პროგრამის დასახელება: ეკოლოგია

პროგრამის ხელმძღვანელები:

მაკა მურვანიძე, პროფესორი/კოორდინატორი
გურამ ქუთელია, ასოცირებული პროფესორი
ვაჟა ტრაპაიძე, ასოცირებული პროფესორი
გიორგი მახარაძე, ქიმიის მეცნიერებათა დოქტორი
სიმონ წერეთელი, ემერიტუსი 

პროგრამის მიზანი

საბაკალავრო პროგრამის მიზანია მისცეს სტუდენტს ისეთი ცოდნა და უნარ-ჩვევები, რომელთა გამოყენებაც შესაძლებელია გარემოზე ბუნებრივი და ტექნოგენური ზემოქმედების გასაცნობიერებლად, მათი ანალიზისა და მოსალოდნელი შედეგების შესაფასებლად.

პროგრამაზე დაშვების წინაპირობა: ერთიანი ეროვნული გამოცდები

ძირითადი სპეციალობის არჩევის პირობა:

ერთიანი მიღების შემთხვევაში კრედიტის მიღება სასწავლო კურსებში:

ბიოლოგიის შესავალი,  ქიმიის შესავალი, ფიზიკის შესავალი, გეოგრაფიის შესავალი.

სწავლის შედეგი

ცოდნა და გაცნობიერება:

•  ეკოლოგიის ბიოლოგიური, გეოგრაფიული, გეოლოგიური, ფიზიკური და ქიმიური საფუძვლების  ცოდნა;
•  ეკოლოგიურ მონაცემთა ანალიზისათვის საჭირო მათემატიკისა და ინფორმატიკის საფუძვლების ცოდნა;
•  ეკოსისტემების სტრუქტურის, ბიოგეოგრაფიისა და ბიომრავალფეროვნების ურთი- ერთკავშირის ცოდნა და მათი მიმართება კლიმატთან, ნიადაგთან, ლითოსფეროსთან, ჰიდრო და გეოსფეროსთან,  პალეოეკოლოგიურ  და ევოლუციურ ფაქტორებთან;
•  ცოცხალი  და  არაცოცხალი  ბუნების  ურთიერთდამაკავშირებელი  გეოგრაფიული მიდგომების ცოდნა;
•  გარემოში მიმდინარე ფიზიკური პროცესების არსის ცოდნა და მისი კავშირი ეკოლოგიასთან;
• გარემოს ობიექტების (ატმოსფერო, ჰიდროსფერო, ნიადაგები) ფონური ქიმიური შემადგენლობის, ბუნებრივი თუ ანთროპოგენური ფაქტორების გავლენით მათი ცვალებადობის მიზეზების და მასშტაბების, გარემოში მოხვედრილი ნორმირებული ნივთიერებების კონტროლის თანამედროვე მეთოდების ცოდნა.

ცოდნის  პრაქტიკაში  გამოყენება/პრაქტიკული  უნარები

ბაკალავრიატის კურსდამთავრებული მიღებული ცოდნის საფუძველზე შესძლებს:

•  არსებული ეკოქიმიური და ეკოფიზიკური ინფორმაციის მოპოვებას და ანალიზს; საკონტროლო პუნქტებში და/ან რეგიონში შექმნილი ეკოქიმიური ვითარების ობექტურ შეფასებას გარემოს ქიმიური და ფიზიკური დაბინძურების წყაროების დადგენას, მათი გავლენის აცილების/შემცირების მეთოდის შერჩევას;
•  დარღვეული ლანდშაფტების აღდგენის მეთოდების შერჩევას;
•  პირველყოფილი სახით შემორჩენილი მცენარეული საფრის და მასთან დაკავშირებული ფაუნის შემდგომი განაკრძალების მეთოდების შერჩევას;
•  დეგრადირებული მცენარეული საფრისა და მასთან მოწყვლადი ცხოველთა სამყაროს აღდგენის მეთოდების შერჩევას.

დასკვნის უნარი

•   მონაცემების შეგროვების, მიღებული შედეგების ანალიზის და დასაბუთებული დასკვნის ჩამოყალიბების უნარი;
•  პრობლემის იდენტიფიცირების, დასმისა და გადაწყვეტის უნარი;
•   გააზრებული გადაწყვეტილების მიღების უნარი.

კომუნიკაციის უნარი

•   საინფორმაციო და საკომუნიკაციო ტექნოლოგიების გამოყენების უნარი სხვადასხვა წყაროდან  ინფორმაციის  მოძიების,  დამუშავების  და  სათანადო  დონეზე  პრე- ზენტაციის მიზნით;
•  მსჯელობისა და მისგან გამომდინარე დასკვნების ნათლად, ზუსტად და ადრესატისათვის  მისაღები  ფორმით  მიწოდების  უნარი  დარგის  სპეციალისტებისათვის და/ან სხვა დარგის წარმომადგენლებისათვის. სწავლის უნარი
•  ვერბალური და წერილობითი ინფორმაციის აღქმის უნარი;
•  ცოდნის სისტემური სრულყოფის საჭიროების გაცნობიერების უნარი;
•   გუნდში მუშაობის უნარი.

ღირებულებები

•   პროფესიული ეთიკის სტანდარტების დაცვა;
•    სიტუაციის ობიექტური შეფასების უნარი.

საბაკალავრო პროგრამის კურსდამთავრებულების შესაძლო დასაქმების სფეროებია:

• გარემოს დაცვის, ჯანდაცვის, კვების,  სასოფლო-სამეურნეო და სხვა მომიჯნავე პროფილის საწარმოები;
• შესაბამისი პროფილის სამათავრობო და არასამთავრობო ორგანიზაციები;
• სასწავლო, სამეცნიერო  და კვლევითი დაწესებულებები,
• შესაბამისი პროფილის ლაბორატორიები.