო და პედაგოგიური საქმიანობისთვის დავაჯილდოვეთ, რასაც წლებია თბილისის სახელმწიფო უნივერსიტეტში ეწევიან. სწორედ თსუ მეცნიერების საქმიანობის შედეგია, რომ საქართველოს მსოფლიო მეცნიერებაში ღირსეული ადგილი უკავია. მინდა მადლობა გადავუხადო ჩვენს პროფესორ-მასწავლებლებს ფასდაუდებელი შრომისთვის, დარწმუნებული ვარ, მათი სამეცნიერო წარმატება კიდევ არაერთხელ წარმოაჩენს საქართველოს და თბილისის სახელმწიფო უნივერსიტეტს საერთაშორისო ასპარეზზე,“ - აღნიშნა ჯაბა სამუშიამ.
 

მეცნიერთა დაჯილდოების ცერემონია მეცნიერების საერთაშორისო დღის ფარგლებში გაიმართა, რომელიც UNESCO-ს ეგიდით 2001 წლიდან ყოველწლიურად აღინიშნება.

მოზარდობის კრიზისს და სოციალური და კულტურული კრიზისის გავლენას მოზარდებზე განიხილავენ საქართველოს, ბულგარეთისა და საფრანგეთის წარმომადგენლები ფსიქოლოანალიტიკურ კონფერენციაზე „მოზარდობის კრიზისი სოციალური და კულტურული კრიზისის კონტექსტში.“ ორდღიანი კონფერენცია ივანე ჯავახიშვილის სახელობის თბილისის სახელმწიფო უნივერსიტეტში გაიხსნა, რომელსაც თსუ ფსიქოლოგიისა და განათლების მეცნიერებათა ფაკულტეტის დეკანი თამარ გაგოშიძე, ფსიქოლოგიის მეცნიერებათა დოქტორი, თსუ პროფესორი მარინე ჩიტაშვილი, ასოციაცია ქართული ფსიქოანალიტიკური სივრცის დამფუძნებელი გიგა მამინაშვილი, ანთროპოლოგი, ფსიქოლოანალიტიკოსი საფრანგეთიდან ოლივიე დუვილი, ცნობილი ფსიქოლოგები, აკადემიური სფეროს წარმომადგენლები და სტუდენტები ესწრებოდნენ.

თსუ ფსიქოლოგიისა და განათლების მეცნიერებათა ფაკულტეტის დეკანის თამარ გაგოშიძის თქმით, კონფერენციის შინაარსი ძალიან აქტუალურია, რადგან მოზარდობის პერიოდს ეხება. „ფსიქოანალიტიკური კონფერენცია მოზარდობის ღრმა ფსიქოლოგიურ მექანიზმებს და ზოგადად, იმ საკითხებს ეხება, რომლებიც უნდა გავითვალისწინოთ როგორც ფსიქოლოგებმა, ასევე საზოგადოებამ. ძალიან დიდი მოლოდინები და იმედები მაქვს ამ კონფერენციიდან და ვაპირებთ მომავალშიც ვითანამშრომლოთ კონფერენციის ორგანიზატორებთან და ზოგადად, ეს მიმართულება განვავითაროთ ჩვენს ფაკულტეტზე,“ - განაცხადა თამარ გაგოშიძემ.

კონფერენციის ორგანიზატორები არიან: ასოციაცია ქართული ფსიქოანალიტიკური სივრცე; ასოციაცია Espace Analytique - Formation Psychanalytique Et De Recherche Freudienne (პარიზი); ასოციაცია ბულგარეთის ფსიქოანალიტიკური სივრცე (სოფია).   მასპინძელი: ივანე ჯავახიშვილის სახელობის თბილისის სახელმწიფო უნივერსიტეტი; ფსიქოლოგიისა და განათლების მეცნიერებების ფაკულტეტი; ფსიქოლოგიის დეპარტამენტი; პიროვნების, შეფასებისა და კონსულტირების ინსტიტუტი.   

ასოციაცია ქართული ფსიქოანალიტიკური სივრცის დამფუძნებლის გიგა მამინაშვილის ინფორმაციით, მოზარდობის კრიზისი საქართველოში გამწვავებულია სოციო-კულტურული და იდენტობის კრიზისით, რომელსაც ქართული საზოგადოება ამჟამად გადის. „კონფერენცია იმდენად არის აქტუალური, რამდენადაც თვითონ საკითხი - მოზარდობის კრიზისი. მოზარდობა არის კრიზისული პერიოდი, რომელიც გულისხმობს ტრანსფორმაციას - სოციო-კულტურულს, სხეულებრივს. დღევანდელი კონფერენცია, ერთი  მხრივ, ეხება ფსიქოანალიტიკური პრიზმიდან დანახულ მოზარდობის ასაკის ფსიქოპათოლოგიას, მეორე მხრივ, კი მისი კონტექსტუალიზაცია ხდება სოციო-კულტურული კრიზისის და კულტურული კრიზისის კონტექსტში,“ - აღნიშნა გიგა მამინაშვილმა.

