FACULTY OF EXACT AND NATURAL SCIENCES
FACULTY OF HUMANITIES
FACULTY OF SOCIAL AND POLITICAL SCIENCES
FACULTY OF PSYCHOLOGY AND EDUCATIONAL SCIENCES
FACULTY OF ECONOMICS AND BUSINESS
FACULTY OF MEDICINE
FACULTY OF LAW
ივანე ჯავახიშვილის სახელობის თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტის ქიმიის სასწავლო/სამეცნიერო ლაბორატორიებში საქართველოს სხვადასხვა ქალაქიდან და რაიონიდან მოწვეული საშუალო სკოლების ქიმიის პედაგოგებისთვის ამერიკის ქიმიური საზოგადოების „ვორქშოფი ქიმიაში მასწავლებლებისთვის“ გაიმართება.
ვორქშოფი პარალელურ რეჟიმში მიმდინარე 3 სხვადასხვა სესიას აერთიანებს:
- ზოგადი და არაორგანული ქიმია;
- ორგანული და ბიოქიმია;
- ფიზიკური და ანალიზური ქიმია;
ღონისძიების ფარგლებში საშუალო სკოლების ქიმიის პედაგოგები სხვადასხვა ქიმიურ ექსპერიმენტში ჩაერთვებიან და უმაღლესი საერთაშორისო სტანდარტებით აღჭურვილ თსუ ლაბორატორიებში დამოუკიდებლად იმუშავებენ. ვორქშოფს თსუ ქიმიის ინგლისურენოვანი საკალავრო პროგრამის ქიმია/ბიოქიმია აკადემიური პერსონალი წარმართავს, რომელსაც გადამზადება სან დიეგოს სახელმწიფო უნივერსიტეტში (აშშ, კალიფორნია) აქვს გავლილი.
ღონისძიების ორგანიზატორია თსუ ზუსტ და საბუნებისმეტყველო მეცნიერებათა ფაკულტეტი, ამერიკის ქიმიური საზოგადოების (ACS) საქართველოს საერთაშორისო წარმომადგენლობა და ამერიკის ქიმიური საზოგადოების საქართველოს სტუდენტური წარმომადგენლობა სან დიეგოს სახელმწიფო უნივერსიტეტი. ვორქშოფი ACS-ის მიერ დაარსებული საინფორმაციო კამპანიის „ქიმიკოსები აღნიშნავენ დედამიწის კვირეულს“ ეგიდით იმართება.
ვორქშოფზე რეგისტრაციისთვის, მიჰყევით ბმულს.