წარმოდგენილი მონოგრაფია შესრულებულია ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის ეკონომიკური და სოციალური სტატისტიკის კათედრაზე. მასში განხილულია დემოგრაფიული სტატისტიკის აქტუალური და პრობლემური თემა - შობადობა და მისი ეთნიკური და რეგიონული ასპექტები. გამოყენებულმა უხვმა სტატისტიკურმა ინფორმაციამ, ეთნიკურ-რეგიონული ასპექტების გარდა, მოვლენის მრავალმხრივი შესწავლის საშუალება მოგვცა, რის საფუძველზეც მივიღეთ რიგი მეცნიერული და პრაქტიკული სიახლეები და ახლებურად შევაფასეთ უკვე ჩამოყალიბებული შეხედულებები. იმავდროულად, უნდა აღვნიშნოთ, რომ საქართველოში შობადობასთან დაკავშირებული რიგი საკითხებისა მონოგრაფიაში პირველადაა განხილული.

მონოგრაფია დიდ დახმარებას გაუწევს როგორც მეცნიერ, ისე პრაქტიკოს სტატისტიკოსებსა და დემოგრაფებს, სოციოლოგებს, აგრეთვე აღნიშნული საკითხებით დაინტერესებულ ფართო საზოგადოებას. ნაშრომი შეიძლება გამოყენებულ იქნეს თსუ ეკონომიკისა და ბიზნესის ფაკულტეტზე დემოგრაფიული სტატისტიკის, რეგიონული დემოგრაფიული და სოციალური სტატისტიკის და მოსახლეობის სტატისტიკის კურსების სწავლებისას.