2023 წლიდან თბილისის სახელმწიფო უნივერსიტეტში კლინიკური ფსიქოლოგიის განახლებული სამაგისტრო პროგრამა დაინერგება, რომლის ერთი სრული კურსი სწორედ ფსიქოანალიტიკურ მიმართულებასთან იქნება კავშირში. „დღევანდელი კონფერენციაც ფრანგული ფსიქოანალიტიკური სკოლის წამყვანი სპეციალისტების მოხსენებებისგან შედგება, ამიტომ ძალიან მნიშვნელოვანია ის ჩვენი ფაკულტეტისთვის, სტუდენტებისთვის. რაც შეეხება ჩვენს პროგრამას, განახლებული სამაგისტრო პროგრამა სხვა სამაგისტრო პროგრამებისგან განსხვავებით სამწლიანი იქნება და მესამე წელს  სტუდენტები სრულად კლინიკურ პრაქტიკას გაივლიან,“ - აღნიშნა თსუ ასოცირებულმა პროფესორმა ლილი ხეჩუაშვილმა.

„კონფერენციაზე განვიხილავთ მოზარდობის საკმაოდ რთულ, გამოწვევებით სავსე პერიოდს. ეს არის საკუთარი თავის ამოცნობის, წინააღმდეგობებით სავსე, რთული  პერიოდი. ფსიქოანალიტიკოსები სწორედ ამაზე მუშაობენ - როგორ შეუწყონ ხელი მოზარდებს და გადაალახინონ, დააძლევინონ ეს წინააღმდეგობები, აპოვნინონ საკუთარი თავი. ეს კონფერენციაც სწორედ ამ თემას ეძღვნება, დარწმუნებული ვარ, ბევრ სიახლეს გავიგებთ,“-  განაცხადა ფრანგმა ფსიქოლოანალიტიკოსმა ოლივიე დუვილმა.

მოზარდობა წარმოადგენს კრიზისს, რომელიც როგორც ფსიქოაფექტურ და სხეულებრივ, ასევე სუბიექტის სოციო-კულტურულ ტრანსფორმაციასა და დაფუძნების ურთულეს პროცესს გულისხმობს. მოზარდობის კრიზისი გარდა ღრმად სუბიექტური ფსიქიკური სტრუქტურაციისა დაკავშირებულია საზოგადოებაში არსებულ კრიზისთან და საზოგადოების სტრუქტურაციის რთულ პროცესთან, რომელსაც დღეს საქართველოში ვაკვირდებით. მოზარდობის კრიზისი საქართველოში სოციო-კულტურული და პოლიტიკური კრიზისით არის დუბლირებული, რაც მოზარდობას, როგორც ასაკს, და როგორც ფსიქიკურ პროცესს, სოციალურ სიმპტომადაც აქცევს. სწორედ აღწერილ კონტექსტში განიხილება მოზარდობა კონფერენციაზე.

,,უმაღლესი განათლების შესახებ" საქართველოს კანონის 22-ე მუხლის პირველი პუნქტის, მე-9 პუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი ნაწილის, 53-ე მუხლის მესამე ნაწილის, 54-ე მუხლის პირველი ნაწილის, 55-ე მუხლის პირველი და მე-2 ნაწილების, 56-ე მუხლის მე-2 და მე-3 ნაწილების და 57-ე მუხლის პირველი ნაწილის, საქართველოს განათლებისა და მეცნიერების მინისტრის 2013 წლის 11 სექტემბრის #135/ნ ბრძანებით დამტკიცებული საჯარო სამართლის იურიდიული პირის - ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, ამავე მუხლის მე-8 პუნქტის "ა", ,,ბ”, ,,ო”, და "პ" ქვეპუნქტების, მე-9 პუნქტის, მე-15 პუნქტის, ,,სსიპ - ივანე ჯავახიშვილის სახელობის თბილისის სახელმწიფო უნივერსიტეტის სტუდენტთა საერთაშორისო გაცვლით და მობილობის პროგრამებში მონაწილეობისათვის შერჩევის წესის დამტკიცების შესახებ” უნივერსიტეტის რექტორის 2021 წლის 31 მაისის N15/04 ბრძანებით დამტკიცებული სსიპ - ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო გაცვლით და მობილობის პროგრამებში მონაწილეობისათვის სტუდენტთა შერჩევის წესის მე-4 მუხლის მე-18 - 21-ე პუნქტების  და ევროკავშირის მიერ დაფინანსებული ერაზმუს მუნდუსის, ტემპუსის და საგარეო ურთიერთობათა დეპარტამენტის უფროსის წერილის (N
28360/10; 28/10/2022) საფუძველზე.

ვ ბ რ ძ ა ნ ე ბ:

1.ჩატარდეს  კონკურსი 2022/2023 სასწავლო წლის გაზაფხულის სემესტრისთვის   თსუ-ს   ორმხრივი თანამშრომლობის   ხელშეკრულების ფარგლებში    პარტნიორი    ვარშავის    უნივერსიტეტის    მიერ    თბილისის სახელმწიფო    უნივერსიტეტის       სტუდენტებისათვის       გამოყოფილი სტიპენდიების კანდიდატთა შესარჩევად.
2. კონკურსი ჩატარდეს 2022 წლის 31 ოქტომბერს.
3. დამტკიცდეს შესარჩევი საკონკურსო კომისია შემდეგი შემადგენლობით:
ა) ხათუნა მარწყვიშვილი თსუ ფსიქოლოგიისა  და  განათლების მეცნიერებათა ფაკულტეტის დეკანის მოადგილე, კომისიის თავმჯდომარე; ბ)  გიორგი  მელიქიძე,  თსუ  სოციალურ  და  პოლიტიკურ  მეცნიერებათა ფაკულტეტის ასისტენტ პროფესორი, კომისიის წევრი;
გ) ირაკლი   კახიძე,   თსუ   იურიდიული   ფაკულტეტის   ასოცირებული პროფესორი, კომისიის წევრი;
4. ნათია კალანდაძე, საგარეო ურთიერთობათა დეპარტამენტის მთავარი სპეციალისტი, კომისიის მდივანი;
დამტკიცდეს    კომისიის     მდივნად     თსუ     საგარეო     ურთიერთობათა დეპარტამენტის მთავარი სპეციალისტი - ნათია კალანდაძე.
5. კომისიას    დაევალოს    თავისი    საქმიანობა    წარმართოს    მოქმედი კანონმდებლობისა და ,,სსიპ - ივანე ჯავახიშვილის სახელობის თბილისის სახელმწიფო უნივერსიტეტის სტუდენტთა საერთაშორისო გაცვლით და მობილობის პროგრამებში მონაწილეობისათვის შერჩევის      წესის დამტკიცების შესახებ” უნივერსიტეტის რექტორის 2021 წლის 31 მაისის N15/04 და 22 დეკემბრის 33/04 ბრძანებებით დამტკიცებული სსიპ - ივანე ჯავახიშვილის სახელობის    თბილისის სახელმწიფო    უნივერსიტეტის საერთაშორისო გაცვლით        და          მობილობის          პროგრამებში მონაწილეობისათვის სტუდენტთა შერჩევის წესის საფუძველზე.
6. ბრძანების   უნივერსიტეტის   ოფიციალურ   ვებ-გვერდზე   განთავსება დაევალოს    საინფორმაციო ტექნოლოგიების დეპარტამენტს.
7. წინამდებარე ბრძანება კანონმდებლობით დადგენილი წესით გადაეცეს დაინტერესებულ    პირებს    და    შესაბამის    სტრუქტურულ    ერთეულებს (საგარეო ურთიერთობათა დეპარტამენტი, შიდა აუდიტის სამსახური, საინფორმაციო ტექნოლოგიების დეპარტამენტი).
8. ბრძანება ძალაში შედის კანონმდებლობით დადგენილი წესით.

რექტორის მოვალეობის შემსრულებელი      ჯაბა სამუშია

აბუ დაბიში დაგეგმილი “Future Sustainability Leaders (FSL) Program” , გათვალისწინებულია 19-35 წლის ასაკის პირებისთვის, რომლებიც ფლობენ ბაკალავრის ხარისხს ან არიან სტუდენტები.
განაცხადის წარდგენის ბოლო ვადაა: 2022 წლის 6 ნოემბერი.

დაინტერესებულ პირებს შეუძლიათ დამატებითი ინფორმაციის მოძიება ბმულზე:
https://tinyurl.com/535yh9y2
შეკითხვების შემთხვევში შეუძლიათ, მიმართონ საკონტაქტო პირს: Shaikha Al Teneiji
ელ-ფოსტაზე: saltenaiji@masdar.ae
დეტალური ინფორმაციისთვის იხილეთ. 
 

რუმინეთის მთავრობა 2022-2023 აკადემიური წლისათვის აცხადებს კონკურსს "Eugen Ionescu"-ს კვლევითი და სადოქტორო სტიპენდიების მოსაპოვებლად.

დამატებითი ინფორმაცია წარმოდგენილია შემდეგ ვებ-გვერდზე.

,,უმაღლესი განათლების შესახებ" საქართველოს კანონის 22-ე მუხლის პირველი პუნქტის, მე-9 პუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი ნაწილის, 53-ე მუხლის მესამე ნაწილის, 54-ე მუხლის პირველი ნაწილის, 55-ე მუხლის პირველი და მე-2 ნაწილების, 56-ე მუხლის მე-2 და მე-3 ნაწილების და 57-ე მუხლის პირველი ნაწილის, საქართველოს განათლებისა და მეცნიერების მინისტრის 2013 წლის 11 სექტემბრის #135/ნ ბრძანებით დამტკიცებული საჯარო სამართლის იურიდიული პირის - ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, ამავე მუხლის მე-8 პუნქტის "ა", ,,ბ”, ,,ო”, და "პ" ქვეპუნქტების, მე-9 პუნქტის, მე-15 პუნქტის, ,,სსიპ - ივანე ჯავახიშვილის სახელობის თბილისის სახელმწიფო უნივერსიტეტის სტუდენტთა საერთაშორისო გაცვლით და მობილობის პროგრამებში მონაწილეობისათვის შერჩევის წესის დამტკიცების შესახებ” უნივერსიტეტის რექტორის 2021 წლის 31 მაისის N15/04 ბრძანებით დამტკიცებული სსიპ - ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო გაცვლით და მობილობის პროგრამებში მონაწილეობისათვის სტუდენტთა შერჩევის წესის მე-4 მუხლის მე-
18 - 21-ე პუნქტების  და ევროკავშირის მიერ დაფინანსებული ერაზმუს მუნდუსის, ტემპუსის და საგარეო ურთიერთობათა დეპარტამენტის უფროსის წერილის (N 27979/10; 26/10/2022) საფუძველზე.

ვ ბ რ ძ ა ნ ე ბ:

1. ჩატარდეს კონკურსი 2022/2023 სასწავლო წლის  გაზაფხულის სემესტრისთვის ევროკომისიის მიერ დაფინანსებული ერაზმუს+ საერთაშორისო  კრედიტ-მობილობის  პროგრამის  ფარგლებში  პარტნიორი ლიმერიკის უნივერსიტეტის მიერ თბილისის სახელმწიფო უნივერსიტეტის სტუდენტებისათვის გამოყოფილი სტიპენდიის კანდიდატის შესარჩევად.
2.კონკურსი ჩატარდეს 2022 წლის 27 ოქტომბერს.
3. დამტკიცდეს შესარჩევი საკონკურსო კომისია შემდეგი შემადგენლობით:
ა)  ხათუნა    მარწყვიშვილი,    თსუ    ფსიქოლოგიისა    და    განათლების მეცნიერებათა ფაკულტეტის დეკანის მოადგილე, კომისიის თავმჯდომარე; 
ბ)  ეკატერინე    ფირცხალავა,    თსუ    ფსიქოლოგიისა    და    განათლების მეცნიერებათა ფაკულტეტის ასოცირებული პროფესორი, კომისიის წევრი;
გ)  რუსუდან  დოლიძე,  თსუ  ჰუმანიტარულ  მეცნიერებათა  ფაკულტეტის ასოცირებული პროფესორი, კომისიის წევრი;
4. დამტკიცდეს   კომისიის   მდივნად   თსუ   საგარეო   ურთიერთობათა დეპარტამენტის მთავარი სპეციალისტი - ნათია კალანდაძე.
5. კომისიას    დაევალოს    თავისი    საქმიანობა    წარმართოს    მოქმედი კანონმდებლობისა და ,,სსიპ - ივანე ჯავახიშვილის სახელობის თბილისის სახელმწიფო უნივერსიტეტის სტუდენტთა საერთაშორისო გაცვლით და მობილობის    პროგრამებში      მონაწილეობისათვის      შერჩევის      წესის დამტკიცების შესახებ” უნივერსიტეტის რექტორის 2021 წლის 31 მაისის N15/04 და 22 დეკემბრის 33/04 ბრძანებებით დამტკიცებული სსიპ - ივანე ჯავახიშვილის        სახელობის    თბილისის    სახელმწიფო    უნივერსიტეტის საერთაშორისო            გაცვლით          და          მობილობის          პროგრამებში მონაწილეობისათვის სტუდენტთა შერჩევის წესის საფუძველზე.
6. ბრძანების   უნივერსიტეტის   ოფიციალურ   ვებ-გვერდზე   განთავსება დაევალოს    საინფორმაციო ტექნოლოგიების დეპარტამენტს.
7. წინამდებარე ბრძანება კანონმდებლობით დადგენილი წესით გადაეცეს დაინტერესებულ    პირებს    და    შესაბამის    სტრუქტურულ    ერთეულებს (საგარეო    ურთიერთობის         დეპარტამენტი,         შიდა აუდიტის სამსახური,საინფორმაციო ტექნოლოგიების დეპარტამენტი).
8.   ბრძანება ძალაში შედის კანონმდებლობით დადგენილი წესით.

რექტორის მოვალეობის შემსრულებელი             ჯაბა სამუშია
 

,,უმაღლესი განათლების შესახებ’’ საქართველოს კანონის 22-ე მუხლის პირველი პუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52- ე მუხლის პირველი და მე-3 ნაწილების, 53-ე მუხლის მე-3 ნაწილის, 54-ე მუხლის პირველი ნაწილის, 55-ე მუხლის, 56-ე მუხლის მე-2 და მე-3 ნაწილების, 57-ე მუხლის, ,,საჯარო სამართლის იურიდიული პირის ივანე ჯავახიშვილის სახელობის თბილისის სახელმწიფო უნივერსიტეტის წესდების დამტკიცების თაობაზე’’ საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუნქტის ,,ა“ და ,,პ“ ქვეპუნქტების, მე-9 პუნქტის საფუძველზე,

ვ ბ რ ძ ა ნ ე ბ:

1.სსიპ - ივანე ჯავახიშვილის სახელობის თბილისის სახელმწიფო უნივერისტეტის (შემდგომში - ,,უნივერისტეტი“) ახალი სტუდენტური საერთო საცხოვრებლის მშენებლობისა და შემდგომი ფუნქციონირების მიზნებიდან გამომდინარე მიზანშეწონილად ჩაითვალოს უნივერისტეტის ადმინისტრაციის ხელმძღვანელის მიერ უნივერიტეტის რექტორთან ერთობლივად გატარდეს შემდეგი საორგანიზაციო ღონისძიებები:

ა) შეიქმნას სამუშაო ჯგუფი (შემდგომში - ,,სამუშაო ჯგუფი“), უნივერსიტეტის საკუთრებასა და სარგებლობაში არსებულ ტერიტორიაზე, ახალი საერთო საცხოვრებლის ადგილმდებარეობის შერჩევის მიზნით;
ბ) სამუშაო ჯგუფი დაკომპლექტდეს უნივერსიტეტის ადმინისტრაციის ხელმძღვანელობითი უფლებამოსილების მქონე პირის,  უნიევრსიტეტის სტუდენტებისა და აკადემიური პერსონალის, აგრეთვე უნივერსიტეტის ადმინისტრაციის საფინანსო და მატერიალური რესურსების მართვის დეპარტამენტების წარმომადგენლებისაგან;
გ) სამუშაო ჯგუფს მიენიჭოს უფლებამოსილება თავის ფუნქციათა განხორციელების პერიოდში    მოითხოვოს   შესაბამისი   კომპეტენციისა   და   უფლებამოსილების   მქონე სპეციალისტის/ექსპერტის კანონმდებლობით დადგენილი წესით მოწვევა, სათანადო კვალიფიციური განმარტებებისა და დასკვნების გაცემის მიზნით.

2.ბრძანების    უნივერსიტეტის    ოფიციალურ    ვებგვერდზე    განთავსება    დაევალოს უნივერსიტეტის საინფორმაციო ტექნოლოგიების დეპარტამენტს.
3.დაევალოს    უნივერსიტეტის    კანცელარიას    ბრძანება    განათავსოს    ყველასათვის ხელმისაწვდომ ადგილზე და გადასცეს შესაბამის სტრუქტურულ ერთეულებსა და დაინტერესებულ პირებს.
4. ბრძანება ძალაშია გამოცემისთანავე.
5.წინამდებარე   ბრძანება   დაინტერესებული   პირის   მიერ   შეიძლება   გასაჩივრდეს კანონმდებლობით დადგენილი წესით, მისი ძალაში შესვლის დღიდან 1 თვის ვადაში ქ. თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, №64).

რექტორის მოვალეობის შემსრულებელი            ჯაბა სამუშია